الوسم: العصبيه

انا بطبعي واايد هاديه بس للاسف من فتره حسيت اني قمت اتنرفز من اللي حواليني يعني حساسه بزياده

لين شفت في التلفزيون بنامج رااااااائع مع المحاضر العالمي ابراهيم الفقي

عطانا طريقه اذا كنتي في مشكله و مب عارفه كيف تحلينها و جربي هالطريقه ( انا عاد جربت يوم اكون معصبه و متنرفزه و زيدة عليها شويه و الله واايد فادتني و خلتني احس اني وحده ثانيه حيل )

1-خليكي بوحك شويه و في مكان هادي
2-خذي نفس عمييييييق لين تمتلي عندك الرئتين حيييييل و امسكي نفسك
3- و انتي تدخلين الهوا في صدرك حطي طرف صبعك السبابه على طرف صبعك الابهام يعني اعملي حلقه فهمتييييي

4- خليك ماسكه نفسك لين اقصى حد تتحملينه لاتفضين الهوا
5- تقدرين تقرين ايات قرآنيه في هالوقت و بعد تقدرين تضبطين الوقت عشان تعرفين كم المده اللي تتحملينها ولا كم مره بتقرين السوره الفلانيه ( المعوذات مثلا)
6- لما خلاص حسيتي انك ماتقدرين تتحملين طلعي الهوا من صدرك و افتحي الحلقه و قولي الحمدلله
7 كرري هاي الطريقه لمده 10 دقايق والله بتدعن لي

فوايد هالجلسه
-1انك تنسيم همك وتطلعين من المشكله و بالتالي تنظرين لها بنظره جديده
2- تدخلين الاكسجين لزوايا رئتك و هذا الشي يسرع من وصوله للدماغ
3- تذكرين ربك و هذا الاهم
4- تريحين اعصابك

صدقيني كلما جربتي بتقولين معاها حق دلوعه

و صدقوني البنت الهاديه هي اللي تلفت نظر الكل و تخليهم يحترمونها لابعد الحدود

اما العصبيه احيانا تجرح اقرب الناس و جرح المشاعر ماله دوا و يبقى اثره بالروح

اتمنى اكون افدتكم يا حبايبي
دلوعه

وشكرا مقدما على كل الل بيقرون كلامي و فديييت اللي بيعلقون عليه

احبكم كلكم

ان شاء الله بجربها

عاد انا في امس الحاجه لها

كنا في المستشفى و نبي دكتوره بس من غير موعد ترينا مال ساعتين 5 لين جريب 8
وكل ما اسال النيرس تقولي اتريي اقوله جي بس عصب علي جان اقوله خلاص ما ابي ادش مو لازم خله يولي وكنت مدمعه خلاص ابي اصيح جان يمسكني من ايدي ويدزني في المستشفى صح محد لاحظ بس عورني صراحه
ومره ثانيه كنا على البحر اول ماكنت اتوحم كنت وايد اتضايق من الروائح و من الترجيع اونه كان يبي يغير جو بس كنت مو على طبيعتي ما ستانسنى موول لما دشينا السيارة كانت في حشره عووووده تخووف وانا ما اداني الحشرات و لا اراديا صرخت ونقزت من السيارة لا اراديا تخيلو طارت الحشرة من الخوف خخخخخ وهو مسكني من عباتي ودزني بقوة داخل السيارة و ضربني على جتفي اخخخخ يوم اتذكر قلبي يعورني وقمت اصيح لين ما وصلنا البيت و بعدين تميت اصيح وااايد وااايد قلبي يعورني انا ما سويت شي كله يقول انتي كله تتدلعين بس والله هذاك اليوم صج خفت اعععع شكل الحشره اوفر اععع وبعدين رد يصالحني ويقولي اسف
و في مرات كنا نضارب و الحق معاي والله بنات هو الغلطان بس ما يبيني اقول شي يبي يسوي الي على كيفه المهم
كمره صفعني و علم على ويهي صج بنات والله و بعد على ايدي دايما تصير بنفسجيه مرت تشوهت صج من كثر ما ازرقت
و بعدين يعتذر
للامانة هو ما يمد ايده الا وقت الضرابه بس مو دوم احيانا بس والله قلبي يعورني على عمري كيف جي يضربني وما يحاتي البيبي تخيلو بعدين يتم يعتذر ويدمع و جي
ادري اني ساعات انرفزة بس مو لدرجه الضرب
بنات انا يمكن يكون لي يد في السالفه بس حرام انا بنت مو متعوده حد يمد ايده علي موووول في بيتنا محد ضربني ..
حتى لما شوي يعصب يقولي انتي ما بتسكتين الا يوم بضربج و لا والله بضربج تخيلوا بس انا اقوله عمره بابا ما ضربني وبعدين يتلوم
بنات هل المشكله في ريلي و لا في وقت العصبيه
اممم هو ما يضرب خواته و لا شي
ريلي في ايجابيات وسلبيات بس هالسلبيه وايد تحز في خاطري
ما اخبر احد مووووووووووووووووووووووووووووووووووووول انه جي يسوي عشان ما تكبر السالفة وهو بعد يرجع طبيعي و لا يذكرني بلي صار
ماعرف
بليز خبروني ؟؟ بس باسلوب نايس ما ابي حد يعصب علي بليز

ماعرف شقا أفيدج بس لازم تتحاورين معاه ،، وتخلينه وقت ما يعصب يبتعد عنج لين يهدى حتى ما يمد يده،،،
وجوفي يمكن هو متربي في جو ضرب مع أهله فتعود ع هالشي ؟

حاولي بطريقتج تتوصلين لحل معاه و يفهم ان ها الاسلوب مش حلو ولازم يكون حنون وياج حتى لو غلطتي يتفاهم معاج بالكلام مو باليد

الله يهديه ويصلح ما بينكم

لازم تصارحينه باللي فخااطرج وتكلمينه عن ضرورة كظم الغيظ و ضرورة احترامج كإنساانه

بس يضربج احسها قوية

الله يهديه ان شالله

والسموحه منكم

اذا كانت تعصب بسرعه وترضى بسرعه بتكون شماليه
واذا تعصب بسرعه وترضى بطيء بتكون غربيه
وجي يعني على حسب مواصفاتها

وانصحج بكتاب بوصلة الشخصيات من مكتبة جرير

والسموحة

الإنسان في ساعة غضب وعصبية ممكن يهدم صداقات ويندم ..

ولا تنسي فضل من يمسك نفسه وقت الغضب . قال الرسول عليه الصلاة والسلام :

((ليس الشديد بالصرعة، إنما الشديد الذي يملك نفسه عند الغضب ))

كل عام وأنتم بخير حبايبي وينعاد علينا وعليكم…

حبايبي بغيت اسألكم عن أي مركز أو معهد يدرس علم البرمجه اللغويه العصبيه,,,
وأنا بصراحه أموووت بهالمجال بس المشكله اني لحد أحين ما حصلت
مركز عشان إخذ فيه هالدوره… وأكيد بنات منتداي ما بيقصرون معاااايا..
وإذا اي حد منكم خواتي عندها خلفيه عن الدورات تسااااااعدنـــــــــــــــــــي…

والسموووووحه الغاليات

احيدهم بيسون دوره في بوظبي قالولي عقب العيد حطيت اسمي من شهر 8 وصخوا >.<

للاسف مسحت الرقم >.< على اساس هم يتصلون عقب ..

اذا اتصلوا ببلغج بس انتي طرشيلي رساله خاصه عشان احفظ اسمج >.<

وينكم؟؟

ليش مطنشين الموضوع

لين ما تخبلت ههههههههههههه مادري شو ياها بسم الله عليها فجأه قامت تضرب اليهال و تصارخ و تعصب و حتى انا تضربني و تمجع شعور اليهال و الله تعبت وياها ماخليت شي ما سويته مب عارفه اي اسلوب اتبع وياها ..

يعني شو الي يفيد اكثر فاني أأدبها سويت الي تقوله سوبر ناني كله وعقب تعبت ..
للعلم انا قطعت عنها المصاصه و الحمدالله هي نستها وما اعتقد هالسبب بس يمكن ..

حبايبي بليز الي عندها نصيحه والي ولدها او بنتها مروا في هالمرحله اتمنى ما تبخل عليي بكم نصيحه او اسلوب ..

فديت بنتي و الله كانت شاطره ههههههههههههههه الحين توحشت بسم الله عليها ..

مشكوريييييييين مقدما
الله يخلي عيالنا و عيالكم و يهديهم يارب

مادري وين المكان المناسب لطرح الموضوع

انا عندي عده مشاكل وابغي اتفيدوني لاني خلاص استويت عصبيه الي ابعد حد
اول مشكله
انا من صغري وخواتي بعد معروفين انا طباخات وحتى الحريم يتصلو فينا عشان نعلمهم يعني اتقولون الطبخ عنا هوايح حتى الوالد الله يحفظها نفس الشي ظباخه واتعلم الحريم المهم من يوم ما عرست وانا كل الاكل ما يضبط معاي حتى الاكلات الي مايبالها شطاره او ينحرق واذا ضبط ايطيح مني الجدر والاكل وياه سرت اطبخ من الساعه 11 عشان اذا ضبط اسوي غيره تدرون يمر الوقت وتستوي الساعه 3 الظهر وانا ماخلصت طباخ اكله وحده اشقايل مادري
يعني انا جدام ريلي ما اعرفف اطبخ كله يجاملني حتى انا اكل من غير تنفس لانه ما يكون حلو الاكل او الي اتعودت عليه

ثانيا تنظيف البيت كل ما اتطف مثلا المطبخ بس اخلص غسيل الارض وانشف الا ينكب شي مستحيل يتم نظيف مهما حاول اخذ اخذ حذري الا يكنب او يتوسخ المطبخ

واحين صار عندي ولد ولدي من النوع المشاغب وانا انظف مثلا في الحامات الله يعزم اييب العابه او اي شي ويعقهم في الحمام وفي البيت ما يخلي كبت ما يطلع الاشياء لدرجه ايلس ادور على الغرض الى اباه والمشكله مافي اقفال للبيان الكبت وريلي ما طاع انركب اقفال قال لي بيخرب الخشب والديكور

يعني مثلا لما ادخل الغرفه ارتب احط الملابس ولدي بنفس الوقت يسحبهم ويعقم في الارض اي سي يجفوني اسويه لازم يخرب علي وولدي من النوع اللزق وين ما اسير وراي وراي ومكياجي خربه وحط لي بداله اقلامه التلوين
ولما اي اشتغل في المطبخ يلحقني ويلعب بالباوعه واصرخ عليه واقله خايس طبعا ما يفهم اسير او يلعب بالصطوانه الغاز او يفتح الزباله او يفتح باب الفرن ويطلع عليه عشان يسحب الكنجره وكم مره كانت بطيح الطمجره عليه صرت احطيه بالرباي واعطيه شي ياكله عشان ما يضايق من اليلسه فصار يصيح وينقز فكتشف انه لما ينقز تمشي العرباي فصار ينقز لين يوصل الطاوله ويطلع عليه فصرت ما اعرف اشتغل بالمطبخ

هاذي بعض الاشياء الي يسويها
فادري بتقلولي لما يرقد اشتغل ما بلحق اسوي الطباخ والغسيل والكناسه والمسح وهو راقد هو يرقد ساعه في النها ويسهر للساعه وحده فصراحه جسمي وايد تعب من الشغل ووزني 40 اشتغل اشتغل مافي فايد
وفي فتره مرت علي اطرد ريلي ولدي من البيت لما خلاص البيت يستوي خرابه عشان احاول اربت على القليله غرفه من غير ما ولدي يخرب علي

وانا ابند الغرف عشان ما يدخل ويخرب ريلي لما ايي يخلي ولدي يفتح الكبت ويطلع كل شي لما انزاعه يقلي حرام ياهل يبا يستكشف قلت عيل لما يخلص رد كل السمان في الكبت يقلي ما يخصني
ومرات ايب خدامه بساعات بس ما في فايد لان لازم اربع ورا ولدي

ولا وريلي يستانس لما يجوف البيت مفعس يقول منو سوا جي ولدي حبيبي فديته …

وحتى سرت اظهر من البيت مع ريلي شبه يومي عشان ولدي ما يخرب وايد لاوتعبت من الطلعات
قلولي

شو اسوي بخاطري اجوف البيت نظيف ومرتب
وصرت عصبيه وايد ووعندي صداع من قله النوم لاني اعاني من الارق واحلام الكوابس
ولدي عمنره سنه ونص وشوي

ادري طولت عليكم

وبعدين ولدي ما يتعب من اللعب وما يرقد وايد

يختي عمري ما شفت بيت ناس مفس شرات بيتي وعندهم عيال في كل الاعمار الا انا

عقي اللوم ع الهرمونات

حاولي تتحكمين فعمرج و ماتعصبين ..

اشغلي عمرج في شيء و اذكري الله ..

الله يثبت حملك

خواتي بغيت اسالكن

اللوعه متى تبدا وياكن؟

انا توني حامل من 4 اسابيع و5 ايام ومن اقوم الصبح لايعه جبدي وخاطري ارجع ومب قادره

ومن اكل سبحان الله يختفي ومن ينهضم الاكل ترد اللوعه شرات الكابوس

وفيني كسل مب طبيعي ودي راقده طول اليوم

ودمي يستوي حار من احمل اعصب بسرعه على اتفه شي .. حد شراتي؟

ادعولي ربي يثبت حملي ويرزقني بنونو غاوي………………

ذكرتيني في اللايام اللي طافت انا جذي كنت اول ما اقوم الصبح و اللوعة معاي من غير

( الروواااان ) غرقت المخدة خخخخخ و ططبعا العصبية و كنت كله ابا ارقد اي مكان انسدح فيه علطول ارقد و كله خمول
و عاد العصبية و الحساسية الزاااايدة على كل شي كنت اصيييييح و زين ريلي كان مستحملني ..
و كله صيياااااح …

اختي ماعليه و فهمي ريلج يتحمل شو بيسوي بعد المهم كل ما اتكونين مو في كبيعتج خليه يخفف عنج اطلعي غيري جو ..وله حتى بس يلمج وخليه اييب اللي في خاطرج فيه عادي كلي اللي تبينه

ولا اتحاتين شي و اتحملي على روحج
والله يثبت لج حملج يارب ..بعدين صدق بتتذكرين و بتضحكين و تستغربين من عمرج و من حساسينج الزايدة

هييه و اذا اللوعة واااايد زايدة قولي حق الدكتورة بتعطيج دوا شراب لو تستحملين لو ما تستحملين طعمه بتعطيج حبوب و بتخف اللوعة

انا خازت عني في اخر 3 فجاة حسيت اني طبيعية و ابا اكل كل شي

المشاركة الأصلية كتبت بواسطة روضانه

الغاليه هذا اول حمل لي وما اقدر افيدج وايد بس انا صار لي مثلج ولي احين العصبيه معاي وابدا ما اقدر اكل وكنت نفسج ما اقدر ارجع بس بعدين من احط شئ بحلجي ارجع حتى صلاتي مرات اقطعها عشان ارجع خذت حبوب للوعه اول اسبوع كانت الحل السحري لي وبعد فتر كنت اخذها بس ما تسويلي شئ الحينبعد يومين اذا الله كتب بدخل الرابع بس بعدها الوعه معاي بس شوي اخف
الله يسهل عليج ويقومج بالسلامه ويرزقج الذريه الصالحه

مشكوره الغاليه بنستحمل عشان الغالي

المشاركة الأصلية كتبت بواسطة أم_سواف

للرفع

مشكوره حبوبه ع الرفع

المشاركة الأصلية كتبت بواسطة ام الحلوين2

هذا طبيعي في أول ثلاث أشهر ، اللوعه والترجيع والعصبية والنوم والكسل بسبب هرمون الحمل ، لكن بيرجع لج نشاطج ونفسيتج وايد بتتحسن مع بداية الشهر الرابع .
الله يسهل عليج

ان شاء الله ومشكوره على ردج عزيزتي

المشاركة الأصلية كتبت بواسطة يمامة أيوب

هلا الغالية

ذكرتيني في اللايام اللي طافت انا جذي كنت اول ما اقوم الصبح و اللوعة معاي من غير

( الروواااان ) غرقت المخدة خخخخخ و ططبعا العصبية و كنت كله ابا ارقد اي مكان انسدح فيه علطول ارقد و كله خمول
و عاد العصبية و الحساسية الزاااايدة على كل شي كنت اصيييييح و زين ريلي كان مستحملني ..
و كله صيياااااح …

اختي ماعليه و فهمي ريلج يتحمل شو بيسوي بعد المهم كل ما اتكونين مو في كبيعتج خليه يخفف عنج اطلعي غيري جو ..وله حتى بس يلمج وخليه اييب اللي في خاطرج فيه عادي كلي اللي تبينه

ولا اتحاتين شي و اتحملي على روحج
والله يثبت لج حملج يارب ..بعدين صدق بتتذكرين و بتضحكين و تستغربين من عمرج و من حساسينج الزايدة

هييه و اذا اللوعة واااايد زايدة قولي حق الدكتورة بتعطيج دوا شراب لو تستحملين لو ما تستحملين طعمه بتعطيج حبوب و بتخف اللوعة

انا خازت عني في اخر 3 فجاة حسيت اني طبيعية و ابا اكل كل شي

ابا ارقد اي مكان انسدح فيه علطول ارقد و كله خمول
ههههههههههه شراتي ميه ميه

الله يعينا

والحمد لله ريلي متفهم والحين هو دوام,,,<<<<<الله راحمنه

مشكوره عالرد عزيزتي