الوسم: الصياح

السلام عليكم ورحمة الله وبركاته

ياحريم ويا امهات يزاها الله خير كل من ترد وتطمني
قلبي متقطع على ولد اخوي هذا اول حفيد في بيتنا

صار له يومين من طهروه { ختنوه}

وعلى طووووووول يصييييييح مايسكت

قبل شوي اخوي بيظهر به بيوديه الدختررررررررر

سكر سكرررررر الياااهل من الصيااااااااح اسمع صوته لين غرفتي

ويوم شفته احسه خلاص تعب مافيه يصيح اكثررررررر

مب قادره اوقف دموعي قلبي متقطع عليه

ياليت حد يطمني هالشي عاااااااادي ولا لاااااااااااا

بنات دخيلكم ادعووووووووووله ربي يخفف ويعه

والله ماعندي فكره الغالية

حبيبتي اناا ولدي كاان نفسه بس ما كمل يومين .. مااشي معطينكم مرهم مسكن ولا دواء ادول .. اذا شي مرهم حطوله مكان الختان وعوطه ادول وربي يحفظه يارب..

كم عمره ؟؟

أختي أنا عندي ولد واحد بس اللي أذكره إن وقت يتبول يحرقه فيبكي اللي سمعته إن 5 أيام تقريبا" بعدين كل شي تمام
لا تخافين حبوبه و عشان تتطمنون ودوه الدكتور وشوفو شو يقول أو اتصلو عليه اسألو , وانتبهي بالنسبه للبامبرز مايكون راص عليه , مايشوف شر الله يشفيه و إن شاء الله يطيب بسرعه
ذكرتيني بهذيك الأيام كنت أصيح من أي شي خليج قويه إذا انتي تصيحين تخيلي حال أمه وحليلها
لاتنسين تطمنينا عليه

عمره 22 يوم
انا سألت حرمة اخوي قلت لها لين متى بيتم يتألم
قالت قالولها 3 ايااااااام بس اليوم بزياااااااده والله تقطع قلبي
وانا اشوفه يصييييح.. مدري جان عطووه مرهم بس اظن عطوووه

هم ساروا الدختر الحين بس ابي اتطمن هالشي عادي
لان اتذكرت يوم تقول صاح واايد حتى اللي ختنته كسر خاطرها وصاحت

والحين انا موسوسه جان ماسوت له شي غلط

اللهم آميييين ربي يحفظه ويحفظ لج عيالج

مشكوره اختي

هيه اهي تقول انه لما الله يعزج يبول يصيح
بس هي يوم بتسير الدختر حليلها والله غمضتني تصيح
بروحه بالعسر حملت به ربي لك الحمد والشكر

اشوفها تصييح والله انا عمته وصحت الله يعينها هيييي
هي قالتلها الدختره 3 ايام مدري

بس والله من زود ماحتيه تقول ساعتين مب طايع يسكت

ماقصرتي حبيبتي ع الرد طمنتيني شوي وان شاء الله مابه الا العافيه
الله يعينكم يا امهات مدري كيف انا لين صرت ام مدري شبسوي

ان شااء الله انا ناويه ادق لها بعد شوي اتطمن عليه
وبطمنكم ربي يحفظ لج ولدج ويبلغج فيه ..

ماعليه شر انشالله ربي يحفظه يمكن من البول يحرقه والا البامبرز راص عليه مثل ماقالت الإخت انا عندي 3 اولاد

ربي يحفظهم وحصل معاهم جيه فلا تخافين

مرحبا خواتي لمن الوحده تيأس وتشوف حياتها سوداء ومالها معنى
بس عشان هي ماعرست وتحس بفراغ كبير شو تسوي ؟
يمكن يكون سؤال عادي والاجابة عليه واضحة ومعروفة بس للي ماتروم
شو تسوي ؟
بتقولون تقرأ كتب تشغل وقتها و تشتغل و و و و واايد اشياء بس قلت لكم
ماتروم يعني مو بيدها حياتها مالها معنى تعرفون ليش
لانها تعلقت بواحد وحبته وحطت كل امل الزواج فيه وفجأة تخلى عنها
والان تحس بانها ولا شي في هالدنيا صاكة على عمرها في الحجرة
وماتطلع مووول وغير جيه كله تصيح وحزينة شوية وتبوس ريل الي حبته
عسب يرد لها
بغيتكن تنصحوها لاني بطرش لها هالرابط ويزاكن الله خير وتذكروا
ان المسلم لاخوه المسلم في حزنة وضيقته والانسان لمن يحزن ويحس
عمره وحيد بيتاثر وايد بالكلام وممكن كلمة تغير حياتها من حزن لفرح
تقول انها مابتروم وان حياتها الياية بتكون صعبة وانها مابتروم تنسى
ياليت لو كلمة منكن تغير لها حياتها لانها واايد محتاية لوقفة ودعاء لها

اولا … الله ينسيها لي صار انشالله وترد احسن من قبل ..

ثانيا .. بكل صراحه عزيزتي .. مافي حد ممكن يموت بمجرد انه راح عنه شخص ؟؟ ولا شو رايج ؟؟
ياما ناس حبوا وفشلوا في هالشي وعانوا فتره وردوا لحياتهم الطبيعيه عقب فتره ..

يعني مسسسسسستحيل حد تتوقف حياته على شخص ثاني ..

قولي لربيعتج .. لو الشخص الي حبته صدق يستاهل جان ما خلاها ..
يعني بالمختصر ما يستاهل دموعها وحزنها عليه ..
المفروض تتحدا الي صار وترد اقوى من قبل …

خليها تذكر ربها وتستغفر وتتقرب من اهلها وصديقاتها ..
ومع الايام بتنسى الي صار وبتضحك على عمرها ..

الله يووفقها ويسعدها ويرزقها الريّال الي يستاهلها انشالله

الله بفرج همها وهم كل مسلم ومسلمة ان شاااء الله

الله المستعاان كثري من الدعاء ةالاستغفار والله بيفرجها ان شاء الله

هي اكيد بتمر في فترة حزن بس بالآخر مالها الا تعيش حياتها
مابينفعها الزعل بشي
افضل لها تنسي نفسها تطلع تغير جو ويمكن يكون خير لها اللي صار

اووووه راحت عليها حلقة امس من برنامج خطوة عقناة بوظبي ويا الدكتور خليفة السويدي

كانت عن هالسوالف وكيف يتجنبون او يطلعون من هالازمة العاطفية^___^

يا اختي شو الي بالشنها ابهالسوالف؟؟؟!!!!

يعني ازعلت وقت ماهو عندها وبعدها زعلانة على فراقه؟؟!!!

بقول ما عندها سالفة تراها بتزعل ان قرت ردي,,بس هذا الواقع

الي ما يباك لا اتصيح تبااااه وعيت النفس تبغييه

خلاص راح فحال سبيله

شو ودها اتبوس ريله ولا ايده ؟؟!!!!وين كرامتها؟؟!!!!انا مادري ليش البنات لا حبوا نسوا كرامتهم واخلاقهم ودينهم

الغالية الاولى في انها اتحبه هو ربها

هو اقرب قريب لها

هذا الحبيب الي ما راح يخونها

هذا الحبيب الي لا بغته شافته واقف وياها

هذا الحبيب الي لا وقت حاجتها راحت له ولا راااح يعايرها بيوم من الايام

ياما جحدنا فهالحبيب ولا زال هو يحبنا

قوليلها خل تختلي به فليل

خليها اتناجيه بدون ما يحس فيها حد

خليها تتقرب منه

يالغالية الانسان يكون تايه وضايع ويعيش حياة كريهه يوم يكون بعيد عن ربه لأن الدنيا تغريه بملذاتها

يالغالية قوليلها ربج يقول(ومن اعرض عن ذكري فإن له معيشة ضنكا)

انت اتعرفين شو يعني ضنك؟؟؟اتعرفين هالكلمة كمن معنى شايله؟؟؟!!!

الضاد(ضيق)
النون(نكد)
الكاف(كدر)

واربيعتج هذا الي فيها

ضيق ونكد وكدر وهم وغم ووووو

وهي الي شكلها حااابه اتعيش هالعيشة

هي الي امقوقعه نفسها ومبتعده عن اهلها

مستحيل اهلها بيعايرونها بدون سبب

هم ما بييبون هالطاري الا اذا هي ظايقتهم وهم مب عارفين يظايقونها غير انهم يذكرون هالشي جدامها

يالغالية خليها تصلح ذاتها

خليها تختلي ابعمرها

خل اتحاسب نفسها قبل ما اتحاسب اهلها على امعايرهم لها (على حد تعبيرها)

هي الي غلطت خليها تتحمل نتايج غلطها

الانسان هو الي يعيش نفسه بوهم ويركض ورى سراااب

خلاااص الريال راح

شويعني نهاية العالم؟؟؟!!!!!

خليها تدخل المنتدى والله بيظيع وقتها بدووون ما اتحس

بتلاقي وااايد امور اتفيدها سواء فدينها ولا دنياها

خليها تقرا هموم البنات

خليها اتشوووف كيف انها عايشة بنعمة احسن عن غيرها بمليووون مرة

وجان تبا صداقات ترى البنات اهنا ما يقصروون ^^كلهم خوات وكلنا انساند بعض وانسوولف مع بعض

والكل ينسى همه من يدخل المنتدى وانا اولكم ههههههه

والسمووحة عالهذربه الزايدة

السلام عليكم خواتي عندي ولد والله يحفظه عمره 8شهور بس وااااااايد يصيح واذا

خليته وطلعت يتم يصيح مره طفرت منه وخليته يصيح ويوم رقد ونش كان صوته

مبحوح والله غمضني حاولت طول اليوم اني ماخليه يصيح يعني كنت اشله والاعبه

وايلسه في الميلسه بس الله يهديه احسه عنيد وكله يبا شل لدرجة اني اذا ييت البس

شيلتي لصلاه يتم يصيح وانا ماعرف اصلي وهو يصيح واحس انه ريلي بدا يضايج

من صياحه قالولي غيري اسمه يمكن يكون ثجيل عليه؟

انتوا شو رايكم؟

شغليه قرأن على طول في البيت بيسكت إن شاء الله
شكله متعود عليج ومتعلق فيج ما شاء الله

والله انا عنيت ويا بنتي سنه كاملة
الين هدت على شوي شوي
ولفيت فيها عند الدكاتره عبالي فيها شي
بس كلهم يقولولي نفس الكلام بنتج مافيها شي

الصبر اختي الصبر

اممم لو نقلتيه قسم الاطفال اخير
اول شي الاسم مايخصه بالصيح فيه عيال جيه سبحان الله
انتي معودتنه عا اللهايه؟ احس انه تخفف الصياح وغير جيييه شكلكم عودتوه على الشلال عشان جيه يتم يبا حد يشله حاولي اتيبين العاب يزخها ويلتهي بها اول تعلقين له العاب تتحرك يلسيه باليلاسه برا بما انه الجو بدى يبرد يمكن يوعان او فيه شي تاكدي من البامبرز يمكن مضايقنه

شغليه قرأن على طول في البيت بيسكت إن شاء الله

يمكن متضايق بطنه يمغصه او متضايق من البامبرز اتذكر اخوي من يوم صغير وهي كله اربع وعشرين ساعه صياح بس من قرينا عليه خف وغير كذا كبر وخف صيااااحه بووووووااااجد,,,

ولدج شو اسمه؟

السلام عليكم خواتي

فيدوني بخبارتكم دخلت ولدي عمره سنتين حضانة
واليوم ثاني يوم

وصاح صياااااح قطع قلبي

دخلته حضانة الدانة
عشان يتعلم ويستفيد قبل الروضة

يعني قلت بيعلمونه وبيحفظونه الحروف والنطق الصحيح
والاذكار .. وهو من النوع اللي يلقط بسرعة ماشاءالله

اباه يتعود على هالجو قبل الروضة

بس يوم سمعت صياحه تنددددمت ااني دخلته

وقت عادي اسحبه … اوردي التسجيل ب 4600 يعني
بيذيحني ريلي لو قلتله خلاص مابا الحضانة

احتتتترت

والله احترت

عطوني خبارتكم في اول اسبوع حضانة عند عيالكم

شو سويتوا ؟
وهم هل تأقلموا بسرعة والا خذوا وقت طويل ؟

أغير رائي واسحبه من الحضانة واتريا عليه يكمل 3 سنين وعقب ادخله ؟

ريحوووني الله يريحكم

وأرجوكم الي ترد .. ترد من واقع تجربة مب بس تكتب كلام ما يفيد

وغير ولدي ما يأكل وايد .. أكله معين وساعات يقعد يخبص في الاكل ويضيع الوقت واستغفر الله يعق نص الاكل

شو اعطيه وجبات يوم يسير الحضانة

وشو تنصحوني أأكله وجبات في البيت

ترااه ولدي البجر وماعندي خبرة بالمررره

واحسني تايهة ومهملتنه وابا اعطيه اهتمام اكبر

والسموووحه من الجميع طولت عليكم

وشكرا لحسن الاستماع

أختي عادي كل العيال تصيح أول أسبوع لنه الجو غريب عليهم ويديد

لا تسحبيه خليه وايد يستفيد عن تجرية

نصيحه تمي خليه يداوم وحببيه فالحضانه
قوليله باجر بنسير نرسم وبنلعب ماتبا تلعب باللعبه الفلانيه؟؟
حلوووووووه اللعبه
شجعيه بكلامج ولا تبينين له من ويهج انج زعلانه ومضايقه يوم يصيح
اظحكي في ويهه وقوليله عاااااادي حبيبي بنلعب انا وانته ليش تصيح؟
وجي يعني

ذكرتيني ..
ولدي العام دخلته في الحضانه .. حضانة دوامنا وعمره كان سنة و5 شهور تقريبا .. والحضانة توها مفتتحينها .. يعني مافيها يهال .. ومافيها وايد اشياء ..
اول ما وديته عادي .. عقب ساعة ييت .. وشفته يصيح صيحه واحد منهد حيله من الصياح .. اول ما شفته جيه .. قلت شو سويتوا في ولدي .. ولدي يبا ينام ..
ولدي ماكل شي ولدي شو فيه .. قالوا اطلعي الله يرضى عليج .. خلينا انقوم ابشغلنا .. قلت ما اقدر والله .. وطلعت من مبنى الحضانه وصلت لمكتبي .. قمت اصيييييييييح
واصيح والبنات يهدوني هههههههههههههههههههههههههههههههههههههههههه.. هاليوم ما انساه طول عمري ..
تم فترة شوي طويلة لأن الحضانة توها يديده واحس ما عندهم خبرة ..
بس الحين مستانس ويحب الحضانه وااااااايد وعمر ولدي ماشالله الحين سنتين و5 شهور ..
ويتعلم ويتكلم ويلعب ومرح …
عن الأكل احاول قد ما اقدر ابدع .. وعلى فكرة اول الأيام يمكن ما ياكل لأن يشوفهم غرباء وجي ..
لكن بعد فترة بياكل ..
على فكرة انا حاطة موضوع عن اكل الطفل ي الحضانة وافكار حلوة .. استفيدي منها

https://forum.uaewomen.net/showthread.php?t=1199441
هذا موضوعي مالأكل .. ماستمريت لأني ما حسيت بالتفاعل

يا جميلة ياعسل

قريت موضوعج البارحة عقب ما نزلت موضوعي

ورديت عليج

ويعطيج العافية
ومأجورة ان شاء الله على مشاركتنا الفائدة

جوهرة يا عمري مشكورة على ردج وحرصج

ان شاءالله .. بخلي هالاسبوعين يعدون . وان شاءالله
يتعود وانسى موضوع السحب

بس ابشرج ليوم صح اول ما شاف المس فالحضانة فج حلجه وصاااح
بس عقب دخلت وحضرت معاه أول نص ساعة
وكانت حق الاكل والريوق

وطبعا تم فوق ريولي ماطاع ينزل

شوي شوي قام ويلس عالكرسي
بس كل شوي يطالعني خخخ يعرف اني بفل

وعقب جيه ساعة سحبت عمري بدون لا ينتبه وطلعت من كلاسه

بس ثواني الا اسمع صوووته وصياحه

وعاد قويت قلبي ورديت البيت

وشغلت الكاميرا اشوفه شو يسوي

غيروا الكلاس وراحوا كلاس ثاني .. واشوفه يالس ومتفاعل

يكتب فالورقة مدري يلون

الموووهم ان شاءالله تأقلم ويتعود ويستانس عليها

يارب من فضلك

السلام عليكم أمهات
أنا بنتي جريب بتكمل 4 سنوات
من أول ما انولدت ولين هاليوم هذا وأنا أعاني من كثرة صياحها وزنها
يمكن بعضكم يظن اني ابالغ بس بنتي وايد تصيح وعلى اتفه اتفه الأسباب، عادي أنا ممكن أحسب لكم الساعات اللي هيه ساكته فيها وما تصيح بتطلع قليلة، وأول ما تبدا تصيح وتزن ما تسكت، لا تهديد يفيد، ولا جزاء يفيد، جربت طرق وايد من عقاب وثواب وتهديد ومرة بالزين ومرة بالعصبية بس ما في فايدة، بس وصلت لمرحلة مب رايمة أتحمل، لدرجة اني أمس استخدمت ايدي لأني فقدت اعصابي خلاص،
اتصلت في مستشارة نفسية، لامتني، قالت لي اقل من 4 سنوات وانتي ما تتحمليتها هي صغيرة، فشرحت لها الموضوع وكثرة صياحها، قالت لي خذي لها موعد، فشو رايكم ؟؟ اوديها أو لا؟؟
وشو الحل معاها، أبوها مب طايع أصلا أوديها، لأن يتحرى إن المستشار النفسي حق الميانينّ!!

شوروا علي

حبيبتي الله يعينج والله بنتي مثل حالتها المشكله ماتعرفين شو الي يصيحها تنش من الرقاد تصيح وتضرب راسها فالارض حشى والله ومرة تزوع من كثر ماتصيح واروحي حامل وتعبانه بس عمرها سنه ونص يعني مقارنه فبنتج اضني في سبب ثاني ولا طبع عند اليهال تروح الروضة عندها يهال اخوان عيال صغار تلعب معاهم ؟ ؟

بنتي نفس الحالة وأخس بعد

اللهم : اني عبدك, وابن عبدك, ابن أمتك, ناصيتي بيدك, ماضى فيّ حكمك, عدل فيّ قضاؤك, أسألك بكل اسم هم لك سمّت به نفسك, أو أنزلته في كتابك أو علّمته أحدا من خلقك, أن تجعل القرآن ربيع قلبي, ونور صدري, وجلاء حزني, وذهاب همّي وغمّي اللهم امين يارب العالمين اللهم امين يارب العالمين

آآآآآآآآآآآآآآآآآآآآآآه انا ولدي جذي وزياده صدق صدق انه متعبني نفسيا اتعاملت وياه بكل الاساليب بس لا حياة لمن تنادي

للرفع

لو كل ام ودت عيالها لمستشار نفسي عشان صياحه وزنه جان انترسوا العيادات!!!

اقووولج.. انتي انسانه مب صبوووره.. الياهل ياهل تقدرين تتعاملين معاه بطريقه وبأسلووب حلووو.
انتي يمكن مب جاده معاها !!!

خلي عنج هالكلاااام.. ولا تعودين بنتج او نفسج ع العيادات النفسيه انتي بتتعبين ف النهايه

انا رحت عند الدكتوراليوم وقالي كيس الحمل عندج اصغير المفروض ايكون اكبر من جيه وانا توني شهر وسبوع خذ عني عينت دم وبعد يومين ياخذ وحده ثانه وبعد اسبوع اراجعه حد مرة في هذي الحاله وكان عندها انه كيس الحمل مالها اصغير ارجو انها اتفيدني ومن شوه هذا

لا تسبقين الاحداث اختييييه انتظري شوي وراجعي عند دكتوره ثانيه
يمكن هذا شي طبيعي انه يكون الكيس صغير لانج توج حامل
والله يثبت حملج ان شاء الله

الله يثبت حملج

الله ايثبت حملج ان شاء الله

السلام عليكم ورحمة الله وبركاته……………………….

اختي اولا لا تنسين النفسيه تلعب دور تمالكي نفسج عشان لي في بطنج

انا صار لي نفس الشي لكن بسبب السفر كيس الجنين ما يكبر وكانو يتابعوني بتحليل الدم بس هرمون الحمل لي في الدم ما يزيد,,,,,,,,,,,,,,,,,,,,والله ماراد والدكتوره قالت احمدي ربج ولله الحمد احيانا البويضه ماتكون سليمه وفيها تشوهات ومن حكمة رب العالمين يحصل الاجهاض ولا ان يولد اختي ياهل مشوه يحترق قلب الام ويتعذب في حياته

…………………….

وهذا ما يعني ان هذي هي حالتج لا بعيد الشر عنج في ناس مثل حالتج بس من تسمع الدكتوره نبضات قلب الجنين يبدا الكيس يوميا يكبر اروحه باستمرار وبسرعه ان شالله وما فيج الا العافيه ان شالله وتسمعين نبضات قلبه يااااااااااااااااااااااااااااااااااااااارب ويرتفع الهرمون بس الاهم انج قي هذي الفتره كله اتمين راقده ع ظهرج

وعلى فكره الدكتوره الوحيده اللي حسيت اني خذت الجواب والتشخيص الشافي منها اوراس في الشارجه وطمنيناا عليج اختي ولا تنسين الفوليك اسيد

الله يثبت حملش انشاء الله وكلى امرش للمولى الواحد الاحد

الله يتبت حملج و يرزقج الذرية الصالحة يا رب

خذي استشاره ثانيه غناتي لا تتكدرين في دكاتره اغبياء ساعات

انا اقول سيري عند دكتورة معروفه وشاطرة احسن عان تطمنين ومثل ماقالت الاخت في دكاترة اغبياء

فديتج اختى بس والله قلبي يعورنى

ماعرف شو اسوى

تسلمين يا اختى

ان شاء الله يارب

شكرا اختى جزاج الله خير

بس ما خبرتونى عن النبض فى اى اسبوع؟

حبيبتي سيري عند دكتوره ثاااانيه

خلها اتشيك عليج وع البيبي

انا قالت لي تعالي عقب شهر عسب اشوف النبض بكل برود

وما سويت لها سالفه وسرت عند دكتوره ثانيه وطمنتني الله يطمن قلبج ان شالله

نفس الكلام ما تيأسين من رحمة الله

هلا بنات إشحالكم
بنتي من. الساعه 12 لين الحين اتصيح
كل يوم على هالحاله
ومب عارفه شو اسوي

أكيد غازات أختي لو عندج القطرة سمعت أنها وايد تريح الياهل ..

واذا ماعندج الحين جربي تعطينها قطرات ماي عادي وتخلينها بالطول ع كتفج وتضربين بايدج بالراحة ع ظهرها

وان شاء الله ترتاح وتطلع الغازات ..

أو يمكن حفاظها مبلل غيريه لها البنات يضايقهم الحفاظ عادة أول ما يتبلل ..

وحاولي تحضنينها ع جهة اليسار يعني راسها عند قلبج عشان تسمع دقاته يقولون الياهل يسكت بهالطريقة والله أعلم ..

حبيبتي خلي طبيب اطفال ايشوفها يمكن عندها مغص او شي

مستحييييلل اتصيح هالكثر الا اذا كان شي ايعورها

واذا ترضعينها صناعي غيري لها الحليب

جربي وعطيها ينسون يمكن ايفيد وياهاا

شو ها الينسون أنا ما أعرفه
ومشكورين فديتكم

الغاليه عادي إشربها الساعه 12 فليل ما يضر
ومشكورين ع المرور

فديتكن انا توني مربية بولدي الثاني …. بس بغيت استفسر عن شي … ولدي ما يصيح كلة يطلع اصوات وييتعصر بس وما ادري انا احاتية هل هالموضوع عادي والا لا

بليز لا تبخلن علي

جزاكن الله خير

ا تحاتين هالشي طبيعي يمكن بطنه يعورة عشان الغازات الله يخليه لج ويطول في عمره
ومبروك ما ياج وتستاهلين السلامه

لا تحاتي طبيعي لاناا الغازات جي اتسوي بة

الله يخلية لج

مشكورات على المرور الله يجازيكن خير

انا ولدي كان جي
عاااااااااااااادي حبيبتي لا تحاتين طبيعي 100%

عادي حبوبه انا ولدي كان جي اول شهرين وشوي والله يتعصر وانا واصيييييييييييييح كان يغمضني والحين الحمدالله الحمدالله كمل 4 شهور وشيء وارتاح

السلام عليكم. خواتي حبيت أسألكم بنتي عمرها يوم الحمد الله.

وايد الله يهديها تصيح. قالوا لي غازات وعطيتها دواء. بس بعدة الصياح

احيانا افكر يمكن كنت متوترة يوم حامل فيها. واحيانا أصيح واكون حزينة احيانا. بس مش طول فترة الحمل كنت طول الفترة مستأنسة واطلع وأغير جو مع ويلي حتى اني سافرت وطلعت كل الطلعات الحلوة. من فنادق ومطاعم

احيانا أشوفها هاديا وهي تحب حد يشلها وايد ودوم تعذبني ماتبا تنام في المنز الله يهديها

وفي الاخير حبيت أسألكم من تجاربكم يا امهات متى يتوقف الصياح م عند الرضع. أنا قالو لي بعد شهر الغازات تروح. وست شهور يبدأ السمع يكتمل ؟

والسموحة منكم.
والله يهدي بنتي. ألكل يطريها ويسأل عنها. احس أنا اول وحدة تيب بنت *

بخبرج عقب ماتكمل بنتي ثلاث شهور .. انا اشوفها لين الحين تصيح بس اخف عن قبل
مادري احس ان الغازات تختفي يوم يبدا الياهل يتحرك يعني ينقلب .. اتوقع

كله بسبة الغازات حبيبتي اول فترة يتم الياهل صياح
انتي حاولي تنيميها على بطنها وانتي عندها يخف عوارها شوي واعطيها شراب اعشاب كل يوم
الله يحفظها لج

اول 3 شهور متعبه لكن بيبتدي الطفل ينام و يرتاح بعد هالفتره
الله يطمن قلبج عليها ان شاء الله

اول ثلاث شهور غناتي
ربي يسهل عليج ويسعدج

يعني ماله خص بالتقسيم في الحمل. مع اني ماكنت دوم حزينة وكايبة

رقديها على بطنها ودلكيها بالزيت الزيتون بلليل ان شاء الله تتحسن
الله يخليها لج