اسباب كثيره :
1: الاهل: بعض الاهل يعتقد ان التربيه هي فلوس و تلبيه رغبات و توفير متطلبات… حتى و ان كانت غير منطقيه بزعم انه "ما يقدر لى الياهل من كثر ما يصيح و يبغي الشي الفلاني" … لحظه بس …. من الاب/الام في هاللموقف؟؟ من له الكلمة الاخيرة؟؟؟ كنت اتوقع انه الاهل… لكن لا… الطفل هو سيد الموقف و هو اللي يفرض رايه باسهل طريقه و هي الصياح…
الحل: كل شي بحدود…. و عند الرفض لازم نقنع الطفل يسبب الرفض… هذا طفل و ليس حيوان (ليس له مخ او ما يفهم مهما كان عمره حتى لو كان عمره سنه… لازم من صغره يعرف الصح من الخطأ لان التعليم في الصغر كالنقش على الحجر)
2: التلفاز: مثل ما سبق و قيل … شو البرامج التي تعرض للطفل!!! ظرابه… و اشياء خياليه… و لغه ليست مناسبه لسنه… و الموضوع تعدى الحد الطبيعي… قبل كانت البرامج تتنوع بين التعليمي مثل المناهل و الرسوم المتحركه مثل سالي…. اشياء طبيعيه و محدده الوقت … العصر و الصبح فقط و الباقي الطفل كان يطلع و يفرغ كل طاقته في الحركة و التعامل مع الناس الاخرين… و منها يتعلم كيف يتصرف في المواقف الحياتيه…. حاليا الوضع مختلف تماما… الطفل له قنوات خاصه 24 ساعه مخصصه له… و الاهل لا رقابه على اساس انها قناه اطفال… لكن اللي ما يعرفونه انه اغلب هالرسوم ليست للاطفال و الدليل اللبس و اللغه …. <<< هذا يبغيله موضوع كامل
الحل: الاهل لازم يحددون وقت لمشاهده الطفل و يخلونه هو يختار البرامج اللي يبغي يشوفها و يتناقشون اذا كان البرنامج مش مناسب…. يعني لازم الطفل ينعطى حريه ابداء رأي في الموضوع لانه مثل ما قيل "عينه مفتوحه على الدنيا "
3: المدرسه: أ: المعلمه: انتي يا اختي المعلمه "معلمه" بمعنى ان دورج تعليم الطالب قبل المناهج "الصح" من "الخطأ" و ليس فقط في الدروس و لكن في الحياه ايضا…. فاذا شفتي تصرف خاطئ اجلسي مع هذا الطفل و فهميه … حتى لو ظاعت حصه من الدرس … شو المشكله اذا انتي زرعتي فيه خصله حسنه ….
ب: الاداره: و هي السلطه اللي المفروض ان الطفل او الطالب يحس بنوع من الرهبه تجاهها… مش تكون سبهلله و مالها داعي في المدرسه…. بالعكس لازم في اذاعه الصباح يتم تذكير الطالب بقوانين المدرسه… و تشجيعه على التقيد بها بعمل مسابقات و تنفيذ ندوات و غيرها….
ج: الرفاق: دورهم تقريبا اكبر شي خاصه كلما كبر الطالب زاد تعلقه برفاقه…. اذا كانوا رفاق جيدين … فشي اكيد انه بيقيد بهم… و بيقلدهم… و اذا رفاق سوء فبيجاريهم… و يمكن ينقاد لهم و يصير منهم….
الحل: على المعلم انه يراقب كل طالب و يشوف كيف ممكن يساعده في اختيار اصحابه…. و اذا شافه في الطريق الخطأ المفروض ينبهه… ويوجهه … و اذا اضطر الامر لازم يبلغ الاهل…. لان لهم دور هم ايضا في تعليم الطالب كيفيه اختيار الرفاق…
في النهايه: الطفل مسؤوليه مشتركه بين الاهل و المعلم و المدرسه…. لازم الكل يشارك و ما يلقي على الاطراف الاخرى المسؤوليه و يرفع ايده…
و الصبر ثم الصبر ثم الصبر… هذا طفل مش اله نحط فيها اوامر و تشتغل بيرفكت… لازم نبذل جهد … و النتيجه طيبه باذن الله
المشاركة الأصلية كتبت بواسطة باحثة حقوق 
