الوسم: الراشدية

مبنى الإمارات للهوية في الراشدية تعبت وأنا أسأل ولا دليت

مرحبا ياريت تساعدوني هالمكان من متى وأنا ادوره درت الراشدية كلها وضعت فيها ماعرف وين مالقيته كل ما سأل حد يقولون دلينا صدفة لان وايد فيه لفات ومانعرف ندليج دخلت الخرايط مال الجوجل مب واضح شفت موضوع جديم هني في النت مكتوب عند سوبر ماركت حلاوة وين هذا ؟ ومدرسة محمد نور وروضة البراءة وين هايلا؟

يعني مثلا وين هو صوب بن سوقات ولا صوب جمعية الإتحاد؟

ولا صوب محطة المترو؟؟ بغيت حد يدليني من مكان واضح وسهل..

انشاءالله حد يدلك
احسن شي كلميهم وخدوا عنوانهم او اطلبي من تاكسي يدلك ع المكان

خليجية المشاركة الأصلية كتبت بواسطة Ranome خليجية
انشاءالله حد يدلك
احسن شي كلميهم وخدوا عنوانهم او اطلبي من تاكسي يدلك ع المكان

خليجية المشاركة الأصلية كتبت بواسطة Ranome خليجية
انشاءالله حد يدلك
احسن شي كلميهم وخدوا عنوانهم او اطلبي من تاكسي يدلك ع المكان

هلا أختي دليلي والا بعدج

ماعرف
إن شاء الله البنات يفيدونج

بجنب مدرسة محمد نور وروضة البراءة وإذا ما عرفتي في لوحات إرشادية في الراشديهعشان تعرفين مكان الهويه

من عيالها في مدرسة الايمان الخاصة (الراشدية ,دبي)

السلام عليكم .سجلت بنتي في مدرسة الايمان الخاصة بدبي كي جي 2 ابغي اعرف كيف مستواهم وكل شيء عن المدرسة لو سمحتم وهل ال كي جي 2 عندهم نفس ال كي جي 1 و بكون شاكرة لكم جزيل الشكر.أنتظر ردودكم

مرحباً أختي.. المدرسة قديمة جداً حتى مبناها قديم… وأنا لم اتعامل معها بس أذكر أني كنت اتصفح موقع هيئة المعرفة في دبي ودخلت على تقييم المدارس واظن للأسف بأنه مستواها مقبول… والله أعلم… عموماً الأساس هو اهتمامك اختي.. والتجربة خير برهان

بنات دبي وبالذات الراشدية أبغي أشتري بيت

السلام عليكم ورحمة الله وبركاته
الموضوع واضح من العنوان
أبغي بيت للبيع عربي أو شعبي ما يكون عليه مشاكل ورثة
المهم سعره يكون معقول
وإذا من المالك بيكون أفضل

واللي ما تعرف يا ليت ترفع موضوعي

ويزاكم الله خير

حبيبتي الراشديه الحين مب مرغوبه مافيها غير الهنود وسمعت انها داخله في مخطط الحكومه يعني كلها بتكون ازاله سيري المناطق اليديده وايد احسن لج

للرفع فديتج

غناتيه امسحي الرسايل عندج خليجية ابا اطلب منج الزيت خليجية الموضوع مغلق خليجية و الرسايل فلخليجية كيف نتوااصل وياج خليجية

فالج طيب غناتي
مسحت صندوق الرسايل

للرفع

حضانة الراشدية . أستفسار؟؟؟

السلام عليكم ورحمة الله وبركاته

خواتي الغاليات بغيت انشدكن عن حضانة الراشدية الخاصه

شو رايكن فيها؟؟؟

,,,,

وشو تجاربكن بالنسبة للحضانات …من حيث التعليم و الاسعار وراحة الطفل

؟؟؟؟

…

انا اليوم اول يوم أدخلها الحضانه وان شاءالله بس تكون زينه..

….

بإنتظاااااااركن حبيباتي

أم شمسه

للـــــ^_^ــــــــــــرفع
للـــــ^_^ــــــــــــرفع

السلام عليكم

مشكووورة غناتي للرفع ماقصرتي

……

بس حبيت أقولكم اللي صار ويايه البارحه

اول مانزلتها الحضانه كانت متحمسه بشنطتها اليديده

والصغاريه اللي موجودين … ومعلمتها على طول خذتها ويلستها عدالها

والحمدلله … يوم بغييت اسير عنها سألتها أخليج .. قالت لي سيري

^_^

ظهرت عنها ونا متطمنه وفي نفس الوقت احاتيها لانه اول مره اودرها في مكان ماعرف عنه …

المهم

يوم ييت باخذها اول ما دخلت شفتها فرحانه

وتقوللي انا أدور عليج

ظحكتني.. وعلى طول سألت المعلمه إذا صاحت وإلا لأ

جان تقولي ولا افتكرت فيج

قلت الحمدلله

….

وسألتها شو سويتي اليوم جان تقولي لعبت.. بالزحليقي ولعبت بالطين

وسألت المعلمه إذا أكلوها شي .. قالت الصبح أكلوا الصغاريه كورن فليكس

وعطوهم عالساعه 12 شيبس وكاتشب

وودت بنتي الحمام مره وحده —->> أتمنى بس اتودر البامبرز على حزة النوم

بصراحه ارتحت لهم واااايد

…..

واليوم هو اليوم الثاني لها

ومسوين اليوم فعالية اليوم الاحمر

ولبستها تنوره حمرا وشباصه حمرا

وقالت لي المشرفه على الحضانه انهم بيصورونهم وبينزلون كل شي على سي دي يسلمونه نهاية السنه لأولياء الامور

عيبتني السالفه ^_^

والصغاريه طالعين حلوين اللي لابس قميص رياضه احمر واللي شال شنطه حمرا

عسب يعلمون الطفل انه هاللون هو الاحمر

وإن شاءالله بس تستمر الايام وبنتي على نفس الحماس

لان امي الله يحفظها قالت لي عن تجربتها ويايه اني اول يومين كنت متحمسه وثالث يوم انفجرت من الصياح ولا كملت

^_*

وشكرا لكن يالغاليات على حسن القراءة ولي عوده مع يوميات بنتي شماسي

أم شمسه

مدرسة الراشدية بعجمان

حبيت اعرف اذا احد يعرف شئ عن مدرسة الراشدية بعجمان زينة ولا مؤ زينة التدريس فيها والمدرسين والمديرة وهيك يعنى مرحلة رياض اطفال وابتدائي وزين موقعها بالظبط يعنى كل شئ عنها حبايبى الله يخليكوا اللى مدخل عياله فيها

مدارس الراشدية في دبي

السلام عليكم

اخواتي الغاليات
من خبرتكم شو ترشحون لي بالنسبة للمدارس الحكومية في الراشدية في دبي للبنات والاولاد تعليم اساسي
وجزاكم الله خير مقدما

خليجيةخليجيةخليجية

إن شاء الله الأمهات تفيدك

ان شاء الله بنات دبي يفيدونج

للرفع

ان شاء حد يفيدك .

خليجية

انتظركم جزاكم الله خير

بنات الراشدية والي سوو هوية حق عيالهم

السلام عليكم ورحمة الله وبركاته

شحالكن …

بغيت اعرف وين مكان الهوية في الراشدية بالضبط
وين عبيتو الفورم هل لازم تطبعينه وتيبنه معاج والا عبيتوه عندهم

وشو الاشياء المطلوبة

هلا الغاليــه
انا اعرف مكاااااااااااااانهم وييين بس عن الفورم مادري بصراااحه
مكانهم وين تقريبا ويييييييييين مدرسة صفيه القرشيه ومدرسة الامارات ورضة البراءة تقريبا ف البقعه المجابله لمدرسة صفيه ^__^

يليت لو توضحين اختي اكثر لاني ما اعرف اسامي المدارس

الفورم في بن سوقات مال الطباعه في المواقف تحت تسيرين وهم يطبعون لج

مشكورات خواتي بس بغيت توضحن لي الاماكن اكثر وهل لاوم اشل وياي عيالي والا يكفن الصور

اختي نفس المكان يطبعون لج انا مسويه حق اعيالي ابوهم سار وخذ وياه صورهم مصورينهم ف الاستوديو حق الهويه

انا بدليج وين..
شفتي سوبرماركت حلاوة؟؟؟ الي عند مدرسه ام هاني للبنات ..
اذا كان سوبرماركت حلاوة على يسارج عقب الدكان خذي اللفه يسار .. كملي سيده عقب يمين وعقب اول يسار .. على اخر الشارع .. الشارع روحه بيوديج يسار وبتشوفين الهويه .. وهيه ورا المدرسه ..
انتي من تلفين سوبرماركت حلاوة بتشوفين ورا السوبرماركت.. مدرسه هم ورا المدرسه.. وهيه اتوقع مدرسه يهال او اولاد..
وصف ثاني

خلي مواقف محطه القطاراللي مجابله كنتاكي على يسارج وكملي سيددددددددده لين اخر الشارع بيج دوار وهو بيكون الدوار الثاني .. المهم هالدوار خذي يمين وكملي سيده وبيج سوبرماركت حلاوه وعاد من هنيه بتعرفين لاني شرحتلج فوق …

ونحن اليهال صوروهم عندهم يعني لازم يسيرون ..
للفورم يبون الجوازات والجنيسه (خلاصه القيد)

*___^

وان شاء الله فدتج..

بناااات الراشدية عندي استفسار

السلام عليكن شحالكن

بنات راشدية دبي

بغيت اعرف متى تبدا صلاة القيام في مسيد الراشدية الكبير ومتى تنتهي

والسموووحة

السموووحه ما أعرف

والله يتقبل منج الصيام والقيام وصالح الأعمال

وللـــــــــــــــــــــــــــــــــــــــــــــرف ع

اميييييين يااارب

ولللرفع

للرفع

UP

UP

أنا ساكنه عدال المسيد تبدأ الصلاة الساعة 12 أو 12 ونص على ما أعتقد وتخلص على الساعة 2 ونص …

مشكوووورة ام راشد في ميزان حسناتج ان شاء الله

روضة البراءة الي في الراشدية

السلام عليكم خواتي العزيزات
انا ساكنه في عودمطينة وين احصل اجرب روضة حكومية او نموذجية زينة جريبة من منطقتنا؟
قالوا لي روضة البراءة ممتازة بس انا مادري شو عنوانهم او رقم تليفونهم خليجية
حد منكم تعرف؟
ارجوا الرد فالموضوع مستعجل، بلييييز

من امس حتى الحين محد رد عليه!
ليش؟! خليجية

مدرسة البراءة حلوة بس ما في انجليزي

بطرشلج رقمهم

اتصل فيهم ما يردون

اللي تعرف متى التسجيل عندهم
وكم ياخذون حق الكي جي 1

وهي روضه خاصه والاحكوميه

اللي تعرف تفيدني

هاي روضه حكوميه متميزه جدا و عندهم انجليزي و الأسبوع الياي تسجيلهم

بنااات اللي مدخله عيالها نفس الرووضه تخبرنا بلييز مستوى الدرااسه وتأكد علينا موضوع الانجليزي

عندي طلبية لازم اطرشها الشمال و بتحديد الراشدية في فج لمعلا ولازم توصل عند باب البيت

بنات عندي اغراض اريد اطرشهن صوب الراشدية
كيف اطرشهن عن طريق اي شركة و لازم تتوصل عند باب البيت بس اريد اعرف اي شركة اتوصل لين الباب و في هاي المنطقة

اترايكم