الوسم: الخدامة
زوجي و و لدي والخدامة
انا خواتي موضوعي معقد
انا بعد شهر بداوم و عندي ولدعمره شهر ريلي كفل خدامة وكنسلتها وما بغيتها و احين ابي اكفل الثانيه شل ايده من الموضوع وقال ما يبي خدامات و ما بحطيهن باسمه و ما حاتى ولده و اعتمد على اهلي انزين انا ما اضمن اهلي تعبت وافكر واحاتي كيف اقنعه
انا من رايي اذا عندج حظانه في الدوام وديه
حليله صغيرون
بس هو ليش معترض؟ وليش شل ايده من الموضوع؟
نصيحتي حاولى تقنعي زوجك تجيبي الخدامه بس بشرط انو كل يوم توصلي الخدامه وابنك عند اهلك لا تتركي ابنك مع الخدامه لوحدهم
انتى اجلسي مع زوجك لما يكون رايق وافتحي الموضوع بهدوء وان شاءالله البنات يفيدوكي بحلول
خليه عند أهلج أضمن لج وله , حليله بعده صغيرون يباله رعايه
كارثة (( الخدامة تحط فلفل اسود كل يوم في مرضعة بنتي ؟!!! ))
بموت من الهم ,, والله قلبي يحرقني
وقلت بيي هني عند اخواتي وافضفض عن اللي بداخلي
حاسة عمري مخنوقة وبموت من الخوف ع عيالي
بخبركم عن نفسي , انا معرسة وعندي ولد عمره سنتين وبنوتة عمرها 3 شهور ونص
وساكنة بشقة انا وريلي وعيالنا
والحمدلله ما أشتغل وطول الوقت يالسة بالبيت
فكرت اييب خدامة عشان تساعدني في تنظيف البيت ويوم أكون مشغولة بالطبخ او مع ولدي
تمسك البنوتة وتعطيها المرضعة
لاني قبل كنت أعاني , ينشوا الاثنين مع بعض ويصيحوا
واكون مشغولة مع الكبير ابدله وأغسله وأريقه , ولين ما ايي للبنت تكون خلاص تعبت صياح ورقدت
واحاول ارضعها ما تطيع
واذا انشغلت عندها , الولد يتم يصيح ويخيس البيت حتى لو لابس حفاظة بس تكون خلاص من الليل لابسنه فما تتحمل -سوري ع هالكلمة- يعني لازم الصبح اغيره اول ما ينش
وأضطر اتريا ريلي يوصل من الدوام عشان اسير أطبخ
ويا كثر المرات اللي فيها ولدي يضرب البنوتة ويسحبها من قماطها وتطيح من فوق السرير ع السراميك
حتى لو منتبهة لهم بس فجأة ما اقدر انش اشغل التلفزيون ولا أطلع شي من الكبت الا وقام يضربها ويحط صبعه في عينها
حتى ما كنت اقدر اسير الحمام-اكرمكم الله – يوم اكون بروحي معاهم في البيت
فأضطريت أييب خدامة , بس عسب تساعدني تمسك البنت عني وتعطيها المرضعة
لين ما اخلص الولد او الطبخ او اكون مشغولة بشي
المهم طبعا اول ما يبتها – صار لها شهرين عندي – كنت أعاملها بالحسنى
وطبعا هي كل شغلها تنظف الشقة الا هي كلها الا غرفتين وحمامين ومطبخ
وتمسك المرضعة ع البنت
بس هاااااا كل شغلها
وطبخ بروحي أطبخ , لانه ريلي ما يحب يأكل من أيد الخدم
وبعدني اسوي ريوق الصبح وأخبز واسوي غداء وعشاء
وانا المدام أطبخ لها واأكلها
المهم طبعا بالرغم من قلة شغلها وبعدها ما تسويه
فيها برود الدنيا وطبع الامبالاة
الصبح انش انا الساعة 9 اوعيها , مع اني اوصيها من الليل انها توعى الساعة 7
وعقب اسير ارقد واوصيها تخلص اشغال في البيت
انش الساعة 11 والاقيها ما مسويه شي
وشغلها كله وصخ , البيت مليان غبار ووتحت الكنب والطاولات ما تنظفهم زين
مع اني اول ما يبتها تميت اسبوع انش الصبح الساعة 7 اعلمها الشغل لين بالليل اتم العي واعلمها وافهمها
بس ما في فايدة
ووايد كانت تسوي بلاوي وانا امشيها واسامحها واقول اخر مرة , صح أعصب واتم اصرخ وشوي بذبحها بس عقب اسامحها
كنت وايد اطفر منها بس اتحملها
ومثل ما قلت لكم لما اكون مشغولة هي تعطي المرضعة للبنوتة
ولما اكون فاضية اخليها تسوي المرضعة وانا ارضعها
ولاحظت عدة مرات في نقاط سوداء بسيطة في المرضعة , يمكن نقطة او ثنتين صغار جدا
بس لاني دقيقة الملاحظة ,وكنت اركز على اي شي يخص عيالي وبيتي
وطبعا كنت اشدد عليها على تنظيف الغرش وتعقيمهم ويمكن اكثر من 20 مرة اغسلهم واعقمهم بالجهاز جدامها واعلمها وكم مرة يوم تغسلهم افاجئها ولا اراقبها من بعيد واطمن
بس اليوم الصبح نشيت وقلت لها سوي المرضعة وتعالي رضعيها
ويات ترضعها ,
عقب شفت الولد راقد , قلت خليني ارضع البنوتة والاعبها
اشوفها خافت وترتجف
ويوم خذيت الغرشة الاقي فيها نقاط سوداء وااااااااااااايد
انتزقت , لانه البنوتة شاربة نص الغرشة
قلت شو هذا
قالت ما تعرف
ووعيت ريلي
وتمينا نهددها بالشرطة
لين ما خافت واعترفت انه فلفل اسود
وانها دووم تحط في مرضعة اليهال شوي
بس اليوم الله كشفها حسبي الله عليها
اليوم كثرت الفلفل وجدا واضح بالغرشة
عبالها انا ما بأخذ البنت وبكون مشغولة عنها
انا اصلا عقب ما غدرت فيني الخدامة القبلية وقالت بتيي وخسرنا عليها
واخر شي قالت ما بتيي
ما فكرت اييب خدامة
حتى اشتريت اغلب الاجهزة اللي تعيني على العيش بدون خدامة
مثل غسالة صحون وغسالة اتوماتكية ونشافة وكل شي يسهل الامور
على فكرة الخبيثة هاي حتى ما كانت تغسل الملابس
بس سبحان الله فكرت اييب الخدامة بس عشان تساعدني في البنت
لانها وايد ضعيفة , فقلت عشان ما اوقف عنها رضاعة
واباها تكبر وتمتن شوي
والله قلبي محرووووووووووووق
قولوا لي شو اسوي
وانا اقول لييييييييش البنت دوم تعصر بعمرها وتصيح
ودوم تزووووع وتطلع كل اللي تشربه
فكرت اوديها المكتب بس قبل لا اوديها ارش في ويهها فلفل اسود
عشان تتأدب
تصدقوا يوم ولدي كان يغلط واضربه تصيح وما تطيع عليه اونها تحبه
والبنوتة اونه تحبها وايد وتسولفها
ويطلع منها كل هذا
واونها ام وعندها بنت عمرها سنتين
وتسوي جي
حسبي الله عليها شو من قلب عندها
نصيحة لكل ام لا تأمني ع بشكارة مهما كانت زينة وطيبة
تراه كله تمثيل في تمثيل
سوري ع الاطالة بس قلت افضفض واطلع اللي بداخلي
خبروني شو اسوي ؟
ف
مقهوره منها… خاطري الا اسوي لها قطور من الفلفل واقطرهم في عينها.. هذي يبالها تباسكو في عينها
لا تستغربين مني.. من القهر والله
جان وديتوا المرضعه الشرطة واشتكيتوا عليها
عشان تتأدب ويتأدب اللي مثلهاااا
اختي اتوقع كل اللي تحتاجينه عشان اديرين البيت تنظيم الوقت، وعشان ولدج مره سمعت وحده في الراديوا تقول كنت احاول اخلي الولد الكبير ايحب اخوه للصغير بأحساسه بالمسئوليه
يعني اتيبنه اتيلسينه واتيلسينها في حضنه واتحسسينه انه كبير وتعطينها من الحب والحنان حتى اكثر من اللي تعطينه النونو فديته
وربي يعينج بس لا تسكتون عنهااا
يوم انها ما حافظت على الامانة من البداية لاتخليها في بيتج دقيقة
ولا تامنيها على شي ابد ابد
خدامتي القبليه كانت تشرب ولدي ماي بارد ويوم اهزبها تروح تشربه ماي حار
من اللي تسخنه للمرضعه والحليب و يوم شفت هالشي بعيوني رحت وصبيت الماي على ايدها
عشان تحس وتتعلم وتتأدب….كيف هي كبيرة ما تحملته كيف هو بيتحمله…..
وسبحان الله الام تحس وانا قبل ما تسوي الخدامة شي احس واركض اراقبها…
والله وانا ماعندي اغلى من الله
لو ما اداوم وماعندي التزامات وامور كثيرة ماكنت دخلت خدامة عندي البيت ابد
مامنهم غير البلا اعوذ بالله
الله يعينج على بلوتج و يصبرج
ونصيحتي لا تخليها دقيقة فبيتج….وفتشي اغراضها قبل ما تسفريها
وقبل ما تسفريها وديها المكتب خل يشلخوها شوي …. خخخخخخ
https://forum.uaewomen.net/showthread.php?t=738349
حصلت كيس صغير جدا فيه ماي في شنطة الخدامة هذا سحر
بليز الي عندها فكرة تفيدني
امس يتني الخدامة الي كنت مقدمة عليها اكثر من شهر
وللاسف وبعد طول انتظار ما ادري شكلها مو طبيعي وخايفة من قبل ما حتى تدش بيتي وكل شيء تقول ما اعرف بالرغم اني ماخذتنها خبرة 4سنين
قلت ما عليه بعلمها بس ابد ما تفهم شغل البيت لدرجة حسيت انها تستهبل وقلتلها ان تبي تشتغلي او تسيري المكتب
خليت اختي كلمتها قالت ابى اسير مكتب
قلت اوكي خلصي شغلك وروحي
المهمةيوم فتشتها حصلت كيس صغير جدا جدا نفس حجم كيس الدواء الي يحطون فيه الحبوب فية ماي اترعبت صراحة يوم شفته بالذاات اني مستغربة من موقفها ورفضها الكلام بحجة انهاىما تعرف عربي حتى واحنا في السيارة وقبل لندخل البيت ويوم اعلمها احس انها مضايجة ومب عايبنها وكله مبوزة
المهم يوم سرنا المكتب هزبتها صاحبت المكتب وتمت تصارخ عليها وهددتها بالشرطة تبى تعرف شو سبب رجعوها وتوها ياية وما لحقت تتم عندي وكله ساكتة وما ترد
ويوم شافت الكيسة خافت وعلطول تبى تاخذة وتقول هذا مالي وتحلف تقول هذا ماي شرب يوم كانت تفطر بقى منها شوي خلته في كيسة
معقول هل يصدق كيسة بهالصغر فيها ماي شرب
المهم انا وزوجي وراعية المكتب طلبنا منها انها تشربة وفعلا شربته
بس للحين انا خايفة و قلبي مقبوض ليكون سحر او استخدمت منه شيء
بليز الي عندها فكرة تفيديني والله مرعوبة وبالذات عيالي صعار وخايفة عليم ليتاذو مع العلم ان من ساعة ما قالت ابى اسير مكتب وانا اراقبها
والله يحزيكم الخير انتظر ردودكم ليطمئن قلبي وحسبي الله عليهم هالخادمات والله يكفينا شرهم يا رب العالمين
ما عندي علم انشالله الخوات يفيدونج
هو كم خدامة مب راعية سحر وشعوذة؟؟؟؟!!!!!
اكثرهن من الجهل والفقر والتعلق بغير الله يلجؤون لهذي الأمور
فلبينيات سيلانيات اندونيسيات اثيوبيات وحتى الهنود والبنغالية حريم و رياييل
المهم اذا ماتبا تشتغل رديها المكتب وخذي غيرها دام انها في فترة الضمان
بعضهم يتفقون مع المكتب تخلص الثلاث شهور عقب تعتصم في غرفتها ماتبا تشتغل هذا اذا ما شردت
صلي استخارة عنها اذا ما اعتدلت رديها المكتب والله يكفيكم شرها
بالنسبة للبيت شغلي سورة البقرة يومياً واقري اذكار الصباح والمساء ولا تحاتين خلاص
بس انتي لا تخلينها تدق الاكل
خليها بس للتنظيف والكوي
شعرج اللي في المشط و شعر اليهال اذا تقصين شعرهم في البيت ومخلفات الدورة وغيره واظافركم المقصوصة بروحج تخلصي منه وبنفسج عقيه برع البيت في الزبالة الكبيرة
لا تخلين الخدامة تتعامل مع الدكان او مندوبين التوصيل او تحتك بالخدامات الثانيات
بس افضى شوي بحط لكم موضوع في قسم فنون تعامل الخدم تشوفون بلاويهن
ان شاء الله
طيب نحط إحتمالات إيجابية عشان نوصل لحل ما !
هي شو كان سبب عودتها للمكتب بس لأنها ما تعرف ؟
المشكلة انه احيانا ممكن يكون غش من طرف المكاتب انه هي عندها خبرة و من هالكلام و ىخر شي تطلع بدون خبرة
عموما خبرتها خلها عندها غنتي كلميها انجليزي اذا تعرف خلج لينة معاها فالبداية ، خلي شغلها يكون واضح اول فترة 4 شهور و من ثم زيدي عليها المسؤولية حسب الحاجة و بالتدريج
لو طلبتي منها شي وقالت ما اعرف وانتي انتقدتي او زعلتي لنها ماتعرف بحكم انج يايبتنها بخبرة و معاج حق ،فهي راح تتدمر وتشوف انه أسهل شي بالنسبة لها هو العودة للمكتب
طبعا المكتب فترة و عقب راح يقولج برايج انتي وياها وانتي بتتورطين حاولي تشوفين طريقة للتعامل معاها دامج انتي في حاجة لها
وادرسي في خلال هالفترة محاسنها ومساوئها لو حسيتي انه سلبياتها اكبر وما قدرتي تتاقلمين معاها سيدة رجعيها
لو في مجال انج تحلين الموضوع بطريقتج الخاصة توكلي على الله و يكفينا مخاسير حبيبتي تعبنا والله
بكم الخدامة الاندنوسية؟
ممكن خواتي اعرف بكم تكلفني خدامة اندنوسية ادا يبتها من المكتب؟
في الفجيرة مكاتب شي بــ 8500 وشي 8200
سالت المكتب
؟؟؟تعليم الخدامة الطبخ ؟؟؟
مشكلتي يبت شغالة فلبينية يديدة وانا اداوم ما قدر اعلمها الطبخ
بغيت مساعدتكم سمعت انه في حريم يعلمون الخدامات الطبخ اذا في حد يفيدني جزاكم الله الف خير
https://forum.uaewomen.net/showthread.php?t=735429
الخدامة الهبلة
وايد قاهرتبي
أنا متزوجة انزين وعندنا خدام تقريبا من خمس شهور اوكي
أي شي زوجي يقوله حقي تتدخل و تيلس تضحك أونه عاد تفهم وهي ما تهم فأنا ما أحب يوم تيلس اتسوي جي أغار ما أحب يوم اتسوي جي ما شاءالله ريلي حلو مب خسف فأخافها اتحط عينها عليه ياخي أغار…
أدري ما تقدر تاخذه مني بس حبيت أطلع الي في خاطري من قهري
هههههههههههههههههههههههههههههههههههههههههه
الغالية كان عند أمي بشكارة شراتها سبحان الله .. كل ما أمي و أبوي رمسوا رزت بويها و ضحكت .. بس الحمدلله افتكوا منها ..
بس لفت نظري إللي قلتيه (((أدري ما تقدر تاخذه مني ))) .. خلج حذرة ترى إذا عيبها ريلج أتوقعي تسويله سوى .. و خاصة لو أندونيسية .. حتى الفليبينيات قاموا يسوون .. اقري على عمرج و ريلج كل يوم صبح و مسى ..
ياااكرهي لهالنوع من الخدامات يترززن في اي شي .. بس عاد انتي عندج اياها لا تاخذ راحتها معاكم
كلميها قوليلها اهتمي بشغل البيت وبس
هزبيها لا تخليها توقف وياكم او تيلس وياكم
ما تستحي هاي الخدامه
فديتج ما تقدر تاخذه عنج اصلا ^_^
واقول شي بعد اذا تكتب مذكرات سيري طالعي مذكراتها .. بعضهم يكتبون التعاويذ في مذكراتهم اخر الليل.. وخصوصا اليوم الاحد والاثنين و اليوم الاربعاء (اذا كانت اندونسية).. خذي مني خبرة من اختج
نفس العباره لفتت نضري !!
حبيبتي مامنهن اماااااان الخدامات ..
وبعدين انا اشوف غلط الخدامة تدخل البيت يوم الريال موجود !!!!!!
انا ممنووووع تدخل الخدامة البيت و ريلي موجود إلا إذا انا زقرتها وبغيتها تسوي شي تشتغل بسرعه وتطلع واكون واقفه على راسها بعد وبعيد عن ريلي !!
تتمخطر الخدامة جدام ريلها وساكتة
شحالكم حبيباتي
عساكم بخير وسعادة وهناء يارب
هذه ربيعتي
عندها خدامة اقولها يا بنت الحلال الخدامة خليها تدخل المطبخ او غرفتها لما يرجع ريلج من الشغل مب تتمخطر جدامه
تقول من يسوي الشاي وغيره
تقهر والله
بنات الحين شاي ما تقدرون تجهزون لرياييلكم !!!!
مرة سمعت باذني ريال يقول اذا الخدامة تعطيني كل شيء شو الفائدة من الزوجة بس تييب عيال!؟
بعد الخدامة تقدر تييب عيال
والله يا بنات نصيحة لكم
عارفة مب الكل لكن بعضكم مثل ربيعتي هذه!
عندكم خدم حلو لكن شغل يخص رياييلكن ملابس شرب اكل تنظيف عليكم انتم مب ميري شاي لبابا ميري موية ميري كندورة وكل ما تعطيه لبابا شيء تعطيه ابتسامة واسعة
استغفر الله ما تغارون على رياييكم
الله يعينكم ويستر عليكم
هذا اللي يقهرني فيه جيه زوجات
الله يهديهم بس
والام لااازم تكون على دراايه بكل شي بالبيت وخااصه تحركاات الشغااله
وكم من بيت انهدم بسبه ميري وسوهااتي وجاانيت .. لكن مني الي تتعض من القصص المهوله الي تحصل ؟!!
مشكورة ويزااج الله خير حبوبة ^^
الله يحمينا جميعاً وازواجنا من شرورهم
الغدا يكون موجود قبل ما ايي ويشلونه عقب ما يطلع ومعلمين كل البشاكير نفس الشي واذا صالة الريايل ويبون يحطون الغدا في غرفة الطعام يا يحطونها قبل او من الباب الخارجي
وهذا احسن شي *
زوجي نرفزني من معاملته مع الخدامة
يابنات انا ماعندي خبره كثير بالخدامات ..كان عندي وحده صغيره واول مره لها تشتغل ..بس ماعجبتني حركاتها يوم كان عادي عندها انها تلبس بلوزه ضيقه وكنت اقولها لا تلبسي كده رغم انها اجت وهي تلبس ومحتشمه لكن اتغيرت بعد 4 شهور ..المهم كانت عناديه ودايما تنرفزني واتهاوش معاها لما قررت ارجعها المكتب..وحسيت انه زوجي لامني انه انا السبب انها راحت لان ااسلوبي معاها كان قاسي رغم اني كنت مدلعاها باكل وحلاوه وفلوس لكن كانت عناديه .. خاصة انه بنخسر فلوس ثانيه عشان نجيب وحده ثانيه ..
المهم راحت الخدامه واخذت خدامة عمتي بحكم انه عندي بالبيت اطفال وماعندي مساعده..
واخذنا شغالة عمتي تخدمني انا وبناتي
حابه اقولكم انه انا انظف غرفتي وحمامي الله يكرمكم وانا اللي اطبخ واسوي فطور وعشا لي ولزوجي ..هي بس تكوي لنا وتنظف البيت وتغير الحفاظاا ت يعني انا ماخليتها الكل بالكل..
المهم احكمو على هذا الموقف..
امس طلعت انا وبناتي وزوجي واخت زوجي رحنا نفطر برا ..الخدامه كانت قاعده بالكرسي وجنبها بنت من بناتي وبناتي الباقيات تحت سن ال 4سنين
وكانو يبكو هناك وعاملين دوشة..المهم الخدامه يابنات ولا حركة ساكن راحت جابت اكلها من البوفيه وقعدت تاكل ولاهمها شي.. المهم كانت قاعده بوسط ثنتين من بناتي وقبالها زوجي..انا شفت مامنها فايده قاعده تاكل قلتلها تعالي مكاني وانا باجي مكانك اللي نرفزني رد زوجي يوم قال "ليش " انا كنت بقوله شو دخلك بس احترمته قدام اخته رغم اني قايلتله اكثر من مره ماتتدخل بيني وبين الخدامات ..المهم انا رديت له قلتله بعطي لبنتي اكل ..بس روحت البيت وسالته قلتله الشغاله هذي ماتسوي شي ولا معبره البناتي وتاكل ولا همها شي وسالته ليش سالتني ليش لما قلت للشغاله تنتقل لمكاني قعد يضحك من قلبه يمكن فكرني غيرانه المهم انا قلتله لاتتدخل مره ثانيه بدال ماتهاوشها وتامرها تعطي لبناتك اكل ..اللي نبهني للموضوع اخت زوجي قالتلي ليش الشغاله ماتعطي للبنات اكل اول مره اشوف شغاله مطنشه كده ..وكمان يابنات انا زعلانه من نفسي قاعدين انا واخت زوجي وزوجي نجري بعد البنات الصغار وهي واقفه ماسكه الجاري حق بنتي ام السنه .. ولا قلتلها شي ..وانا معوداها كده للاسف ..وكمان في السياره مااقولها سكري الحزامات للبناتي..انا وزوجي نسكرلهم وهي واقفه تمسك وحده من البنات ..
مانسالها شي لانها بدينه ..لكن انتو ايش رايكم
يابنات شورو عليا كيف اتعامل مع الشغاله هذي.. رغم انه لو طلبت شي منها بتسويه غصب عنها.وكيف تتعاملو مع الزوج اللي يتدخل بالخدامات ..وانا وزوجي خايفين تروح مننا وماعندي مساعده مع اطفال لحالي
أول شي الله يعطيج خير الخدم و يكفيج شرهم
بالنسبه للبس الخدامه أول ما توصل فصليلها يونيفورم لا تخليها تلبس اللي تبغيه.. أو اشتريلها بس قوليلها اختاري ملابس وسيعه و كم طويل و كذا
الخدامه الثانيه أنا ما أعرف مسلمه ولا مش مسلمه بس اذا مسلمه اختي كيف تبينها تخلي الفطور و تنتبه للصغاريه؟ الله يعينج أعمارهم صغيره خليهم عند امك ولا ام زوجك و هي تنتبه لهم هناك …في شغالات قد ما كانوا زينات و شغولات ما يعرفون يهتمون باليهال و يمكن هي تبا تفهمكم انها ما تريد تكون مسؤوله عنهم.
قبل ما تيبين خدامة صلي استخارة
ثاني شي بالنسبة للبس قبل ما اتي البيت كلمة المكتب انه ما في تيلفون ولبس محتشم ينيفورم وي الحجاب
بالنسبة لطبخ خليها اساعدج واتجهز لج كل شي وما تتزحزج من المطبخ إلا وانتي مخلصه تساعد عشان تخلصين بربع ساعه أو 10 دقايق
علميها اتسوي مثلا معجنات يعني اتسوي العجينة والباقي عليج تسوي سلطات … قبل ما تاكلون ترتب سفرة واحط الأكل قبل ما أي ريلج
ثالث شي لا تشتكين من الشغاله جدام ريلج واطلع هي البريئة الي مالها لسان.. اتحملي من ه النقطة وعلميها ما تدخل المكان مثلا صالة أو غرفة في تواجد ريلج .. تحترم
واذا تبي شي تناديج
قوليها كلامج وي المدام مب وي السير
بالنسبة للعيال هاييله طلعو من بطنج انتي انتي أولى فيهم … اتسبحينهم واتلبسينهم واتاكلينهم ونبهي على لعيال ما يكون في احتكاك وايد واذا يبون شي ماي أو غيره انتي عوديهم يعتمدون على نفسهم .. جرائم الشغالات وايد
بالنسبة اذا في بيبي صغير عليهم غسل مراضع والباقي عليج
حبيبتي في الطلعات ما له داعي لشغاله ابدا ابدا ابدا .. اعتمدي على ريلج انتي متزوجه ريال بدال ما يدافع عن الشغاله وتكسر خاطره يحرك ايده ويساعد وخليه يساعد في لعيال … )عوديه(
ولا تنرفزين عمرج وياها ولا تتكلمين وايد وي الشغاله بس طلبات وأحسن معاملتها ساعات أعطيها بطاقه كتحفيز ..
وباقي الأيام عالخفيف
يعني بخصوص اللبس مب ع كيفها تلبس تختارين لها لبسها آْنَـỲǑŲـْتي
وبخصوص ريلج يوم قال لا يمممككن هو يتحرا انها بتاكل البنات …حبيبتي لا تشيلين افكار تخرب بيتج ولا تعطي الريال المجال يفكر ف هالامووور …
الخدامة في المنام
اختي لو سمحتي بغيت تفسير لحلمين وهل ها يدل على شي ولا فقط وسوسة
حلمت قبل اسبوع تقريبا ماذكر الحلم بالتفصيل بس اذكر في حد كان وياها في غرفتي امراه ولا رجل ماذكر يمكن امراه اتوقع المهم عصبت عليهم ولا شو بالضبط ماعرف ورحت الحمام ولا شردت منها بعد ماعرف المهم الحين خوفني فالحلم ان البشكارة حاولت تدفع باب الحمام وتطعني بالسكين بس جرحت يدي وخفت عاد ونشيت من رقادي وانا خايفة كان وقت الفجر
خيرا نتلقاه و شرا نتوقاه
هذا حلم من الشيطان ليقلقك فلا تلتفتي له و استعيذي بالله من الشيطان الرجيم و لن يضرك شئ
ان شاء الله و الله اعلم
ان اصبت فمن الله و ان اخطات فمن نفسي و الشيطان