الوسم: العنوسه

كبروا عقوووووووووولكم شي .. شي تلقينه متوفر اليوم بس مابيكون في متناول ايدج

هالايام البنات يدورن ,, الماده اكثر ,,, وع قولتهن ان الحياه تصعبت وتبا وتبااا

بس صدقوني ان المال مب كل شي ( بتقولين من وين بيعشني ) انا مااقولج اخذي واحد بطالي ما عنده فلس … لا بس لا تفكرين ف العالي ,, مثل ما قالت اشواق بدوو ,, الوسط الوسسسسط

لو ياج واحد خلوق وولد ناس ومحترم ,, شو تبين اكثر عن جيه /.. وبعدين يابوي العنوسه هلاايام تزيد .. وبعد البنات يتشرطن,,, اعنبووكم ,, استحوا .. خيلوو … الوحده تتطالع ,, فوووق .. بتنكسر رقبتج وانتي تتطالعين فوق … ع قولة ( عيناويه طر ) اخر شي بتاخذ الوحده واحد عنده سادس ابتدائي من هالطلبات ….. ,,,

واخر شي ماقوول غير … غير الله يهدي الجيمع ,, واللي ربج كاتبه بيصير ..

تبا و تبا وتبا

لازم واحد غني و عنده سياره كشخه و ابووه تاجر وما اعرف شوو
وحتى لو كانت اخلاقه زفته بتاخذه ليش …؟ عشان شي اسمه ( الخقه )
وتبا تقول حق ربيعاتها ريلي سوى و ريلي اشترالي و ريلي وداني

شو فيهم الناس العااديين يعني الوسط والله انهم احسن عن التجار
والحين الكل عنده فلوس محد ما عنده

يعني بصراحه واحد خايف ربه و اخلاقه عاليه و من عايله اوكيه
وسمعته اوكيه شو تبين اكثر من جيه ..!!

هذا اللي يقدر يعيشج هب التاجر اللي باجر بينط عند غيرج

شو بتفيدج الخقه عقب

و بشوو بيفيدنج ربيعاتج

ارضي بالنصيب ..

صح الحين الوحده ما تبا واحد فقير

لكن شوو بتحصلين احسن من انسان محترم و اخلاقه عاليه ..

عن نفسي

انا ارضى بالنصيب .. وما ابا واحد من التجار
ابا واحد من مستوايه انا

والسموحهـ

بس احس هالشي صار ما اول انه الوحده اتدور تاجر

و اهل يدورون لولدهم بنت تجااااار

مادري هذا الي اشوفه جدامي

انه الناس وعت هالايام و قامو يتواخذون

الله يرزق كل شاب و كل بنت الاستقرار و الزواج السعيد

( وننزل من القرآن ما هو شفاء ورحمة للمؤمنين ) ،

ويزاج الله كل خير عزيزتي .

و الله يرزقنا و اياج الازواج الصالحين و الذريه الصالحه

ببدا بالي اعمارهن تجاوزت الثلاثين بسنه وسنتين وثلاث مع المؤهل العلمي
30 +
2 ثانويه عامه( السبب : نصيب يعني ينخطبن بس ما يتم الزواج مثلا يرشحونها ويشوفونها وتعيبهم بس فجاه يقولون ماشي نصيب)
1 تحضر للماجستير

بين 25-30
4 ثانويه عامه ( ما جد انخطبن)

23-25
13 دبلوم + دبلوم عالي نفس الشي نادر ماايونهن خطاب

برايي الشخصي ان احد اسباب العنوسة ارتفاع المهر اللي تطلبه البنت
وهالايام مايتم مبلغ خيالي ماتطلبه البنية
ليش؟؟؟
الريال يروح يطر الفلوس
أو طول هالسنين يجمع فلوس
وبالأخير اتيي فلانه وتتشرط الا تبي وتبي وتبي ……..

وثاني سبب اللي اهمه الأهل اللي يتشرطون
مايبون يعرسون بناتهم الا من نفس القبيلة على قولتهم
والا لازم يكون عنده املاك وشهادات
تلقين بنتهم حتى ماعندها الثانوية

والسبب الثالث
صارت الحين كل بنية عندها معاشها وصارت مستغلة بحالها
مرتاحة وكل شيء تبيه يكون عندها
فتقول مادام عندي كل شيء ليش أعور راسي بسالفة الزواج
بعدين ريلي بيحرمني من …… و ……
فكل مرة يجيها وااااحد وترفضة

ترى الرياييل اذا عرفو ان هالبنية كله ترفض مابيتقدمون لها
لان يدرون يمكن يكون مصيرهم مثل اللي قبل

فيعني بالأخير محد يتقدم لها
………

مشكورة الغاليه على الموضوع اللي في غايه ا لاهمية
انا في راي السبب الاول والاخير في سبب العنوسة الاهل (بالدرجة الاولى) والبنت بالدرجة الثانية…
عندي ربيعة عمرها 25سنة تقدم لها واحد ما شاء الله عليه من عايلة راهية وولد البلاد وملتزم ..لكن الام رفضته ليش (لانه من اصل عماني ) ام البنت ماتحب العمانيه…والسبب الثاني لانه ما عنده رتبه….
الحين الاخلاق والصفات الزينه صارت مش مهمه والمظاهر هي الاهم ..
اذا كل عائله بتفكر بهذي الطريقة لا بالله كدو خير عيل واعطيهم ضمان مليون بالاميه ان بناتهن بيطيحن في كبودهن وخلي يحطون في بالهم ( أهل البنت) ان لازم بي اليوم اللي بتدعي البنت على اهله لانهم كانوا السبب في عنوستها..

كل واحد متعرفله على وحده والا هنتين والا اكثر
وين عنده وقت يفكر فالعرس

المشاركة الأصلية كتبت بواسطة DuBa!_Mo_ON

السبب الاول والاخير فالـــشباب
وايدين صكوا الاربعين وبعدهم ماعرسوا ليش؟

كل واحد متعرفله على وحده والا هنتين والا اكثر
وين عنده وقت يفكر فالعرس

صدقتي انا بعد وايد اعرف

ف بلييييييز لا طنشوني ^__________^

اختكم فتافيت

شو نسوي الله كريم

بس كلن ونظرته للعمر وللعنوسه..!!

انا ف نظري مافي شي اسمه عنووسه..<< وتقهرني هالكلمه..ليش يقولونها للحرمه وما يقوللها للريال..!!

وايدين يوصلون فالثلاثين وما يقلون عنه عانس ههههههههه!!

يعني لا تفكرين بهالشي وايد..وان شاء الله بيي نصيبج لو حتى دخلتي فالثلاثين ..اهم شي ما تفقدين الامل..^.^..

المشاركة الأصلية كتبت بواسطة لاليك

مادري شو اقولج..

بس كلن ونظرته للعمر وللعنوسه..!!

انا ف نظري مافي شي اسمه عنووسه..<< وتقهرني هالكلمه..ليش يقولونها للحرمه وما يقوللها للريال..!!

وايدين يوصلون فالثلاثين وما يقلون عنه عانس ههههههههه!!

يعني لا تفكرين بهالشي وايد..وان شاء الله بيي نصيبج لو حتى دخلتي فالثلاثين ..اهم شي ما تفقدين الامل..^.^..

انا معاااااااااااااااج

المشاركة الأصلية كتبت بواسطة نانو

العنووسة ماله عمر انا 22 و احس عمري عاانس المجتمع اللي حوالليج اهو اللي يححكم خصووصا اذا كان بنات العيلة معرساات

أنا معااااااج خخخ

حبيبات

احس انه اذا بنات الخليج عامه و بنات الامارات خاصه بداو يفكرون بطريقه صحيحه و واقعيه بتنحل الامور
مثلا تقولين نتنازل في المهر انت تعرفين انه ارتفاع المهور كان من الاسباب الرئيسيه و الاساسيه في ارتفاع نسبة العنوسه و غرور الاهل و طلباتهم الي تكسر الظهر و تحمل الريال سلفيات لها اول مالها اخر و الركض و راء المظاااااااااااااااااهر عشان التباهي و التفاخر من الاسباب الاساسيه يا حبيبتي الكبر لله و الرسول صلى الله عليه و سلم و صانا بعدم التكليف و التكلف و اهم شي الدين و الاخلاق

ثانيا ان فكر الريال يعرس نسبة البنات الي صارت فعلا تهتم ببيتها و ريلها صارت قليله و الي تقدم تنازلات و ترضى بالقليل صارت نادره
اهم شي الماركه و المظاهر و اهتمامها بنفسها و تريد ريلها يكون خاتم بايدها و ياويله اذا زعلها و عندها مفهوم اذا تزوجها ينسى ربعه اهله حتى امه الي ربته والمشكله اسلوب التعالي على الزوج و الدلع الزايد الي يخليه يهملها و يدور غيرها،،، ليش ما عنده شخصيه،،
هذا غير الموضه الي خربت معنى العباه و الستره و خلت الجسم معروض للكل و طلة العروس الي صرنا نشوفها في المولات و تبادل النظرات تعتقدين انه في رجل في قرارة نفسه يحترم ها الشي ؟ طبعا لا،، لهذا السبب يبدا حب التسلي و اللعب و يمكن الحرام

ثالثا الشباب صاروا يحصلون كل شي بدون زواج بدون زواج بدون زواج و السبب الرئيسي لا تقولون بنات الشوارع
السبب الابتعاد عن الدين لانه لازم الريال يقاوم ويقول لا مب كل وحده تعرض نفسها يقبلها الحرام حرام على الذكر و الانثى و لازم ما ينسى الرجل الذي سيظله الله يوم لا ظل الا ظله لانه دعته امرأه ذات جمال و جاه و قال اني اخاف الله

رابعا ها الزمن صارت الحريم غير و البنات غير كيف

صارت تنافس الرجل في كل المجالات
لاتقولون التقدم و التطور ترى ما دمر قيمنا الا ها التطور

في التعليم صارت تنافسه بدل الباكلريوس عندها دكتوراه
تنافسه في السواقه ما شاء الله راكبات افخم السيارات و لا منهن يتسابقن بعد،،، شطاره
في الوظايف ما خلت وظيفه ما وصلت لها
و منهن راعيات بزنس و يا سلام على البزنس في كل المجالات الي تخص الرجل اكثر من الي تخص الحرمه
عندهن املاك و رصيد في البنك
تسافر كل سنه و يمكن في كل اجازه و في بنات عادي يسافرن ويا ربيعاتهن و غيرهن مستقرات في بلاد اجنبيه بحجة الدراسه
عندها حيوان اليف ادلعه قطو ولا ببغاء و منهن كلاب
حتى في الهوايات يحبن ركوب الخيل و الرمايه و المصيبه الاكبر الجت سكي و سوالف البحر و التخييم

بالله عليكن وين المساحه او المجال الي ظل للرجل في حياتج اذا تملكين كل هذا

و على اسس علميه و دراسات عالميه انه المرأه افضل من الرجل في القدره و التفكير و التعايش
بالتالي الرجل عنده غروره وكبرياءه ويحب فعلا يشوف نفسه رجل و له شي يتفوق فيه و يتباها فيه حتى يثبتلج انه مهم و انج محتاجه له لا تلومونه هاي غريزه و رب العالمين فارضها سنة الحياه
يعني ما خليتن شي له من بعد التنافس و المطالبه بالمساواه

حتى انهن صاروا يدورون الجنسيات الاخرى لانهم يبووووووووونها حرمه تقليديه و هم رجال البيت
مع انه الشرع ما حرم ها الشي لكن المجتمع الاماراتي و الخليجي سوى ها السبب علاقه يحطون عليها ثوم العتب و اللوم

و بالنسبه لتعدد الزوجات فانا ما اشوف مشكله في انج ترضين بريال متزوج،، طبعا مع توفر العدل،، و ما يجوز تقولين حتى اننا صرنا نرضى بالمتزوج،، يا اختي رب العالمين من فوق سبع سماوات حلل التعدد و الريال يتزوج ثانيه و ثالثه و رابعه و الي تبغي الستر بتنستر و بتقدم تنازلات و مب شرط تكون كانها داخله معركه لانها الثانيه،، اصلا في اخر الزمان يبلغ عدد النساء اربع اضعاف الرجال و لحل مشكله العنوسه لازم ينوجد التعدد في زمنا،، و الله العظيم انه الي يمشي على شرع رب العالمين و يرضى بحكمة الله و النصيب بيلاقي الخير

في النهايه كل شي نصيب و الله ييسر امر الجميع و عليكن بالاستغفار و الدعاء و الصدقه و الخطابه حل ارحم من غيره

و سامحوني على الاطاله و لا تزعل مني وحده حبوبه احبها

بس كتابتج للموضوع فعلا واقعيه

بس ما اتفق معاج بنقاط

^^

واختلاف الرأي لا يفسد للود قضية

اسباب العنوسة نصيب من الله

يوم الله بيكتب غصبن عنها بتعرس

* وفى الجزائر أكثر من 51 % من النساء في الجزائر يواجهن خطر العنوسة، وأنّ هناك 4 مليون فتاه لم يتزوجن، رغم تجاوزهن الرابعة والثلاثين عاماً، وأنّ نسبة المطلقات بلغت 36.9 % .

* في تونس ارتفع عدد النساء العازبات من 990 ألفاً في العام 1994 إلى أكثر من مليون وثلاثمائة في العام 2024، والنتيجة هي أن 38% من النساء قد أصبحن في عداد العوانس.

* في الأردن، بلغت نسبة النساء العازبات في العام 2024 (40%) من النساء، أما نسبة النساء اللواتي لم يسبق لهن الزواج في الأعمار (15-49) فكانت 35% في العام 1979، فيما هي في العام 2024

(71,8%) .

نسبة العازفين عن الزواج في لبنان من الجنسين 90% ممن هم بين 25-30 عاماً

* نسبة العنوسة في فلسطين 1% ممن بلغن سن الزواج وتجاوز عمر 35

* أعلى نسبة عنوسة في العراق حيث بلغت 85% ممن بلغن سنة الزواج وتجاوزا عمر 35

* نسبة العزاب ‏20%‏ في كلٍّ من السودان والصومال، ممن بلغوا سن الزواج و تجاوزه.
كشفت أحدث الدراسات الصادرة عن صندوق الزواج (في الإمارات) حول «التوقعات المستقبلية للعزاب والعازبات حتى عام 2024م في الفئة العمرية من (15 – 49) سنة عن أن هناك زيادة كبيرة في عدد العزاب من الجنسين بشكل ملحوظ، حيث من المتوقع أن يصل عددهم إلى 198.8 ألفًا عام 2024م، إضافة إلى ذلك أشارت العديد من الدراسات إلى أن عدد الإماراتيات اللائي تخطين سن الثلاثين، وصنفن كعوانس قد بلغ أكثر من 170 ألف فتاة بنسبة 20% من عدد الفتيات في الإمارات.
وفي السياق نفسه أشارت دراسة أعدتها وزارة التخطيط في المملكة العربية السعودية عام 2024م إلى أن عدد اللواتي لم يتزوجن رغم بلوغهن سن الزواج وصل إلى 1.529.418 فتاة بنسبة 33.45%، وكشفت الدراسة عن أن عدد الفتيات المتزوجات في السعودية يبلغ مليونين و638 ألفًا، و574 امرأة من مجموع عدد الإناث البالغ أربعة ملايين و572 ألفًا و231 أنثى، كما أن هناك ما بين عشر وخمس عشرة حالة زواج شهريًا لسعوديين من أندونيسيات يعمل معظمهن كخادمات في المنازل، ويتضح من ذلك ارتفاع عدد من فاتهن قطار الزواج في المجتمع السعودي إلى أكثر من مليون ونصف المليون فتاة.
أما في قطر، فقد بلغت نسبة العنوسة 15%، في حين وصلت في الكويت إلى 18%، ووصلت في البحرين إلى 20%.

الامارت علي وجه الخصوص:
أكدت إحدى الدراسات الميدانية الحديثة عن (ظاهرة الطلاق في دولة الإمارات العربية المتحدة: أسبابه واتجاهاته – مخاطره وحلوله) للدكتور عبد الرازق فريد المالكي أن 76% من المطلقات لم تتجاوز أعمارهن 39 عامًا، وهذا يدل على أن غالبيتهن من متوسطات العمر.
وأظهرت نتائج دراسة ميدانية أعدتها وزارة العمل والشؤون الاجتماعية بالإمارات عام 2024/ 2024م عن ظاهرة الطلاق في مجتمع الإمارات، أن نسبة المطلقين 19%، وأن الزوجة هي المبادرة في طلب الطلاق، حيث بلغت نسبة اللاتي طلبن الطلاق 43%، ويليها في المرتبة الثانية مبادرة الزوج بالتطليق بنسبة 29%، وبلغت نسبة الطلاق الذي وقع بالاتفاق بين الطرفين 12%.
وذكرت دراسة أخرى صدرت عن مركز الدراسات والبحوث الاستراتيجية بـ"أبوظبي" أن أغلبية المطلقات، وتبلغ نسبتهن 76%، كن ما زلن شابات عند الطلاق، ولا تتجاوز أعمارهن 39 عامًا، وتبين أن 19% مطلقات صغيرات السن. وأوضحت الدراسة أن 58% من المطلقات لم تستمر حياتهن الزوجية أكثر من ثماني سنوات، بينما لم تستمر الحياة الزوجية لـ32% من المطلقات سوى سنة إلى خمس سنوات،

الحل هو ان الوحده لو عنست المفروض تتنازل عن شروطها اعرف وحده تقرب لي من الاهل عمرها 32 سنة وبعدها تتدلع وما تبا اي حد عندها شروط معينة مع انها تموووت عشان تعرس تتمنى تتزوج وتدعي ليل نهار بس لو خطبها حد ترفضه لسبب تافه تباه كامل مكمل…

واعرف وحده عنست بسبب انشغالها في التعليم والجامعه وراح عمرها بين جدران البيت والدراسه

واعرف وايدات سبب عنوستهم سمعتهم المب زينة وسوابقهم من خلال علاقاتهم مع الشباب وكل من سأل عنها قالو هاي خربانه ترمس شباب

واعرف وحده معنسه لانها متييييييييييييييييييييينة وللاسف كل ما نصحناها عسب تضعف نفسها تقول لا ما ابا الريال لو يباني بيحبني بمتني حاولنا نفهمها ان صح متينة بس مب هالدرجه ان صدرج نازل لين بطنج وريلج هالمتن والكرشه على الارض مع مغريات هالزمن صعب تلقى حد يباها بس للاسف مصره على موقفها ما تبا تسوي ريجيم مع ان من ناحية الجمال حلوة بس عيبها المتن الفضيييييع هي متينه بس متن فضيييع مب عادي ابد