المهم لما تزوجت و رحت بيت عمتي شفت العجب … الخدامة ما تصدق تكمل سنتين و تروح .. طبعا من معاملتهم … انا احب اعامل الخدامة كانها وحدة من البيت يعني سوالف معاها و ضحك مثل ما متعودة في بيت اهلي …
عمتي ام ريلي الله يهديها لو الخدامة تزحف زحف جدامها بعد ما يعجبها … كل شي الخدامة تسويه عندها غلط و تهزأها يوميا و هذا غير الدعاوي اللي تحصلها .. تنش الخدامة الساعة 5:30 الفجر و العائلة و البيت ماشاء الله كبير فتغسل و تطبخ و تنظف و عاداتنا ما يتغدون مع بعض و يتغدون اقل شي الساعة 3 الظهر و حد 4 وحد 5 ووالله توصل لين 6 لانه البطالية ينامون بالنهار و يسهرون بالليل …
وبعدين لما الخدامة تروح نص ساعة غرفتها اتم محتشرة لين تنام العصر و نادوها و و و … حرام و الخدامة ولا تتكلم ولا شي والله ما ترد … وبالليل الساعة 8 يخبرونها شو تسو للعشا و لين ما يتعشون الساعة 11 يعني لين ما الخدامة ترقد او بالاحرى تروح غرفتها تكون الساعة 12 و الله اعلم متى تنام …
انا بما ان عندي بنتين و الحين حامل فيبت خدامة لي تشوف عيالي لاني اشتغل و تغسل و تنظف و بالمرة تساعد الثانية … فعمتي الله يحفظها طاحت في خدامتي بعد … انزين انتوا قولوا لي انا طول اليوم في الدوام و بنتي الكبيرة مدرسة و الصغير سنة و شوي في البيت عند الخدامة ارجع الساعة 3 البيت اتغدى و عقب اقول للخدامة خلاص انتي روحي و ايلس مع ريلي و بناتي سوالف و ضحك و العصر اطلعهم في الحوي يلعبون .. عاد لما عمتي اتيي و تشوفني مع الصغترية تقول وين الخدامة لا تدلعينها تخلينها تنام العصر و و و و … ابي اقول لها اني ابي اكون مع عيالي شوي بس اخاف تقول هاي تطول لسانها و ترد فاسكت … و اتم تدعي عليها والله خدامتي ما شاء الله عليها دين و اخلاق وحتى ريلي يقول استحي اقول لها شي …
ما ادري شو اسو … المشكلة ان عيالها وبناتها ماشين على نهجها يعني اكرف الخدامة لين ما تهلك ويضحكون علي يقولون هاي تخاف من خدامتها …
ادري بطول عليكم بس مرة واحد من عيالها اللي هو ريلي كان في مشكلة كبيرة جدا … انا حلمت نفس الفترة اني اقول لاخت زوجي "قولي لامج لا تعصب على الخدامات وايد و تعطف عليهم شوي و و " و بعدين قلت لاخت لايلي اللي حلمت فيه و هي قالت لامها و امها عدلت معاملتها شوي و الله العظيم ما صار يومين الا المشكلة العويصة انحلت سبحان الله و لا كان كان في شي بس المشكلة انها رجعت لعادتها القديمة …
قولي لعمتج هل الكلام يمكن ترحمهن
البيت السيئة للخدم…وعرفت ان من اسباب
المعاملة السيئة..ان ربة البيت حاسة بالنقص
او تكون من حديثي النعمة(ماشايفة خير)
صدقيني وايد شايفة ناس من هالاشكال
مافي قلوبهم رحمة…
وانا ضد فكرة سكن الزوجة مع اهل الزوج
والسموووووووووحة اختي
الله يهديها..
وعمتج نموذج من الناس اللي تسيئ معاملتها للخدم ربما لـ قناعة ان المعامله الطيبه لهن تجعلهن يتكاسلن عن اداء مهامهن
وربما تكون هناك اسباب اخرى ولكنها تبقى مجهوله
لماذا الاساااءه الى الخدم ؟؟!!!
بس شو بتسوين؟ اذا تقدرين تنتقلين من هالبيت بيكون احسن لج
لان الصراحه الواحد بيتحمل كم؟ والخدامه بتتحمل يوم و يومين بس مب اكثر !
