شلونكم شخباركم خواتي سيدات الامارات
الحمدالله تحقق امنيتي اني اكون عضوة بينكم كنت اقرا مشاركاتكم
واستانس على سوالفكم الحلوة
اما بعد
قصتي قصة من يوم تزوجت والاقبلها كان قلبي خالي لاهم ولايحزنون
كنت دلوعة العايلة ماتحمل دقيقه صبر الاابيه احصله
ولاكنت احاتي همي بين اللبس والموضه مثل كل البنات في سني
بس تزوجت واصلا سالفة على ماتزوجت كلن موراضي من جهة اهل ابوي واهله
بس قسمة ربي تزوجنا وكلن عينه علينا
مرت شهور عرسنا حلوة بدايتها كانت فينا شفاحة على اليهال
علطول بعد اربع شهور كليت منشط
ومافاد بعده بثلاث شهور رحت اتعالج عندطبيب اصلا لوتدرون شلون رحنا له
كنا بمطعم وشفنا اعلان للعيادة دخلنا عليه>>من قرادة الحظ
مافي احد بالعيادة الااحنا وعالجت عنده سنه لعب فيني لعب على الفاضي
وجربت شغل الاعشاب الحريم والمرخ مانفع رحت له ثاني مره
قال ماكوفايده روحي سوي طفل الانبوب قلت يالله>>لقافه تونا سنه وربي خربت على نفسي
بس كله علشان احمل بسرعه لاني انا وزوجي نعشق الاطفال
رحنا مستشفى وبدينا مراحل العلاج خلال هذا الفتره كنت حامل وانا مدري عن عمري
سبحان الله عطاني بدون العمليه بس انا دهورت نفسي
وكانت تنزل معي افرازات بنيه قلت يمكن تبويض واسال الدكتور واستشاري بعد يقول عادي كملي علاجك
واسال الطبيب الاول قال بعد عادي استغفر الله مادري شلون سكتت
ادري ودكم تكفخوني بس فترتها كنت صغيرة وللعلم ماعلمت امي ولاخواتي
حيل ذكية صح
المهم بعد شهروانا للحين بالعلاج قمت على وجع صوب ارحامي مو قادرة اتحرك
الم مووووووووووووووووووطبيعي وربي للحين كل ماتذكره اتذكر الوجع
وبكي لدرجت نزلني زوجي من درج بيتنا وانا منسدحه مو قادره اوقف
رحت طؤارى ماعرفوا شسالفتي من دكتور الى دكتور ويدخلون اصبع وقرف وعذااااب ودم
وترجيع طول اليوم نموني عندهم بعدها سوالي سونار قال مبروك حامل وانا عيوني دموووع مو قادره اعبر جمدت بمكاني ووزوجي بغى يغمى عليه
بس
بس
بس
بس
لازم ننزله لانه حمل خارج الرحم
ساعته تصدقون يابنات وربي كني صنم لاحركة
طلعت منه بسكات حتى ماكلمت زوجي دقيت على ربيعتي وصحت لما قلت بس
ليه ياربي يوم فرحت فرحتي دايما ناقصه
انا لله وانا اليه راجعون
المهم قال لازم عميليه لازم الحين بسرعه والا بتموتين
المهم دخلوني العناية
واشترطت انا وزوجي من حظنا انه دكتورنا الاولي الذكي حده انه يسوي العملية واشوف الاستشاريين الي بالمستشفى يضحكون ماالومهم
شسوى شال الانبوب الي حملت فيه بعميلية شق البطن الناس تسويها بمنظار
المهم بعدها بسنه عالجت سنه ماكوفايده سويت طفل الانبوب عند دكتور شاطر
شصار يوم السحب العينه الي خذوها مني انكسرت اول مره تصير ودق علينا الدكتور وتاسف
وانا اتحطم وقلب علي المواجع وانا كنت حيل متفائلة
قلت خيره >>لاتقول خيره خيبه كبيره
المهم سويتها ثاني مره فشلت
مهما كتبت ووصفت حزني ماراح والله اجيب لكم لو ربعه
الله كرررررررررريم
رحت دكتوره هالمره وكل مااجيها تحطمني وتفقدلي الامل وغيرتها
ورحت دكتور مشهور عندنا
قال لازم منظار عشان نشوف الانبوب الثاني شصار عليه
قلت يالله لعيون حمودي
ودخلت العمليه
وكانت المفاجاة
قالي الانبوب مليان التصاقات مافي امل انه نفكها مليانه
كله من الدكتور الاولي حسبي الله عليه العملية كبيره سواها وصارنزيف والتصاقات الله لايسامحه
قال الدكتور
ماعندك امل الا بالله وبطفل الانبوب
سلمت امري لربي
وبلشت بالعلاج وابر وانا كنت لو اقز ابره اتعذب واسوي مناحه
الحين صرت قمة البلاده ماعاد عندي احساس
تشبعت الم
وكانت النتيجة معروفه
فشل
الحمدلله على كل شي
قررت بعدها بسنه اروح الاردن للكيلاني وقالي بعد ماشاف تقاريري مافي حل الا طفل الانابيب
تغربت عن اهلي الكل يسال شعندهم رايحين ياحرام شغلهم الشاغل احنا
مافي احد بالديره الا انا وزوجي
تحملت كل شي وماخبرت احد وكملت مراحل العلاج وسويتها ورديت انتظر النتيجه
وكانت معرروفه فشل
خلاص تعبت والله تعبت
شسويت بدنيتي والله اني طيبه والكل يدعي لي
قلت خل انسى سافرت لاوروبا واستانسنا بس من ارد ترد كل الاحزان علي
بيتي خالي هادي بعكس بيت حماي الي قبالنا مشاء الله صوت وازعاج اليهال
قلت ماراح افقد الامل
املي بربي كبير وماراح ينساني فالله سبحانه كريم
رحت لدكتورة الكل يمدحها
هالمرة سالت كثير وكلهم نتايحهم حلوووة معاها
دخلت عليها ووريت تقارير العذاب ورحلة الالم
بكيت عندها بس مونفس كل مره بكيت على حالتي وشلي صايرلي
والله يابنات ياكثر شماتة عذالي لاني كل شي حلو فيني مو مدح نفسي والله هذا الي اسمعه
مهتمه بحالي وبشغلي متميزة وعند الكل محبوبه
قالت الدكتوره شوفي يالغاليه بالمختصر وعقب ماشفت بعد فيديو للمنظار الاخير الي سويته
انا اظن ان الانبوب الثاني الي فيه التصاقات
يفرز مواد سادة تؤثر على الاجنة الي احنا نحطها
فانا اقترح انه نشيله
انصدمت صدمه كااااافي ماعاد فيني قدرة اتحمل اكثر
بس مافي حمل طبيعي لازم عمليه وهي قالت في الحالتين سواء موجود والا لا
مالج الا العملية خل ننظف المكان احسن
اقتنعت وقلت يالله
سويتها وللله الحمد شالته وقالت منتفخ بشكل مو طبيعي شلون كنتي متحملة الالم
ماتدري انه خلاص ماعاد عندي اي احساس عقبه الي شفته
والحيييييييييييييييييييييييييييييييييييييييييييييي ييين
مبلشه معاها العلاج وقاعدة اقرى سورة البقره كل يوم وارقي على نفسي عند المطوع
وجنوني الحريم مره يقولون تابعه مره سحر مره عين
ودي بس اعرف ليش ماتثبت الاجنه لوتدرون عن غلاهم كان لزقوا لزق ولاهدوني
وكل هاذا لعيون حمودي فديت عيونه الي ودي اشوفهم عن قريب وافرح اهلي بشوفته
لويدري ان سويت الي مايتسوى وشربت المر وتحملت الالم وتحملت طنازة الحريم
كله علشانه بس خل يجي وانا اجنننه كل يوم اقوووله القصه
تدرون اقول لزوجي يمكن لا جبته خلاص بخلي الشغل واقابله عشان مااضيع لحظة بدون مالعب معاها
والله ناطره جيته واتخيل شكله يارب لاترد الي ترجاك طالبتك بذرية طيبة
عاجلا غير اجلا
امااااانه
اماااااانه
اماااانه
يابنات ادعولي طلبتكم في كل وقت والله محتاجة للدعاء
لايرد القضاء الا الدعاء
وناطره ردودكم لقصتي