الوسم: العمليه

وينكم بنات بوظبي ………………..

المشاركة الأصلية كتبت بواسطة حلوه و مره

شوو السالفه تتريين امنوو يرد علييج انتي اسألي ونحن نترياا الرد ^_^

^_^ سؤالها فالعنوان حبوبه..

امممممم انا سمعت بها بس والله هذا اول حمل لي..واذا شفت ان البنات يمدحوون بجرب بعد ما اربي باذن الله بالسلامه ^_^..

المشاركة الأصلية كتبت بواسطة ام شوق وعزوز

أنا سويتها عند دكتوره أحلام في راك بنج موضعي وبصراحه تالمت في العمليه وايد وعقب ماخلصت ورجعت البيت ياني مثل تشنج في الظهر وكنت أبا أموت من الويع وقمت ورحتلها قالتلي هذي من البروده أو النومه أثناء الخياطه وعطتني ابره وعن الدم ماينزل وايد شوي مدة اسبوع انزين وعقب ماطوفت الاربعين بصراحه ماتندمت الانج تردين مثل قبل عقب ماسويتها خواتي وربيعاتي سوها وتصدقين اني رجعت وحملت وعقب ماخلصت الاربعين حسيتها ماتوسعت والله تمت مثل اول بس الحين قب ما أربي أذا شفت عمري يبالي والله بسويها وترى تخبرني دكتوره أحلام أنها بتعطيني أبره حتى أذابرجع أحمل مول ماترخي العضلات بس أونه اغلا وبنج كامل.

طل

تسلمين ع المعلومات
ما قلتي كم كلفتج

اففففففففففففففف يالعمليات انا طبعا قصه طويله المره الاولى حليلي كنت بالثامن سايره اراجع وكنت مسويه تحليل الدكتوره شافت النتايج بققت عينها قالت لي اتصلي بريلج حليله كنت بالمفرق عاد وطلبت لي الويل كانت الصفايح نازله عطوني تحميله طلق صناعي ما فيه فايده على طول غرفة العمليات وبنج كااااااااااااااااااامل ساعه وطلعت والحمدلله كنت متعاونه مع النيرسات ارفعي ارفع نزلي انزل خخخخخخخخخخخخخ ارتفعي شوي فوق السرير عادي سمعا وطاعه والولد بالشيشه والضغط عندي يلعب لعوبه والحمدلله 10 ايام وطلعنا انا والنونو بالسلامه

المره الثانيه طبعا بعد سرت المفرق شوي حاله خاصه انا من راك بس اراجع بالمفرق فيه مشاكل عندي بالحمل ابر ولعوزه المهم استانست بربي طبيعي وبنجرب العوق والنفس فاتحه 4 سم وانا اتجلب وارافس من الالم وياسلام الماي فتحته لي الدكتوره والراس تحت وانا اتعصر اونه يمكن يطلع خخخخخخخخخخخ مسكينه والله والالم يزيد والصراخ شال المستشفى شل وآخر شي خذوها العمليات لييييييييييييييييييييييييييييييييييييييييييييييييي ييييش المشيمه منفصله ويالله بنج كااااااااااااااااامل والحمد لله عدت ع خير وطلع الولد الثاني خخخخخخخخخخخخخخخخخ

لحظه المره الثالثه المجاااااااااااااااازفه بمستشفى صقر دخلت في الليل ع اساس العمليه الصبح اول ما دشيت لعب الضغط عندي والعيون ما عرف شو صار فيها وعلى طووووووووول غرفة العمليات والمشيمه انفصلت يالله بالستر وطلبت بنج نصفي متفيجه وشفتهم صح كان وناسه بس زيااااااااااغ بعد خخخخخخخخخخخخ المهم خلصت العمليه وطلعت مستانسه بالبنوته خخخخخ ويا فرحه ما تمت اغمى عليه 10 دقايق ويوم نشيت اشوفهم يتراكضون فيني غرفة العمليات لييييييييش شو صاير ماسكه ايد ريلي اقوله شو صاير وشكل عيونه ما يطمن دخلت غرفة العمليات اسأل الدكتور شو صاير شو بتسوون فيني الدكتور ما فيه شي كيف ما فيه شي عيل انا ليش بغرفة العمليات على طول يحط الاكسيجين وبنج كااااااااااااااااامل ياربي ارحمني نشيت شفت عمري بغرفة العمليات وحاطين في حلجي جهاز تنفس صناعي بختنق ما اتنفس شو صاير اهلي يدخلون لي واحد واحد الدكتوره اتصارخ بإذني اتمسكي اهلج يتريونج كل معارفج برع يارب شو صاير فيني الدكتوره تصرخ لي اليوم يوم الاحد الساعه 2 الظهر بنشل عنج جهاز التنفس الساعه 12 بالليل مربطين ايدي وريولي والله مأسااااااااااااااه اخوي يدخل يمسك ايدي يكلمني: اقعد وياج ؟ابطل عيوني كلها ابغيه يفهم انه الجهاز خانقني مب قادره اتنفس يا ناس النيرس اتصارخ للدكتور بالانجليزي يركض صوبي الدكتور وانا احاول احرك ايدي ويفتن علي وصارخ ويقولي : ايييييييييييييييييييييييه مالك مش متعاونه معانا احنا عايزين نساعدك ………وانا بخاطري اقول ارحموني انا مخنووووووووووووقه مب قادره اتنفس من الجهاز اللي في بلاعيمي طبعا من هالمأساه كلها امي وابويه برع ما دخلو وامي اتصاااااااااااارخ خخخخخخخخخ جتلو بنتي جتلتوها وخالاتي يصارخن للدكاتره انقلوها بوظبي انتو اغبياء وريلي طالع داخل ( يقولي كنت حزتها ابغي افر عمري من الدريشه خخخخخخخخ) الساعه 12 ليلا خخخخخخخخخ افراج الدكتور: يالله خدي نفس حشيل عنك الانبوب ………. وسحبه وردت رووووووووووووحي ..بنتي طبعا ما سألت عنها قعدت يومين بالعنايه طبعا سبب العمليه الثانيه لما دخل علي ريلي شاف السرير بكبره دمممممممممممم يعني نزييييييييييييييف حاااااااااااااااااااد بعد العمليه والله سلمني وعطاني عمر يديد افففففففففففففف كااااااااااااااااااابوس كنت اتمناه يكون كابوس واصحى منه لكنه للأسف واااااااقع مر كلما اذكره اتعذب

آآآآآآآآآآآآآآآآخ واتقولون اللي يسوون عمليات يدلعون وما يحسون بألم الولاده الطبيعيه والله الولادة الطبيعيه اهون بمليييييووووووووووووون مره من القيصريه

وصح كلامج القيصريه مب شي سهل والله واللي تقدر ع الطبيعي وعندها القدره تربي طبيعي بدل ماتروح بريلها للمووت ..

والله يخلي لج اعيالج ويحفظهم ويخلييج لهم ياارب ,,

الحمدلله على سلامتج شكلج على كل حمل بتحسبين الف حساب هههه

×× لا للعمليات القيصريه ×× ههههه اتعقدت ما أنلام ..

بنات حبيباتي ساعدوني
بغيت اسوي عملية المنظار لتكيسات المبيايض
شو من المستشفيات تنصوحوني اسوي فيها هالعمليه ؟؟ و اذا وحده سوتها ممكن تخبرنا تجربتها

و لكن جزيل الشكر

شكرا

بقولج عن تجربتي الغالية انا عندي تكيسات المبايض بس تعرففين تعالجت لمدة 3 شهور + نقصت من الوزن

و كنت استخدم الادوية (حبوب ياسمين مرة في اليوم+ حبوب glucophage مرتين في اليوم + فيتامين centrum مرة في اليوم ) لمدة 21 يوم بعدين اوقف تنزل الدورة و 5يوم في الدورة ارد استخدم الحبوب

قبل فترة كملت 3 شهور و سرت عند الدكتورة و خف التكيس و نزل الوزن قلت الحمد لله

بس قالت لي لازم اكمل بعد لمده 3 شهور زيادة و انشاء الله بيختفي

الغالية جربي اول شيء سيري عند دكتورة نسائية و اذا ما نفع معاج العلاج بعدين فكري بالعملية

نصيحة من اختج

هي صح نست اخبرج صح ان الحبوب شوي قويه و اتعب بس نتحمل عشان نشفى

انا تعالجت عند الدكتورة ايمان في الفجيرة عيادة العائلة

بس دكتورتي اعطتني يعني شريت منها

و ان انتي حابة ممكن تشترين منهم و هي من جميرا

عندها انواع انتي خذي الكامل اللي شكل مايو

لان اللي ييج لين تحت الصدر بيلعوزج

لو حابة العنوان بالكامل خبريني فديتج

الحمدالله الله رزقني بولد في اول مارس بعمليه قيصريه اللهم لك الحمد والشكر وهذا اول مولود لي

فطمعانه بخبرت الي مسوين عمليه قيصريه ..

حاسه بالم في بطني هذا عادي ولا ؟؟؟ ولين متى يتم الالم ؟؟؟؟

وكيف اعرف انه الجرح برى ولا ؟؟؟

امممم والبنسبه للحمام المغربي اقدر اسوي ولا ومتى اقدر اسوي ؟؟؟؟

وشو نصايحكم لي ؟؟؟

جزاكم الله الف خير

مبرووك… والله يشفيج يا رب

الغلا

الجرح تنظفينه بفوطه نظيفه والافضل شاش بعد الحمام

وحاسبي عليه من الالتهابات

والغلا..

عشان الجرح يلتئم كامل يحتاج 6 شهور

والحمام المغربي اذا بتسوينه بعدى عن المنطقه…

عادي الغاليه…

اخوي مسونها شراتج…باليزر…قبل سنه..

لاكن انا فتح بطن 10 سم…قبل 13 سنه…

والحمد لله….

هو تعريف لمصطلح الولادة الطبيعية بعد العملية القيصريةVBAC

وحسب الكلية الامريكية للنساء والولادة تستطيع المرأة ان تلد ولادة طبيعية بعد القيصرية فى حالة :

1-حدث لها عملية قيصرية واحدة او اثنتين ذات القطع السفلي المنخفض في اسفل البطن اي نوعية الجراحة low-transversاي المعروف بالقطع البيكينيbikini inscision….كما في الصورة الموضحة ادناه..

2-اذا كانت المرأة ليس لها تاريخ مرضي لتمزق في جدار الرحم او التصاقات سابقة نتيجة اي عمليات قيصرية سابقة او عمليات في الرحم …

3-اذا كان الحوض لدى المرأة حجمه طبيعي ويسمح بمرور الجنين للولادة الطبيعية …

اما المراة التى لايجب عليها الخوض في تجربة الولادة الطبيعية بعد القيصرية :

1-التي لديها جراحة قيصرية طولية على شكل حرف الTالمقلوب..كما في الصورة
2-المراة التي لديها الحوض ضيق او صغير لايسمح بمرور الجنين للولادة الطبيعية ..
3-وجود مشاكل صحية لدى الام كارتفاع الضغط او السكري او مشاكل في التنفس كالربو او امراض القلب …الخ ..او وجود مشاكل في المشيمة كالمشيمة النازلة placenta previaاو المشيمة المنفصلة abruptio placenta

وامكانية حدوث ولادة طبيعية بعد القيصرية تصل نسبة حدوثه الى 60-80%في الحالات الغير معقدة او التي لايوجد معها تعقيدات …

كما يجب على المرأة تأجيل الحمل بعد الولادة القيصرية لمدة لا تقل عن 6 اشهر – سنتين ويعتمد على حالة المريضة وطبيعية القيصرية لديها وخلوها من اي مشاكل صحية

على اننا لا يجب ان نغفل ذكر بعض المخاطر التى ذكرت طبياً والتى يمكن ان يتعرض لها كل من الأم والجنين اذا ما تمت الولادة الطبيعية بعد القيصرية ومنها :

تمزق الرحم

التهابات فى جدار الرحم

تجلط الدم

الألم المزمن في الحوض

تضرر دماغ الجنين نتيجة لنقص الاكسجين ..

الله يعوضها خير ويرزقها عن قريب يارب .

فالشاهد انها ربت طبيعي بس مادري اذا كانت في التاسع هل كانوا بيخلونها تربي طبيعي ام لا ؟ هذا مااعرفه

بس هي مرت بمراحل الولاده عادي يعني فتح الرحم عنده لل 10 سنتي

وبعدها طبيعي مرتين
والحين ان شالله ربي يسهل علي .

حريم بغيت استفسر عن كمن شي

انا حاليا في اخر الشهر الثامن في الاسبوع 34

وقالتلي الدكتوره انه الجنين في الوضع المقعدي مع انه في بدايه الثامن كان راسه تحت ,, المهم عطتني موعد عقب اسبوعين وقالتلي لو مانزل راسه تحت احتمال عمليه!!
وقالتلي امشي مشي رياضه كل يوم ساعتين عشان تتعدل وضعيه البيبي ….

علما بانه هذا ثاني حمل والحمل الاولي ولدت طبيعي الحمدالله

السؤال الاول

منو استوالها نفس الشي وعقب البيبي غير وضعيته في التاسع ؟

السؤال الثاني

اذا الله كتب اني اسوي عمليه ,, في اي اسبوع يسوونها ؟

السؤال الثالث

الي جربت الطبيعي والقيصري .. شو الفرق بينهم ؟؟

بليز خواتي الي عندها خبره لاتبخل علي لاني واايد احاااتي

الغاليه ممكن البيبي يغير وضعيته ووضعيه الحبي او السجود تساعد على التغيير ( احبي شرات البيبي وكثري من السجود ) وان شا الله خير ..

//////////

بالنسبه لسؤالج الثاني:

لا قدر الله وسوو لج قيصريه تكون بعد الاسبوع ٣٧ بكون البيبي مكتمل النمووو

بالنسبه لسؤالج الثالث:

انا جربت الولاده الطبيعه فبنتي البجر وما شا الله ماشي مثل الطبيعي تعب حزة الولاده وعقب ترتاحين وشوي عوار لو في خياطه

اما القيصري جربته قبل اسبوع .. خحح .. تعبها بعد الولاده وخااصه الكبس وااايد متعب والبنج يأثر عالعظام ويسوي كحه وبلغم ويتم اثره لمدة شهرين تقريبا ..

والله يسهل عليج وتربين طبيعي الغاليه