الوسم: الدنيا

بسم الله الرحمن الرحيم…

سامحوني على العنوان بس لازم اسويلكم اشويه تحميس و تشويق و تربيش..

و الله السالفة من يومين صايرة يعني فريش في دوامي الجديم.. اتصل فيني احد المسؤولين ايسلم علي من صوب و من الصوب الثاني يسألني عن وحدة تشتغل في التلفزيون من اصل عربي.. قلتله هيه اعرفها خير…سالني جد سلفيتها فلوس؟ قلتله لآ بس هيه طلبت مني مرتين و انا هالفترة كنت محتايتنهم للحج فرديتها ..ليش خير و شو فيها المسكينه الطيبة الحبوبة اختنا الي من اصل عربي… قالي المسؤول والله لانها اليوم طرشت ورقة استقالتها للمدير و اختفت واستوى الهوج و الموج في الدوام لانه ناس وايد امسلفينها فلوس…هذا 20 الف و هذا 10 و هذا 7 و من هذا 5000.!!!

و مجموع الفلوس الي جمعتها 100 الف…من الموظفين و كل موظف اتقوله قصه ..انا شخصيا قالت لي انه سوت حادث و محتاجة 3000 درهم… و بعدين قالت لي انها محتاجة 5000 و قالت لاربيعتي امها مريضة و تبغي اتسوي عملية قلب و اربيعتي الثانية قالت انه تبغي اتيب امها الامارات و الثالثة قايله لها ان عندها قروض و غيرهم قايله انه اجهضت مرتين ….و محتاجة للفلوس لاسباب ثانية و الكل على الي يقدر عليه ساعدها انسانه طيبة و محترمة امصلية و صايمة و حبوبة و دايما تتغدى و تتعشى ويانا…و فجأة اختفت.. و سمعنا انه ماخذه قروض بقيمة 500 الف و ساحبه 70 الف على بطاقت الماستر كارد…و طارت بتقريبا 700 الف درهم.

خواتي اتحملو و قبل ماتسلفون اي شخص اتأكدو انكم اتعرفونه عدل او على الاقل خذو ايصال او شيك…او اذا تبغون تعطونهم عطوهم شي قليل مو اتلفونهم ب20 الف.

عيال الحرام وايد..فالحذر الحذر.

عنلاتها السراقه

دفعت بلا عن اللي جذبت عليهم …
وبعدين وبين بتروح وعيون الله اللي ما تنام موجود…
شكرا والله يكفينا شر الدنيا ومن فيها يارب

الله اكبر منهاا كيف تتهنا بفلوس حرام والله مافيها بركه هالفلوس حسبي الله ونعم الوكيل

حسبي الله ونعم الوكيل فيها!!!!!!

كيف ترضى تصرف على نفسها فلوس حرام؟!

و المشكلة محد يقدر ايزخها لو بغت ترجع البلاد بكل بساطة اتغير حرف واحد من اسمها بس و جنه العيد…بس ماقول غير حسبي الله ونعم الوكيل..

حسبي الله ونعم الوكيل فيها!!!!!!

كيف ترضى تصرف على نفسها فلوس حرام؟!

السلام عليكم ورحمة الله وبركاته
بنات ابي مشورتكم انا اتمنى ربي يرزقني بالزو ج الصالح عاجل غيراجل واتمنى تدعولي
اناادعي بصلاتي الحمدالله بس انا محتاره بين اثنين واحد تكلم السنه اللي فاتت وماعاد جا بس لسى ماخطب وواحد عاجبتني عائلته وامه واخلاقهم ويوم اجي ادعي ماادري ادعي انا ربي يرزقني بالافضل منهم او ايش اقول بدعائي ارجوكم ردوا علي بسرعه وربي يحقق لكم اللي ببالكم يارب
لااله الاانت سبحانك اني كنت من الظالمين ,,

اختي ادعي الله ان يرزقك الزوج الصالح اللي يسعدك في الدنيا والاخرة والله جل جلاله هو أعلم من يصلح لك ويسعدك …………. وان شاء الله قريبا الله يرزقك الزوج المناسب لك ……..

ادعوا لي خواتي بالزوج الصالح و يرزقني بنصيبي عاجل غير اجل ، و يسر ربي علي اموري ….
ادعوا لي خواتي بظهر الغيب …

حبيبتـِـِـي .. ادعـِـي ربجْ يوفقِــِج لمـِـا يحب و يرضـِـِا ..

و استغفــِـري وااايـِـِـد بنيــِه تيسيِــِر الامِــِور .. و ان شـِـِاء الله تتيســِر امورج ..

و خِــِليْ ظنِْــِـِـج كبيِـِـِـِـر برب العـِـِِـالميـِـِـنْ ..

ختيــِـِه مجنـِـِونه و تجننْ ربي يرزقـِـِـِج الزوج الصـِـِالح عِـِـِـاجل غيـِـِر اجـِـل و تتيسِــر امورج

اكثِــِري من الدعِــاء فالسجـِـِود و الاستغفِـِــِار و قـِـِـِيام الليِــِـل ..

عليكم السلام ورحمة الله وبركاته
أختي الغالية عليك بالإستخارة .. فالخيرة فيما اختاره الله ..
انظري الرابط التالي من موقع الاسلام سؤال وجواب للشيخ محمد صالح المنجد .. ان شاء الله تجدين فيه الجواب الكافي والوافي لكي ولجميع أخواتنا المسلمات
https://www.islam-qa.com/ar/ref/6585/ط§ظ„ط§ط³طھط®ط§ط±ط©
الله يوفقكن جميعا لما فيه خير وصلاح 🙂

الله يوفقج ويسهل لج كل مافيه خير وصلاح في امر الدنيا والآخره وان شاالله ربي يرزقج باللي تتمنينه واللي يعينج على الطاعه والعباده عاجلا غير آجل الله يسعدج وسهل امورج …

اللهم صل على محمد وعلى آل محمد، كما صليت على إبراهيم وعلى آل إبراهيم إنك حميد مجيد
اللهم بارك على محمد وعلى آل محمد، كما باركت على إبراهيم وعلى آل إبراهيم إنك حميد مجيد

يارب يسهل أمورج يااااااااااارب ويرزقج بالزواج والذرية الصالحة يااااااااب