الوسم: الدراسه

من يعرف جامعة في لندن الدراسه فيها عبر النت؟؟ و تكون معترف بها ؟؟

شكراُ

هلا الغاليه أنا سمعت فيها بس المشكلة مب معترف فيها في التعليم المبكر يعني بتاخذينها من دون فايده

انا حامل ف الاسبوع ال 12 .. اراجع ف عيادة الجاهلي-العين .. شافتني الدكتورة قالتلي ان وزني وايد نازل وانهم مسويين دراسه على فتامين د للحوامل ونصحتني اني اشترك فيها رحت للدكتورة المسؤؤلة عن الدراسه عشان اخذ معلومات واقرر … قالتلي هاي دراسه للحوامل وانها كل فترة بتعطيني جرعه من فتامين د لين الولاده وبعد الولاده وبتفحصني انا و البيبي عشان تشوف كم نسبته فينا؟؟

انا متخوفه من هالدراسه وخصوصا ان هذا اول حمل لي

حد عنده فكرة؟

ماعندي اي فكره .. ومب لازم تشتركين .. احس الوحده تتحذر من هالسوالف ..
الله ايسر لج حبوبه ..

انا وزني لين الشهر 6 مازاد .. عقب لووووووووول .. الله لايرويج كم وصل ..
انا كنت قبل الحمل 47.. وكان مايزيد إلا نص كيلو او كيلو واحد .. المهم لين السادس عقب اتقولين فيل .. مره وحده طار لين 68..

الي عندها معلومات ان شاء الله اتفيدج …

مشكووووووورة

افترض الباحثون لسنوات أن تناول فيتامين دال خلال الحمل قد يكون له آثار إيجابية على المواليد. ومن هذه الآثار حماية المولود من أعراض تحسس الصدر. وقد بحثت دراستان نشرتا حديثا هذه الفرضية علميا للتحقق من صحتها ونشرت الدراستان في مجلة الجمعية الأمريكية للتغذية. وتابعت الدراستان عددا كبيرا من الحوامل وقام الباحثون بتحديد مكونات الغذاء للحوامل باستخدام معايير علمية. وتابعت إحدى الدراسات الأطفال حتى سن الثالثة والأخرى حتى سن الخامسة. وقد أظهر البحثان أن أطفال الأمهات اللاتي تناولن طعاما يحتوي على كميات أكبر من فيتامين دال كانت أعراض الصفير أقل بكثير من أطفال الأمهات اللاتي إحتوى طعامهن على كميات أقل من فيتامين دال. كما أظهر أحد البحثين أن استجابة الأطفال لموسعات الشعب كان أفضل بكثير عند الأطفال الذين تناولت أمهاتهم أطعمة تحوي كميات أكبر من فيتامين دال. وقد استنتج الباحثون أن تناول الأمهات لكميات أكبر من فيتامين دال خلال الحمل يقلل من أعراض التحسس وبالذات الصفيرعند النوم.

الفيتامين اذا ما نفعج ما يضر الغاليه

مشكورة الغالية

ااااارفع

للرفع

لآن ماشي بينفع البنت غير دراسسسسسسستهاا

مرحبا اختي

انتي لو معرسة وعندج عيال اكيد تبين عيالج افضل الناس في امور الدين والدنيا …

فوجهة نظرهم انج تكملين دراسة عندج سلاح للوقت اذا احتجتي حتى لو مااشتغلتي بها …

منوه مايبا ولده ولا بنته تكون متميزة .. في كل شي …

اما عن موضوع الزواج تاكدي وايقني انه قسمة ونصيب .. كملنا الحمدلله دراسة ونحن معرسات وبعيالنا … مايانا شي … لكن لكل شخص طريقته فالتفكير والتخطيط لابنائهم … وهذا غلط لازم التخطيط يكون من الجانبين الابن واهله …

والدراسة بيتنفع الشخص نفسه ..

شوفي حبوبة //

الدراسه شي وايد مهم ،، ^^ يعني بالاخير هي بتحصل الشهاده وهالشي الوحيد الي ينظمن فهالدنيا ،، الشغل رزق ماا اشتغلت اليوم بتشتغل باجر وبتعتمد ع عمرها

لا الاهل يبقوون ولا النصيب مظمون بس عالاقل شهادتج فايدج ظامنه ولو 70% انج بتلقين شغل ع حسب تخصصج

مممممم بس الاجبار انا ما أأيد صراحه >< مهما بلغت اهميه الشهادة هذا ما يعني يجبرون البنت ع شي هي ما تباه وخاصه انها فسن رشد وعاقله غالبا الى ان كانو يشوفون شي ثاني ههههههه

ع فكره نحن عايلتنا من هالنوع ومعظم ربيعاتي بعد ^^ ونحن فرحانات عايبنا ما نبا العرس ياثر ع دراستنا ،، خطوبه او رمسه والعرس عقب التخرج اوووك بس عرس وجامعه لا نستطيييع لول

شسالفه البنات كلهن يخبن ع العرس
شو ماشي شغله غير العرس
كملي دراستج قالت بيلس فالبيت ولا بعرس
يعني لو عرستي خلاص ماوراج شغله غير ريلج
مشكله الي تحت 20

مآ اؤيد الاجبــآر

يعني نحن عدنا يعطون البنت خيآرات .. البنت لازم تدرس بس مش مجبورهـ بعد .. وان ياها النصيب بغت تعرس .. بتعرس وبتكمل .. ع راحتهآ لوؤل

لكن الدرآسه سلآحهآ فالزمن هآ .. محد بينفع حد !

لا ريل ولا اهـل .. ~

الأهل يدورون على مصلحة عيالهم ويتمنون انهم يكملون دراستهم ويحصلون على علم ينفعهم باجر وينفع عيالهم خصوصا اللي أهلهم ما قدروا يكمولون دراستهم يفضلون عيالهم يكونون أحسن منهم…ويا حبيبتي في هالزمن الريل مب مضمون شرات الشهادة صح انه في بنات متخرجات من الجامعة ومب محصلات وظيفة لين الحين بس الشهادة باجر بيفخرون فيها عيالها وعيال عيالها والشهادة تعتبر سلاح بهالزمن الي انعيشه.ترا في وايد ناس ندمانين انهم ماكملوا دراستهم في الوقت اللي كانت كل الوسايل متوفرة لهم وندموا لانهم ماسمعوا كلام أهلهم وكلام اللي أكبر منهم وعندهم تجارب بهالحياة..خصوصا إذا توظف بشهادة أقل عن غيره يتمنى الزمن يرجع لورى بس عشان يدرسله كم سنة تنفعله للمستقبل…والحين حتى اللي خلصوا الثانوية ويلسوا في البيت وعرسوا في منهم يتمنون يرجعون ويدرسون عشان يحصلون لهم وظيفة اتعينهم على غلاء المعيشة.

يدوووه دووم تقول ما بينفعج الا شهااادتج

انتي لو درستي و كملتي بتعرفين انه الحق مع اهلج

الدراسه و العلم و الثقافه نووور يا قلبي

و الدليل كلامج هذا لو كنتي دارسه و متعلمه ما كنتي قلتي هالكلاام ابدا ابدا

و الزواج نصيب و ماله خص و لا تتعذرين بالقطار و لا السيارة او سبل سفر اخرى

الشهاااده و بعدين الزواج

ولا كيف بتدرسين عيالج اللي بتيبينهم عقب العرس

الدراسه الحين حتى فالحكومه كلها انجلش

بتمين في وقتنا الحالي تجهلين كل شي

!

مرحبا اختي من رايي انها بعدها KG مب مشكله انها تأخرت شهر، شهرين او حتى ثلاثه.. بس اللي لازم تدرسينها الاشياء اللي خذوها عنها فالكلاس ..تواصلي ويا معلمتها واعرفي شو الاشياء اللي فاتتها وحاولي تعلمينها اياهن step by step

والله يوفجها انشالله

مثل ما قالت ساره

خذي من عند مدرستها قائمة بالاشياء الي درسوها .. و خلها تعطيج كل اوراق العمل الي سووها و هي مش موجوده .. و عاد في البيت خليها كل يوم تشتغل على ها الاوراق شوي -مب كلها مره وحده- .. و حاولي تدرسينها الاشياء الي فاتت بروحج

غــــالــــيـــــاتـــــي,,,

انا طالبة متخرجة من 2024 بنسبة 88% ودخلت جامعة زايد وكملت الريدنس وخذت التوفل والتوفل ما يا بسهولة .. بسبته ككرهت الدراسه سنه كاملة تخيلوا وانا امتحن لين ما نجحت آخر السنه ,,يعني سنتين راحوا ببلااااش…

المهم دخلت الجنرال اسبوع وطفرررررت من الجامعه وسرت سجلت في كلية الدراسات لعلي انفع ديني ومجمتعي واكون مدرسه واعلم اجيال ,,, لكن نص كوورس وما قدرت اكمل …
طريقتهم فالتدريس طريقة بدائية وما فيها تجديد ظزز هذا ديننا نبا بناتنا واولادنا يحفظنه ويطبقونه لكن ما قدرت اكمل وقمت اتسرب من الحصص مع انه هذا مب طبعي ابدا ,, لاعمري تسربت من ايام المدرسة لأني كنت مصرية وشاطرة ومجتهده…ودومي من الاوائل ..

حملت وطلعت من كلية الدراسات وما سحبت اوراقي على اساس اني يمكن ارجع الجامعه ربيت اول ارمضان ويلست فالبيت اربي بنتي ..

وقدمت هالصيف على تقنية البنات .. كنت حاطة أمل كبير ان يقبلوني واكمل دراستي واجتهد واعوض اللي فات .. وقت الدراسه في جامعة زايد طويل وما اقدر اتم لين 4 او5 فالجامعه وريلي يرد قبلي يعني مب حلوة ,, وعشان ريلي طلعت وبنتي طبعا ..

والصدمة ان البارحة اتصلوا فيه وقالولي ما نقدر ناخذج اتصلوا من شعبة القبول وقالتلي سيري اتصلي في التقنية وشوفيها اذا بتاخذج .. اتصلت التقنيه وقالت احنا ما ناخذ إلا الactive studens

يعني شو تبيون اسوي عشان اكون طالبة فعاله ع قولتهم ..والله انصدممممممممت اف
وانا ابا اكمل دراستي ….

وقلت يمكن اشتغل واساعد ريلي مع اني مب بحاجة للشغل مب الفراغ والملل ذابحيني
كرهت الدراسه لكن الحين في حاجة اني اسير اكمل دراستي واحصل على شهاده
واحس اني برجع مثل اول ..

ونسيت اقولكم جامعة زايد بعد ما طاعوا يردوني لأني يوم طلعت ما خبرتهم وحسبوها من نسبة الغيابونسبة الغياب زاادت وما بياخذوني

شوروا عليه خواتي … عطوني الحل المثالي ..

اكمل دراستي وإلا اربي بنتي وإلا اشتغل ,,,,,

ولا تنسوني من دعائكم …

اختي ليش ماتدخلين معهد

؟؟؟؟؟؟

تدرسين شي فيه فن

شي حلو

تصميم جرافكس او تاخذيلج دورات icdl وغيرها

واتمنى باقي الخوات الي عندها شور مفيد تشور علينا

مشكورة الغالية .. وما قصرتي اقتراح حلو

يزاج الله خير

تصرفي حبووبتي وحاولي بكل الطرق تكملين دراستج وتاخذين شهادتج .. ما بينفعج شي غيرهاا ..والله يحفظج لبنتج وريلج ان شاء الله

مشكوورة حبيبتي

حبيبتي ليش ما تخذين كورس اوفيس او سكرتاريه وتشتغلين فيها ..

واذا تحسين انج قادرة حاولي تشجعين نفسج وترجعين تقدمين في جامعه خاصه ..

صدقيني الدراسه ما تعوض ودامج الحينه خفيفه وعندج بنت وحده حاولي تشدين على نفسج وتشجعين نفسج وتكملين دراستج وانشالله ربي بيوفقج وادمج متوفقه في المدرسه صدقيني بترومين تكملين ماعليه كانت كبوه في البدايه بس لا تخليها تاثر عليج .. صدقيني بتمر الايام وبتتحسفين انج ما كملتي

موفقه يا غاليه واستخيري

هلا اختي..

انا من رايي تستخيري واللي بترتاحيله الرب بيوفقج فيه ان شاءالله..

اذا ما ارتحتي للدراسة على الاقل خذي شهايد من المعاهد..

مثل شهادة ICDL وشهادة السكرتارية واشتغلي بالثانوية وبهالشهايد..

والله يوفقج..

والسموحة..

خواتي أنا أم – – – حملت وتوحمت وربيت ويبت هالطفل سهرة معاه الليل كله — واخر شي أعرضه للخطر هذا مش معقول — ياناس هالطفل الي تطلبون مني أوديه للمدرسه وأعقه في النار بيديه هالوباء هو النارألي بتقتل عيالنا ونحن نطالعهم – هذا ولدي حشاشة يوفي هب قطو أو فااار تجارب –هذا أنسان في ذمتيه وذمتكم لين يوم القيامه ( وكل راع مسؤل عن رعيته)
يقولون توكلوعلى الله ولن يصيبكم إلا ما كتب الله لكم — بس بعد قال لا ترموا بأنفسكم في التهلكه
والله حرام هالطفل البريئ نمسكه غصبن عنه ونوديه المدرسه —- بليييييييييييييييييز نريد منكم التفكير يا أولياء الامور في صحت عيالكم — وأعتقد تأجيل الدراسه شهر أو شهرين لين يحصلوله علاج مايأثر على مستقبل عيالنا وتعويضهم في الصيف وتغليص الاجازات وبطلب من كل وحده تقرا موضوعي ترفعه للأهميه —
عيالنا أمانه في أعناقنا

قل لن يصيبناالا ماكتبه الله لنا الله الحافظ اختي ارقيه صباحا مساءا والتاجيل نحن نتمنى بس ماراح ياجلون الله يعين عيالنا ويحفظهم يارب

صدقج ختية اوافقج في كلامج

صراحة اليهال أمانه فرقابنا .
ربيعتية مدرسة اتقول فيه بنات حرارتهن مرتفعة اوردوهن ع طول البيت
الكل أجل المدارس ..اولو تتأجل شوية بس..عسب ايشوفون الأوضاع

وان شالله خير
اوربي ايحفظ الكل

للرفعععععععععععععععععععععععععععععععععععععععععععععع عععععععععععععععععععععععععععععععععععععععععععع

للرررررررررررررررررررررفع

للرفع
للرفع

للرفع
للرفع

السلام عليكم ورحمه الله وبركاته

خواتي من تعطاني نبذه عن الدراسه فطيران الاتحاد

السكن المواصلات التخصصات الشروط كيفية التسجيل

والاهم بغيت رقمهم وين مكانهم؟؟؟

للـــــــــــــــــــــــــرفع

السلام عليكم ورحمة الله وبركاته
مثل ماكتبت في عنوان موضوعي .. انا خريجة ثانويه جديمه >> غبار خخ
وقررت اني اكمل دراستي << مول ماتبا تشيجع
وبكمل ان شاء الله في جامعة الجزيره وببدء طبعا بالفاونديشن .. حبيت اعرف حد منكن بيكون هناك ويايه .. لاني ببدء وانا مووول ماعرف حد
ابا اتعرف على البنات اللي بيبدن الدراسه هناك او حتى البنات اللي يدرسن هناك عسب على الاقل القى حد ما اتم بروحى

ماشاء الله 18 وحده ولا رد واحد

uppppppppppppp

انتي خريجة اي سنة وكم نسبتج ختيه ؟

هلا حبيبتي

حلو منج انج تكملين دراستج شي طيب والله

كل حد يحدر اول مرة مايعرف حد بس خلاف يتعرف كلنا مرينا بنفس التجربه

انا احتمال اكمل الماستر اذا فتحوه ع السنه اليديده باذن الله

موفقه حبوبه

مرحبا غرنوق حبوبه انا خريجة 1997 كح كح
ونسبتي 59.8

لوله الحلوه والله يختى من زمااان خاطري اكمل .. والحمدلله اني الحين عزمت وادري اني بتعرف بعدين على بنات بس اعرف انه وايد بنات هنيه في المنتدى يدرسن في جامعة الجزيره عسب جيه سالت

السلام عليكم ورحمة الله وبركاته

ممكن تفسير الحلم من العنوان
حلمت بوالدي يطلب مني اكمال دراساتي العليا علما اني جامعية وعندي اطفال ومتخرجة من الجامعة من اكثر من8 سنوات

تمت الموافقه
خيرا نتلقاه و شرا نتوقاه
ان صدقت الرؤيا
ربما الوالد سيطلب منك ان تزداي علما و تفوقا في علمك ان شاء الله
وسوف تقدمي له مايرغب والله اعلم
و ان كنت موظفه سوف يتم ترقيتك و الله اعلم
ان اصبت فمن الله و ان اخطات فمن نفسي و الشيطان

السلام عليكم

اختي صف ثالث ابتدائي و مستواها الدراسي وايد ضعيف مثلا الاملاء شوي تحسنت
بس القراءه زيرووو و الرياضيات والعلوم

يعني ترد من المدرسه و نوديها عند مدرسه خصوصيه تذاكر وياها كل المواد و ترد البيت اذاكر وياها واحفظها و جي

بس في المدرسه يوم اشوف كتبها كله مكتوب بالاحمر

الخلل مب في المدرسه بس الخلل فيها ماتركز ابدا و تقول مااحب المدرسه و مااحب اذاكر طلعوني من المدرسه ابي العب
لما اذاكر معاها سرحانه ومافي تركيز اعيد الشي معاها مليون مره مافي فايده وتقول ماعرف
وهالشي مب وراثه يعني نحن الحمدلله كلنا كنا شطار ايام المدرسه و نطلع من الاوائل وهاي تنجح غصب

ياريت الي عندها حل او نصيحه تعطيني

الله يدلج انشالله للحل اعتقد عند التنميه البشريه في شي من هذا النوع من فهم نفسيات الطلاب

اختي انا مدرسة صعوبات تعلم وتشتت ادرس عندي بالبيت لو تحبين ممكن اساعدك اتواصلي معي على الخاص وشكراً

الله يصلح حالها

مرحبا اختي فاطمة الجندي انتي من اي امارة ابغي اتواصل معاج عشان ولدي في الكي جي

اها انتي من العين صعب انا من عجمان

السلام عليكم اختي
ما دام هي حابة اللعب اكثر من الدراسة ليش مثلا ما تدمجيج اللعب مع الدراسة يعني مثلا عن طريق النت في حاجات مثل هيك
مثلا تعلم الرياضيات بطرق مرحة
او مثلا تشجعيها تقوليلها لو اخذت مثلا علامة كويسة في هذه المادة اشتريلك اللعبة الي اتحبيها او اروح انا وانت مدينة الملاهي او اسيبك تلعبي مع صديقاتك