كيفكم حبايبي
صلوا على نبينا محمد أول وبعدين أبا منكم مساعدة في أفكار لمفرزنات ممكن أفرزنها عشان توفر لي الوقت وعند العزيمة ما أبتلش …
ناااطرتكم يا قمامير
كيفكم حبايبي
صلوا على نبينا محمد أول وبعدين أبا منكم مساعدة في أفكار لمفرزنات ممكن أفرزنها عشان توفر لي الوقت وعند العزيمة ما أبتلش …
ناااطرتكم يا قمامير
جميع انواع المجدات او الأكلات المفرزة تحصلينها في الجمعيات و كارفور
بس انا احبها فرررش
سوي سمبوسة بالجبن ،، بالخضار ،،، باللحم ،،، و بالبطاط
سوي سبرينغ رول و على فكرة لو تاخذينها جاهزة يكون احسن
كبه ،، فطائر جاهزة بالجبن و اللبنة و و و
عندج التوست عقب ماتفردينه تحشينه بحشوات وايد جبن مع نعناع او اجبان منوعه شيدرو جبنه بيضا
او دياي او خضره الشي لي تحبينه وعقب تشكلينه يا رولات او شكل الهلال (نفس القياطف) وتغطينه في بيض وعقب بقسماط وتفرزنينه
وعندج السمبوسه بحشوات وايد
وعندج البف باستري
وكرات الدياي بعد
او البطاطا المحشيه بالدياي ونفس الفكره غاطتنها فبيض وبقسماط
عندج الخبز العربي تقدرين تقطعينه مثلثات تحشينها كيري وتصكرينها بعود اسنان وعقب تفرزنينها وقت الضيوف تقلينها وترشينها عقب بزعتر لذيذه وايد وبعد لو سويتيها بحشوة دياي عقب ماتمسحين الخبزه بشوية جبنة كرافت وتلفينها وتثبتينها بعود اسنان وحطيها فالبيض والبقسماط وفرزنيها وقليها عقب
وعندج عجينة السمبوسه احشيها جبنه بيضا قليلة الملح ولفيها ع شكل رول وفرزنيها وعقب قليها وغطيها فالشيره وهي حاره شرط الشيره بارده
وصفيها بمصفاه ورشي عليها فستق مطحون او ناريل
وايد اشياء تقدرين تستفيدين منها
اتمنى تعجبج افكاري