الوسم: الضباب

[CENTER]السلام عليكم ورحمة الله وبركاته
أضع بين أيديكم مجموعة من الشقق في مدينة الضباب *لندن*
تنفع للعوائل أكثر
إن شا الله تستفيدون

* على فكرة هذا أول موضوع لي فالمنتدى *

الشقة *1*

الشقة تبعد خمس دقايق عن هالجسر بالمشي

يتبع

معومات وتفاصيل أكثر حول الشقة
غرفتين نوم
الشقة تكفي حق 7 أشخاص
حمام كامل + نص حمام هههه يقصدون مافيه شور أظن !

الأسعار بالباوند
Per night £175
Per week £1,225

الأسعار بالدولار
Per night $ 280
Per week$ 1,95

للاتصال
Alfred Kingsnorth
Speaks English, Portuguese

يتبع[/CENTER]

للرفع

بنات ………فديتكن أنا سايرة لندن ان الله عالاسبوع الياي ….بس انا أول مرة أسير ياريت اللي عندها فكرة عن الاماكن السياحية تفيدني ……وشو عن العملة اللي يستخدمونها …والجو هناك يعني اشل ملابس صيفية ولا شتوية ……….ومشكورات

حبوبه السموحه سمعت هناك برد ومطر رحله سعيدة

للرفع

ماعندي علم في ها السالفة يا الغلا بس حبيت ارفع لج الموضوووع

بنااااااااااات اللي تعرف تفيدني الله يخليكم

2die4me

shopping is really good in london, you can go to oxford st, knightesbridge, piccadilly circus, ummm edguare rd, and if you want to go to markets you can go to shepherds bush market which is very popular with arabs.
the weather should be ok now its around 25degrees but still take some heavy clothes with u becoz it gets cold in the evening.
their currency is sterling pounds 1sterling pound is equivelant to 7.3AED something like that.
you will love it but dont forget to bring back pics and have safe trip.

الغلا ..فيه أماكن سياحية عديدة في لندن وخاصة أنها أول زيارة لج فيه أشيا كثيرة ممكن تشوفينها
– متحف الشمع (مدام توسو)
-عين لندن
– قصر باكنغهام وعندهم عرض تغيير الحراس الساعة 11 الصبح بالظبببط
-ساحة ترافلجار وفيها تماثيل وحمام وقريبة من قصر باكنغهام
-البيكاديللي سيركس: في سينمات وملاهي
– اوكسفورد سيركس : هذا واحد من أشهر شوارع التسوق في العالم ..على جانبي الطريق فيه كل المحلات اللي تطري عبالج
– سلون ستريت: في منطقة النايتس بريدج .ببساطة شارع الماركات اللندني..وفيه بعد ماركات عالمية في نيو بوند ستريت في اوكسفورد سيركس
النايتس بريدج فيه الهارودز الغني عن التعريف بالاضافة لمحلات أخرى مثل أكسيوم, اه اند ام, شي محلات نعول حلوة, زارا, بودي شوب ,,وما أنسى عندهم هارفي نيكولز لازم تسيرينه .. احلى شي للعطور

عندج بعد: الهايد بارك و ريجنت بارك..الماء والخضرة والبط والورد!

وش بععد,, هيه يمكن تضحكين لأن محد شراتي في هالشي ..أموت عبعض المطاعم في لندن!! جريبهن إذا سنحت لج الفرصة
فيه بيت الدين في هاريت ستريت مجابل لوي فيتون لي في سلون ستريت هذا مطعم عربي عندهم مقلوبة تجنننننن!!! يسونها يوم الخميس
وو فيه سباغيتي هاوس في النايتس بريدج ايطالي
وش بعد.. لا دوري في الهارودز حلويات ..وهم ينبهونج اذا نوع فيه كحول
وفيه البيزيريا في الهارودز في ردهة الأكل ..الشيف عندهم يغني أوبرا جي عالظهر ..جوناان ههه
وجميرا كارلتون بعد في النايتس بريدج ..عندهم يلسة رايقة في اللوبي ..اذا عندكن حرمات يعني
وفيه كذا متحف في قريب من النايتس بريدج.. مثل متحف العلوم والتاريخ الطبيعي

الجو ما بين 17-22
وو عملتهم شرا كا طرت الاخت . باوند استرليني = 7.32 درهم تقريبا هالأيام
شلي ثياب خفيفة وثقيلة مثلا جاكيتات والمظلة خلوها دوم وياكم لأن لندن جوها هب مضمون والليل تنزل الحرارة

بعد فيه أشيا أحس نسيت شوي.!! الموهم اذا احتجتي شي لا يردج الا الكيبورد…رحلة سعيدة وموفقة ..وليتني هناك..

ما تقصرين الغالية تسلمين

السلام عليكم و رحمة الله و بركاته

شو اخباركم جميعا؟

كنت يالسة اقرا مواضيع البنات عن لندن و لاحظت انه في وايد مواضيع ولكن للاسف المعلومات تكون ناقصة بحكم انه كل وحدة تتكلم فقط عن تجربتها الشخصية

حبيت احط موضوع شامل قدر المستطاع عن شو الواحد يقدر ياكل في لندن و وين بالضبط

بالنسبة للاسعار سامحوني ما كنت اسجل اي معلومات خلال فترات تواجدي هناك

انا عاشقة اكل و احب اجرب الاشيا الغريبة لكن الحمدلله مو باين ههههه ضعيفة ههههههه

حبيت اخبركم عن الاشيا اللي اكلها في لندن:

اول شي منطقة الاكسفورد و ما حولها:
في محل صغير قريب من العربية للعطور يسوي وافل بس طعمه خبال لا يفوتكم اسمه جيري اذا ما خانتني الذاكرة

و في سيارات تبيع فواكه فرش على هالشارع غير مال الايس كريم

كافيه pret Manger و هو موجود في كل مكان تقريبا بس العرب ما يروحون له ما ادري ليش
اكلهم راااااااااائع سندويشات تونة خضار حمص ربيان سلمون و الكثير
سلطات و سوشي و كرواسون بانواعه و لذيذ و هش جدا

كافيه pontis على امتداد اكسفورد في وحدة من السكك على اليمين اعتقد قبل ديوك ستريت ايطالي فطوره حلو و عنده سندويشات لذيذة

في سكة تكون على امتداد الاكسفورد قبل البودي شوب اسمها ساحة سان كريستوفر مليانه مطاعم فيها بيتزا اكسبرس و كريب و مطعم تركي او ايراني ناسية اسمه
طبعا انا لفيت على معظم مطاعم هاي الساحة و لقيت انه المطاعم الايطاليه الصغيرة هناك اسعارها ممتازة مقارنة بالادجوار رود وجبة كاملة ب 12 او 13 باوند و في بعد مطعم اسباني اسمه تاباس و مشهور بالمقبلات و الباييلا
جربت الشاي الاخضر و المقبلات اللي عند كافيه عيوش في اخر الشارع في مطعم في الشارع الخلفي للاكسفورد اسمه لارويدا اسباني عنده سيفود باييلا ممتازة و عندهم سمك صغار يقلونه بالطحين اسمه وايت بيت يجنن

جربت المطعم التركي في سان كريستوفر بليس اسمه جراند بازار هو صغير و كله اضاءة بزجاج ملون اكله حلو و الخبز يسوونه عندهم و يكون فرش يمي يمي في نفس شارع المطاعم اذا ما كنت غلطانه
كافيه روج موجود خلف هارودز و في احدى لفات اكسفورد بالاضافة الى الوايت ليز
جربوا عندهم جبنة بري في الفرن لذييييييييييييييذة

أحب اكل المطعم اللي في سيلفريدج فوق اللي على شكل بوفيه
و عندهم قريب قسم الرجال بالدور الارضي مطعم اسمه salt beef رائع رائع رائع
بس اللي يجرب اول مرة ياخذ نص سندويش علشان ما يصيبه اسهال و يدعي علي ههههه

انا ساعات امر ماركس و اخذ لي اي سندويش على الطاير عنهم حمص و فلافل و حتى ورق عنب و بابا غنوج

طبعا لاااااااااااااااااااااااااازم يو سوشي لاني احب السوشي و بتلقونه في الاكسفورد و وايت ليز و هارفي نيكولس فوق

مقهى جورى في ديوك ستريت و مقابل هارودز اكله حلو لكن شيشة سخيفة تخنق
احب اروح له الظهر في اوقات الصيف و في الشتا ما يكون في ضغط باروح بالليل لكن عنده اكل عربي مرتب

لو فانت خلف الاوكسفورد بعد عجبني

ادجوار رود:
أروح باتوغ الايراني في الادجوار رود تلقونه بعد الماكدونالد في سكة على اليمين مقابل السوبرماركت العراقي تدرون احنا نسميه كبابي لندن هههه لانه عدنا في الامارات واحد مشهور اسمه كبابي هههه
اكله وايد حلو

اروح عند معظم مطاعم الادجوار ماعندي اشكال بس اتجنب دايما اللي عارضين اكلهم على ستايل بوفيه ما ادري ليش احب الاكل ينطبخ فرش

لا تفوتون هيلين مال الشاوارما اللي تفتح بالليل في الادجوار
عندها شاورما و حلوم و خضار سندويشاتها لذيذة و تشبع يعني سعرها فيها عكس مروش

و الاكل الهندي ممممممم في مطعم اعتقد اسمه دلهي او نيو دلهي اللي في السكة على اليسار في الادجوار

منطقة النايتس بريدج:
في هارودز البيزيريا ممتاز عنهم بيتزا سيفود خيالية عليها لوبستر ياااااااااااااااااي
جربوا شوكليت بار يجنن
و عندهم سي جريل يسوي احلى سيفود ووايد فرش و لذيذ
الكافيه اللي عندهم اعتقد اسمه لادوريه عندهم سوالف حلوة
ممكن تاخذون اكل جاهز و كل شي متوفر حتى المحاشي من قسم الاكل

كافيه ريشو مقابل هارودز و بجانب السفارة الامريكية في الماي فير
فطور جدا راقي + حلويات رائعة و غدا مرتب و كله ناس راقين

احب مطعم بيت الدين في نايتس بريدج لبناني و الحمص عنهم لذيذ
جربوا بعد مطعم نورا مستواه اقل من بيت الدين ولكن اكله بعد حلو و بعد فيه قسم بقالة

جربت مطعم المسكوف العراقي في منطقة النايتس بريدج و بصراحة من كثر ما مدحوه اتوقعت انه وااااااااااااااو طلع وايد وايد عادي

مطعم ايطالي في برمبتون رود اعتقد اسمه دولتشي فيتا اكله حلو

منطقة الكوينز وي:
احب كسكس كافيه جنب وايت ليز اكل مغربي على اصوله و احلى من الباقين في لندن و على فكرة بحكم اني رايحة المغرب و طبعا ماكله لين قايله بس هناك اقولكم اكله ميه ميه ممتاز جدا و له فرع في كنسجتون هم خبروني جربوا البسطيلة بالدجاج و الكسكس الملكي و الحريرة و طاجن كفتة بالبيض و ادعولي و ادعوا لبنتي شيخة بطول العمر

في مطعم في الوايت ليز فوق صيني ناسية اسمه آكل عنده soft shell crab شي لذيييييييييييذ لذييييييييييذ لذيييييييييييييييييذ جربوه يعني على قولتنا قباقيب مقلية بس ميزتها تاكلها بقشورها لانها لييييييييييييييييينه وايد شي لذيذ
هو موجود عند معظم المطاعم الصينية بس انا اخاف اكل من اي مكان

بشكل عام في كذا مطعم في الوايت ليز فوق في ساحة المطاعم و بصراحة اكلهم حلو و مرتب لكن المطاعم اللي في شارع الكوينز وي صراحة اخاف اكل عندهم

طبعا لازم امر على ستار بكس و آخذ كوفي فرباتشينو في الصيف و لاتيه في الشتا

مروش اكله حلو و متواجد في كل مكان

هذا اللي في بالي الحين و ان شا الله في صدد زيادة عدد المطاعم خلال زيارتي القادمة لعاصمة الضباب
شو رايكم انفع ذواقة هههههههههههه

اتريا ردودكم

حرام عليكم يا جماعة ولا رد واحد

انا زعلانه

بعد فى مطعم هندى اسمه محل حلو اكله وكنت اخذ من مطعم الارز لبنانى وكنت اخذ بطاطس من عند فش اند شبس وكنت اخذ سمبوسه خضره وبيتزا من عند سب واى وطبعا شوارما هلين اخذ عنه سندويش البطاطا الحاره هذا اللى اتذكره واذا ذكرت برجع طبعا كل ها المطاعم فى اجورد روود

يعطيييج العافية اختي ما قصرتي

مشكورين على المرور

تسلمين الغلا ماقصرتي ..

وينج عنااا من قبل السفره هههههه

شكلي بخليه مرجع لي حق المره اليايه ان شاء الله ..

مشكووووووره

شوقتيني حق الاكل والمطاعم

بخصوووووص الرحله كانت على نهاية شهر سبعه ب تاريخ 24 لين شهر ثمانيه
تقريبا امتدت الرحله 17 يوم تقريبا وكانت تجربه ممتعه واحلا مافيها جوها الصراحه
وماصورت وايد كل الصور شخصيه للعايله وغيرها وحصلت كذا صوره مصورتنها قلت بحطهن
يلالالالالالا بسم الله خلونا نبدا
الفندق الي سكنا فيه هلتون متروبول الي ف الاجوارد رود

وهنيه صوب الشارع

هذيله الباصات ارخص عن التكاسي اعتقد ب 2 باوند التكت بما يساوي 11 درهم تستخدمونها بس لمره وحده فاليوم ..مثلا تبون تنتقلون من البيكاديلي للاجوارد رود كل باص له كود لهالاماكن مب تركبون حي الله باص لوووووول واصلا في لوحة وين ما اطلعون التكت

يا سلام على طماطهم فرشش

وهنيه شوفو اليحه مكبرها لووووووووووووول صدق لذيذه يوم تقصينها تكون حمرااااااااااااااااا
ما تشبعين منها

ويا سلام على هالورود كنا نمشي صوب الهايد بارك تقريبا من الهلتون للهايد بارك سبع دقايق لعشر دقايق مشي
لو سرتو فالتاكسي بيطلع عليكم عشره باوند يعني ستين درهم

ويا سلام على هالحمااااااااااااااااامه غنيتلها
روووح يا طاير وقله
قلبي فيه الفين عله
الحيااااااااااه بعده ممله
وحالي من بعده تدهور
والا يا طير سلم عالحبيب
قله تراني مستصيب
<a href="https://www.7ammil.com/index.php/files/guest
/IMG_1021SMALLjpg” target=”_blank” rel=”nofollow”>
تصوير عشوائي فالهايد بارك https://forum.uaewomen.net/newthread….newthread&f=73

بطه مزيونه لوووووووووول
بس نظرة منك تكفيني ^_*

لقطات مفرقه .. من شوارع لندن

وحبيت اضيف صور لقيتهن فالموبايل من تصويري
ها فالطياره قبل الاقلاع ^^

الوصول الى مطار هيثرو

ماركسبنسر اجوار رود

وهالباستا كانت في فندق جميرا الفريدوو بس ما حبيتها

وفالاخير شفت ابوووووووووويه فديته الله يحفضه ويطول ف عمره يعلني ما خلا من هالهايه

وبهالشكل بنكون خلصنا
والحمدالله ^______^
لا تحرموني من ردودكم الحلوه اي استفسار انا مستعده

ما شاء الله الصور حلوه وتكون ذكريات حلوه عليكم

ما شاءالله الجو حلو
يعطيج العافيه على التقرير الرائع

ياااااااااااااااا قلبيه على أيام لندن

اكيد ماااااااعليها كلاااام لندن

ماشاء الله حلو التقرير ربي يسعدكم ويحفظكم ومفاجاة حلوة كانت في اخر التقرير يوم حطيتي لنا صورة الشيخ محمد بن راشد ربي يوفقه ويحفظه