وأهدي هاي الطريقه للأخت أم عفااري اللي كانت تسال عن كيفيه التخلص من الشعر اللي تحت الجلد وهاذا رابط موضوعها
https://www.uaewomen.net/showthread.php?t=158023
حبوبات يبتلكم طريقه تخلص من الشعر المزعج اللي تحت الجلد وتخلي جسمج نفس الحرير ويلمع .. ولو داومتي على الطريقه راح تحسين انه الشعر بدا يخف في الجسم وهاي طريقتي اللي أسويها وأتمنى لاتنسوني من دعواتكم الحلوه
بس لازم يكون عندكم هاي الاشياء واللي ما عندها تسير تشتريهم لأنهم مهمات لكل أمرأه
1. الليفه المغربيه
2. صابون زيت الزيتون السائل
3. ملح الحليب { بنات ترى ها الملح وايد رخيص 4 دراهم بس بس فوايده عجيبه يفتح وينعم الجسم وايد}
4. اي شاور جل تحبين ريحته { أنا أحب مال body shop)
يوم تتسبحين :
1. يكون الماي دافئ أو حار قد ما تقدرين تتحملينه { اتحملي تحرقين عمرج} وتتخلينه على جسمج حوالي 5 دقايق [ بتكون المسام فتحت] .
2. دهنين جسمج بصابون زيت الزيتون السائل المغربي وتخلين على جسمج حوالي 5 -10 { كل ما طولتي كان أحسن}.
3. تغسلين جسمج بالماي وتفركين جسمج باليفه المغربيه بقوه قد ما تقدرين تتحملين وبتشوفين الجلد الميت يطلع نفس العجين تمي فركي في المكان الواحد أكثر عن مره { بس لازم ما يكون في صابون على جسمج} عسب تتفتح المسامات ويطلع الشعر اللي تحت الجلد.
4. عقب ما تحسين جسمج نظف دور ملح الحليب اللي تعطيج نعومه ويعقم الجسم فركي جسمج فيه بشكل دائري وغسليه بالماي لين ماي يروح تماماً.
5. حطي الشاور جل وغسليه بالماي البارد شوي.
6. وعقب ما تخلصين الشاور سوي حلاوه{ على فكره ما راح تحسين بألم الحلاوه لأن الجسم بيكون وايد ناعم وما بتعور وايد} عقب دهني بزيت زيتون
وكأنج سويتي حمام مغربي بروحج
ولاتنسون تدعولي { دعواتكم يا حلوات}
إن شاء الله بحاول اسويها
مشكوره غناااااتي…
يزاج الله كل خير حبيبتي .. 
وربي لا يحرم كل وحده دخلت وكتبت استشارتها في مشكلتي ..
إن شاء الله بجرب وبرد عليكن .. لا خليت منكن ..
بس بغيت اعرف من وين تاخذين ملح الحليب والصابون المغربي
انا استعمل صابون مغربي ثاني مب نفس اللي عندج واحس مايسوي شي
وممكن اتراسليني على ايميلي لاني ما ادخل المنتدى دوم
ومشكوووره مره ثانيه والسموحه
بالضبط مثل ما ذكرت الأخت خواااالي ..
من وين نقدر نحصل ملح الحليب و زيت الزيتون السائل ..
مرات ما نحصلهن بسهوله ..!!
واستفسار ثاني .. كل كم من المدة تفضلين استخدام هالطريقة ..
في كل مره اتسبح فيها ..؟؟
أو مره كل اسبوع ..؟؟
لأن الشعر ما بيكون قد طلع من يديد عشان اشله بالحلاوة ..
في هالفترة بيكون الشل للشعر اللي طلع من تحت الجلد من كثر الفرك .. صح
ربي يبارك فيج ولج إن شاء الله ..
المشاركة الأصلية كتبت بواسطة جنة سهيل 
