الوسم: العملية

هلا بنات اشحالكم ..

خواتي انا معرسة من سنة وشهرين .. وحملت مرتين بس الله ماكتب يكتمل الحمل وسقطت في الشهر الثاني .. يوم سرت فحصت قالتلي الدكتورة انه عندج الرحم ع شكل قلب.. يعني في جدار في النص مخلي الرحم قسمين .. ويسمونه الرحم ذو القرنين.. ولازم انسويلج منظار ونشل الجدار اللي في النص لانه هو السبب اللي يخلي الجنين ما يكبر ويتوقف عن النمو ..

فبلييييييييييييييز بنات ابغي مستشفى زيييييين .. اسوي فيه المنظار لانكم اتعرفون انه الرحم مكان حساس .

ودعو لي خواتي في ها الشهر الفضيل بالذرية الصالحة .. لانه ريلي خاطره بياهل صغير يفرحني ويفرحه ..

الله يعوضج ان شاالله..

والله ماعندي فكره عن المستشفيات ..

ان شاالله البنات يفيدونج ..

انزين ماحددتي اي امارة انتي؟؟

عاااادي اختي انا من دبي .. واذا عندج في الشارجة بعد اوكي.. وتسلمين الغالية ..

الله يرزقج بحمل سليم عاجل غير آجل..
والله يشافي ويعافي جميع المسلمين ..اللهم آميييين …

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين

ماعندي فكره فديتج .. وربي يرزقج الذريه الصالحه ويرزق كل محرومه يارب

السلام عليكم. و رحمة الله و بركاته

اشحالكن خواتي

الحقوا علي والله مب قادرة اتنفس من الوجع اللي فيني .. عندي الياف فالرحم كبيرة اشوية و مسببتنلي اوجاع فظيعة الله لا يبليكم … لا اعرف ارقد و لا ايلس و لا حتى اسوي رياضة … البندول صار عندي شيء روتيني و كرهت حياتي و عندي احباط … كذا دكتور قاللي لازم عملية ازيل فيها الالياف و انا من الله ابي العملية اليوم قبل باجر بس دخيلكم ساعدوني ابي دكتورة فدبي شاطرة و عندها خبرة بالامور دخيلكم خبروني و اللي سوت العملية اتقوللي عند منو سوت .. ضروري الدكتورة تكون شاطرة و في دبي و افضل عيادة خاصة .. فكرت بمدكير اللي فجميرا عند دكتورة لوثرا شو رايكم؟ ساعدوني الله يجزيكم كل خير والله محتاجتكم وايد و اللي بتساعدني والله لادعيلها من كل قلبي

تعبت من المعاناة خبروني وين. اسير و عند منو

اتريا ردودكم حبيباتي

جزاكم الله كل خير

يااارب ياكريم ياشافي اشفي اختي بنت توتا الشفاء العاجل وامنحها الصحه والعافيه واشفي كل مريض ياارب

حبيت ادعيلج انه الله يخفف عليج وان شاء الله تحصلين حد يفيدج

شوفي فى قسم تاخر الحمل فيه وحده كاتبه عن تليف الرحم وانها سوت عمليه

هذا هو الموضوع اساليها يمكن راح تفيدج اكثر

https://forum.uaewomen.net/showthread.php?t=1104602

مشكورين حبيباتي والله ما تقصرون امين يا رب امييييين

اتريا ردودكم باقي العضوات لا تخذلوني

اعرف وحده سوتها في بانكوك والحمدلله يوم ردت مافيها شي
بس هني فالبلاد انا احس المستشفي الامريكي أأمن مكان للعمليات او شوفي السعودي الالمانى

الامريكي في بانكوك ممتاز
وعندج الدكتوره كاميليا ممتازه

مرحبا

عندي اخت متزوجة بالعين وتستفسر عن العملية القيصرية

هي محتارة بين مستشفى توام او مستشفى الجيمي

وخاطرها اذا وحدة مجربة المكانين تخبرنا وتفيدنا بلــــــــــــــــــــــــــــــــــــــــــــــــ ــــــــــــــــــــــــــــــــــــــــــــــيز

ومشكورين

اختي الغاليه ربي يقوم اختك بالسلامه و تقر عينها بشوفة ضناها
انا ما جربت بس اختي الكبيره كل ولاداتها قيصريه بس كلهم في مستشفى الامارات الدولي في العين و صراحه ما عليهم كلام من اهتمام و عناية بالام و الطفل

هلا الغالية يارب يسهل عليها وعلى كل حامل امين

بعض معارفنا مربيات قيصرية في توام والحمدلله كل شي بخير

وخلها تستخير تتوكل على الله ويارب يسهل اللي فيه الخير

وما عندي فكرة عن مستشفيات ثانية بصراحة

الله يقومها بالسللامه يارب هي وطفلها…
انا ينات خالتي يسون قيصريه فالتوام بصراحه مب زيينين … ويتمن يعانن من العمليه 3شهور كاااامله .. غير هذا لازم مكان العمليه يلتهب ويطلع مد.
ودايما الدكتورات فالعيادات اذا الحامل احتاجت قيصريه يقوللها روحي الجيمي احسن.

ربي يقومها لكم بالسلامة
اناا الصراحة ما عندي فكرة بس حرمة اخوي
تشتغل ف الجيمي لاكن و لا مرة ربت عندهم
كله ف التوام و تمدحه ما شاءالله عليها عندها 4 بيبيات
كلهم عملية و لا مره اشتكت و الله ايسر اموركم

ربي يقومها لكم بالسلامة

ربنا معاها

حطي ايدين بو خيله عشات يلأم الجرح بسرعة

اما عن الاغذية ما اعرف

تسلمين الغالا ..

والله ما أدري ,,,,,,,,,,

بس سوي بحث في قوقل

ماعرف ولله كان خاطريه اساعدج اسمحيلي

السلام عليكم
واشحالكم بنات
حبيت اعرف منكم او من غيركم منو احملت بعد العملية القيصرية بس 6 شهور وربت عقبها طبيعي
ياليت تفيدووووووووووووووووووووني
اترياكم

ست شهور ماعندي
بس في وحده حملت يوم خذت سنه
والحمد لله ولدت طبيعي

مشكوره مدللله على مرورج

الله يسهل عليييييييييج ويرزق كل محروومهـ عاجل غير آجل يارب العالمين..

مشكوره اختي على ردج بس انا بعدني ماحملت
بس الدكتوره قالت لي اذا تبغين تحملين عقب 6 شهور
الله يسهل على كل حامل

انا حملت بعد 6شهور تقريبا او 7 بس بعدني ما ربيت ادعيلي الله يخليك اولد طبيعي بس الدكاترة قالو عادي ممكن الوحدة تربي طبيعي بس ما يقدرون يعطونها طلق صناعي يعني هي وشطارتها لازم تحاول وان شاء الله ربنا يسهل ع الجميع بس اذا عاملة قيصري مرتين المرة الثالثة اكييييييييييييد بتكون قيصري بس مرة وحدة قيصري بيعطوكي فرصة لولادة طبيعية والله يسهل للجميع وما تنسيني الله يخليك ادعيلي ولادتي قربت………………………..

انا حرمة اخويه ربت طبيعي عقب القيصري ب 11 شهر

السلام عليكم خواتي..

عندي كمن استفسار واتمنى اني القى الجواب عند المجربات..

انا سويت عملية التضويق(( داخلية وخارجيه)) والحمدالله ما حسيت بالالم مووووليه..

والحين كملت 9 ايام من سويتها.. المهم..وهذا هو السؤال ..

هل يختلف الالم بين حرمه والثانيه؟؟..
يعني اعرف وحده سوتها بعد بس تقول فيه شوية الم.. انا حسيت بالالم بس مش مثل ما خبروني عنه .. وانا طبيعة جسمي يتحمل الالم الحمدالله..

بس خايفه انه العمليه ما نجحت لاني من 5 يوم تحركت شوي .. بس ببطء وحذر..

الله ايخليكم طمنوووني وكيف اعرف انه العملية نجحت؟؟
وشو الاشياء الي لازم اسويها عشان اطيح الخيوط بسرعه؟؟
وبالنسبة للخيوط.. كيف اعرف انه هذي الخيوط من النوع الي اتذوب بروحها او اطيح؟؟

انا استخدم مطهر وكريم ومضاد حيوي وصفته لي الدكتووره عشان ما تلتهب الخياطه.. بس بعدني خايفه..

وعندي سؤال ثاني .. وهذا لاختي.. منو ايعرف عن العملية التجميلية بس الي بالليز.. يعني اي عيادة اتوسويها وشو الفرق بينها وبين الخياطه العاديه..

الله ايخليكم جاوبوني!! لانه دكتورتي سافرت وبترجع بعد فتره طويله وانا محتاسه مب عارفه شو اسوي…

حبيبتي ماعندي اي فكره وعندي سؤال انا هههه
وين سيويتي

………………….

ان شا الله يردون عليج

ماعندي فكره فديتج ..

بيفيدونج باقي الخوات ان شاء الله

شكرااااااااااا

بعدني اترياها الي بتريح بالي ^_*

بعد كم ياهل سويتيها ؟ ووين

حبيبتى انا سويتها مرتين هيه خيوط اطيح اجوفينهن اول اسبوع يتم الالم وتاخذين الادويه ومع مطهر تنظفينه وبعدين ايروح بس شرط ما يصير الجماع الا بعد شهر انا سويتها عند الدكتوره ناديه مع تخدير كامل كنت وايد خايفه

ثانكس عالموضوع

مرحبا أخواتي
تذكرون قصتي مع الورم الي ورا أذني الحمدالله سافرت الى ألمانيا
وأنا في ألمانيا اللحين والحمدالله سويت العملية وشليت الغدة وبرجع الأمارات بعد يومين والحمدالله نجحت العملية 100% بدون أي مخاطر
بس بصراحه دكاترة الامارات ما يعرفون شي ابدا00اتخيلوا انهم كانوا بياخذون عينه من الغدة والبرفسور الألماني شو قالي لو خذوا عينه لو طلعتلج غدة في مكان ثاني لكن الحمدالله اني رفضت انهم ياخذون عينه00
وبصراحه عندهم اهتمام بالمريض بشكل كبير وفاهمين شو يقولون ويشخصون الحالة حتى بدون ما يشوفون حتى ألأشعه وفي الامارات ذبحوني من الأشعات هاي الخطيره 00ولفيت على كم برفسور قالولي نفس الكلام تقولون متفقين حتى طريقة الجرح ولف الشاش قالولي اياه ويطمنونج بشكل فظيع وقالولي اللي انتي خايفة منه ما بيستوي وواثقين من كلامهم بس الحمدالله رب العالمين اتوكلت على الله وسويت العمليه وأنا اللحين بصحه وعافية الحمدالله00

الحمدلله على السلامة الغالية……

تردين بالسلامة …………….أجر وعافية

يالله الحمدالله على السلامه وتردين مثل ما كنتي واحسن

الحمدالله على السلامه و ما تشوفين شر

الحمدلله ع سلاااااااااامتج
انا فعلا قريت موضوعج بس وايد غمضتيني
ع العموم سلاااااااااااامتج

الحمد لله على السلامه ختيه….

والله صدقج يالغاليه ما يعرفوون شي .. انا مثلج ولا زلت مستمره بعالجي وياهم والله يستر ويعيين بس…

بس شكلي بسافر اعلاج … اي مستشفى عالجتي غلاي؟؟

اجروعافية وتستاهلين السلامة ومشوفين شر …….. والله يردج بالسلامة

اخواتي
احنا الحين في دبي
ورحنا لدكتور سمير السمارائي علشان زوجي عنده دوالي الخصيتين
وقال العملية بعشرين الف درهم
وااااااااايد
اللي تعرف مستشفي اودكتور في دبي ارخص تقولي
ساعدووووووني

اااااااب

خالي سواها من اسبوعين ف مستشفئ الزهره بالشارجه بس ماعرف بكم بصراحه

طيب ممكن تسالين وتردين علي

up up up

good luck insha2alla

اختي دقي للمستشفيات واسالي

السلام عليكم ورحمة الله وبركاته
خواتي أنا سبق ويبت إثنينه بقيصريات
و للأسف كنت بولد طبيعي بس سبحان الله ع اخر اللحظات تتعقد الولادة وحولوني عملية بالمرتين

أنا ما عندي اعتراض بس خبروني أني ماقدر ايب الا 3
يعني عندي فرصة وحدة بس!؟ هل هالشيء صحيح
وانا خاطري أييب عيال اكثر

ان شاء الله البنات يفيدونج
رررررررفع

الي متاكده منه 5 تقدرين تيبين

للللللرفع

حسب اللي تحدد لج الدكتوره

كل وحده وجسمها

عزيزتي لا تحاتين تقدرين تيبين اكثر باذن الله بس خلي الحمل اليديد شوي بعيد يعني 3 سنين عسب الخياطة

وعسب تتحملين اكثر ..

والله بسهل باذن الله