الوسم: الدانيت

احم يقول لكم الجمعة كانوا العايلة متجمعين
و خالتي ياية من بوظبي و صار لنا جي شهرين ما شفناها
و شقيقي العزيز ياي من لندن
قلت يا لولو سوي شي مفيد في حياتج
و جان افكر و افكر و اطلع بهذي الوصفة

المقادير :
بسكويت vicenzi
2 قشطة
2 دريم ويب
2 دانيت فانيليا
2 دانيت كاكاو
و علبة حليب شكولاتة جالاكسي
1 كريم كاراميل

الطريقة
اول شي نصف البسكويت في البايركس

الحين نسوي خلطة الكريم كاراميل كالعادة … حليب و شوية سكر <–حسب الرغبة
انا اول اسخن الحليب و بعدين لما يقرب يغلي افرغ عليه بودرة الكريم كاراميل
اول ما يبدى يغلي شوي
اصب عليه ربع لين نص علبة حليب الكاكاو

او على حسب ما تشوفون انتو الطعم … بالنسب لي انا حطيت نص العلبة
و اخليه يغلي شوي و النار لازم تكون خفيفة
و بعدين اصبه على البسكويت
و ادخله الثلاجة لين ما يجمد
اول ما يجمد نطلعه و نخله على جنب
ناخذ 1 قشطة + 1 دريم ويب و نخلطهم انا استخدمت ال spatula لانه ما يبيله وايد … و بعدين اضيف عليهم علبتين دانيت الفانيليا
و اخلطهم و بعدين اصب الخلطة على خلطة الكريم كاراميل و البسكويت
و اكرر نفس الشي
1 دريم ويب + 1 قشطة +2 دانيت كاكاو
و اصب الخلطة على الخلطة البيضا
و لا تخافون الكريمة بتكون ثقيلة و ما بتختلط


انا زينتها بالكاكاو الابيض السباركل