لان يمكن نتلاقى هناك
حجزنا لبانكوك وكوانزو الصين
لان يمكن نتلاقى هناك
زوجي بيسير الصين في اجازة العيد..
شورو عليه ..شو اخليه ايب لي من هناك..
على فكرة هو رايح غوانزو
اكيد خليه يشريلج ملابس و جواتي و شنط كل مايخطر ببالج لانه كل اللي نحن نشريه ونلبسه من ماركات تكون مصنوعه في الصين و للعلم الصين الاولى في العالم من حيث الاقتصاد وصناعة المنسوجات وغيره
موفقه حبوبه
انتي سيري وياه واشتري اللي تبينه واستانسي بعد ….. انشبي فيه
.
مراحب نيهاو بالصيني
كتبت الموضوع لاني عيزت و بالاخير حصلت خوات بارك الله فيهن ردا عاسئلتي
رحت الصين باول يوم 13/8/2017-6/9/2017 بالعيد طبعا الرحله 7 ساعات عطيران الامارات بدون اطفالي طبعا عشان التعب الى بكين فقط الجو كان الصبح حر و رطوبه و الليل بارد روعه ساعات العمل و الدراسه من 9 الى 5
شفنا اول منظر عجيب الجبال الي يغطيها الثلج بس ماااعرف اي دوله روعه روعه روعه
سكنا في فندق بينينسولا في بكين تحته في محلات ماركات اصليه مثل بوتيك شانيل و هرمس و غيره فخم جدا PENENSULA ست ليال و ريوق كشخه و اكل لذيذ
اول يوم كنا درنا بروحنا استكشفنا النطقه حصلنا مول توه مفتوح فيه مطاعم معروفه عندنا عالميه فكنا ناكل منه
بعدين حصلنا خشه مثل اسواق تايلاد الليليه بس هذيل ايسكرون متى ما طاح المطر او صارت الساعه 10 يبيعون حشرات و عقارب تتحرك و نجم البحر تنشوي و غيره مابا الوع جبدكم
اليوم الثاني بكين القديمه ودفعنا 100 ايوان للنفر تسكن البيت عده عوايل يصل عددهم الى 12 و كل عايله عندها حجره هي مطبخ و غرفه نوم و يشوفون تلفزون و كل شي طبعا كل سنه يزيد غلاء المنطقه تحوطنا بسياره مالتم تشبه التكتك التايلاندي
[IMG][/IMG]
وبعدين رحنا نشوف المكان الي يعرفون منه الوقت هو الساعه الشمسيه واذا غابت الشمس يصعد 2 و يدقون طبل عسب ان الوقت تغير لكل ساعه
[IMG][/IMG]
اليوم الثاني رحنا سوق الحرير قلنا كله حرير بس طلع سوق مثل الدراجون مول في دبي بس عده طوابق كل شي تقليد و تطلع روحك عشان المكاسر
ورحنا بعدين محل الشاي بانواعه محل كبير وسوالنا مثل عرض عن انواع الشاي و فوايده
رحنا اليوم الثالث تمثال الملك الاخير الي عدل عالسور و حاطين تحته الفلوس اونه للاماني و مقتنياته يعني مثل متحف امسوين له
وسرنا بعدها السور بالتلفريك روعه المنظر فهاسور بنوه المساجين و الناس عقوله المرشد الباد بيوبول و لما بنوه وايد ماتوا فدفنوهم في السور نفسه كماان السور كان مبنى قبل بعثه عيسى عليه السلام و كانوا يرممونه و يكملونه و بنوه الصيني حفاظا عبلادهم من غزو المغول
المهم رجعت بالتلفريك عشان ماقدر بالدرج حيث ان السور نصه تمشونه دريات و النص الثاني ارض مايله تركض فيها ركضو تستند عشان ماتطيح عويهك بحديده تمسكها عطول الدرج بس الهزاء هناك بارد
تقدرون تشترون من السوق الي تحت السور اي شي تحبونه و تكتبون اسمكم عميداليه انكم مشيتوا السور كذكرى
اليوم الي بعده سرنا سوق الحرير بعج وممكن الي يحب يقدر يروح سوق اللولو بس اسمه جيه وفيه وايد اكسسوارات و لول طبعا مب صناعي لانه تقليد بلاستيك و سرنا بعدها لسوق اللول الحقيقي محل كبير يبيعون فيه لولو طبيعي مزوع وخذت لي عقد و يبيعون بعد منتجات الولو من كريمات للويه و العيون و حبوب للتغذيه و التقيه و غيره
اتغدينا هناك في المطعم مالهم
وسرت بعد المدينه المحرمه و الي سموها الحين مدينه الملوك لانها كانت محرمه الي يدخلها مايطلع منها
قصتها اللمبراطور و الامبراطوره من الهايله المالكه يسكنون هالمدينه فيها 5 بوابات مشي مشي و الامبراطوره هي الي تحمل بس من الامبراطور و يصبح عيالها يرثون الحكم . الامبراطور عنده 3000 محظيه او فتاه يختارونها له الصبيان الي ايون يشتغلون عن المل من المناطق الاخرى وعند البوابه الثالثه يقومون بعمليه يصبح فيها الرجل غير قادر عالانجاب فيكون واحد مقرب للملك كل ليله يشاوره لو له خاطر في احدى البنات اذا وافق يتم معاها بس 4 ساعات اما الملكه لها 24 ساعه . الامبراطوره اذا تزوجت تبقى مع الملك 3 ايام اول الزواج مايطلع عنها. هاي البنت الي بيبونها للملك يلفونها كامل ل بقماش عشان ماتعرف اي غرفه هي فيها طبعا الملك كل يوم له غرفه يبدلها عشان محد يقتله فيتم مع البنت و اذا حملت منه يرسل الياهل خارج المدينه المحرمه و لايعرفون عنه اي شي . المراه مالها راي ابدا الامبراطوره تعرف الي يسةيه الملك بس تسكت و اذا الملك عيبته البنت يخبر الصبي الي عنده عشان ايبها له اكثر عن مرة . البنات ممكن ماتسوف الملك ابدا و ممكن اتشوفه بس في الليله الي قضاها وياها و كل وحده لها غرفه و طباخين المدينه هم الي يطبخون و يعابلون اما البنات فماعليهم الا انتظار طلب الامبراطور لهن . اذا الامبراطور بيموت قبلها بيموت تسمم البنات كلهن باكل في عزيمه فخمه طبعا هن مايدرن انهن بيموتن. المدينه فيها 9999 غرفه.
الساعه الشميه الي تتحرك مع الشمس في المدينه
بعد رحناقصر الصيف فالافضل اتروحون له مبجر عشان هو يتسكر روعه صنعوه عشان الامبراطور ياخذ الاميره فيه الصيف شهرين من كل عام و كل شي فيه صناعي حتى البحيره بش شو منظر قمه الرومانيسه للاسف مادخلنا عسب الوقت اتاخرنا
وال ما تدشي فيها تستغرب من الورود و امسوين مثل جدور كبيرة عسب لو صار حريق يقلون الماي و هالشي عند كل بوابه 4 جدورالجدر يكفي ييلس فيه رجل فوق ال200 وزمه وهي غير قابله للتحريك
و كذلك فيها المدينه مثل نهر صغير و بعد مداخن للبخور العيدان الي يبخرون فيه
العرس بالصين العروس المعرس يتزوجون عن طريق الاهل يرتبون لهم و الغين ياخذ مثله و الفقير و الزواج الصيني التقليدي للحين ناس اتسويه الصبح و يشويلون الرعوس عالعربه و يمشون بها ويرقصون عالشارع عادي اما الي عندي فيسوي بالفنادق و اشيا راقيه وروعه جدا حضرنا عرسين بفندقنا و عطونا حلويات
كذلك الصينين طيبين بشكل عام و المسلمين مناطقهم احلى و هم بمثلون الديانه الثاينه بالصين و صورنا مع عدد منهم و فرحوابنا[/COLOR]
في اللية الاخير رحت لحديقه الورود مثل مايسمونها بعيده صراحه بس طلعت محلين للورد و شريت لامي باقه روعه و ممكن تسترون شتلات منهم بعد و بذور
و رحنا حديقه بي هاي وفيها ااتشوفون المتقاعدين و كبار السن يغنون و يرقصون و الي يعزف و الي يصورنا و الي يبيع لنفسه
بعد ودونا بيت الجيد jadeوهو حجر كريم يحبونه الصيني و دايما ايدهم اليسار يلبسونه
الاكل في الصين غير ممكن تاكل بس بحري بس نضمن ل لو فيه خنزير او لا لولعهم به فالافضل اتودون اكلكم وياكم و تمسونها سندويشات او تروحون مطاعم عربيه مثل الف ليله و ليله و غيره
[COLOR="Teal"]تعبت وايد لماكتبت الموضوع ادعوالي اتوفق في وظيفه احسن من ا لي انا فيها و يطلع لي بيت
الي ندمت و ماشريته المظلات الي بالدنتيل صراحه
والحمدلله على سلامتج
شوقتينا ^^
لو سمحتوووو بنات الي مسافره الصين من قبل وتقدر تفيدنا بالاماكن الحوة والفنادق
تساعدناااا بلييييز
لاني ابغي اروح هونغ كونغ و الصين بس للحين ما خططت لشي لاني ما اعرف شي هنااااك
وابغي الفنادق و الاماكن من تجاربكككم بليييييييييز
وكم يوم تقريبا نقعد فيهااا ؟؟؟
حابه اساعدك بس السموحة ما اعرف احد
ان شاء البنات ما بيقصرون وياك
خياييط ولا شو؟
ما فهمت
الغاليات انا ناويه اسير صوب الصين في شهر مارس ؟
عاد ما اوصيكن اللي تعرف اي شي عن الصين تخبرني؟
فياليت الي تعرف عنها اي شي وبالصور اكوون شااكرة
انا ان شاءالله يمكن اسير عقب شهرين بكين..
نبا صور حلوه.. وتخبرونا عن الأسواق والأماكن الزينة…
نترياااااكم
الصحية لكل أسرة في العاصمة ، بالإضافة إلى حملة توعية حول أضراره الصحية .
وأضافت السلطات أن الحملة تهدف إلى تغيير أسلوب حياة السكان والتحكم في مقادير الملح والوقاية والسيطرة على كل الأمراض .
وأفادت إحصاءات بأن استهلاك الفرد الواحد من الملح في بكين يصل إلى 10 جرامات يومياً، فيما تصل الكمية إلى 16،5 جرام في المناطق الريفية ، ويعد هذا الأمر واحدا من المسببات الرئيسية لمرض ارتفاع ضغط الدم وأمراض أخرى .
بصراحة شي ممتاز ياليت يطبق عدنا ونحد من الامراض
منقول للامانة
ممكن اتفيدوني عن اسعار الشوبينغ Shopping هناك
واسعار الماركات وشو الاشياء الحلوه اللي موجوده هناك
بليييييييز ساعدوني ^________________^
اللي عندها خبررررررررررررررررره
الله يوفقج يارب
عن نفسي ان شالله في العيد بسير الصين بس في كوانزو مب شنغهاي …
انا طلعت رقم خط و سويت الخدمه الدوليه يوم رحت كوانزو ^^ شهر 6 السنه
هونج كونج – (د. ب. أ): جرى أمس سحب عبوات رقائق بطاطس ‘برينجلز’ من أسواق هونج كونج بعدما أظهرت الاختبارات في الصين أنها تحتوي على مادة كيماوية تسبب
الإصابة بمرض السرطان. وجرى سحب عبوات البطاطس بنكهة ‘الشواء’ من متاجر ‘ولكوم’ وهي إحدى أكبر سلاسل المتاجر في هونج كونج بعد اكتشاف احتواء عيناتها
في الصين على مادة ‘برومات البوتاسيوم’. تجدر الإشارة إلى أن مادة برومات البوتاسيوم هي من المواد الحافظة المسموح باستخدامها بكميات محددة في الولايات المتحدة ولكنها محظورة في الصين وهونج كونج ودول أخرى لان الاختبارات أثبتت
أنها تسبب الإصابة بالسرطان. وأفادت تقارير بأن الاختبارات التي كشفت عن احتواء ‘برينجلز’ على المواد الخطيرة أجريت في تموز/يوليو الماضي بالصين عندما
عثر مسؤولون في ميناء تشوهاي على المادة المسببة للسرطان في شحنات بطاطس
‘برينجلز’ مستوردة. غير أن صحيفة ساوث تشاينا مورننج بوست الصادرة في هونج كونج أفادت اليوم بأن شركة بروكتر أند جامبل المصنعة للبطاطس الشهيرة أكدت أن الشحنة التي أجريت عليها الاختبارات في الصين جرى استيرادها بصورة غير قانونية من الولايات المتحدة. وأكدت بروكتر أند جامبل أن رقائق ‘البرينجلز’ المباعة في
الصين وهونج كونج يجري تصنيعها في الصين ولا تحتوي على برومات البوتاسيوم
منقوووووووووووول
غير أن صحيفة ساوث تشاينا مورننج بوست الصادرة في هونج كونج أفادت اليوم بأن شركة بروكتر أند جامبل المصنعة للبطاطس الشهيرة أكدت أن الشحنة التي أجريت عليها الاختبارات في الصين جرى استيرادها بصورة غير قانونية من الولايات المتحدة
معناه مب كل الدول ….
هم سارقينه والله بلاهم باللي سووه