الوسم: العملية

اشكثر اقدر أييب بالعملية القيصرية

السلام عليكم ورحمة الله وبركاته
خواتي أنا سبق ويبت إثنينه بقيصريات
و للأسف كنت بولد طبيعي بس سبحان الله ع اخر اللحظات تتعقد الولادة وحولوني عملية بالمرتين

أنا ما عندي اعتراض خليجية بس خبروني أني ماقدر ايب الا 3
يعني عندي فرصة وحدة بس!؟ هل هالشيء صحيح
وانا خاطري أييب عيال اكثر

ان شاء الله البنات يفيدونج
رررررررفع

الي متاكده منه 5 تقدرين تيبين

للللللرفع

حسب اللي تحدد لج الدكتوره

كل وحده وجسمها

عزيزتي لا تحاتين تقدرين تيبين اكثر باذن الله بس خلي الحمل اليديد شوي بعيد يعني 3 سنين عسب الخياطة

وعسب تتحملين اكثر ..

والله بسهل باذن الله

انا اعرف وحدة 6 وكلهم عملية سبحان الله

تقدرين بس تحملين بس لازم فترة بين كل حملة يعني اكثر عن سنة او سنتين بعدين يعتمد على حالة الحرمة

خبيرات العملية القيصرية واللي تحب تدخل

الله ييسرلج و ان شاء الله البنات مابيقصرن
ماعندي خبره بس ماحبيت اطلع من غير مارد

وانابعد ابا حد يجاوب على اسئلتج والله يالغاليه …

أنا مسوية من سنتين قيصرية وبس ما استخدمت أي شيء ولاحتى مشد ورجع بطني مثل ما كان .

من بعد ما بطني كان لاصق بظهري..صارت كرشتي تبين واااااااايد..مسوية قيصرية..سنتين ورا بعض..و الكرشة تقولون حامل..نصحوني أرضع ولدي وترد الكرشة نفس قبل..ويالسة أجرب

أنا مسوية من 8سنين قيصرية وبس ما استخدمت أي شيء ولاحتى مشد ورجع بطني مثل ما كان .

الاستلقاء بعد العملية ال .

السلام عليكم و رحمة الله و بركاته. بنات عندي سؤال . بعد العملية الجنسية شو لازم المراة تسوي ؟؟؟؟؟؟ أنا سمعت انه ما ينفع تقوم ع طول و تغسل و ماعرف السبب،، ف اللي تعرف شو لازم نسوي بلييز تخبرنا و هل هالكلام صحيح ولا؟ و شو لازم اسوي عشان احمل ؟؟ خاطري ايب بيبي *

كلامج صحيح أنا بعد سمعت هالكلااام. يقولون لاتقوومين بعد للعمليه الجنسيه عشان الحيوان المنوي يثبت فأحد المباايض ويصير الحمل هذاا والله اعلم … وبعدين فتره الحمال يختلف من حرمه لثانيه. حد يأخذله سنين عشان يحمل. ونا اقوولج ان الحمال بيد رب العالمين. مب بايدنا نحن او بالخلطاات وهالخرابيط … وان شاء الله افدتج باللي قلته

للرفع

وعليكم السلام و الرحمة

أول شي أختي آخر قراري .. ليش سميتيها خرابيط .. هذا من الاخذ بالأسباب خليجية

وبالنسبة للسؤال .. صح هـ الكلام .. لأن لو قمتي على طول
ورحتي الحمام ( الله يكرمكم جميعا ) وبعدها اغتسلتي مارح تستفيدي
ممكن مايثبت ولا نطفة ! .. لكن لو ماقمتي بتزيد الفرص .. طبعا لازم تعرفين أيام الإباضة و الاخصاب بعد ..
و قرأت في كتاب للطب العربي .. يقولون النوم على الجنب الأيمن يساعد على تلقيح البويضة !
مع اني اسمع يقولون نامي على الظهر خخ ! لكن جربي كل الجهات ..
والله يرزقك الذرية الطيبة الصالحة بصحة وعافية عاجلا غير آجل يآرب ..

مشكورات حبايبي ع الردود بس كيف اعرف ايام الاباضة والإخصاب ؟ و شو معناة اباضة ؟

ما اعرف والله

للرفع

الخياطة التجميلية في العملية القيصرية

بنات امس سرت الدكتورة اناقشها بموضوع عمليتي القيصرية . . لاني ناوية اولد قيصري . . وانصعقت بردها انا يوم ما سالتها عن طريقة خياطة البطن في العملية القيصرية
طلبت منها خياطة تجميلية اللي بسمع عنها كثير . . كالت مافيشي اسمه خياطة تجميلية للعملية القيصرية وهاي مصطلحات اطباء فقط وانها ستخيط لي الجرح خياطة عادية
سالتها عن الكبس تضحكت علي وكالت لا . . بنات شو تنصحوني . . استمر معاها ولا احول ع دكتورة ثانية
علما اني اراجع في مشفى ويلكير المعروفة بسمعة اطباءها

اب اب اب خليجية

خليجية

حبيبتي محد يسوي عمليه فيها خياطة كلها الحين كبس
ليش تلعوزين عمرج بالخياطة يعني الكبس اسهل واخف

موفقة …

اكيد حولي من عندها الكبس افضل من كل النواحي التجميلية والصحية المها اخف من الغرز
يمكن بعض الحالت تقتضي الحالة ان يسووا لها غرز

خليجية المشاركة الأصلية كتبت بواسطة OM WAFA خليجية
حبيبتي محد يسوي عمليه فيها خياطة كلها الحين كبس
ليش تلعوزين عمرج بالخياطة يعني الكبس اسهل واخف

انا بعد استغربت يوم كالت خياطة الحين كله كبس لكن مشفى مثل ويلكير ليها سمعتها كيف مايكون في كبس عدها

تعباانه من المضاد الحيوي عقب العملية القيصرية

السلام عليكم
خواتي انا ربيت من اسبوع بعملية قيصرية الحمدلله على كل حال بس تعبانه الحين فيني أرق ولوعة ومول ما ارقد من كم يوم ولا اشتهي الأكل احس انتهييت!
معطيني مضاد حيوي عشان ما يلتهب الجرح
اسمه زينات 500 غرام وكاتبين لي حبتين الصبح وحبتين المسا يعني 1000 غرام فاليوم
احس المضاد قوي على جسمي هو مبهدلني
هلكت والله ماقدر ارقد حتى وقت رقاد البيبي
منو صارلها شراتي؟ وتنصحوني اراجع الدكتورة؟
باقيلي 3 ايام وبخلص الكورس

الله يكون في عونج حبيبتي انا بعد العملية سالت الدكتورة مابتعطيني مضاد قالتلي ماله داعي لانه في العمليه عاطينج جرعه كبيرة والحين من يومين يوم اروح اخذ ابرة تجلط الدم يوم ينظفولي الجرح يشوفونه محمر قالتلي يمكن بداية التهاب اليوم بحاول ادخل على دكتورتي اللي سوت العملية لانه مواعيدها فل و الله ايسر الامور وان شاء الله مايكون التهاب لاني تعبانه نفسيا وجسديا وعقليا

انا اشوف اتكملين الكورس ولا تتبهدلين بالتهاب الجرح

يسعد صباحك اختي
والحمد لله علي سلامتك

اذا انتي حاسه انه الدواء متعبك خذي حبه صباحا وحبه مساء
العلاج اختي خوفا علي جرح العمليه ما يلتهب انا عملت 5 عمليات قيصريه والحمد لله
واذا زاد عليكي اشئ يرجي مراجعه الطبيب
والف لا باس عليكي

قلب عيسى مشكورة حبيبتي الله يعينا يارب
انا قبل العملية هلوسوني من المسكنات
ابرتين مهدئات في غرفة الولادة والاكسجين الاسود
و دخلت العملية بنج كامل
وعقب ما طلعت مضاد في الوريد
وكملوا عليه الانتي بايوتيك فالبيت
الحين احس اني منتهيه هالاشياء كلها مأثره فيني
ان شاء الله ما يكون جرحج ملتهب يارب لأن هاي بروحها معاناه.. طمنيني عليج حبيبتي
انا شكلي بسير الطواري بعد
بس ليش تضربين ابرة التجلط فالمستشفى؟
انا تميت عندهم 4 ايام نظفوا لي الجرح وقالولي خلاص ما يحتاج تنظيف بس تسبحين وتنشفينه وتمسحينه بالكحول
و عطوني 3 أبر تجلط اكملهن فالبيت

الله يكون في عونج الغالية
الابر اخاف اخذهن في البيت ما اعرفلهن
الحمد الله الدكتورة قالت مافيه التهاب عطتني كريم احطه على الجرح
دخلت عليها اصيح هم العملية بصوب وحالة الاكتئاب بصوب الله يقوينا ونعدي هالمرحله على خير

أنا استوالي نفس حااتج بس يزم كنت حامل كنت اخذ نفس هالمضاد زينات عسب كان عندي التهاب فالبول وتقلصاا ت فالسابع وبهدلني بهدله الفراش اذطر مااقدر اقوم منه احسه كسسر جسمي ومن غير الاسهال اللي جاسني منه ..واخر شي وقفته وتةكلت ع رب العالمين ..احس هالمضاد مفعوله قوي لانه يوم جفته سبحان الله ذكرت معاناتي معاه ..الله يعينج انتي وقفيه وجوفي عمرج..اذا استمر الالم راجعي الدكتورة

أكيد مضاد مفعوله قوي عسب جذي مهم جداً لازم تأكلين ومب زين تأخذين اي دواء وبطنج خالي او ما تأكلين شي عسب اللوعة لا تحاتين انتي توج مربية حق بعض النساء تستويلهم اكتئاب بعد الولادة هرمونات تتغير ونفسية تتغير هالشي طبيعي مع مرور الأيام بيتحسن كل شي ان شاءالله

ماااااي في العيون والعملية!!!!

السلام عليكم ورحمة الله وبركاته خواتي الوالد في عيونه ماي وقاله الدكتور لازم نسويلك عدسات بس غريبه كيف يسوون العداست والعين فيها ماي قاله الدكنور اذابنسوي عملية يمكن تعمى كامل خلاص ما تشوف خواتي اذا احد مر في هاي الحالة لا يبخل علي ومشكورات ؟؟؟؟

ما اعرف بس الله يشفيه ان شاء الله

!!!!!!!!

يدتي قالولها عندج ماي ابيض بالعين وبنشيله والا بتفقدين النظر عاد يدتي زاغت وما رضت تشيله واحينه انعمت ما تشوف بالمرة

روحي اكثر عن عيادة عشان تتاكدين

حبوبه اول مرة اسمع الله يشفي

حبوبه ودوه مستشفي nmcفي دبي فيه عندم دكتور عراقي اسمه الدكتور صفوان نحنا من جريب مسوين عمليه حج الوالدة واى استفسار طرشيلي علي الخاص وما يشوف شر الوالدخليجية

الله يشفيييه يااربي : ( شي غريب والله

العملية القيصرية وسواد البطن

خليجية
مرحبا أمهات الامارات
عندي سؤال لذوي الخبرة ………
كيف اتخلص من السواد اللي في بطني بعد العملية القيصرية
علما باني بعدي ماطلعت من الأربعين ,,,,؟؟

الغالية ترين شوي بعدج ما طلعتي من الاربعين..بعدين حبيبتي نظفيها بقطنة وفيها شويه مرطب للجسم ونظفيها بلطف..

للرفع

اختي نظفيها بقطنة فيها زيت زيتون أو بيبي أويل

فوووووووووووووووووووووووووووووفق

كل شيء حبيبتي بيخف مع الأيام .. الصبر زيــــــــــن .. لا اتحاتيــن

للرفع

أنتفاخ إحدى المبايض بعد العملية القيصيرية

السلام عليكم

من سنة وسبعة أشهر سويت عملية قيصيرية ومن فترة سرت عند الدكتورة عشان أشيك على عمري وسوت لي فحوصات مسحة الرحم وغيرها من الفحوصات والحمدلله كل شي أوكي ما عدا المبيض جالت لي عندج أحد المابيض منتفخ وعندي الدورة الشهرية موب منتظمة وسوت لي تحليل الهرمونات وجالت لي كل شي طبيعى وأنا خايفة ومن يومين أحس بعوار صوب المبيض المنتفخ ما أدري ليش.
ممكن خواتي تفيدوني بحالتي …جزاكم الله ألف خير

تصدقين نفس حالتي من بعد القيصريه المبيض انتفخ وفيه سوائل وايد وعندي ويع مكان المبيض وبعدين حملت مرثانيه وتم الويع يزيد لين ربيت قالتلي دكتورتي لو خليتيهم يشلون المبيض احسن لانه ما منه فايده … بس الحمدالله المبيض الثاني زين ما فيه شي … اختي راجعيهم فالمستشفى وخليهم يعطونج مظاد حيوي عشان يخف عنج اذا ما راح عنج بيصير نفس حالتي … الله يعينج معاناه .. وطمنينا عليج

خواتي انا سويت عمليه قيصريه من 6شهور وكان عندي موعد ومارحته شويسون بالموعد بعد العمليه يعني كيف الفحص يكون انا الدوره عندي عاديه

للرفع

والله ماعندي خبره
جربي تستشيرين اكثر من دكتوره عشآآآآن تطمنين أكثر

وان شاااء الله ماعليج شر حبوبه

جزاكم الله خير على تجاوبكم وياي
أختي أم رفاه سيري الموعد هم يشيكون بالألترا ساوند الرحم ويشوفون مكان العملية لا تخافين مجرد مراجعة ويسالونج كيف بتمنعين الحمل لانه على الأقل يبالج سنتين ما تحملين.
الله ييسر علينا يارب

وينكم خواتي وين مشاركتم وياي

العملية القيصرية

هلا و غلا ..

شخباركم حبيباتي ..؟؟

بدخل الموضوع على طول ..

اليوم كنت عند الدكتوره و جيكت عليه و عالبيبي و الحمدلله كلوا تماااااام ..

بس قالت لي هالمره افضل انج تربين بعمليه قيصريه .. لأني في بنتي الله يحفظها واااااايد تعبت بالولاده طلعت بنتي زرررررررقه و صار فيها شرخ بالترقوة فديتها تعذبت شراتي و من طلعت سيده ودوها الانعاش .. و هذا كله لأنه حوضي صغير بالنسبه للبيبي مع انه وزن بنتي كان عادي 3 كيلو و شوي .. و الدكتوره اللي ولدتني قالت لي اللي مثل حالتج انسوي لهم عمليه بس انا ربيت طبيعي ببنتي .. الحينه فالبيبي اللي فيني قالت لي الدكتوره افضل لج قيصري عشان ما يتضرر البيبي و يصير له شي اكثر عن كسر بالترقوة لا سمح الله ..

بس قالت لي من ادشين التاسع بتسوي لي فحص كامل للبيبي و بعدها بتقرر ..

تبون الصدق في البدايه خفت و شوي تضايقت .. بس اذا هذا الخير لي و للبيبي بتوكل على الله ..

سؤالي :

اللي مسويه عمليه شو اللي احسن

بنج كامل و اللا نص ..؟؟ و ليش للي مجربه الاثنين ..؟؟

أتمنى تردون عليه حبيباتي ..

فديتج ربي يعافيج انا مجربة كامل والحمد لله ماتعبت ولا شي بالعكس دخلت وخلصو شغلهم يوم كامل وبالباجر نشيت مافيني شي

اختي جربت البنج النصفي وتقول وااايد احسن

وفالنهاية دكتورتج لي تقرر لج كامل او نصفي

ربي يعافيج يارب

الله يسهل عليج اختي

مجنونة ريلها .. تسلمين لي الغلا .. سمعت و قريت بكم مكان إنه النصفي اضراره اقل .. الله كريم حبوبه
اشكرج عالرد ..

الدبه .. تسلمين الغاليه عالرد .. و الله يسهل لج كل امورج يارب و ييسره لج ..

انا مريت بعمليتين قيصريات والحين فالحمل هذا قالوا لي قيصري والاسباب هي الحوض صغير والرحم مايفتح،،
ابنجوني نصفي والحمدلله من عقب العمليه اكون واعيه يعني مب مخدره ،،واحس باللي حواي،،طربي يسهل عليج وعلينا

الله يسهل عليج يارب

ام عمر .. تسلمين لي عالرد .. الحمدلله شوي ارتحت عن قبل ..

آهات الصمت .. تسلمين الغالية ..

الحمدلله واخيرا سويت العملية .

السلام عليكم ورحم الله وبركاته…

اتمنى انكم تتذكرون موضوع التكيسات اللي كنت اعاني منها واللي كانت تسبب لي ألم فالمابيض وتاخر الدورة الشهرية…

الحمدلله بتاريخ 26/3 اللي صادف الاربعاء سويت العملية على يد الدكتور اللي اتعالج عنده والحمدلله … صح ان الخوف كان متملكني بس هي كلمة كانت اتدور فبالي وقالتها لي اختي الغالية… ان والله ياعواش عشان خاطر عيون الغالين (النونو) اتهون العملية….

والحمدلله …وانصح كل وحده اتعاني من نفس مشكلتي وتكون معرقلة الحمل تتخذ الخطوة اللي اتخذتها…

وتسلمون لي ….
خليجية
شكر خاااااااااااااااااااااااص جدا….. للحبوبة…حياة الامارات على احلى مسج وصلني منج واحلى اتصال…………

حمدالله على سلامتج
وما اتشوفين شر يالغاليه
اجر وعافيه ان شاءالله
والله يرزقج بالذريه الصالحه

خليجية المشاركة الأصلية كتبت بواسطة omfaisal خليجية
حمدالله على سلامتج
وما اتشوفين شر يالغاليه
اجر وعافيه ان شاءالله
والله يرزقج بالذريه الصالحه

تسلمين لي يا أم فيصل………… والله يرزق كل محرومة يارب …

الحمدالله على سلامتج ويلا شدي الهمه ونبا نسمع انج حامل الشهر الياي امين

الحمدلله ع سلامتج تالغاليه
ربي يرزقج بنونو ^^

الحمد لله ع سلامتج اجر و عافيه

كل شي فسبي النونو يهون

ان شاء الله طمنينا الشهر الياي انج حامل

حمدالله على سلامتج
وما اتشوفين شر يالغاليه
اجر وعافيه ان شاءالله
والله يرزقج بالذريه الصالحه