الوسم: السالمون

السلام عليكم ورحمة الله وبركاته

اليوم بعطيكم وصفة حلوه وسهله سويتها اليوم ع الفطور ولاقت إعجاب ريلي (أنا أدرس في الخارج عسب جيه فطرنا وخلصنا خخخخ) .. والوصفه تناسب اللي بزي واللي مالها خلق بعد، ماتاخذ وقت وايد وهي مشهوره في المطاعم الايطاليه. الوصفه علمني اياها واحد إيطالي يدرس معاي بالجامعه

المقادير:
1. بصل (عن نفسي استخدم البصل الفرنسي shallot)

2. ثوم
3. كوسا
4. كريمه (thickened cream)
5. زبده
6. معكرونه penne
7. ملح
8. فلفل أسود
9. ريحان مجفف
10. سمك سالمون مدخن
11. جبن بارميزان
12. جبنة رومانو (اختياريه)

الطريقة:

أول شي نسوي المعكرونه، طبعا الطريقه المعروفه ان نفور المعكرونه في ماي مع شوية ملح وبعد مايستوي نصفيه من الماي ونحط المعكرونه في الثلاجه (هالنقطه وايد مهمه لان يخلي المعكرونه تتماسك ويكون طعمها أفضل وفي المطاعم جيه يسوون دوم).

عقب نحط شوية زبده في القلايه و نضيف الكوسا بعد ماقطعناه مكعبات ونرش عليه شوية ملح وفلفل اسود وريحان ونحركه لين مايستوي وعقب نضيف عليه السالمون ونحوسهم بين فتره والثانيه لين مايستوي لون السالمون وردي.

بعد مايستوي نشله ونحطه في صحن ع صوب.

مره ثانيه نحط زبده في الجدر ونحط البصل ونحمسه شوي عقب نضيف عليه الثوم ونحركه ع نار هاديه، بس مب وايد عسب مايحترق الثوم. وبعدها نصب الكريمه في الجدر ونحط عليه شويه ملح وآخر شي جبن البارميزان والرومانو ونخلطهم عقب نضيف خلطة السالمون والكوسا.

في الاخير انطلع المعكرونه من الثلاجه ونحطها في الصحن وانصب عليها الخلطه.

وهاي النتيجه … صحتين

شكله روووووعه يعطيج العافيه

شكلها لذيذة
تسلمين

جربوهاا وخبروني رايكم
مشكورات

يم يم يم يميييييييييييي

شكلها روووووووووووووووووووووعه

الله يعطيج الصحه والعافيه

i put garlic and olive oil and salt and black pepper and rosemary leaves on top of the salmon and put it in the oven maybe just half an hour and maybe less because it dosn’t take much time

طريقة لطبخ السلمون مع الروبيان لذيذه جدا ، طرق طبخ السمك ، مأكولات بحيرة ، روبيان ، طرق عمل الروبيان ، طريقة طبخالربيان

المكونات:

4 قطع سلمون فيليه
كيس صغير ربيان فروزن
ملعقة كبيرة ملح الليمون
4 ملاعق خل
3 ملاعق صلصة الصويا
عصير ليمونه
رشة ملح وفلفل اسود
ملعقة كبيرة كزبرة خضرا مفرومه
قطعه صغيره من الزنجبيل الطازج المفروم
ملعقة كبيرة بصل اخضر مجفف ويمكن استبداله بالطازج
4 فصوص ثوم مقطعه شرائح
5 ملاعق زيت زيتون

الطريقة:

نغسل السلمون والربيان جيدا ونرش عليه ملح الليمون مع الخل ونرتكه لمدة نصف ساعه ثم يغسل جيدا

نضع زيت الزيتون في تاوة تيفال مع الثوم والزنجبيل ونحركه حتى تخرج رائحة الثوم
نضع السلمون في البداية ونقلبه حتى يبدا بالتشقير نرش علية الملح والفلفل الاسود وعصير الليمون والصويا ونقلبه جيدا
نضع الكزبره والبصل الاخضر

آخر 5 دقائق نضع بجانب السلمون الربيان ونقلبه جيداً

ثم نقدم الطبق مباشرة

وبالعافيه

معلومة السلمون لا يأخذ وقت طويل بالطبخ تقريبا ربع ساعه فقط او اقل

السلام عليكم ورحمة الله

(هاي مش صورة الأكلة، بس حبيت أحط صورة للسالمون)

لمحبي السالمون، هاي الطبخة حلوة،، و تغيير عن الأكلات اللي متعودين عليها،،
للأسف ما عندي صورة،، بحاول أصور في أقرب فرصة إن شاءالله

المقادير:
سالمون 400 جرام مقطعة لقطعتين
Galangal جلنجل (نفس فصيلة الزنجبيل بس الطعم أخف ) مهروس
بصل أخضر
1 بصل أبيض الكبير مقطع جوانح
فلفل أحمر مقطع
1 ثوم مقطع شرائح
صويا صوص
خل
ماي
صلصلة الحار الحلو Sweet chili Sauce
زيت
زنجبيل بودرة
فلفل أسود

الطريقة:
1- ترشين على السالمون (من الجزء اللي مافيه جلد) فلفل أسود و شوية زنجبيل بودرة
2 – تحرين الزيت و تحطين السالمون من الجزء اللي فيه الجلد (تخلين 3-4 دقائق)
3 – تجلبين السالمون و تخوزين الجلد اللي عليه و تحطين البصل الابيض و galangal و الثوم وتخلينه بس دقيقة وبعيدن ترشين الصوص * وتغطينه

* الصوص:
3 ملاعق طعام صويا صوص
3 ملاعق طعام ماي
3 ملاعق طعام sweet chili sauce
2 ملاعق طعام خل
فلفل المقطع
ورشة زيت

4 – تخلين الصوص على السالمون لمدة 7 دقائق،، بعدين تجلبين السالمون وترشين البصل الأخضرعليه و تغطينه لمدة 5 دقائق

وبالعافية عليكم

أنا أقدمه مع عيش أبيض أمريكي + صويا صوص عشان لو حابين تزيدون

تسلم ايدج

مشكوووووووووووووووووووووووووووووووووووووووووره

يسلمو ..

يعطيج العافية انا امووووووووووووت في السلمون وايد احبه

تسلم ايدج