الوسم: الخدامات

السلام عليكم

بنااات بليييز حد يفيدني وين ممكن احصل يونيفروم للخدامات نوع زين ما يخترب

جربت وايد انواع كلهم يختربن ولا يتمزعن ولا لونهم يبهت ابا شي مال مكدة

يفضل لو فالشارجة ..

موجود باللولو

كارفور

موفقه

سلام عليكم

عندي بشكاه اندونسيه احين عندي من سنه وشهرين وغرفتهن عدال مدخل البيت
اكتشفت وانا ماره في الليل متأخر انها قاعده تسولف يعني عندها موبايل نا يوم سمعتها تتكلم ما واجهتها وخليتها تولي
بس الشهاده لله تشتغل الليل والنهار تطبخ وشاله البيت ع راسها ولا تتافف من الشغل بس انصدمت من وين يابت الموبايل ومنو تكلم اخرر الليل
المهم اني مب قادره اتقبل الي قاعده تسويه واشك فيها واعصب عليها بسبب وبدون سبب كيف اتعامل معاها بس اثر على سلوكي معاها
اليوم قبضتها وجان اهددها اني يعني اعرف كل شي وانتي مب يايه تلعبين والي اييب شي غلط تراني بعاقبه يعني هوشتها بس ما قلت لها اني ادري ان عندها موبايل يمكن تستحي على ويها وتخاف
وع فكره انا دورته وهي محد ما لقيته بس لقيت الكروت مال التعبيه والجارج حست الحجره حوس ما لقيته بس رديت كل شي محله
خلاص قلبي منقبض منها بس شو اسوي محتايتنها شو اسوي ؟؟؟؟
شو احسن وسيله هل اذا شليته وهي محد ما بتحقد علي وبتسوي شي فينا
ولا لو خليته اخاف تستخدمه غلط وتيب اشياء ثانيه وناس بعد تروم ع كل شي
===========
حسافه تصرفت قبل لا اقرا ردودكم ما قدرت اصبر عنها عقب تهديد الصبح زقرتها العصر هي وربيعتها االشغاله الثانيه وقلت منو الي عنده موبايل طبعا الاندونيسه وااااااااااااااااااااللللله ماااااااافييييييييي ما ففففففففي روحي شوفي غرفه قلت لها انا سامعتنج قالت لا انتي غلطانه عمتنى الشياطين واسير حجرتهن وافتش ما اسمع الا صوت تلفون هزاز المفاجاه طلع مال الثانيه الافريقيه يعني مستررات ع بعض واول ما يبت الموبايل قالت هي بعد عندها بو كيمرا صدق تغيضت قالت هيه مالها وانا ما عندي كان عندي وين تصرف السامان ما اعرف اشك فيها وايد المهم طلعت من طوري وهديت وااايد وقلت لهن يا الجذابات وانتي جذوب عاد الويه غدا طماطه اهاد وانتفض يا ناس اتروع منهن للاسف غلطت في حق نفسي اول شي
عقب قلت للاندونسيه الي تمت منكره وبقحه جان ما تبين تشتغلين وتبين بيت على هواج انا بوديج بلادج ولا تزعلين وانشاء الله تين عند ناس يخلونج ع كيفج قااااالت لا ماما انا ريد اجلس قلت لها عيل مثل ما عندج موبايل بالدس يبتيه تخلصي منه تخيلو الجذابه تقول عقيته زباله الله ربي من الجذب
المهم قالت لا انا اريد اشتغل وخلاص انا بسوي نفس ما تقولين وهذيج طلع تلفونها فاضي بس رقم ريلها لاني اعرف رقمه من اول فعقب قلت لهن شوفن هذاالموبايل حطي فوق ويوم تبينه استخدمنه لكن تسهرن عليه ممنوع وشليت قفل الغرفه وجان تبا تتلبس ترا عندهن حمام في الغرفه خل تستخدمه لكن قفل ماشي
انا احس بالذنب احين انا متلومه مع اني ما غلطت هن الي غلطن في حقي انا من خوفي انهن يدخلن ريايل واحنا رقود هديت وزاعقت

مشكورات لكل الي ردن والي بيردن وادعن لي ان الله يكفينا شرهن وخاصه الاندونسيه

اللهم انا نعوذ بك من شرورهم ونجعلك في نحورهم

لا الغالية لا تسكتين عنها ابد ,, كيف عندها مبايل و انتو ما تدرون و السؤال الأهم منو يابه لها ؟؟؟؟؟ و ثاني شي انا أستغرب من الناس الي يخلون البشكارة تنام برع و الله لو ما عندي مكان خليها ترقد في الصالة و الله ما فيها شي , المهم ما ترقد برع روحها و عند مدخل البيت , اصلا اكثر المشاكل تستوي اذا البشكارة تنام برع , اما البشاكير الي يرقدن داخل نادرا ما تلقينهن يسون شي لأنهن ما يرومن يظهرن . و انا سائلة عن هاي السالفة.

مش برع البيت هي في البيت غرفتهن بس عدال مدخل البيت الرئيسي وفي الليل اقفل قمت

انا اكتشفت ان خدامتي الاندونسيه كان عندها موبايل بس بعد فوات الآوان…يعني عقب ما شردت…كملت عندي سنتين

كنت اسمعها تقول sms… وحلمت كم مره ان عندها موبايل…مع اني كنت اخليها كل شهر تتصل لاهلها من تليفون البيت…عقب ماشردت خبرتني خدامتي الثانيه ان الاولانيه خبرتها اني انا اللي اعطيتها الموبايل هديه!!!!!

المهم موضوع ان خدامتج عندها موبايل ماتعرفين مصدره من وين…ماينسكت عليه….واجهيها بالموضوع وقوليلها انج ماتحبين هالحركات….ومب بعيده انها اتسوي علاقات وتييب حد البيت وانتي ماتدرين.

اختي لا تستبعدين شي عنهم
خدامتنا ترقد في غرفه عدالنا بالضبط وطبعا احنا سمحنالها ان يكون معاها تليفون حتى تتواصل مع اهلها…
وقبل اسبوع في الليل اختى قامت على 16 مكالمه ومسج يقول "انا ظهرت ابا اكلم الوالده في شي ضروري" بس اختى ما استوعبت لان شكلها ما يوحي انها تسوي مثل هالحركات،المهم طلعت الحبيبه متعدله الساعه 3 طلعت برع البيت تبى تشتري كارت حتى تكلم امها اونه في ظرف طارى عندهم وما درينا وين كانت؟؟؟؟

الله يغربلهم ما لهم امــــان

لا تسوين مشاكل دامج محتاجتنها وشغل البيت سادتنه عنج وزينه فيكم ….
بـــــــــــــــــــــــــــــــــــــــــــــــــ ــــــــس
واجهيها قوليلها أنا ماسمحت لج أن يكون عندج موبايل وقوليلها أنج بتاخذينه لين تسافر وبتعطينها إياه يوم بتسير …..
كلميها بالهداوه يعني لا تعصبين عليها يمكن تتفهمج وترضى ….
الله يسخرها لج ….

التلفون اكيد خاشتنه في صدرها

واشوف راي الاخت عصفورة دبي

مافينا بعد اتسويبج شي..اولى بالاسلوب وانتبهي لين ربي يعوضج عنها ويكفيج شرها

السلام عليكم

الموضوع بااين من عنوانه؟

حد يعرف مكاتب توفر خدامات مؤقتات لفترة شهر يعني؟؟

الله يخليكن ويرحم والديكم ساعدوني
والي ما تعرف ترفع موضوعي

آب آب ا بنات

وينكم؟؟؟

ختيه ضني ماشي خدامات مؤقتات الحين

نحن من شهر اندور ماخلينا مكتب بس ماحصلنا للاسف

الغاليه دوري فال GULF NEWS
واااااااايد خدامات يدورن part taim or full taim
اكيد بتحصلين

فيه وحده في المنتدى عرضت مشروع باديه فيه

وهو تعليم الخدامات فن الطبخ والاتكيت جدام الضيوف

محتايه اتواصل معاها

بلييييز بغيت مساعدتكم في هالشي

اختكم

يمكن تكون ام سعيد من العين بس للاسف ماعرف رقمها

اممممم يمكن وحده في المول الذهبي شوفي هناك المواضيع

فكره حلوه,,,, بالتوفيج

وانا وياج ابا اتعلم

الغاليه اعرف وحده اسمها جميله … بس للأسف من بدلت التلفوون رقمها ضاااع

عزيزاتي الحبيبات
حبيت أكتب عن هالموضوع لانه تقريبا في كل بيت والاغلبية في غفلة عنه.
شفت العجب من ورى الخدامات وقلبي عورني أكثر على العيال.
هذيله يايين من الغربة وتاركين أهاليهم وعيالهم عشان الرزق .طبعا هن في حالة نفسية ما نعرفه نحن بس مقارنة بحياتنا بيكون عندهم حقد وغيره حتى لو كانت مسلمة.باختصار بحط بعض اللي شفته حولي.
*خدامة اتغسل الولد وتلعب بالعضو لدرجة الولد ما ينام إلا وإيده هناك.
*خدامة اتشجع البنت اتكلم صحيبها من ورى الام.
*خدامة اتثير الجنس عند بنت 15 سنة.
*خدامة تضرب الياهل واتجوعه عشان اتسولف مع الطباخ.
وغيرها وغيرها اللي حولين الريال غير العيال وأتمنى على كل وحدة اتفتح عينها على هذي الدخيله واللهى يرحمنا منهم

تسلمين الغاليه ع التنبيه ……….

مشكورة اختي

بصراااحه أنا مأحب الشغالات :1 (48):

لكن

الظروف أجبرتني أني أييب شغاله :1 (73):

انا مول ما اثق فيهن … بس فيه الزين والشين!!

بناااات النادي العزيزات

بغيت جهاز مراقبة الخدامات ظروووري

اهلي بيسافرون و أنا عندي دواااام و على ويه ولادة. و قلبي على عيالي بالبيت

محتاااره و بالي دوم مشغول فيهم أبا ارتاح

لا تهملوووون رسالتي بليز

حببتي بالسوق الصيني شيء كاميرات مراقبة

وبعد في خدمة من اتصالات ما ادري كيف بس تراقبين البيت وانتي بالدوام حسب ما سمعت ان شاء الله الاخوات يفيدوك اكثر

عدنا خوات اهنا يبيعون هالجهاز حطي طلبج فقسم طلبات الزبونات

وان بغيتي من الصيني تراه موجود

وشي عدنا محل بس للأسف ناسية اسمه فراس الخيمة بعد متخصص فبيع هالامور

ودايماً يحطون اعلانه فالشوارع ^^

تسلمون حبايبي

في وحدة من اهلي تقولي في مجلة الوسيط دوووم يحطون مثل هاي الإعلانات

و انشالله خير

موفقه

بالتوفيق ان شاء الله

للرفع

خواتي اذا تعرفون مكتب في العين يوفر خدامات بالاقساط خبروني لنهن وايد غاليات الحين

اللهم صلِّ على مُحمّد وعلى آل مُحمّد، كما صليت على إبراهيم وعلى آل إبراهيم، وبارك على مُحمّد وعلى آل مُحمّد، كما باركت على إبراهيم وعلى آل إبراهيم، في العالمين إنك حميد مجيد

شوفي مكاتب عيمان

اذا في مكتب معين دلوني عليه

السلام عليكم
خواتي توني يايبه خدامه يديده وابا اعرف وين احصل يونيفورم للخدامه في العين
اللي عندها فكره بليز تساعدني ظروري

السلام عليكم …بتحصليننهن عند محل في سيد المها بلازه بجانب محل البستان …. والسموحه

حبيبتي سيري كارفور العين او أسواق هدايا العين وحتى في السوق المركزي. وانشاءالله تستفيدين من معلومتي.

في الميدان عدال صالون بريمافير
اسمه الرداء الموحد

فيه فهدايا العين اللي فالصناعيه .. وبألوان وايده

هدايا العين عندهم الوان واشكال…
وفي سوق الزعفرانه بعد يبيعون …

في عالم الطفوله اللي عدال الKM
وايد اشكال و قياسات و اسعار بدء من 25 درهم

السلام عليكم خواتي

قريت في احد المواضيع انه نقدر نييب خدامة بدون مكتب

لكن يا ريت الي تعرف الاجراءات توضحلي الامور بالتفصيل الممل
خاصة بخصوص المصاريف

يلي فهمته من كلام الأخوات في الموضوع السابق انه منسويلها فيزة زيارة …

طيب بعد ما توصل كم بكلف تعديل الفيزا واجراءات الإقامة ؟؟

وهل لازم نسوي فحوصات حتى نتأكد انه ما فيها أمراض؟ وكم تكلف الفحوصات ؟؟

ولازم نسوي تأمين أم لا ؟؟؟

يا ريت الي تعرف تفيدني

ومشكووراااات اخواتي

انج اتيبينها عن طريق خدامة عند اهلج او جيرانج او معارفج واتكون ارخص من المكاتب

مثلا تسأليين حد من خداماتهم هل عندج اخت او ربيعة تبا تشتغل بتقولج هية واطرش صورة جوازها وصورة شخصية الى بريد ربيعتها ووبس

مشكووورة اختي على ردك

بانتظار المزيد من التجارب

الغاليه

هاتي عن طريج مكتب
انا ميربه بدون مكتب غربال وخسر اكثر

يالغاليه يبيها عن طرق المكتب احسن اختي عسب ما تتلعوزين حبوبه وانصحج ابضان سنه من مكتب المزايا او تيربو من الشارجه وبالتوفيق.

مشكووورة اختي على ردك

لكن كم تكلف الاثيوبية عن طريق مكتب ؟

ما ادري فديتج بس ارخاص اظني

2500

او 1500

تختلف الاسعار في المكاتب

الي عندهم خبره يفيدونج
ان شاء الله

الله يوفقج

لـ الرفعَ ، و ان شاء الله يساعدونجَ الأخواتَ = ]

ابوظبي فيها مكتب اثيوبيات

في بس اثيوبيات وايبونهن عندج لين البيت

للرفع