الوسم: العمره

يالغاليات توها اربيعتي متصله وتسألني وحابه اساعدها وانشالله اتفيدوني

هي من زماااااااان خاطرها تعتمر

واهلها عزموا وحجزوا يوم الخميس وهي ناسيه موضوع الدوره وللاسف من ساعه يتها الدوره الشهريه

وحابه اتوقفها بحبوب والي اتعرف وعندها معلومه اتخبرني

مع انها اتصلت الصيدليه وقالوا لها دام نزل الدم ماشي فايده من الحبوب ساعدوها عسا ربي يبارك فيكم

وينكم

خل تسال الدكتورة او صيدليه ثانيه..وانشالله الها نصيب في السيرة..لانيه اللي اعرفه قبل الدورة

للرفع

الغالية انا استوالي نفس شي …..سألت الدكتورة قالتلي خذي حبوب منع الدورة بعد ثالث يوم من نزول الدورة وتكون حبتين في اليوم او ثلاث ما اذكر عقب وقفت عني الدورة ولازم مول ما تقطعها لان بتنزللها على طول……

وأسألي دكتورة يكون احسن عشان تعرف كم حبة تاخذ.

السلام عليكم خواتي
بغيت منكم تخبروني عن اشياء انتوا تحتاجونها يوم تسافرون العمره
يعني شنو تودون وياكم مثل
اي ملابس تاخذون وياكم، وهل تاخذون بعد مطهرات وياكم ، وهل آخذ كتيبات ويايا
دلوني على الطريق السهل
ويزاكم الله خير

عليكم السلام أختي هنوووودي

أول شي نقولج الله يبلغكم يارب

امممم

ثاني شي ممكن تاخذين وياج كل مستلزمات السفر العاديه

بس نحنا كنا ماخذين ويانا جلبيات خفيفه تدرين عشان الحر

مخاوير بعد تكون خفيفه و بسيطه

تحتاجين اكثر من عباه و شيله و نقاب

اللدلاغات السودا الخفيفه

نعال مسطح و أنتو بكرامه

مسك – دهن عود

و اكيد بتحتاجين كتيبات أدعيه و كتبيات ارشاد للعمره

تروحون و ترجعون بالسلامه

تسلمين يا نورة على الرد المساعد

شوفي يالغاليه اذا بتسيرين بالطياره ما تحتاجين شي حق الدرب الا شي بسيط اما اذا بالسيارة فعبالة اشوي فحددي بليز
اما بالنسبة للعمره ما قصرت فديتها نوره صدق يبالج اكثر من عبه وشيله وكثري من الدلغة لانج من تفصخين الدلاغ عزج الله ما بتردين تلبسينة عقب ما اتشوفين شقا ريولج متوصخة وخذي اخف الجلابيات او البدل بسبب الحر ولان بيكون تحت العبه
واذا عندج صغارية صراحة بنصحج كشخيهم صح بثياب صيفية بس كشخيهم لان السعودين شرات ما الكل يعرفة قمة في الكشخة ما شاء الله عليهم

تسلمين يا ام الليل
وخلاص يوم الخميس السفر بالطيارة للعمره انا والوالد

السلام عليكم ورحمة الله وبركاته
خواتي انا حابه اسير العمره جريب ان شاء الله، فمنو منكم عندها خبره في الفنادق والطيران، بغيت فندق حلو وجريب واسعاره مب غالية وايد، الي تعرف وتقدر تفيديني تساعدني واذا عندها رقم معين اقدر اتواصل فيه مع الفندق عسب احجز وارتب

ولكم جزيل الشكر والعرفان

لا اله الا انت سبحانك اني كنت من الظالمين

عمره مقبوله ان شاء الله

ابراج مكه او ابراج زمزم
الاسعار من 800و900…………..الخ

بالنسبه للارقام تدخلين قوقل وتكتبين الاسم تطلع لج القائمه عن كل الفنادق والاسعار وممكن تحجزين من البيت ,,

مثل ما قالت الاخت حمله الانفال اوكي

بس انا بعد تعاملت مع حملة النههدة في الشارجة وعطوني سعر ارخص من حملة الانفال

عمرة مقبولة الغالية

ممم السلام عليكم

بنات بغيت اسال شو رايكم اشل اللاب توب وياي ولا شو

هع عع فكره بنتم اسبووعين

للعلم الرحله بريه ^^

والله ولي التوفيق

السموحه

انا يوم رحت العمره مول ما لقيت وقت …كل وقتج بيكون في الصلاه وقراءة القرآن ..فأشوف ماله داعي تشلين اللاب توب ..علما ان رحلتي بعد كانت بريه

ماااااانصحج…….

ربي ايوفقج….

هل لج حايه تاخذينه معاج

عقي الدنيا ورا ظهرج

واستغلي وجودج في العبادة

لانها لحظات ايمانية وروحانية ما تتفوت

واصلا في الطريج ما بيكون في نت فشو فايدته

ولا تنسيني من دعوة بظهر الغيب –محتاجتنها من الخاااااااااااااااطر —

مرحباا الغاليه 00اناا بسير بطريج البر مثلج لكن ماا انصج تشلينه

العمرة بتكوون كمن يوم استغلي كل دقيقه بالطااعات فديتج

الله ايسر امورناااا ويسهل طريجنااا ياارب

ادعولناا بناات من قلوبكم الطيبه ^_^

ما بتحتايينه
ماشي وقت له
كله عبادة ورمسه وسوالف وتعارف
والوقت يمر بسرعه

وبعدين فرصه تبتعدين وترييحن عمرج من اللاب .. اعتبريها اجازة بعيده عنه ^^

وتروحون وتردون بالسلامة

انا بسير العمره بعد اسبوعين

بس ابدا ما افكر اشل الابتوب ما احتاجه

السلام عليكم لكل بنات المنتدا

قبل اسبوعين رديت من احلى مكان بالعالم طبعا الوصف ما اقدر اوصف كيف كانت سعادتي وراحتي بها المكان راحه ما بعدها راحه وكانت رحلتنا من 1-7 الى 8-7 على طيران الاتحاد
وسكنا في ابراج زمزم رحلتنا من البدايه وحتى يوم رجوعنا كانت حلوه وميسره بفضل من رب العالمين وطبعا بدعوات الوالدين والحين اخليكم مع الصور

طبعا البدايه كانت من مطار ابوظبي لانه مثل ما الكل عارف طيران الاتحاد يطير من مطار ابوظبي المطار بشكل عام حلو ومرتب وهذه بعض الصور من المطار

طبعا هذه البدايه قلنا بسم الله وعلى الله توكلنا ونادوا على ركاب الطائره الحضور الان خخخخخ هذا تلخيص طبعا المهم شلينا قشنا وطلعنا وكلنا امل على ان الطياره تكون مريحه ولله الحمد حصلنا الي نبغيه كانت البوينج 777 مريحه ووايد وسيعه وطبعا خذتلي كمن صوره لخواتي الغاليات

وهذه درجة البيزنس وللامانه احناكنا راكبين السياحيه بس خليت ولدي يصور البيزنس وطبعاعلشان المنتدا

وللحديث بقيه

عمرة مباركة ومتقبلة باذن الله والطيارة حلوة بس نبي صور اكثر اثناء العمرة ولو تتكرمين علي ممكن تعطيني تفاصيل عن طريقة حجز الطائرة والفنادق والاسعار .
وياريت اعرف كيف بدت الرحلة من ابو ظبي لاي مدينة نزلتوا وبعدين كيف تنقلتوا من مكة الى المدينة او العكس اكون شاكرة جدا لو ساعدتيني بالمعلومات لاني اريد اعتمر عن قريب بمشيئة الله

بداية حلوة كملي التقرير بنتظارج

شوقتيني اختي نحن كل سنه في الصيف نسير بس ها السنه خوفونا من المرض
خصتا عندنا اطفال مانقدر أنسير

هذه بعض الصور الي خذتها بنتي من دريشة الطياره وما زلنا بالطياره

بعض الصور من شاشة التلفزيون

عاد كله وم والصوره الاخيره الي ذبحونا فيها كوم كل شوي اعلان للضيوف قلت خلاص بصورها يعني بصورها هههههههههه

شكل الطياره من برع

شكل الطياره من برع

وجبة الغداء

ووصلنا ولله الحمد الى مطار السعوديه بعد رحله دامت ساعتان وربع تقريبا بصراحه ما حسينا بالوقت ابد بالعكس كانت الرحله وكانها دقيقتان وهذه بعض المقتطفات من طريق الرحله الي بين مطار جده ومكه وسامحوني ما صورة مطار جده لانه وبكل صراحه ما فيه شي يستاهل التصوير مكان عادي جدا

للرفع

للرفــع

الله ايوفقج الغالية

محل الشرقية في ابراج شركة مكة واااااايد حلوات عباياه مال الراس و القطع قوم بقشان و العمودي

شوقتيني لمكة و اجواءها

مشكوره الغاليه

بغيت محلات فساتين خبروني عنه بس ما اعرف اسمه
يبيع فساتين حرير وايد حلوه محد يعرف اسمه

انا اللي اعرفه ان جده اسواقها رووووووووعه وسناترها واسعارها اووكي

انا بروح العمره في العشر الاواخر والحمدلله بعد ما دعيت ربي يتيسرلي واروح وسويت اللي اروم عليه

واحينه عقب ما ظبطت كل شي طلعتلي مشكله اهئ

موعد دورتيه بيصادف عمرتيه >في نص العمره< … )=

بس انا ماريد اخذ الحبوب اللي تأخر الدوره لانه بنت عمتيه خذتهن يوم راحت العمره واثرت عليها وايد عقب وترقدت فالدختر

عشان جي اريدكم تساعدوني يعني في اشياء طبيعيه اقدر اشربها تأخر الدوره بدون حبوب

طلبتكن لو وحده عندها حل تساعدني انا متأزمه وخايفه >_<"

بليز لا تردني

اسمحيلي اختي مااعرف ان شاء الله خوااتي يساعدونج

ولاتنسين تدعين لي الله يوفقني بحيااتي

ما اعتقد في شي طبيعي ياخر الدوره

انا خذت حبوب في الصيف والحمد لله ما اثرت فيني

انشاءالله بدعيلكن

بس شو نوع الحبوب اسمهن عشان اذا ما حصلت حل برد عليهن

^^"

انا استخدمت الحبوب اللي في علبه صفراء بس شفت بنات ماخذين حبوب من مستشفى دبي كرتونتها زرقاء يقولون هذي احسن بس ما اعرف الاسم

ماقدر افيدج بشي لاني ماعندي خبره سووووووووووري
بس عندي طلب
دعواااااااااااااااااااااتج لي ولاتنسيني

انشاءالله فديتج ما بنساج ^^

السلام عليكم حريم

فديتكن اريد اروح العمره الاسبوع الياي ان شاءالله بس…اللاسف بتيني العاده و انا هناك يعني حرام بتم بس يالسه في الفندق و كلهم ينزلون للصلاه……..و انا من متى في خاطري اروح………قهر……..

فا حبيت اسالكم حد جرب حبوب منع الحمل تمنع ان العاده تنزل على الاقل لين اروح اعتمر و ارجع…….الله يسلمكن الي جربت و كان مضمون ترد لي خبر

up
up
up

الغالية سيري لاي دكتورة نسائية وبتعطيج حبوب ترفعها قبل لا تنزل

عاااادي

طمنتيني الله يطمنج بالج

انا عن نفسي رحت العمره وخذت الحبوب والحمدلله اعتمرت ولين رديت البيت وقطعتهم ما صدقت الدوره ونزلت
بس يوم رحت للدكتوره ما رظت تعطيني اونه الها آآثار فالمستقبل بس ما سويت سالفه ورحت الصيدليه وخذتهم
لكن الحمدلله ما أثرت علي بس نصيحه اتأكدي قبل يمكن اتأثر عليج وكل وحده جسمها غير عن الثانية

وعمره مقبوله انشاء الله وادعيلنا فديتج

ان شاءالله الغاليه بدعي لكم كلكم…

بس انا اتصلت في الدكتوره الي اتعالج عندها من ساعه كلمتها ما رضت…قالت مب زين

و فكرت في الصيدليه العصر بروح و بسالهم الله كريم ان شاءالله و اروح العمره

تروحي عند دكتوره وتخبرينها وتعطيج دوا يوقف الدوره بس لازم تراكظين من الحين لان لازم تاخذين هالدوا قبل الدوره عشان ياخرها
بس هو دوا ثاني غير دوا منع الحمل يوصفونه لج

السلام عليكم ورحمة الله وبركاته
الحمدالله رجعت من السفر امس ( العمره ) ودعيت حق كل وحده حطت طلبها في الموضوع اللي يخص الدعاوي والله يتقبل مني ويستجيب بنات العمره شووووووووو زحممممممممممممممممه ماشي مكان تسجدين من كثر الزحمه ماشاء الله بس صدق استانسنا قضينا وقتنا عباده والحمدالله احم احم واكيد سوق سرنا محل ( بدون اسم ) ولقطت شنط هو عدنا في لبلاد بس اللي خلاني آخذ انه ارخص من اللي عدنا وروووعه والباقي كله موجود عدنا فديت ابلادي والله يوم رجعت لبلاد كنت بصيح ولهت عليها مافي احلا عن ابلادي فدييييييييت الامارات وفديت كل بقعه فيها آآآآآه فديت شبريتي ومخدتي وغرفتي فديت بيت ابويه ههههههههههه اخبركم مع السلامه ما بخلص ههههههه

لوووووووووووول …. الحمدلله عالسلامة وعمرة مقبولة والله يتقبل كل اعمالج الصالحة

عقباااالي يارب انسير هالشهر ^_^

انزين اقوول انتي وين سكنتي في مكة؟؟؟

عمرة مقبولة

الحمدلله عالسلامة وعمرة مقبولة والله يتقبل

هههههههههههههه..عمره مقبوووووووووله ان شاءالله

الحمدلله على السلامه
وعمره مقبوله يارب .. ^_^

السلام عليكم ورحمة الله

استفسار عالسريع بس

ابغي اعرف عن حملة التنوير بابوظبي
حد جربها من قبل للعمره

ابغي رد بسرعه يزاكم الله خير

موفقه الغاليه.. اختج @مبدعه@

ما عرف والله ان شاء الله البنات ايفيدونج

للرفع

لللرررررررررررررفع