الوسم: الدوليه

العنوان واضح الي مدخلها عيالها هالمدرسه تقول رايها من حيث المناهج الاستفادة الانشطه ويزاكم الله خير

وين هالمدرسة؟؟ اي امارة؟؟

بالتوفيق اختي بارك الله لكي
( اللَّهُمَّ اغْفِرْ لِي، وَارْحَمْنِي، وَاجْبُرْنِي، وَارْفَعْنِي، وَاهْدِنِي، وَعَافِنِي، وَارْزُقْنِي ).

اي امارة

السلام عليكم …..

خواتي بغيت رايكم في مدرسه اقرأ الدوليه في الشارقة ؟؟؟؟
منو عيالها في ها المدرسة بلييييز ممكن اتفيدوني؟؟؟؟

بسم الله الرحمن الرحيم انا عندي ولد في صف سادس فيها الحمد لله المدرسة ممتازة والمعلمين كفاءة ويخافون الله والادارة متعاونة والسنة بعد اشوفهم مطورين اكثر في الانشطة الطلابية المدرسة فيها اخلاقيات يعني طلبتهم محترمين بصراحة انا مرتاحة جدا منها واي سؤال ثاني انا حاضرة وتحت امرج

مشكوووره الغاليه على الرد …. ممكن اعرف المدرسه في اي منطقه ؟؟؟؟ واي منهج يتبعون؟؟؟

حبيبتي …انا اولادي فيها و هي مدرسة ممتااااااازة جدا…مرت فترة اول السنة كان فوضى و لكن بعيد عرفنا السبب..ان المدرسة كانت فيها لجان تشرف على المدرسة عشان تحصل المدرسة على الاعتماد الاكاديمي و شهادة الايزو…و للعلم هي المدرسة الوحيده النظام الامريكي بالامارات حاصلة على الاعتماد الاكاديمي…

نظامها امريكي …شديدين بالعربي و الدين.و الانجلش و الماث و السينس و الدراسات الاجتماعية..و الله ما ببالغ..تحسي ابنك راجع من المدرسة فااااهم كل شي بس حل واجبات….
مسؤولين الاقساااام رائعين و متعاونيين حتى لو بدك اسئلة خارجية بتحصلي عندهم…و بما ان ابني الكبير قريد 4 بقسم الاولاد.مسؤول عنه استاذ مداح اقسم بالله كلمة رائع قليله…حتى ابني بحترمه بشكل مش طبيعي….
الخلاصة انا بنصحك فيها

مشكوره اختي على الرد

الصراحه وايد احس اني مرتاحه من المدرسه و ان شاء الله اسجل بنتي فيها …..

حد يعرف متى يبدأ التسجيل في مدرسة اقرأ الدوليه ؟؟؟؟؟؟؟؟

نقلت بنتي من المدرسه الاكاديميه الدوليه في دبي كانت في الروضه ثانيه بسبب بعد المسافه ولا هي المدرسه ممتازه
نقلتها لمدرسة المعرفه الدوليه بتكون باذن الله تعالى الصف الاول
ابا اسال الي تعرف مدرسه المعرفه الدوليه تقولي رايها في المدرسه

هلا والله اختي .. انا وحده من خريجات مدرسة المعرفة من يوم انا في الروضة و انا فهاي المدرسه لين السنة هاي تخرج…

بقولج ابصدق المدرسة زينه نوعا ما بس اذا كانت بنتج شاطره لا تضلمينها في هاي المدرسه لانهم ينجحون اللي يبونه وعادي بنت ثانيه حاطيلها درجات مثل بنتج وبنتج تعبانه وتدرس فالبيت وهايج غش فغش يا انها هي الها علاقة ويا المدرس مثلا تيبها البيت حق دروس خصوصيه او انه الهم علاقة بالمدير وعلاقة قويه واايد..
وثانيا: عن بيئة البنات اللي فالمدرسه الاغلب خقاقات وبطرانات وتحسين بنتج يوم بتكبر وبترابعهم بتودر الدراسة ومابتهتم بس بيكون همها انه يكون لبسها حلو وستايل وجي يعني..وبتشوف الاولاد اللي اوقات ايون قسم البنات وهاذيلاك عاد مايخلون البنت فحالها خصوصا اذا كانت حلوه
واذا خلاص سجلتيها تابعي البنت دووووم دوووم ولا تتركينها ولا دقيقه خلي دوم عينج عليها وهتمي فيها وخليها قريبه منج واذا في مثلا اجتماع اولياء الامور دوم سيري واسمعي راي المدرسين عن البنت ..
وعن التدريس والممدرسين ها الشي الي ماروم ارمس عنه مووول .. مودرسين توب توب تدريسهم وايد اوكيه .. بس صح تدريسهم اوكيه بس في منهم ماعندهم ضمير يسبرون ويدرسون فالبيوت ويعطين الطلبة اسئلة الامتحان نفس ماهي بالضبط وانا ماسمعتها من حد هي مستوتلي انا..

انا اتكلم عن البنت يوم بتكبر يعني من صف 5 وفوق يعني فترة البلوغ

وسلامة راسج .. والله يوفقج

تسلمين فديتج
انا ايهمني مستوى التدريس
الباقي موجود في كل المدارس حتى الحكوميه
مشكوره الغاليه

اذا على المستوى ف هو وااايد اوكي

و المدرسين توب مثل ما قتلج

انا سجلت بنتي فيها كيجي2 بس مابعرف شي عن المدرسه سمعت انها في فيها اختلاط بين الذكور والاناث بس سمعت انه تدريسها كويس بس الكلام الي كتبته الاخت مرتبشه بخوف والله يستر

كل المدارس اختلاط الين سن معين

و بعدين المدرسه اختلاط الين صف 4

السلام عليكم ورحمة الله
اخواتي العزيزات .. اللي تعرف مدرسه من مدرسات ابوظبي الدوليه للمواد الانجليزيه للصف الثالث تعطي دروس خاصه في البيت فارجوها اطرشلي رقمها عالخاص في اقرب فرصه …

؟؟؟؟؟؟؟؟؟

للرفع

up up

اشحالكم خواتي انشالله بخير….انا من فتره كتبت في المنتدى كنت ابقي مدرسه في الورقا او المزهر او

مردف وما قصروا الخوات …بس بعد طلعو شوي بعيد عن بيتي مع ان المدارس ابد ماعليهم كلام بس

المشكله عندي ولد مريض ولازم يكون جريب من البيت …فحصلت مدرسة الشارجه الامريكيه موجوده

في الورقا الثانيه في دبي…مادري اذا حد منكم عنده فكره عن المدرسه تخبرني….ولا تنسون تدعون

لولدي ان الله يعافيه ونرجع الدوله بسرعه….

شفاه الله و عافاه و ان شاء الله البنات يفيدوكي

الله يشفي ولدج ان شاء الله ..

ما عرف عن هالمدرسة .. اسمحيلي

السلام عليج اختي
اول شي الله يشافي لج ولدج و يعافيه يارب من كل مرض بجسمه.
و المدرسه هذي اعيال صديقتي فيها لكن فرع الشارقه. العيال الحمدلله مرتاحين فيها و امهم وايد تمدحها. تقول وايد مرتاحه من تعاملهم, مو نفس مدرستهم القبلية ( المعرفه).
بس انا مو حابة المدرسه ما ادري ليش, كل يوم و الثاني اشوف البنت عندها رسمه ولا شغل لماده الفنية. كل يوم عندها مشروع. يعني الوقت ضايع بالمشاريع و الأعمال الفنيه. و للعلم بنتها في الصف الثامن و اخوها في الصف الرابع.
و الأفضل انج ما تاخذين بكلامي و روحي شوفي المدرسه بنفسج افتري فيها و شوفي كل مكان فيها, حتى الحمامات و انتي بكرامه دخليهم و تأكدي من نظافتهم. و خليهم يراوونج المناهج مالتهم للمرحله اللي ولدج بيروح لها. اذا اعجبج كل شي عندهم توكلي على الله

و الله يوفق ولدج يارب و يحفظه من كل شر

اشكر تواصلكم وياي وما قصرتوا….

يا اختي هذا المرسة لصاحبتها عائشة السيار تربوية معروفة ..
المدرسة تتمتاز بالانظباط والدراسة القوية والبروجكتات والانشطة يعني مو تعليم ممل لا الانشطة من خلال الدرس تنشط الطالب خصوصا الاطفال يعني تقارن بين العلمي والنظري وهذي شي راقي جدا ..

وانا عيال العايلة اغلبهم فيها بس انا كنت ابحث عن الدين والعربي القوي وهي عندها منهج وزاري عادي …
والله يعافي ولدج ويقر عينج بشفائة ويردكم بسلامة …

مشكوره فديتج…والله داير راسي عسب المدرسه

مرحبا خواتي
حبيت أسألكم عن مدرسة دبي الدولية ف البرشا. عن دراستهم لأني سجلت ولدي كيجي واللي مجربه تخبرني هل ولدها استفاد وتعليمهم أوكي ولامشي حالك

معقوله ولا رد

بليز بنات اللي عندها فكرة عن التسجيل في مدرسة بوظبي الدوليه خلص أو لاء

الحمد لله
الحمد لله

سبحان الله
والحمدلله
ولا إله إلا الله
والله أكبر

اتصلي المدرسة وسأليهم

انا ودي اسوي ملف للي عيالهم في الدوليه حتى نجتمع مع بعض وكل وحده تستفيد من خبرات وآراء بعض حول المدرسه والقوانين فيها ومستوى الطلاب ….
انا هذي اول سنه لعيالي فيها حيث اني ناقلتهم من الورود ..بنتي الكبيره الحين في رابع وولدي في اول ابتداءي …وانا وايد متخوفه على عيالي انهم مايقدرون يجارون مستوى الطلاب الثانيين خصوصا ان اغلبهم وافدين المعروفين انهم يصمون المنهج صم واللغه الانجليزيه يتكلمونها من خشومهم ……….
فارجو كل وحده تخبرنا عن عيالها ومستواهم وطرق تدريسهم ….وحياكم …

معقوله ولا وحده في المنتدى عندها حد من عيالها في هالمدرسه ……….!!!!!!!!!!!!!!!!!!!!!!

مرحبا سنا الفضه

بشور عليك اكتبي موضوع يخص الكل وكل وحده كتبت اسم المدرسه . شور ايك في الفكره وبعدين انتي خصصي موضوع عن مدرسة ابوظبي الدوليه

هذا كلام وحده من الأمهات عن المدرسه في موضوع سابق

فيلا في مشرف, و الدراسه قويه جدا كما قالت احدى الأمهات, و لكن موقع المدرسه خطر جداا. " صوت واحد فقط"

اترياكم

معقوله محد يعرف

في انتظاركم