أبغي أعرف وين ألقى ماء ورد وماء زهر طبيعي؟ مب اللي موجود في الجمعيات والسوبرماركتات لأن هذا مب طبيعي 100% ..
لو في تعرفون مكان ف دبي يبيعهم فيدوني ..
ومشكورين
ماء الزهر أو ماء الورد؟
وشكرا مقدما
واذا تبين نتايج احلى خليه في قوالب الثلج جمديه واستخدميه في ويهج ورقبتج يشد الويه ويورده عجيب
والمغربيات ماشاءالله عليهن
يستخدمونه على صدورهن لانه يشد روعه للجمال
وتبين نصيحتي غسلي ويهج تقريباا 3 مرات بغسول او صابون ناسبج
وبيخفف عنج ظهور الحبوب
احييكم خواتي وكلي امل انكم بصحة وعافية………
من مبدأ " أحب لأخيك ما تحب لنفسك" حبيتا قدم لكم السر في وصولي الى ما انا عليه حالياً وهذا طبعاً بفضل من الله سبحانه وتعالى ومن ثم للاخصائية اللي لجأت لها و طبعاً ما انسى اوجه لنفسي الشكر لاني الاساس وله شرايكم.
قبل ما ابدأ راح اوجع لكم راسكم شوي. قصتي مثل قصصكم وكالعادة ما ظل احد فينا ما جرب الريجيمات والكريمات والرياضة والادوية . صراحة انا الادوية ما اييدها فما كانت من ضمن تجاربي الحية في نفسي.
وكان وزني بنغص علي حياتي بمعنى الكلمة ، فالكل اللي يشوفج تاكلين قالج بسج اكل شوفي عمرج شلون صايرة، ورحلة الشوبينج المرهقة وبالاخير يالله تحصلين لج قميص او بنطلون على قياسج وفي النهاية مب مرتب في اللبس. ونظرات الاخرين لج كأنج مخلوق فضائي. كل هذي الاسباب خلتني التف وادور لي عن حل سريع وفعال.
وفي الأخير لقيت الضوء عند احدى صديقاتي والله لو اخبركم عنها شلون كانت وشلون صارت ما تصدقون. كلمة غزال شوي عليها واي لميس او نانسي قدامها، انسوهم . بس ضعفت مباشرة عرست. ( الحمد لله والله يوفقها في حياتها).
فلما لقتني في حالي الميؤس منه خبرتني عن الاخصائية اللي تروحها وصاحبتكم ما صدقت خبر مباشرة يوم ثاني انا عندها. ومرت 6 شهور وانا وياها خطوة بخطوة .
والله وحلفت اللي يشوفني ما يصدق اني كنت متينة يوم من الايام وين الدهون وين الترهلات ووين وين؟؟؟ وتحول مقاسي من( (XXL الى S)) . (هههههههههههه وابتلش الوالد فيني كل يوم رايحة السوق) . صدقوني بنات ماعاد فيني ترهلات ولا مناطق سوده حتى بشرتي اللي كانت مخزن حبوب العالم اختفت وبشرتي تحسنت وايد وايد وايد واخذوا يسألوني عن كريمات الوجه الي استخدمها وخبرتهم ان الاكل اللي اكله هو السبب لا كريمات ولا ادويه دخلت في نظامي الغذائي. وعلى فكرة انا من تركت الدايت شهر 5 الى الحين لازلت محافظة على وزني وهذا من اسرار الدايت .
واللي كانوا يطنزون علي سكروا حلوجهم عني وما عندهم غير كلمة ما شاء الله. واخذ الكل يسألني من أهلي وصديقاتي وجيراني وموظفات الصالون حتى دكاترة الجامعة لاحظوا علي ترا القائمة طويلة شنو السر.
وانا وحده ما احب الف وادور واقول مجرد كنت امشي او ما اكل وايد. لان الواحد عاش هالمعاناة راح يعرف شنو يحس فيه الشخص اللي يعاني.
ولكثرة عدد الرسائل اللي وصلتني والاستفسارات واحب اقولكم ان العضوة العزيزة الفراااشة جربته وضعفت عليه خلال شهر ( اوجه لها تحية كبيرة) حوالي 12 كيلو. فخليكم مثلها ولا تستسلمون بسرعة.
ما نطولها وهي قصيرة ( السر يكمن في الأكل الصحي أو العضوي بمعنى اصح)
يالله كل وحده تحمل القلم والورقة ونسمي بالله ونبتدي:
الاسبوع الأول ( كل يومين مثل بعض)
فطور ( اول يومين): سندويش اسمر ( قطعتين خبز اسمر+ قطعة جبن ابيض+ اوراق نعناع+ شريحة طماطم بدون بذور).
بين الوجبتين: تناول حبتين من الرمان أو صحن من الفاكهة المشكلة ( عدا الموز و المانجا).
الغداء: سمك/ دجاج مشوي + سلطة ( كرفس+ خس+ بقدونس+ شبت+ طماطم بدون بذور – الخيار ممنوع ).
بعد الغداء: شاي اخضر.
بين الوجبتين: علبة روب قليلة الدسم يفضل اكتيفيا + ملعقة صغيرة بذور الكتان المطحونة .
العشاء: شوربة هريس أو خضار أو عدس ( انتبهوا مب الشوربات الجاهزة انتوا سووها ولا تنسوا الكرفس تحطونه معاها).
بعد العشاء: شاي اخضر
فطور ( اليومين الثانيين): حليب قليل الدسم+ حبوب الافطار موسلي MUESLI (خليط من الشوفان والفواكه المجففه ) مب كورن فليكس انتبهوا.
بين الوجبات: تم ذكره
الغداء: سلطة تونه أو سلطة دجاج + بطاطا مسلوقة مهروسة تتبل بالملح والفلفل الاسود فقط.
بعد الوجبة: شاي اخضر
بين الوجبات : تم ذكره.
العشاء: مشويات+ حمص أو سلطات بدون خبز. لا تاكلون المتبل لان من الباذنجان وهو من الممنوعات.
فطور( اخر يومين): سندويش اسمر ( قطعتين خبز اسمر+ بياض بيضة مسلوقة بدون الصفار+ نعناع+ طماطم بدون بذور وممكن اضافة الخس).
بين الوجبتين: تم ذكره.
الغداء: صالونة دجاج أو سمك + سلطة.
بعد الوجبة: شاي اخضر
بين الوجبتين تم ذكره.
العشاء: مشويات أو شوربه اختاري.
اخر يوم يكون مفتوح مثل ما تعودنا . وطبعا يكون يوم الجمعة.
وفي الاسبوع الثاني: راح تاكلون مثل ما ذكر بس غيروا في الايام . خلوا اخر يومين اول شئ بعدين اول يومين وفي الاخير اليومين الوسطيين.
وفي الاسبوع الثالث: راح تخلين كل يوم بروحه بمعنى ما راح تكررين يومين ورا بعض لأ. يعني يوم السبت راح تاكلين اكل اول يوم ويوم الاحد تاكلين اكل يوم اليومين الثانيين والاثنين تاكلين اكل اخر يومين والثلاثاء تاكلين اكل اول يوم وهكذا.
اول يوم راح تحسين بألم في الراس والجسم وهذا شئ طبيعي لان دور اول اسبوع هو التخلص من السموم اللي في الجسم. علشان الجسم يضعف لازم يتنظف من الاكل اللي كنتي تاكلينه من قبل. وبعد شهر راح واذا مو اقل راح تلاحظين التغيير في الجسم بشكل كامل وهذا وعد مني. خاصة اذا التزمتي بالمذكور.
طبعاً تتسألون وين الرياضة، الرياضة موجودة وهي المشي نصف ساعة فقط لا تكثرون والا ماراح تستفيدون لان اذا ارهقتي الجسم راج يعاند وما راح تنزلين وزن. وطبعاً مب أي وقت يفضل من الساعة( 4-8). لان في هذا الوقت يكون الجسم مرتاح ومب قاعد يحرق أي شئ.
ملاحظات:
– ممنوع ثم ممنوع ثم ممنوع شرب الماء مع الاكل يشرب قبل او بعد الوجبة ب10 دقائق لانها السبب الرئيسي والمباشر في ظهور الكرشة الا اذا كنتي غاصة بالاكل شربي بس شويه.
– ممكن تناول بسكويت القمح الكامل مثل الدايجستف وبلفيتا ( على ما اعتقد اسمه جذي) بين الوجبات من 2-4 قطع.
– الشاي الاخضر الرفيق الدائم لا تنسوه .
– يجب مراعاة الوقت في الاكل يعني حاولوا قدر الامكان تنظيم وقت الطعام في وقت محدد مثلا الساعة 8 او 7 يكون الافطار و 10 بين الوجبات و1 الغداء و4 بين الوجبات والساعة 8 العشاء. لان السر الاكبر في هذا الدايت يكمن في التوقيت ومن هنا يمكنج ترويض الجسم.
– لا تفوتون ولا وجبة حتى الوجبات الخفيفة حافظوا عليها مثل صلواتكم.
– ممنوع العصائر المعلبة والبيبسي واصدقائه منعاً باتاً، عدا العصائر طبيعية بدون سكر طبعاً.
– الوجبات الجاهزة اشطبوها من حياتكم.
– الماء ضروري جداً جداً جداً شرب لتيرين يومياً.
– الكرفس من الخضار المهمة جداً في تنزيل الوزن حطوها في الاكل.
– قبل النوم شرب الاوريجانو ( تاخذين حوالي كوب من الماء الساخن وتضيفين ملعقة اوريجانو مع عصرة ليمون + تناول قطعتين او ثلاث من المشمش المجفف). يحافظ على البشرة ويقاوم الدهون.
– الخيار والباذنجان من المغضوب عليهم لحد يسألني ليش ما ادري انا كنت اطيع الاوامر بدون اسئلة لان الاخصائية اللي انا عندها اكره ما ليها الاسئلة.
– الحلو يا حلو ممكن تناول مهلبية شرط تكون محلاة بالسكر الاسمر أو العسل كما مسموح بقطعة بقلاوة.
– يفضل تناول الجوز حوالي 10 حبات.
– مثل ما نعرف النفس آمارة بالسوء يعني اذا خاطرج في شي اكليه اخر الاسبوع.
واي استفسار تراني حاضرة وجاهزة.
ودمتم سالمين.
ونتمنى نعرف سرش .. يمكن يفيدنـا ..
نترياج
نترياااج الغاليه
وهنا اقتباس لموضوعها
يابنات تبون بشرة بيضاء وصفاء ونضارة وتغذية معي في الماسك اليومي الرهيب والبسيط
السلام عليكم ورحمة الله وبركاتة
بنات عندي لكم ماسك رهيب وبسيط ونتاائجة تبين في نهاية الاسبوع الاول من استخدامة بجد رهيب ورائع شفت نتائج الماسك بعيني على بنت في زواج بنت خالتي كانت بشرتها حبوب وبثور وسمار وبقع صار بياض وصفا ونضارة مو معقولة حبايبي نجي للمفيد ياحلوين
الماسك يتكون ((()))
كاس كبير ماء زهر
ملعقتين كبار مطحون الحلبة
الطريقة
تنقعي الحلبة المطحونة في ماء الزهر وتضعينة في علبة رشاش نظيفة وتحطي المنقوع في الثلاجة علشان مايفسد وخلية ينقع مدة يومين في الثلاجة ثم استخدمية مرة في الصباح ومرة في الليل مدة ربع ساعة على البشرة فقط ثم ازيلية بالماء الدافئ فقط بنات حذاري الماسك ضروري يكون في الثلاجة لايخرب
وخبروني بالنتائج ياحلوين
المهم وانا ما كذبت خبر وجبت الخلطة وسويتها
بصراحة اول يوم ما شفت اي نتيجة وكنت راح ابطل وارميه <<<<< مستعجلة ما عندها صبر
لكن من ثالث يوم ما شاء الله تبارك الرحمن …. مدري حسيت اني مبيضة ووجهي صافي مع انه باقي بقع شوية
لكن غالبية الوجه فيه نضارة … مدري كيف اوصف بس عن جد عجبني بشرتي مع انه بشرتي حساسة بس الحمد لله
ناسبني كثير…..واحس انه بشرتي فيها لمعة زي القزاز .. مدري هو منه ولا لا؟؟ ويوم احطة احس انه يشد بشرتي
شوية ….
وبالنسبة للريحة … ابد مافي ريحة لأنه ماء الزهر مرة ريحته قوية ….
وانا بعد ما استخدمة احط اي نوع مرطب … مدري امكن لأني سمعت انه الحلبة بيجفف … المهم انتوا حطوا اي كريم
وان شاء الله بتفرحوا بالنتايج
والف الف شكر لحور الجنان وان شاء الله يبلغها ربي الجنان
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك
وجميع خلطات حور الجنان تهبل
بس ما ناسبتني الخلطه
ناسبت اختي وخلى ويهها افتح وفيه نضاااره في مده قصيره
تسسسسسلمين حبيبتي
بنشوف وبنجرب .. ~
بس يصير بدل ماء الزهر نحط ماء ورد ؟؟
في حد مجربها يعطينا نتائجها
