بغيت اذا ف حد في المنتدى محاميه او تفهم في الاستشارات القانونيه الزوجيه لان عندي اسالها وابي اجوبه
اماراتي اسمج في السماء عالي
هالسؤال من اسبوع يدور في بالي و ابا جواب له
انا لي اربيعه اخوها يشتغل طيار في القوات المسلحه و متقدم لي بالاحرى اخته علمتني انه يبي يتزوجني و تبي ردي قبل لا اييون يخطبون و الحين ابا اعرف هل يجوز زواج اللي في مثل حالته من ابناء الموطنات مع العلم اني ما عندي جواز اماراتي بس معاي بطاقه هويه مسجله اماراتيه و ابوي لبناني
صاحبتي علمتني انه بياخذ اذن اذا انا موافئه على الزواج و لازم ارد لها خبر قبل لا يخطبون رسمي
اب
اب
وعقب بيردون عليهــم بالموآفقه او لا .. ~
واذا مـآ وآفقـوآ ردوأ قدموآ عقب فترهـ .. ~
وربي يوفقج الغــلا .. ~
سبحـــان الله وبحمـــــــــدهـ . .~
و إن شاءالله البنات يفيدونج
الله يسسر امووووووورج و استخري
السلام عليكم ورحمة الله وبركاته عندي كم سؤال مب مخليني ارقد من التفكير
اتمنى اي وحده تمر تجاوب على اسئلتي:
1)
انا من العين وريلي من العين في فحص الزواج لازم نتلاقى ويشوفني .gif "12 (70)")
؟
واذا لازم نروح في نفس اليوم بيحطونا في نفس غرفة الفحص ولا ><
2)
السؤال الثاني : وقت الملجة المليج يطلب الهوية ولا الجواز
>> لانه صورتي الي بالجواز ماساة 
3)
السؤال الثالث : متى يتغير الجواز ويكتبون فيه متزوجه علما بان العرس بعد سنه؟
ومن الي يتكفل بتغير الجواز اهلي ولا ريلي ؟
والي ادش موضوعي ترفعه
وبليز لحد يقول عني اسئلتي سخيفه لانه بهالوقت نفكر ف اتفه الاسئلة
انا من العين وريلي من العين في فحص الزواج لازم نتلاقى ويشوفني :
هيه ويبحلق فييج بعد هههههههههه امزح لا
مب شرط تتتلاقوون انتي فسم النساااء وهو رجال ويمكن مب نفس اليوم انا رحت وفحصت
وهو كان قبلي مخلص ويرقب النتيييجه يعني مب نفس اليوووم .gif "12 (79)")
واذا لازم نروح في نفس اليوم بيحطونا في نفس غرفة الفحص ولا ><
لاااااااااا ههههههههههه ضحكتني والله عنبو وين عااايشين لاحقه يحطوونج معاه في غرفه واكركررر
السؤال الثاني : وقت الملجة المليج يطلب الهوية ولا الجواز
>> لانه صورتي الي بالجواز ماساة
هيه لااااااااازم ويمكن هوو يشووفها الا ااااكيييييييييد يشوووووفها خلاص صرتي زوجته ويمكن الجوااز عنده بعد خخخخخخخخخ انا غيرت صورررررتي وخليتها برستيجيييج
3)
السؤال الثالث : متى يتغير الجواز ويكتبون فيه متزوجه علما بان العرس بعد سنه؟
ومن الي يتكفل بتغير الجواز اهلي ولا ريلي ؟
لاا هووو يغيرها انا الحييين من 4 سنييين اظن ماغيرها ريلي عدده يباني بنيييه ههههههههههه
الفحص عادي مب شرط يكون بنفس اليوم
والمليج يطلب الهويه على ماعتقد ومن تملجيين يسوون لج جنسيه يديده لج ولريلج
وعسى الله يرزقكم ماتتمنون يارب ماقصرتوا
.
.
.
.
بس الحين احترت حد يقول الهوية بس عادي وحد يقول لازم الجواز ؟
اهم شي تخلصون امور خلاصه القيد .. الريال بيسوي هالشي
اب
اب
هلا والله وغلا بأعضاء منتدى سيدات الامارات
بصراحه في موضوع مهم جدا حبيت نتناقش فيه اذا ماعندكم مانع….
طبعا الموضوع مهم للغايه ……..
شو رأيكم بالزواج عن طريق الانترنت؟؟؟
سؤال شوي غريب بس مهم للغايه…
أتوقع أن الغالبيه بيقولون لا وهذا شي مرفوض ……
طيب لو قلتو لا ليش؟؟
واذا قلتم ممكن بعد ليش؟؟
هل عندك استعداد تتزوج وحده أو تتزوجين واحد عن طريق النت؟؟
هل من الممكن ان تستمر علاقتهم كزوجين صالحين لتربيه أجيال المستقبل؟؟
هل تحدث المشاكل؟؟؟
أم تكون حياتهم كبقيه المتزوجين؟؟
كيف ستكون حياتهم بالمستقبل هل يشوبها الشك ؟؟
طبعا ياليت كل وحده تعطينا رايها لأني بحاجه لمعرفه وجهات النظر المختلفه لكل وحده….. مع خالص تحياااااااتي….
وهالطريج مدمر لحياة الوحده وخاصه في هالزمن
بتقولين اوكي في وايد سمعنا عنهم اتزوجن عن حب واكن عايشات مرتاحات
هالشي بالصدفه ونادر
صدقيني حبيبتي لازم بيكون في شك
والحب بينتهي عقب لانه ساسه غلط
بس مجرد انهم تكلموا مع بعض على النت يخلي الشك يسري في القلب .. !!
وحتى نظرة الناس والاهل تكوون مب حلوة .. لان هالشي فيه اشهااار انهم كانت بينهم علاقة .. وهالشي بحد ذاااته مدعاااه للكلام والقيل والقال .. هذااا غييير اختلاااف الثقافات بين اهل الريال والحرمة .. اللي رووحه ممكن يسوي بلاوي مب بس مشاااكل ..
انا سمعت عن زيجات نجحت .. لكنها نادرة .. واستمرارها يعتمد على شخصية الاثنين ..
عن نفسي .. ارفض هالنوع من الزيجات .. لانها باختصاار دخييلة وتشجع على الحراام والعلاقات غير الشرعية ..
الله يسترررررر عالكل ..
وخلها تستخير وما خاب من استخار
وخلها تستخير وما خاب من استخار
خلها تستخير والخيره فيما اختاره الله
الله يوفقنا وجميع بنات المسلمين
اللهم اني أسألك خير مافي هذا اليوم وخير ما بعده واعوذ بك من شر مافي هذا اليوم وشرما بعده
اللهم آجرني في مصيبتي واخلف لي خيرا منها
اخس يوم واسود يوم وابشع يوم مر علي في حياتي كلها للحين كان يوم اليمعه الله لا يراويني مثل هاليوم يا رب ويبعد البنات اللي يخربون البيوت عن ريلي
يوم الخميس طرت من الفرحة يوم طرش لي مسج قال لي اليوم اكشخي واتلبس بطلع م الدوام وبمر عليج بنسير دبي هالاسبوع ركضت عند السيارة وشغلتها وسيدة ع البيت تسبحت وتلبست وانا مستاااانسة واتصلت في اهلي قلت لهم هالاسبوع بعطيكم اجازة روحوا اي مكان انا مابا ايي واستاانسوا لانه بيطلعني لاننا بالعادة دوامي ودوامه ما يسمح انا نطلع امي واايد فرحت
يوم اليمعة ونحن في دبي في مكان عام وحشره كان شي عرض وصوت الموسقى عالية اشوف ريلي ابتعد عني يعني وه راسه الصوب الثاني ويوم صديت عليه شفته خاش السماعة في حلجه ويرمس ويبتسم شكيت فيه لكن سكت قال لي بنسير المسيد بنصلي سرت انا مسيد الحريم صليت وخلصت وهو بعده غريبة غرييبة بالعادة يخلص قبلي ويوقف يترياني سرت شوي صوب مصلى الرجال والا سمعته يكلم وحدة اخ يالقهر والله العظيم كانت وحدة تيبست في مكاني بغيت اسير عشان ما يلاحظ لكن ما رمت اتحرك حسيت بدووخة والدنيا اسودت في ويهي كان يقولها اشحاالج علومج انا بخير والله لا افا ما نسيت دوووم افكر فيج ودوم على بالي يا ربي يا ربي والله ماروم اكمل يوم شافني جان اصد عنه ومشيت وهو يزقرني جدام الناااس مشيت دخلت الحمام لاني ادري ما بيدخل وراي وتميت اصيح ف الحمام بصووت عالي اتيمعوا علي البنات اش فيج مريضة بغيتي شي مع امنو ياية امنو وياج وانا اصيح اصلن كنت ما اشوفهم ترن في اذني كلماته ولا يجذب علي يقول فلان متصل يسوي مقلب وانا اتحراه وحده كان يقلد صوت وحده جذاااااب قلته له انا متاكدة انك تكلم وحدة اوريدي هو قايل لي عو سوابقه واوريدي اما شفت بما فيه الكفاية في تلفونه ايام الملجة والخايسة اللي اتكلمه كلمتها وسوت عمرها بريئة وانه ريلي ملعوزنها وانها عرست وخلاص الله ينتقم منها ان شاء الله اتحريتها كانت صادقة وفي السيارة ضربني اول مرة يمد ايده علي اول مرة اكرهه اول يضربني هيه يصربني اول مرة حسيت اني ببطل باب السيارة وبعق عمري تحت السيارات عشان اموت ولا اعيش هاللحظة هو الغلطان هو اللي كلمها جدامي ويوم قلت سمعتك ومتاكدة انها وحده عطاني كف ويودني من ارقبتي خرب علي يومي اللي كنت اتحراه بيكون احلى يوم طلع ابشع يوم
خلاااص انتهيت والله عايشة وياه كانه مو موجود يوم ناقشه في الموضوع يضربني اربع مرات ضربني وشل الواير يبا يضرب جان يتراجع كرهت حيااااتي كلها مابا اعيش وحتى لو عشت كيف بحبه مرة ثاانية كيف بوثق في مرة ثانية وعدني ايام الملجة ان خلااااااص ما بيكلم بنات وفي احلى يوم عندي كلم
بنات ادعولي الله يخليكم ويستر عليكم وياجركم ان شاء الله ادعولي اكون الوحيدة في حياته واذا غير جيه ما بقدر اعيش وياه اخاف اغلط اخاف انتقم واغلط والله العظيم بنات انا متوترة ومتنرفزة ومب طايقتنه مع انه حسيت انه ندمان واني كسرت خاطره بس مستحيل اسامحه ع اللي ساوه فيني اتصلت في عمي عسب ايي يمرني ياخذني لانه هو قال لي انا ما بوديج بيت اهلج خل حد اييج ويوم رد علي عمي شل عني التلفون وعقه ع الارض وعمي يتصل خاف لاني سمعني اصيح قفل علي باب الغرفة وشل التلفون وطلع نام في الصالة
لا اتقولون اكشخي لاني اصلن دووم اكشخ وهالشي الكل يعرفه عني ودووم احب اتحنى وكنت متحنية يوم الاربعا يوم قبل ما نطلع والحنا للحين في ايدي وتلبست وحطيت ميكب انا سايرة طلعة ويا ريلي يعني طبيعي بكشخ وبتعدل والله اني دوم كاشخة ومرتبة وانا اعرف عمري اكثر بس الذيل العوي ما يعتدل
بنات لا اتقولون شي يضايقني ادعولي بس ادعو ان الله يسخره لي ولكم مثل ما بتدعون لي
ربي ياخذ حقج منهم
استغفر الله ليش جيه بس ليش
وبعدين ترى اغلب الشباب عليهم هالحركات .. والله يهديهم على ايدنا .
اول شي عشان تصلحين حياتج لازم تبدأين بعمرج :: كيف انا بقولج ؟؟
الحل فسورة العصر
( والعصر ان الانسان لفي خسر . الا الذين امنوا وعملوا الصالحات وتواصوا بالحق وتواصوا بالصبر )
قسم الله ان الناس كلهم غي خساره الا اللي
1 – امنوا : يعيني اتزيدين ايمانج بالله فتحافظين على الصلوات الخمس والسنن والاذكار..
كثري قراءة سوره البقره .. والاستغفار .
2 – عملوا الصالحات : مثل الاستغفار والصدقات والاعمال الصالحه …
3 – تواصوا بالحق : عيشي حياتج مع ريلج بالحق وعطيه حقوقه ولاتقصرين فشي وثقي بالله ان ريلج بيتغير ..
4 وتواصوا بالصبر : اصبري على ريلج .. واصبري .. واصبري .. فالله مع الصبرين والصبر مفتاح الفرج ..
وزيدي من ثقتج بنفسج … واهتمي بعمرج وبيتج .. ولا تفكرين تصارحينه ..
وان هالشيء ما ينقص من قدرج وثقتج بعمرج .. بالعكس هذا ريلج اللي يرخص من عمره
..
بعد ايام سبحان الله بتلاحظين ان حياتج كلها تغيرت وانتي بعد بتحسين براحه .. وصدقيني ريلج بيتغير بيد الله الواحد الاحد ..
والله يسخر لج زوجج ..ويجعلج قرة عينه ان شاء الله .. ويبعد عنه بنات الحرام .. يارب .
يمكن كاان يقولج الصدق وتنرفز لانج ماا صدقتيه !!
لكن هذاا ماا يعطيه الحق انه يضربج 00جرح الكراامه ماا يصلح فلااااا
تعودينه انج تسكتين ع الضرب مهماا كاانت الاسبااب حبوبة
عزيزتي يلسي مع ريلج وتفااهمي معااه 00لا تتركين البيت واني زعلااانه
اصبري واحتسبي الاجر فديتج وماافي شي يندس بالاخير اذا هو يجذب
او صاادق رااح يباان الصدق 00كثري من الاستغفاار وادعي رب العالمين وان شااء الله خير
الله يسخركم لبعض ويسعدكم يااارب
حبيبتي لا تتخذين اي قراار الحينه 00اصبري الين ترتااح نفسيتج شوي
موفقه ان شااء الله
الله يهديه ..
بليز لاتبخلون علي بردودكم واهم شئ افكاركم
كنت حاجزه في اتلانتس وسبحان اله استوالنا ظرف طارئ وسافرنا تايلند
وهاذي ثاني مره احتفل مع ابو الشباب في بانكوك قولوا ماشالله خلصنا
(31) سنه والحمدوالشكر لله وعلاقتنا كأنا عرسان ونحتفل كل سنه
يارب تبارج لي فيه وفي عيالي
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك
انا تأخرت في الزواج وبعد في الحمل بعد ماتزوجت
والحمدلله انا ام متزوجة حالياً
نصيحة للي تأخر زواجها
لا تستعجلين بالزواج من اي خاطب الاتكونين انتي واهلج مقتنعين فيه
خاصة من ناحية اخلاقه ودينه اللي ابد لا تتنازلين عنهم ابداً ولا تقولين بيتغير بعد الزواج او بتسنعينه
وعليكن بصلاة الفجر في وقتها
وقراءة سورة البقرة كل ثلاثة ايام
وقراءة سورة يس يومياً
وكثرة الاستغفار
هذه الحسبة "الآينشتانية" تلخص سبب أن الأصل في الزواج هو زوجتان لكل رجل وهذا الذي قاله أهل العلم في شرح آية
(فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ) حيث أن الآية بدأت بمثنى بأن الأصل للرجل أن يتزوج زوجتين حتى يعيش طبيعياً ثم بعد ذلك الثالثة والرابعة إن رغب في ذلك.ملاحظة هامة: هناك الكثير من الجهلة دائماً يرددون كلمة "ولن تعدلوا" بأن الزواج الثاني غير جائز لغياب العدل المستحيل ولكن الصواب هو أن كلمة "ولن تعدلوا لا وجود لها في القرآن والصحيح الموجود سوف يأتي لاحقاً والمقصود بلن تعدلوا فقط في الميل القلبي أي أنك لن تستطيع أن تحبهما نفس الحب ولذلك قالت الآية
وهنا يتبين لنا أيضاً جهل هؤلاء المجادلين بأن كلمة ولن تعدلوا لا وجود لها في كتاب ربنا والآية الصحيحة هي كما أعلاه. ولكن المشكلة أين النساء اللاتي يقبلن التعدد في زماننا أي أنك تجد بعض النساء مؤمنات وعابدات ولكن إذا تكلمت أمامها عن الزوجة الثانية، ترموميتر إيمانها يرجع تحت الصفر…الله يهديهن….
منقول من ايميلي
من متى الاصل ان الريال يتزوج حرمتين ؟! استغفر الله يفسرون القرآن على هواهم
في هالزمن الريال عنده وحده و ما يعطيها حقوقها كامله و دوم مشغول عنها وطالع ويا ربعه ولا مسافر .. وين بعد ثنتين و ثلاث و اربع حريم !
الله المستعان
