الوسم: الريااال

السلاااااااااااااام عليكم سيدات وسادات الامارات شحالكم خواتي عساكم بالف صحة وعافية بسرد الكم اليو حياة مرت حميي اللي هي اعتبرها اختي وزود نحن حريم لثلاث حميان ولو تشوفونا سمن على عسل كل وحدة طبعا فبيتها بروحها ولله الحمد المهم هاي مرت حميي الثالث اصغر من ريلي انسان اللي فراسه فراسه انسان جاد مايسولف ولا شياته مرته تشكي لي دووووووم عنه وقلتلها بعرض مشكلتج لبات المنتدى ومابيقصرون والله جان تستانس تبا تشوف ردودكم المهم حميي عمره 25 ومرته عمرها 23 والله يابنات على مااقول شهيد انها مرته جمااااااااااااااااااااااال ربي عاطنها سبحان الله بس سبحان الله ماحد يشكر ربه ريلها ابدا هب معتبرنها مرته مع انهم متزوجين عن حب صار لهم سنتين من عرسوا المهم ريلها مايهتم بها ابداااااا كل همه ربعه طلعاته سيايييره بالسنة توقعون 3 او 4 سيارات شاري منه بايع منه بيزاته بالهبل يسرفهن بالهبببببببببببببببببببببل والله وحرمته مسكينة على نياتها والله العظيم طيبة لدرجة ماتتصورونها ريلها مومهتم بها خير شر زخته كم من مرة خايننها فوق الخمس ست مرات وكله يجب عليها لا هايل ماعرفهن انا ومادري شو وهي تسكت تطنش شو بتسوي مشكلة من الحب ويسافر عنها مع ربعه عادي عنده يخليها يطقعها وهي ساكنه فبيت روحها تخيلون عادة فريجهم خوووووووووووف موت زيغه الصراحة هي حذال بيت عمتيه بس المشكلة من ايي الليل كل حد يسكر بابه يحليلها يخليها عادي للساعه 12 بروحها فالبيت لايتصل ولا يسالها انتي وين حد عندج ووين سرتي ولا اي شي يقولها انا عند ربعي شو تبين ها لو هي اتصلت اونه يقولها انا ماحب حد يسالني وين سرت ووين ييت انا ريال ولي حرية سمعتي ( الحبيب يبا يفرض شخصيته )اونه عاد وهي حليلها تسكت تعبت من النزاعه وعلى فكرة حميي ترى والله من كثر المشاكل اللي استوت قبل بينه وبين مرته كل العايلة تدخلت مع انه نحن عدنا الحرمة عيب تكلم حتى حمييها بس ضغطنا على عمرنا عشان خاطر هالحلوة انا ومرت حميي وامه وابوه واخوه العود اللي هو ريلي وخاله وام مرته يعني لو حد من غيره بيصطلب وبيسوي سالفة بيحترم بس هو اللي براسه يسويه حتى تخيلون يوم العيد رايح اييب مرته من بيت اهلها لانها كانت راقدة هناك حتى مانزل يسلسم على عمته اونه عقب احين استحي تخبلون حرمته سحبت امها الين باب الحوش وسلم عليها بس باليد بتقولون يستحي لا ابدا تراه اول ماعرس قعد عندهم شهور حتى العمه ماقدر منها والله لو تشوفونها بتكسر خاطركم يطلع بالهبلللللللللللللللللللللللللللل وهي يقعدها فالبيت اونه يوم تقوله طلعني يقولها روحي عند امي سولفي وياها ولو بيطلعها بالشهر مرة بيذلها على الطلعه انا كل يوم اطلعج كل يوم مسكينه حتى الدوام طلعها منه وحليلها حملت اول حمل يوم وصلت الشهر السابع جان تربي وتوفت بنتها هذا الشهر اللي طاف برمضان قالت يمكن حملت بيتغير بتتسلى عالاقل فالبيبي بس قضاء الله وقدره ريلها بس همه رقاد الليل عزكم الله بس مومعتبرنها مرته موووووول يعني ماعاطنها دور زوجة بس غسلي لي اكوي لي رقاد ليلي بس حليلها تكسر الخاطر والله حميي بصراحة اقولها مايستاهلها مع انه يحبها بس ماعرف كيف وكم من مرة يقولها بعرس عليج بطلقج انتي وباخذ وحدة غيرج حليلها تزعل اتم فبيت هلها والله عادي عنده مايقربها ولا يتصل لها بالاسابيع بالشهر عادي عنده هي اللي تتعذب مب هو هو عايش حياته مع ربعه ربعه اللي مخربنه بصراحة لو قاعد فالبيت وياها بيتصلوا به مابيقولهم مابطلع انا عند عيالي لا والله على طول بيلبس نعاله وبيسير يا ريال وين ساير بطلع شو بلاج بتحرميني تتحرطم حليلها يخليها ويطلع عنها مالها غير الصيااااااااااااااااح مسكينه الله يعينها والله مو عارفة شو تسوي وياه للعلم ابوها مطلق امها وهي عند امها عايشة وامها تموت في هم هم بس بنتين مدلعتنهم آخر دلع حليلها من تزوجت تسبلت ولو بتزعل بيت اهلها مابيسير لها بتنجبر ترجع بيتها بعد شهر لانه مايهون عليها هي صح نسيت اخبركم انه ريلها يخبر ربيعه اي شي عن مرته اونه يوم تتصل يقوله منو غيرها هاي الحرمة متصلة حاشرتني وربيعه بعد مايخبي على حميي يقوله عن مرته هذول مجانين الظاهر حتى الغيرة انعدمت احسن انتوا شو تشووورووون على مرت حميي تسوي لانها تبا تشوف ارائكم والله العظيم اقولها وربي شاهد انها تعبت نفسيا لو مب انا اييبها عندي فبيتي لحد مايرجع ريلها والا عادي تتمشى بالفريج بالليل لحد مااايي حضرة ريلها ولا انها تقعد فالبيت روحه تراها خوووافة صدقها والله اقعدها عندي او نطلع انا وياها نسير الكورنيش لحد مايشرف العمدة عقب تروح يعني انا راحمتنها شوي يوم تمل اويه عندها حليلها الله يعينها مع انه ريلي اخوه بس والله العظيم عكسه تمااااااااما ريلي زابن عندي 24 ساعه يغار علي مايحب حد يضاربنب مايحبني اطلع طلعات مع حد غيره حتى لو ويا هلي يقولي انا وياج بوديج مايقصر موليه سبحان الله هيه صح نسيت اخبركم حتى كلمة احبج مايقولها اياها موووول بصرااااااااااااااحة والله تخبرني تقول حتى كلاااااام عسل وحلو مايقولي من عرست لليوم انا اشجعها اقولها سوي جي قولي جي يوم تقوله وتساله مثلا فلان تحبني يرد عليها غيري غيري السالفة شو ها بعد سبحان الله وعند اللي يرمسهن الله يعلم جان مايصبصب عليهن من الكلام العسل وتقول يوم يرمس ربعه جدامي الضحكة تنسمع من الفريج الثاني والله تقول انا يخسي يضحك ويايه يعني حياتها باختصار عذاب بس هي تحبه وهو يباها مو مسالة يحبها بس جي يبا يتحكم بها

اللي عندها رد محترم حياها الله واللي فخاطرها كلمتين جذي ربي يوفقها باللي تقوله وللعلم ترى هو مايصلي وايد دقات بس يوم تدق براسه

اتريا ردودكم ونصايحكم لاختكم المسكينة اللي والله كلها على بعضها على نياتهااااا عطوها حلول لانها والله راح تقرى ردودكم واللي بترد يزاها الله الف خير واللي مابترد ترفع الموضوع بدعوه حلوة تراها والله عايشة بعذاب وصابرة عليه قالت له لو حد غيري ترى والله ماصبر

وسلاااااااااااااااااامتكم الغاليات اتريااااااااااكم

والله تبلمت ما اعرف شو اقولج بصراحه …

اممم خليها تقرا قران وتدعي ربها وتكثر من قيام الليل وتدعي الله يهديه … !!

واطنششششششه .. ليش حارقه قلبها عليه هيه .. تقعد وياه جنه مب موجود تلهي عمرها بشي . لا تحسسه انه هو كل شي بحياتها وانها ما تقدر تستغني عنه يمكن هالشي هو اللي مكبره عليها

الله يهديه ..

مشكورة الغالية على مرورج بس هي تحقره وتنطنشه وهو يحلاله يوم تطنشه يسرح ويطلع على كيف كيفه يدريبها مابتتصل له الله كريم 15 وحدة دخلت واللي فيها الخير بس وحدة ردت سبحان الله

يمكن لن الموضوع طويل شوي..

ي اختي ترا الريال صغييييير.. بعده في خاطره الدنيا..يبا يلعب و يدور و يتشيطن,,بعده ما ركد..

لا تقيده…تخليه عا راحته كمن سنه إلين يهدا و بيد لها مثل ما سار و حزتها بيحس إن جاهز للزواج..كنه معرس يديد

اهلنا مرات يظلمون الريال و الحرمة…يشوفون ولدهم بعده فيه طيش و لعبان و مب جاهز للزواج و يلصقونه في وحده و يعرس و يظلم نفسه و يظلمها وياه

اصبري كمن سنة…إلتهي بالدراسة او بأي شي.. إليييييييين يشتاق للزواج

ما عندي خبرره

بس ما حبيت اطلع بدون دعووه

عسى ربي يسخرر لها زووجهاااااا ياااااااااااااااااااااااااااااااااااارب

ها انسان استقوى عليها وخذاها مو من الحب الي فيه

لا لانها ضعيفه و يقدر عليها والله .. انا عرف وحده جي …صبرت ع ريلها 6 سنوات لين ما لاعت جبدها وطلبت الطلاق .. و الحمد الله مرتاحه

هي الله يحبهاوماي باها ترتبطب هالانساااااااااان حتى ابطفل؟؟؟

خليها صارمه وتواجخهه اذا كانت تقدر … وتقول له انا ما راح احرمك من ربعك وتطلعاتك عندك من الساعه 4 ول 5 لين 11 ول حده 12 وعقب اتي تقعد معاي وتسال عني و بالويك وين ع الاقل يوم اطلعني انا وانت ؟؟؟؟

ولازم تعوه ع هالشي مو من منفسه و لا تحرمه من شي …؟؟؟

وعقب لو ما اصطلح ما اقول غير اتفكر عدل دامها باول عمرهاااااااااااااااااااااااااا 23
تقدر اداوم وتستقر واحسن منه بيونها لا تتريا عليه واايد واتضيع من عمرها معانسان للأسف اقولها تافه ما عنده ضمير

مرحبا حبايبي عساكم بخييير..

انا البارحه رحت سوق الذهب وياربيعتي اشتري ذهب حق بنت اخووي الصغيره توها شرفتنا(قولو مبروك)..انزين
عاد خويتكم مب هاك الزود بالذهب

دشيت اول محل قتله كم سعر الذهب اليوم؟قال اليوم 65لعياار 21قراط!! قلت والله زيين الذهب نازل
وتفاصلت وياه على حيل وقلب مارضى اينزل لي السعر حسيته يبا يقص عليي يعني حسب بالجراام ويبي المصنعيه 100 درهم على قيمة الذهب قتله خلاص مشكوور وظهرت عنه..

دشيت المحل الثاني كان البياع سوري ،قتله كم الذهب اليوم ؟قال اليوم الذهب 77 عيار 21 قراط!! استغربت قتله عمره ماارتفع هالكثر ..وطلعت عنه على طوول

دشيت ثالث محل قلت حق الهندي كم الذهب اليوم ارباب؟قال اليوم 75 عيار 21 قرااط!! خلاص احولييت حسسييت اني غبيه
قتله :جي انتوا تقصون عالناس كل واحد جرام الذهب على كيفه ؟قاللي ماما انتا يقرا جريده يشوف اليوم زهب في 75 مايجي واجد نازل قتله توني داشه المحل اللي قبلك قاللي 65 يعني هو كذاب ؟قاللي يمكن كان بيبيعج عيار 18 مب 21 ؟
(احترت طبعا وماعرفت شو اسوي )
انا ابغي خواتي اللي يعرفن للذهب يخبروني شقايل يوم يشتروون الذهب ومن وين يعرفون جرام الذهب سعره يوميا كم ؟عسب محد يقص عليينا من اليوم وساير

عني انا اسال كم الذهب وعقب مايوزن القطعه اضرب القيمه بالوزن وتطلع قيمة الذهب وازيد عليها مثلا 40 درهم مصنعيه على قولتهم مب اكثر واحاول افاصل فيها اذا رضو خذتها واذا مارضا ظهرت ودورت غيره..

شو ردكم ياحلوااااااااااااااات

اولا مبرووووووووووووك عالبنووته الصغيره

بس سامحيني انا بروحي غجه بهالسوالف …….نفسي اعرف شراتج

حبوبة .. المسألة بسيطة .. راجعي الجريدة كل يوم ينشرون سعر الذهب ويوم يتفلسفون عليج قولي لهم السعر منشور في الجريدة حسب ما وصل من وزارة الاقتصاد

أنا أتابع الجريدة الصراحة ،
ويوم أدخل المحل أدخل وأبين له إني واثقة وعارفة
كم الذهب اليوم ، تحصلينه يرقل لأنه يعرف إن الزبونة اللي
جدامه تعرف في الذهب فما يقدر يقص عليها

بالنسبة لي ، أشوف وزن القطعة ، يعني أحطها في كف ايدي
وأوزنها ، وأشوف إذا فيها فصوص وايد ، اللي فيها فصوص وايد هاي
نزلي في سعرها قد ما تقدرين لأنج يوم بتبيعينها الشراي بيحسب وزنها بدون
الفصوص ، فليش تشترين قطعة ما بتربحين فيها إذا بعتيها في يوم

انا بعد اتمنى اعرف كيف يشترون الذهب..

انا امس سريت يا ريلي اوني اسوي عمري اعرف اشتري يقولي مثلا 2024 انقص اشويه اوصله يعني لين 1700 وشتريه ..لا اضرب ولا انقص

انا عندي خبره بالاكسسوارت ماوصل مستواي لين الذهب لاني ماحب الذهب..بس سمعت انه الذهب دوم ينزل ويطلع سهره…
ومبرووووك ع البنوته الصغيره..واسالي الي اكبر سنا يعرفون اكثر عنا

السلام عليكم ورحمة الله وبركاته …

أنا بصراااحة وااايد أستغرب هالفترة …وملاحظة هالشي على بعض البنات ..
أنا كل ما أطلع ويابوالعيال إنودي الصغارية الألعاب كل وحدة إتخز عينها على ريلي ؟؟… ياربي شو السالفة ..وريلي ولا يدري شو السالفة والحمدالله ما يلاحظ ..بس ليش بعضهن ما يستحن ويشوفن إنه هالريال وياحرمته !!!! وملاحظة وااايد .. كل ماتطوف وحدة عينها مصوبه عليه …

إنتو موب ملاحظين هالشيء …سؤالي ليييييييييييييش بالذات المتزوج ؟؟؟؟؟

بصراااحة أتم وااايد متضااايجة لدرجة إني ما أحب أطلع وياه مكان …وإحنا ما نطلع ما بعض ويالصغارية إلا بين فترة طويلة …
شو رااايكم إنتو ؟؟؟ أحد يخبرني شو السبب بعض منهن إتم إتطالع الريااال وياحرمته ..أنا الحمدالله أستحي أشوف الريال .. …

ما أعرف شو أقول …ما أقول لبعض من هالنوعية ( إتقي الله ) باااجر يوم بتعرسين بتجربين …الله يهديهن ياااااااارب

والله حبوبه هاي الظاهره منتشره وااااايد….

الله يهديهم…

والله يهديهم

الــله يهديهم ان شاء الله

صدقتي يا glamour

ياختي كلنا نعاني هالشي انا بعد لين ظهرت ويا ريلي من اشوف هالنوعية اتغصص وتلوع جبدي منهن بس مرات اقول بسويلهن طاف لكن يمصخنها واااايد ويا حركاتهن المايعه شرات ويوهن قصورهن بس تيي وحده صوبه وتقوله بتعرف عليك حسبي الله ونعم الوكيل

حبوبات ابا اسألكم في اشياء بس مب اهني ع الخاااص اللي حابه تساعدني اطرشلي رساله وبرد عليهاا وثانكس حبوبات

ربي يوفقج

.

ربي يوفقج اختي

لا حول ولا قوة إلا بالله

للرفع

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
حسبي الله ونعم الوكيل
حسبي الله ونعم الوكيل
حسبي الله ونعم الوكيل-
اللهم صل وسلم وبارك على سيدنا محمد وعلى اله وصحبه اجمعين

ثانكس حبوبه

ربي إني لما أنزلت إلي من خير فقير