الوسم: السلايف

انا عندي نفس الحاله بالضبط للاسف الشديد حرمه اخو ريلي هي اكبر مني بس مش مكلمه دراستها
انا الحمدلله جامعيه وجريب بتوظف ان شاءالله واحب اكشخ والبس وهي ماتحب هالشي حتى الكل يقارنها فيني
وطبعا اذا ييت احسب المشاكل خليها على صوب والغيره والنغزات عاد ماتخلص يوميا خخخخخ وانا طبعا اقابل هالامور على حسب مزاجي يعني لو كان لي مزاج اوقفها عند حدها واذا ماكان لي مزاج اطنشها واقهرها
يعني اخذها على قد عقلها لانها مش مكمله تعليمها ولانه بيئتها غير عن بيئتي والحمدلله

وتستمر الصراعات الا اجل غير مسمى

انا متابعه للمواظيع المطروحه وحلو الوحده تستفيد من تجارب الاخريات في الامور الحياتيه
يقولن يداتنا المركب تمشي بالعدايل ولا تمشي بحريم الخوان
يعني كثير من المشاكل تقع بين حريم الخوان ارجو من اي وحده مرت بها التجربه تخبرنا كيف تصرفت لنفيد بعض

صراحه .. ما اريد اغتاب .. بس الله يسامحها … مبين من تصرفاتها انها ما تحبنا ولا تداني تشوف ويوهنا…

مع ان الوالده ربي يحفظها … تجنن تنحط عالجرح يطيب والكل يشهدلها بهالشي… وما جد غثتها بكلمه… بالعكس دوم تقول برايها لا تتكلمون عنها نحن بيتنا مفتوح للي يبانا ويحبنا.. مع ان الباب بالباب.. بس صراحه ((( غبيه))) بدال ما تكسب رضى ام ريلها ما نشوفها الا في رمضان تي تبلع وتذلف بيت هلها كل يوم كل يوم من اول ما عرست …

صراحه انا ماتهمني هي انا متغمضه عالوالده اللي كان في خاطرها تكون مرت ولدها الغالي مثل العالم والناس…
واللي قاهرني اكثر ان لا امها ولا حد من خواتها المعرسات ولا اخويه قادرين يسنعونها ويقولها كيف المفروض تحط امي على راسها وتقدرها وهي في مقام امها… والله الوالده تشوف الحريم كل وحده ياره وياها مرت ولدها.. وهن ماشالله يعاملن حماتهن باحلى معامله واكيد تتحسر في خاطرها..

ربي يعوضنا باللي احسن عنها بمية الف مره في اخويه الثاني..

وصدقوني ما تكون مرت الاخو جيه الا لان قلبها مليان حقد وحسد وكره.. وخص انها مب شايفه خير.. وفجأه تعززت من خير هليه ربي يطول في عمارهم…

فديتج يا ورده جوري….. اسميني فضفضت… سامحيني عالاطاله

مالت عليهن والله
وعاد تعالي عن شراهن والله انهن مب شايفات خير

والسموحه اذا ثقلت