بسم الله الرحمن الرحيم
هلا اشلونكم بنات
وااايد بنات يسألوني عن صالونات زينه لتنظيف البشرة تدرون شقلت لهم — قلتلهم ما اعرف
لان عندي الطريقه الصحيحة والكاملة لتنظيف البشرة مو بس من الصالونات لا بعد من طريقه العيادات المتخصصه في الجلديه ولتنظيف البشره
بس هالطرقه بسيطه والمقادير المكونات انتي تتحكمين فيها بس هذي الطريقه اتبعوها
قبل لا تبدين غسلي بشرتك بصابون مناسب ولا تحطين على بشرتك أي شي(( صابونه من اختيارج )).
اول شي: اعملي سنفره خفيفه لبشرتك واقصد فيها بدون فرك قوي—–كريم سنفره من اختيارج .
ثاني شي :
تنظيف البشرة بالملك (الحليب المنظف) لمدة 3- 5 دقايق
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون
ثالث شي:
استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره
رابع شي :
استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .
خامس شي :
استخدمي خلطة تفيد بشرتك اوأي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .
سادس شي : <<< معلقه على كلمة شي
سادس شي :
اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .
سابع شي :
استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب
وعليكم بألف عافيه تنظيف بشرتكم واذا استمريتي كل أسبوع راح تنعمين ببشره خياليه ونظيفة واذا حسيتي ان بشرتك يبيلها تنظيف اكثر او اذا كنتي تستخدمين المكياج وااايد استخدميها مرتين بالاسبوع
وهذي الطريقه هي الطريقه الصحيحه والكامله لتنظيف البشره واستخدميها اسبوعياً وهالطريقه تستخدمها الصاونات الكبيره وحتى العيادات واخصائيين بس بأختلاف السكراب والكريمات وعليكم اختيار الانسب لبشرتكم واتباع الطريقه انا يبتها لكم ووفرت عليكم تعب ومصاريف اشرايكم فيني 
المشاركة الأصلية كتبت بواسطة فنون10 
