الوسم: الخطوبه

مكالمة بين مخطوبين ادت الى فسخ الخطوبه

مكالمة بين مخطوبين ادت الى فسخ الخطوبه

——————————————————————————-
رن جرس الموبايل للمرة الخامسة يعني كان يدق اكثر من مره وردت عليه الخطيبة ….

الخطيب: أعتقد أنا انسان مو …. تطنشيني وماتردين على تيليفوناتي.

الخطيبة: رد السلام في الاول وبعدين نتفاهم.

الخطيب: اش راح يكون عذرك يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.

الخطيب: بصراحة الأمر واضح بدون ماتوضحين .. ليش ماتردين على تيليفوناتي اكيد

كنت مشغولة مع غيري ما كنتي فاضية لي؟

الخطيبة: بصراحه فعلا كنت مشغولة مع غيرك.

الخطيب: منهو هذا اللي ماخذ عقلك وكل تفكيرك لدرجة ما خلاك تردين على

تيليفوناتي؟

الخطيبة: بصراحه لما أكون معاه أنسى الدنيا وما فيها فلازم ياعزيزي تعذرني.

الخطيب: وبكل وقاحة تقولين هذا الكلام قدامي وحنا بعدنا مخطوبيين فلو تزوجنا اش

كنتي بتسوين ؟

الخطيبة: الله يسامحك ما في داعي للغلط مادمت انا ما غلطت عليك.

الخطيب: كل هذا وما غلطتي..تطنشين تيليفوناتي وماتردين علي 4اتصالات طول

اليوم ولما رديتي الحين تقولين لما أكون معاه أنسى الدنيا وما فيها كل هذا وما

غلطتي؟

الخطيبة: هذا ماحصل فعلا كنت مشغولة معاه وما قدرت ارد على تيليفوناتك.

الخطيب: الظاهر ما راح نقدر نكمل هذي العلاقة فخليك مع اللي كنت مشغولة معاه

و اللي فضلتيه علي.

الخطيبة: جزاك الله خير هذا أحسن شي سويته.

الخطيب باستغراب: ليش انتي فرحانة لفصخ الخطوبة ومنو هذا اللي ضحيتي فيني

علشانه؟

الخطيبة: أنا فرحانة لان اتصالاتك الأربعه اليوم كشفت لي شيء خطير يبعدني عنك

و يخليني أصمم على فصخ الخطوبة.

الخطيب باستغراب: ممكن تفهميني أكثر.

الخطيبة:انت اتصلت فيني اليوم الساعة 11.45 ظهرا

و الساعه 3.45عصرا

و الساعة6:30 المغرب
والساعه 8مساء

وهذا هو اتصالك الخامس اللي تكلمني فيه

الخطيب: شيء عجيب انك تتذكرين حتى ساعة الاتصال بكل دقة.

الخطيبة: أتذكرها لأنها الأوقات اللي أكون فيها مشغولة مع من أحب و اللي أنسى كل شيء من أجله و البذات لما أكون معاه في هذي الأوقات..و أنا الآن فرحانة لأني اكتشفت انك مشغول عن من هو أحق بانشغالك به،تحب تعرف أنا مع مين كنت؟

الخطيب: منو ؟

الخطيبة: كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها ،و أنا ماأقدر أرتبط في انسان لاتربطه صلة بالله.

أغلقت الخطيبة التيليفون بوجه خطيبها بعد أن قررت هي الابتعاد عنه.

قصة تستحق التفكير كثيراً !!

مااشااءالله
زيين ماسوت فيه

يارب ثبتها و ثبتنا على دينناا

عسى الله يهديه ويهدي الجميع اخواننا المسلمين

يزاج الله خير حبووبه .. الله يعطيج العافيه

قصه رائعه فعلا

وذاك اليوم في حوار في مجلس كويتي كان منقول على التلفزيون ويناقشون فيه مواضيع دينيه
فقال واحد منهم انا اتمنى تنلغى سالفة انه حطوا موبايلاتكم على السايلانت في المساجد
واريد عادي تكون الاوضاع وما نغير وضع الموبايل
لاني اريد الوقت اللي الناس تكون فيه في الصلاة …. يكون اصلا محد بيتصل فيهم
يعني تكون البلاد كلها عارفه انه الحين هالشخص في الصلاة فمن الاساس محد يتصل فيه

ومشكورة على الموضوع

العفو حبيباتي

يشرفني مروركم الرائع

وعسى ربي يهدي الجميع ويصلح احوالنا

تسلمين حبيبتي على الموضوع الرائع ..

تسلمين على المرور

عيبتني وآيد هذه القصة

يزاااج الله خير على النقل

الي عندهن خبره في مشاكل الخطوبه تفضلو

السلام عليكم ورحمه الله وبركاته

شحالكم يا حريمات و بنوتات المنتدى

بنات ربيعتي الله يسلمكم مخطوبه ( كانت ) لين قبل كم يوم
المشكله الله يسلمكم خطيبها يغار وايد بشكل مو طبيعي توصل للشك ووايد يحبها ( على حسب كلامها وكلامه هو لها وللناس ولاهلهم )

الي صار …

هي تعرفت على بنت ما تعرفها عدل وهالبنت يوم عرفت فلان خطيبها حاولت تخرب امبينهم مع ان هالبنت مزوجه ..
هو لان خطيبها منعها منها و يوم عرفت ربيعتها تخبلت تمت و سوت المستحيل حتى تخرب
السالفه حبيباتي خطيب ربيعتي كان بيخطب اخت هالبنت وما صارت قسمه لان سمع كلام مب اوكيه واختها حسب مافهمت انها عرست و مستوره وسعيده فحياتها
بس هالبنت الي مع ربيعتي تمت تقوللها هو ما يحبج ما يباج يباني مع ان قلتلكم معرسه بس حسيتها مريضه نفسيا و تكذب تقول يطرشلي مسجات مدري شو و تاكدت ربيعتي هالكلام بس كلام و خبرت خطيبها السالفه و ثبتلها و وجيه يعني
ربيعتي نزرع فيها الشك من رغم ان هو اوكيه معاها ولا تقدر تخبر اهلها بالتفاصيل ما تبى ياخذون فكره عنه … صارت يوم تتصل به مايرد تتخبل على طول تتهمه او تشك فيه
و طرشتله مسجات معصبه فيها تخبرني اخر مسج كاتبتله طز مدري شو ( انا عني خبرتها هالشي غلط ) عاد مدري عنكم
هو خلاص ما يباها والي حاولو يصلحون امبينهم يقوللهم لا

هي ما سوت جيه الا يوم ربيعتها تم تقوللها كلام و تقهرها مع انه هو مانعها تكلمها و بالاخص ان البنت مب اوكيه فري وايد

انا ماعرف شو اقوللها بصراحه و نحن ربيعاتها كل وحده لنا رأيي انا خابرتها عن رأيي و خبرتها عن منتدى مالنا فديته وفديت الي فيه وقلتلها فيه بنات ما شاء اللهم عليهم فاهماتهم ان شاء الله بيعطوج الحل

فـ يا بنات شو رايكم و شو تسوي عشان ترده هي للحين ما حاولت وياه بس حد كلمه من صوبها و رفض وهي تباه ومتندمه على كلامها معاه وشكها ومسجاتها

خليجية

عقلها براسها تعرف خلاصها
لو فعلا هي متاكدة ان هالبنت اخلاقها مش اوكيه ليش تصدقها من الاساس وبعدين لو هي صدق زينه كيف تسمح تقول هالكلام عن نفسها والله يتصلي ويباني ويحبني وين تبا هاي خل تحشم عمرها اول
ربيعتج ما عندها سالفة خل تودرر لعب اليهال عنها ها زواج مب لعبة
والريال يباها وشارنها وقالها لا ترمسين فلانه وخلاص وواضح ان ربيعتها متغايضة منها خل تسويلها طاف

هي خلاص سوتلها طاف من زمان هالسالفه صارت عقب تشك فيه
مع ان تقول ان هي واثقه منه بس مرات يوسوس لها الشيطان وتشك
الحين تبى تصالحه ومب عارفه كيف او خايفه من ردة فعله حسب كلامها

انزين هم مخطوبين اعتقد والله اعلم انه ما يجوز تكلمه ما ادري ياختي بصراحة
المهم لا يطولون فترة الخطوبة خل يستعيلون بالملجة والعرس لانه هالفترة بتكثر المشاكل بينهم ..

خليجية

الله يهديها الحين شو استفادت يوم سمعت رمسة الناس و شكت في الريال ؟؟

يمكن الله راد إنها تتعلم خطاها قبل ما تتزوج عسبة ما يستوي الطلاق

و نصيحة مني لا تعطي إذنها لحد

انزين كيف ترده وتصالحه ؟

هي اول مره تنخطب وتكلم حد ما تتعرف تتصرف وانا ما اعرف شو انصحها عشان جيه فكرنا نطرح الموضوع هنا و تعطونها حل ترد ريلها
كيف تبادر و شو تقوله

الله يوفق بينهم

السوالف أيام الخطوبه أو الملجة؟

::

السلام عليكم ورحمة الله وبركاته ..

خواتي العزيزات والفاضلات ..

حبيت أتناقش معاكم بخصوص الفتاة اللي ترمس مع خطيبها بأيام الخطوبه ،، هل هالشيء أفضل ،، والا تترك هالشيء لبعد الملجة ،،

عن تجربتي انا بالحياة

أنا كنت فتاة مخطوبه وكان خطيبي بأيأم الخطوبه يطلب اني أرمس معاه بشتى الطرق بس للاسف قلت لا ،، وطبعا بعد الملجة رمست معاها ،، بس للاسف طلع تفكيره بصوب وتفكيري بصوب ،، يعني شيء فروق الدنيا بيني وبينه ،،، وقبل العرس انفصلنا عن بعض ..

فالسؤال حاليا يعود لكم …

هل البنت أفضل اتكلم خطيبها بأيأم الخطوبه ع أساس لو ما ارتحوا ينفصلون من غير كلمة مطلقة ..

أو بعد الملجة أفضل …

أحد فيكم مر بتجارب ورمس بأيام الخطوبه وانفصل أو اتفاهمتي انتي و خطبيج وتمسكتوا ابعض الين

يوم العرس …

نبغي رايكم ….

للرفع

::

شكرا ع التواجد اختي …

والبقية زيارة من غير رد …

اتوقع هالمووضوع مهم ^.^

مدري شو الخلفية بالضبط عن بعض الناس

بس انا عن تجربة وواقع وألم عشته الخاطب لازم يكلم خطيبته عشان يعرفون اذا هم يناسبون بعض او لا وهالشي وايد افضل من بعد الملجة وف النهاية تكتشف او يكتشف انها عكسه واقل من تفكيره ويصير طلاق
يقولون عني فجيت خطبة ولا يسموني مطلقة وايد صعبة

صدقها مها …

وان شاء الله يفيدونج المجربات …

ما اعرف

هو حلو انها ترمسه بالملجة

بس هالايام واللي يصير الحين ترمسه بالخطوبة احسن وينفصلون بالخطوبة احسن عن الملجة وما تعلق علـــــــــى اسم مطلقة واااااااااااايد صعب هالشي

تكلم خطيبها على أي أساس ،، عشان ما يقولون عنها بعدين مطلقه بس!!!!!!!!

نسيتوا تعاليم ديننا نسيتوا أحكام الشرع ؟؟

حـراااااااااااام ،، شو من علاقه بينهم عشان تكلمه ويكلمها ,, لا تاخذون الأمور ع كيفكم وهواكم ..

كم كانت فترة الملكه أو الخطوبه وشو المواقف اللي صارت فيها؟؟؟

السلام عليكم
حبيباتي كل وحد تدخل تقولنا كم كانت فترة ملكتها او خطوبتها وكيف كانت مقابلاتها مع ابو الشباب
يعني كان كم مره يجي في الاسبوع او في الشهر وهل اهلك كانو يسمحوانك تخرجي تتمشي معاه ولا لأ
وهل صارلكم موقف في هالفتره احرجك مع اهلك ؟؟؟؟؟؟

ااااااااااااااااااخ كانت اصعب فترة بحياتي
انا انخطبت 3 شهور وحسيتهم 3 سنين من كتر المشاكل
المهم كان يطلعو معنا حد دايما بس زوجي كان يعصب ويخلي الطلعة نكد اصلا المفروص نتزوج بعد بسنة من يوم الملكة بس اهلي بعد اللي شافوه خلوه قريب خخخخخخخخخخ

لا تعليق

قريب ان شاءلله بيي وبخبركم علووووم وسواالف الملجه بس انتو ادعولي الله يتمم على خير واييسر امووري

لي عودة بعد الملجه هع خليجية

بخبركم قريب ان شاء الله اذا الله كتب لنا نصيب

دعواتكم ^^

ربي يوفقج أختي خليجية

بالنسبـة لي بين العرس والملجـة شهر بس

شافني مرتين ببيتنا ^^

وطلعنا مرة وحدة مع الأهل

مواقف صراحـة ما لحقنا عسب تستوي مواقف كنا مؤدبين وأنا استحي هههه

وكل شي مر بسرعـة والحمدلله على كل حال


لا حول ولا قوة إلا بالله

عقب الملجه ان شاء الله بخبرج خليجية

محتاره شو اسوي افصخ الخطوبه ولا لا

بسم الله الرحمن الرحيم

مب عارفه حتى ابدا بالموضوع لانه حاز في خاطري واااااايد وشكله بخربي علاقتي ويا زوجي المستقبلي وهله .
مشكلتي خواتي هي ان اخت ريلي وامه قبل مايخطبوني رسمي كانوا يبون اختي الصغيره الي تصغرني بخمس سنين بس ابويه جص عليهم وجالهم محيره لولد عمها هيه لا محيره ولا شي وهذه كله لنها صغيره عليه وايد و توها متخرجه من الثانويه وردو بعدين وغيرو رايهم يبوني انا، وعاد انا من كبري توني داشه 22 سنه باقلي كورس وبتخرج من الجامعه ، ماعرفة هاشي الا بعد الملجه بيومين من خالتي ، والله يخواتي ماتعرفون شو الي صارلي ياني انهيار عصبي من كثر مب انا مضايجه وتعبانه نفسيا ولا لي خاطر في اي شي وكل لليله انام ودموعي مخيسه المخده ، ومحد يدري الي فيني الا ربي والاهل يتحرونه كل هذه من ضغط الجامعه ، بتجولولي فصخي الملجه او رمسي الريال شوفي شو شعوره ناحيتج ، نحن عداتنا ماتسمح انا نفج لا خطوبه ولا ملجه حتى الريل مانرمسه

والله مضايجه حيل ماعرف شو اسوي خليجية قرب العرس وانا عايفه كل شي حولي حتى الزهاب مازهبة شرات العرايس الي يستانسن للشريه
كله مخلتنها حق خته تزهبلي هيه.
لاتبخلن علي خواتي بنصيحتكن يمكن تكون احد حلول هاي المشكله

اختي استهدي بالله وين المشكلة؟؟
كانو يبون اختج والوالد رفض..عاد هو كيفه يعطيهم اي سبب.
وهم رجعو من نفسهم وخطبوج وين المشكلة..لانهم اكتشفوا انه ابوج كذب عليهم؟؟
زين اهل المعرس قالو شي اعترضوا قالو بيفصخون الخطبة..يمكن الموضوع عادي عندهم وانتي مكبرة الموضوع استهدي بالله واكثري من الاستغفار وقرآة القرآن..والله يتتم لج على خير

حبوبهـ ؛

ليشـ كل هذا الهمـ والتعبـ ؟؟

لانهمـ كانوا يبونـ اختجـ ؟؟

مافيها شيـ اختيـ؛

عسى ان تكرهوا شيء وهو خير لكمـ؛

ربـ العالمينـ كاتبنه لجـ انتيـ ؛

وساقهـ لبيتكمـ؛ لأنـ نصيبهـ في هذا البيتـ؛

واهل ريلجـ؛ كان ممكنـ يروحونـ يدورونـ بنتـ ثانيهـ لهـ؛

بسـ حتى بعد الرفضـ؛ ارجعوا لبيتكمـ وخطبوجـ انتيـ ؛؛

حبوبهـ؛ ادريـ ان هالسالفهـ تعور شويـ ؛

بسـ لا تخربينـ حياتجـ؛

كنتيـ تقدرينـ تفكينـ كل شيـ؛

من ساعة ما عرفتيـ السالفهـ؛

وصار الوقتـ وايد متأخر ؛ عشانـ تصلينـ استخارهـ؛

هالشيـ كان المفروضـ تسوينهـ من البدايهـ؛

بسـ ما راح يضر ان صليتيها اللحينـ؛

ما تدرينـ ؛ يمكنـ يرتاحـ قلبجـ وترتاحينـ؛

من هالسالفهـ؛

توكليـ على اللهـ اختيـ؛

وتأكديـ ان ربـ العالمينـ ما يكتبـ لعبادهـ الا كل خير؛

موفقهـ يا قلبيـ؛

والسموحهـ على القصور؛

ما فيها شي هم خطبو اختج الصغيره بدون ما تكون اي علاقه بين الاثنين وابوج بطريقه ذكيه اعتذر يبا مصلحتج يزاه الله خير ما يبا ايزوج الصغيره قبل الكبيره اتوكلي على الله وفرحي ما دري ليش منكده الله ايوفقج ويسر امرج

حبيبتي مافيها شي استخيري حبيبتي وادعي اذا هذا من نصيبج فجدمه واذا ماكان من نصيبج فوخره عني لين يوم العرس وانشالله خير حبيبتي

مافيها شي اختي عادي

وصدقيني هذا كان سبب من ابوج لكنه نصيبــــــــج من رب العالمين
والله كاتب انه هالانسان يكون لج مب لاختج

استانسي الغاليه ولاتضيجين بعمرج وربي يوفقج ان شاءالله

الغالية سالفج تقريبا نفس سالفتي بس العكس كنت انا الصغيرة واختي العودة كانت فعلا محيرة حق ولد عمي وهذوني عرست بنفس الشخص ويبت عيال والحمد لله راضيه بحياتي هونينها وتهون وبصراحة مايسوا تزعلين على هذا الشي استانسي كم مرة بتعرسين وكم مرة بتزتهبين حق عرسج عيشي حياتجى واستانسي اتمنى اكون فدتج بشي

تمت الخطوبه ويتريون الرد

خليجية

السلام عليكن يا أحلى بنات
وصلتني رسايل خاصه من بنات والله اني وايد اشكرهن وكلهن حبن يطمنن شو صار على

موضوع خطوبتيه ف اشكر غاليه82 وفساتيني و روحي وقطرة ألم وجفابوظبي

والحين بخبركن ياسيدات الامارات شوه صار بالضبط يوم الجمعه 19/12/2017

طبعآ يوم الخميس فالليل ما ياني رقاد ف رقدت بالغصب الساعه 5وشي عقب الصلاه ونشيت

من الساعه 9 الصبح والكل مستغرب اخوي العود (بوحمد) غمز حق ماماه شفته جان يقولي :

شمسووه شو موعنج انتي ماتنشين قبل الساعه1 الظهرخليجية

قتله : شبعانه رقادخليجية

قالي : علييييييييييييينا خليجيةبس لاتخافينين طال عمرج مسنوده واخوانج ذيابه

وقلد صوت الذيب والله كلهم ماتوا م الضحك خخخخ

المهم تريقوا وانا من الخوف مالي نفس ع الريوق

المهم صلوا اليمعه وحطوا الغدا ونفس الشي مالي نفس ع الغداخليجية

بعدين جيه ع العصر بدت الترتيبات ووصلت ام ريل اختي فديتها اعتبرها شرات امي يتنا لانه

ماماه فديتها تباه تكون حاضره

المهم سلمت على ماماتي الثانيه وقالت لي : ان شاء الله تتوفقين يارب وياه نحن بعد تخبرنا عن الريال وطلع والنعم ف اكتفيت بأبتسامه

وسرت اتزهب لبست جلابيه لونها ذهبي ومن تحت شرات التايقر ومطرزه من الصدر خذتها من راجو بلازا ماقصر خخخ 1300 ع جلابيه بسيطه

وماحطيت ميك اب بس جحال وغلوس وماماه تقوليه بس مكياج

فجأه واسمع صوت اخوي الثاني(بوغاليه) واقول في خاطريه هذا عاااد شووو ايفكني من لسانه

وكالعاده يباب وضحك واصل اخر الشارع

كلللللللللللللللللوش خليجية وهذي عادته اذا صارت مناسبه كله جيه خباال

((الله يعين حرمتكخليجية))

عقب ياني : (الغرشوب شو تسوين) هو كله يوم وحده فينا اتلبس يزقرها غرشووب

قتله والله شوفت عينك عقب قالي جحليني جحلته<< قالي سامت ولاااااه ؟؟

واقوله والله انك متفيج انا في شووه وانت ف شوه

قالي هذا ويهي لو يببت لج قبل الملجه اندوج جحالج>> هاته ماعندي غيره اصلي خليجية

اممم عقب حطيت بودي لوشن وعطر اختي يايبتنه لي اسمه أحبك من (الظبيانيه للعود )
ولبست شيله بعد تايقر وشعريه فليته وهذي خطة ماماه الله قالت اكيد يبن يشوفن شعرج

خليجية قتلها بعد تعرفين تتخططين هاه ؟؟

المهم ع المغرب جيه وصلوا العرب يااااااي قلبي وقف

سلموا عليهم
وانا بعدني عقب يت اختي قالت يدة المعرس طول الوقت تسأل وين

العروس ماجفناها وانا تعذرت بولدي قلت برضعه وطلعت عسب اتيين
المهم سرت عقب ماخلصت من ولدها اممم و الحريم الكبار اللي هن يدته وامه وعمته حبيتهن بوسه سبيشال ع الراس

والباجيات ,.وزعت عليهن بوستين بوستين يكفيهن

عقب يدة المعرس قالت : تعالي بنتي ايلسي حذالي ويلست عدالها وام المعرس تطالعني

وعمته وخواته

المهم طافت جي ربع ساعه ف استأذنت وظهرت كانت ام ريل اختي تطالعني حسيت انه قصدهاخلاص سيري

المهم سرت داخل يتني ضحكه ماعرف ليش تميت اضححححححححححك ضحك ماعرف م

الخوف ولا م الفرح ولا شو مادري

المهم اذن العشا واختي يابت خوات المعرس الغرفه اللي انا فيها عسب يصلن ويتوضن
انا كنت اصلي ويوم خلصت

جان تقولي اخت المعرس الكبيره : كبرتي عن قبل يوم نشوفج فالشارع عند البيت كله حافيه ويايه من الدكان
قلتلها : ذكريات الحاره الجديمه خليجية بس الاول اتحول

قالت اخته الثانيه : صارت عروس جم عمرج قتلها : 19

قالت لي هو اكبر عنج ب7سنين

مارديت بس ابتسمت

المهم عطيت كل وحده سيادة صلاه وصلن ويلسن وياي سوالف هني ارتحت حسيتهن وايد ok

لين يت ماماه زقرتني لان المعرس بيشوفني وسرت المهم وتمن خواتي وياهن

وظهرت عنهن

المهم النظره الشرعيه وما ادراك ما النظره الشرعيه <<تحجبت دخلت شعري طالعته نظره ونزلت راسي , ومتأكده انه مبحلق فيني

ف قالي : (طالعيني طالعيني مب غلط مب غلط) بس رفعت راسي جفته بعد نظره والا هوه شاق الحلج

ونزلت راسي زين شفته عدل

عقب خلاص روحوا وسرت يلست داخل والغرفه فضت الحمدلله واقول فخاطري امم شراتي ضعيف وطوله مناسب مب عملاق ok وافقي يابنت الناس خخخ

وعقب ماشي حطوا لهم العشا وجيه يعني ضيفوهم و بخروهم

ف قالوا بيسيرون طلعت مره ثانيه سلمت عليهم

وام المعرس تقول لامي : عاد ردوا علينا لانه ولدنا مستعيل على الملجه وجان وافقتوا ترانا

بنحددها فأقرب وقت

امايه تقولها كله من الله خير والزواج قسمه ونصيب والمكتوب ان شاء الله بيصير بس عطونا

فرصه ان شاء لله وبنرد عليكم

قالت ع خير ان شاء الله

وراحوا

عقب روحت ام ريل اختي وريلها لانه وراهم درب وهم من بوظبي حليلهم

واخوي قالنا انه ابو ريل اختي قايم بدور الاب يقول حسيت بالضبط جنه ابو العروس

(الله يرحم ابوي) بس الحمدلله الاهل كفوا ووفوا بوقفتهم

المهم تموا يسولفون عن الريال وين دوامه وجيه وشو رتبته الخ و اللي عرفته من هلى انهم

بياخذون هالسبوع وبيردون عليهم عقبه

واختي وريلها اليوم طيارتهم الساعه1 الظهر سايرين العمره انشالله ترد هي ريلها بالسلامه

قلتلها ادعيليه

(الحمدلله الذي بنعمته تتم الصالحات)

قولن ماشاء الله

خليجية

ياارب يتمم مجلتج ع خير

موفقة

الله ايسر أمورج ان شاء الله .. ويتمم لج على خير ….. ^ـ^

شموووووووس من خاطريه ربي يوفقج ويتمم لج على خير^^

ربي يوفقج ان شاء الله والله استانست من متى أتابع مواضيعج واتريا اتنزلين الموضووع..

الف مبروك مقدماً والله ايسر امورج ان شاء الله ويستر عليج ويرزقج الريال الا تكونين له قرت عينه وهو قرت عينج

ربي يوفقج و ايسر امورج ياربي ..

الخطوبه وعدم اتمام الزواج وتاثيره على البنت <<مساعدتكم

صبااااااااااااااااح الفل والورد
بقولكم السالفه وابيكم تشورون علي وانا الصراحه ارتاح لكم كثيييييير

الموضوع ان بنت خالتي خطبها شخص قريب لها اول خطبه كانت البنت صغيره وتدرس وابوها رفض لانه مع ان البنت تكمل دراستها والزواج يشغلها
ورد وخطبوها اول ما خلصت من الثانويه واهلها وافقوا عليه وهي وافقت بالعلم اهي ما تعرف شي عن الولد بس تعرف اهله
وابوها قالها ان رجال وفيه خير وووو يعني مدح لها واقتنعت فيه وبدت تخطط لحياتها معاه
تمت امور الخطبه الرسميه وقريبا الخطبه استمرت 7 شهور والبنت تعلقت بالولد من سوالف اهلها عليه
يوم قربت الملكه فحصوا فحص الزواج بس النتيجه مافي تطابق بينهم يعني في امراض وراثيه
وانهوا موضوع الخطوبه لمصلحتهم ومصلحة مستقبلهم

المشكله بعد المقدمه اللي شرحتها لكم عن وضعها

البنت متاثره كثير وصارت حساسه واثر حتى على صحتها كلموها اهلها وانا كلمتها وقلت لها ربي ماراد انكم تاخذون بعض وربي بيعوضج كل خير
تقولي انا اعرف ان كل شي قسمه ونصيب بس قلبي تعلق فيه وحلمت بمستقبلنا مع بعض وكل شي
وتجهيزاتي وسبع شهور كوني كنت مخطوبه ما اقدر انسى الموضوع بسرعه.

السالفه مر عليها تقريبا شهور والبنت للحين فيها غصه مو قادره تنسى وزايده حساسيتها كثير
ابيكم تساعدوني بطريقه اقنعها انها تنسى الولد جربت معاها اسلوب ضرب الامثله والقصص وانا كنت نموذج مشابه لقصتها واقولها شوفيني عايشه حياتي وربي نصيبي كاتبه لي

بس البنت طبيعتها حساسه وخجوله وبسرعه تتاثر والصراحه تقريبا فاقده من وزنها الكثير وجهها صار شاحب وانا خايفه عليها وابي حل كيف اتعامل معاها <<<ادري طولت بالكلام بس البنت كاسره خاطري وبطلعها من هالحاله اللي هي فيها ….

وجزاكم الله خير وادعوا لها

ربي يوفقج أختي

وللاسف اللوم على أهلها صراحـة >_< !

يعني هم بس مخطوبين والمخطوبين ما يستوي يسولفون ويتكلمون جنهم معرسين

البنت تعلقت بالولد وهي بعدها مب على ذمتــه

لو أهلها حددو حدود علاقة الخاطب والمخطوبـة جان سوو خير في بنتهم

على العموم أختي الي استوى ستوى الحين ..

والبنت من كلامج مبين عندها ايمان بس محتاجـة تذكير ووقت

يعني بعض المرات مشاعرنا تاخذ وقت أكثر عن قراراتنا عسب تتغير

فخلها تداوم على ركعتين في الثلث الأخير من الليل ^_^

تشكر رب العالمين انه قدم لها الي فيه الخير

حتى لو مب مقتنعــة تشكره لإن سبحانـه ما يحكم بشي الا لحكمـة

وان شاء الله مع شكرها لرب العالمين بيزيدها وبيرزقها الشي الي يشغلها عنه

وما يمنع اتشجعينها ادش نادي رياضي وتزيد النشاطات مالها اليومية عسب ما تفكر وايد

والله يعينها ويسر لها


۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩

الله يريح قلبها و يسهل أمورها ويرجعها بحيويتها وضحكتها

عزيزتي … من تجربتي أقولج من بعد تقوية العلاقة الإيمانيه مع الله سبحانه
الحل الوحيد إنها تشغل نفسها بأي شي خليها تطلع من البيت تروح تتمشى << وديها الوندر ولا فيراري خليها تفج حرتها

أنا أسوي المستحيل بس علشان إبليس ما يوسوس فمخي ويقول لي أسوي أشيا وأفكر فأشيا تخليني أكتئب

لو ما لقت شغله .. تروح تدخل أي مؤسسه تطوعيه وتعمل فأي جهه تطوع … أهم شي ما تقعد فالبيت

والله يسهل لها ويخليج لها خليجية

موفقه

الحياة حلوه .. والعمر يمضي .. و نحن نحسس أنفسنا إننا ناس وحيدين محد ويانا <<< كلها أفكار شيطانيه اللهم اكفنا منها

مسيكنه …انكسر قلبها …
تحاول تشغل فراغها ,,,
الله يعينها

الوقت بينسيها

الموضوع مو مستاهل كل هالشي

ذكريها ان هذا امر الله وهو سبحانه ماسوى هالشي الا لمصلحتهاا

لو تزوجته ويابت معاقين كانت بترتاح ؟

او لو ماكان مثل مااهلها رسموه عنه وطلع مايتعاشر بترتاح ؟

احيانا نتضااايق ونكره الدنيا بس فالاخيرر نقول الحمدلله لان ربي يعوضنا بشي احسن

انصحج تنصحينهاا تتقرب لله ( تحاول تحفظ قران ) بينسيهاا خطيبهاا واهله

وبيريحهاا واايد