الوسم: السمنه

كيف حالكن وشو مسويات
حبيت اسألكن ياخواتي
عن التخلص من السمنه والتشققات
اللي تصير من ورا السمنه كيف نقدر نتخلص منهن
بس بدون ليزر و هالاشياء

رجاء اخواتي ابا اللي تعرف حد ضعف وتغير تقولي شو سوت

واذا كانت تستعمل شي للخطوط البيضاء طبيعي

بالنسبة للتشققات ادهنيها بكريمات خاصه لها الاغرض شوفي دكتورة جدلية افضل

حبيباتي وزني 91ونص مليت من هالرقم انزل ل89 ومع الدوره يرجعن ويثبتن

لا حول ولا قوة الا بالله

اللهم رحمتك نرجو فلا تكلنا الى انفسنا طرفة عين ابدا

بنات بحاول كل يوم ادخل واكتب يومي عشان يكون فيه التزام اكثر

وياليت لو حد وزنه مثل وزني او حد يحب يدخل ويشجعني اكون شاكره وممنونه

الله يجزيكم الخير جميع

طولي 170 ووزني 91ونص

وودي انزل بشهرين 10 كيلو والله اني احاتي رمضان ودي اكون وصلت لهدفي وارتاح بالشهر الفضيل

والله يحقق امانينا جميعا ان شالله

ربى يعطيك العافية
سلااااام

عزيزاتي حبيت افيدكم بتجربتي …… لاني اعلم مدى صعوبه انج اتكونين متينه طول عمرج……. وانشاء الله تستفيدون من قصتي مع السمنه……..
اول شي انا من وعيت ع هالدنيا وانا وايد متينه؟؟؟؟؟؟؟ يعني في العايله ما حد متين الا انا…….كل اليهال اجسامهم عادي……. حتى امي كانت تعاني معاي ما تلاقي ملابس رياضه ع قياسي …………. وعاد فساتين الحفلات استوي بطه… والكل يضحك علي ويطنز…. والعيال يعايروني بالدبه….. والمسكينه امي وايد تعبت معاي في الثمانينات ما كنا نعرف التغذيه بس الدكاتره ما قصرو عطونا دروس تغذيه … واخصائيه التغذيه تسويلي جداول ونظام غذائي .. واول مره اعرف الكولا دايت… طبعا ما حبيته مش حلو طعمه….. وانروح ونجي مع هالدكاتره ومافيه فايده…..الوزن يزيد!!!!!!!!
ومرت السنين والوزن يزيد….. لين ما دخلت الجامعه….حاولت اسوي ريجمات و العب رياضه بس ما اكون جاده…. وبعد ما فيه فايده……
وبعدين في يوم من الايام قالت لي ربيعتي جزاها الله خير " لين متى بنكون متان؟؟ متى بنضعف!!!!" هيه كانت امتن خواتها بس مش مثلي دبه!!!!
اذكر اني قست وزني يومها كان 89 اووووووف شوي واصير 100 لااااااا
شجعتني وبديت شوي شوي اسوي ريجيم وكل ليله العب رياضه …. كان الصيف ونزل وزني 6 كيلو …. وبدت الجامعه والدراسه والتعب مع الوقت بديت افقد الوزن بس بطئ و خلال ثلاث سنين نزلت لين صرت 65 وكل الي يشوفني ما يصدق ….. المهم ازوجت ومع اول حمال زدت 20 كيلو ليش؟؟؟؟؟؟؟؟؟؟؟؟ احاول انقصه ينزل شوي ويرتفع مع الحمال الثاني وهكذا…..
المهم وصل 88 لاااااا ما احب هذا الرقم………… بس سمعو الحين المفيد…

اولا نصيحه العزيمه……. قررت اني اخفف من وزني لاني تعبت طول عمري بكون متينه مستحيل….قررت انقص وزني من غير ما احدد المده والوزن المطلوب انا وقدرتيه….

ثانيا امتنعت عن العيش واستبدلته بالخبز الاسمر…. كل منتجات الالبان قليله الدسم…. اكل ع الوجبات بس وقت الجوع اكل تفاح…. ما اكل متاخر حتى لو كنت جوعانه انا بجوعي… ويافرحتي يوم اصبح اني قهرت نفسي وما اكلت بعد الساعه 8
ثالثا العب رياضه كل يوم واحاول امشي…

نظامي الغذائي ما كان ريجيم قد ما هوتغير اسلوب الحياه صحيح الوزن ينزل ببطئ بس المهم انه ما يرجع بعد ما اوقف….ومع الوقت نزلت لين ما وصلت 58 ولياقتي عاليه وحتى يوم حملت ما ارتفع وزني كان حمالي احلى حمال خفيف والحمد لله الحين بعد الوزن الي زدته بعد الحمل صار ينزل شوي شوي المهم اني حتى لو اكل ما اقدر اكل وايد بسرعه اشبع ووايد حاسه انه نفسيتي حلوه وصرت وايد اضعف عن كل الي كانو يضحكون علي……….

نصيحتي انكن ما تاخذت الادويه والاعشاب الي تضعف لانها لها اضرار…. وانا مستعده اساعد اي وحده محتاجه تتبع اسلوبي….ومانشرت تجربتي الا اني ابي الكل يستفيد لانه ما حد يحس بالمتين الا الي عانا مثله….

^_^

ربي يوفقج

مشكوووووره الغاليه

بس الغاليه كم تميتي لين نزلتي كل هالوزن؟

أكيد ألحين تلبسين كل اللي بخاطرج…

والأهم معنوياتج مرتفعة…

بالتوفيق…

^^

إلى الصحة والرشاقة دائما…

هذي قصتي مع السمنه .. قصة لطالما تعبت من نفسي معاها !

كنت صغيره وكنت اتلذذ بمعنى الرشاقه ^.^ ،، لحد سن 20 وبعدها تزوجت ،، ومن تزوجت ودخلت حياة يديده ومعاها دخلت عالــــــــــــــــــــــــــــــم السمنه !!

حلوه الحياه مع الرشاقه والخفه .. مافي مجال للمقارنه ابدا بحالتي الحين .. لكـــــــــــــــــــــــــــــــن وضعي ابد ماعيبني .. من دخلت بهالعالم المؤلم وانا اعاني من اكتئاب وضيق من كل النواحي طبعا ،، سواء من لبس وأكل وصحه جسميه ..
من شهرين قررت اودع هالعالم .. واللي خلاني اثبت على قراري اخوي بالرضاعه ! كان وزنه 169 والحين صار وزنه 92 !!!!!!!!!!!!!!!! .. كان مثال حي جدامي ..
والسبب ( عمليـــــــــــــــــــــة تحويل مجرى المعده اللي سواها ) !! … ماشاء الله عليه .. صار شكله عجيييييييييب … بعد ماكنت محبطه رجع لي الأمل والحمدلله … وفعلا قررت اسوي نفس العملية ..

عطاني اخوي رقم الدكتور … وطبعا هو في دبي .. وحددت معاه موعد وقابلته .. شرح لي اللي بيصير لي ( وطبعا اختكم ماخلت سؤال ما سألته .. استويت المحقق كونان خخخخخخخخخخخخخ )
رجعت البيت وشاورت اهلي .. وصليت استخاره . والحمدلله ارتحت وتوكلت على الله … عمليتي كانت بتاريخ 23 / 05 / 2024 … ومن هالتاريخ لحد اليوم نقصت 9 كيلو ^.^ ( وزني كان قبل 126 والحين والحمدلله 117 ) …. ماتتخيلون شكثر مستانسه والله … من بعد معاناتي من الريجيم وفشلي فيه … والرياضات اللي كنت اجهد نفسي فيها بدون نتيجه … اليوم احس اني غير …
تفاصيل العمليه كالآتي :
هي عملية تحويل مجرى وتصغير حجم المعده .. يعني معدتج تتصغر وتكونين بدال ماتاكلين الصينيه كلها اصبح أكلج محدود واتحسين بالشبع من كميات قليله ..
فتره تنويمي في المستشفى بس 4 أيام لان العمليه بالمنظار … والحمدلله ماتألمت وايد … اول ثلاث اسابيع لازم بس اشرب سوائل يعني بس عصائر وشوربات وماي بكثره .. وبعدين ابدأ في الأكل المهروس لفتره معينه وبعدها ارجع لأكلي الطبيعي وطبعا مع الحفاظ على نوعية الأكل …
الحين استويت كل يوم اوقف ع الميزان واقيس وزني ^.^ … وكل ما اشوف اني نقصت احس بسعاده مالها حدود … هدفي اوصل للوزن المطلوب واحافظ عليه ان شاء الله ..
اخيرا .. اطلب منكم دعائكم …
تحياتي .. واذا عندكم اي استفسار احس انه من خلاله بفيد اي اخت لي فأنا حاااااااااااااااضره

ابي حد ثقه ^_^

يقولون الرضاعه تنقص الوزن

ودي اسوي مسابقه وننجح فيها ونحط كل النصائح والمعلومات ودي نبديها السبت بعد العيد مباشرة شرايكم

الهمه بنات ودي نسوي رجيم موحد

تحياتي

نا حاطه موضوع من قبلج تعالي و اشتركي معانا ان شاء الله

https://forum.uaewomen.net/showthread.php?t=323720

المشاركة الأصلية كتبت بواسطة دلال الشوق

حلوة

نا حاطه موضوع من قبلج تعالي و اشتركي معانا ان شاء الله

https://forum.uaewomen.net/showthread.php?t=323720

انتي رجيمك سؤال احنا نبي ننزل بصحه

المشاركة الأصلية كتبت بواسطة نبض الاسلام

وعليكم السلام ورحمه الله وبركاته

فكرة حلوة يالغالية براءة الحب

كح كح

ماتنسى ماتنسى هع ^_

سجلي أسمي ضمن القائمة أنا أول مشتركة ^_^

شو رايج نكتب الوزن الحالي عسب نشجع بعض أكثر

الله يعطيج العافية

الله يحقق لنا كل أمنياتنا ويااااارب نضعف

ربي يحفظج

. . . .

اكيد اختي

نجمع البنات

وينكم يابنات سجلوووو 3 العيد ببدا شكلي بسوي مثل البنات يومياتي بروحي

بسرعه ارجوكن

منتظره الرد

منو توفرهم او منو تعرف العضوه جودي وتخبرها