الوسم: العيادة

بغيت أخبركن عن الحالة اللي صابتني أمس ، والحمدلله إني الحين بخير بعدما حسيت باني خلاص بموت ، والموت حق ، السالفة إني أمس كنت صايمة وكان عندي موعد عند الدكتورة ………….. ، وصلت عندها قبل المغرب وسجلت اسمي وعقب طلعت لين ما يوصل دوري ، وقت المغرب فطرت على عصير وتمر ، وعقب رديت العيادة ، وكل شي تمام ، دخلت عندها وكلمتها عن الألم اللي سببته لي الإبرة
( تنشيط بويضات ) كنت ماخذتنها يوم السبت ورجعت أمس الأثنين عشان المراجعة ، قالتلي ما يخص الابرة بالألم ويمكن هذا شد عضلي ، وقالت بتعطيني شراتها وحدة وبعد نوع ثاني يسرع في التنشيط ، يعني ابرتين ، وأنا أقولها بتعب لأني أتألم قالتلي ، روحي وخذي حمام حار وبندول ، قلت أوكي وما خبرتها إني كنت صايمة وما فطرت عدل ( هاي الغلطة الكبيرة ) انزين خذيت الابرتين وكان عندي ولدي ، واتصلت لريلي عشان ينتظرنا وطلعت أبغي أسير صوب المصعد عشان أنزل، وقتها حسيت الدنيا ادور فيني ، وما كنت أركز في شي ، احساس فظيع ، عقب قلت لازم أقاوم عشان ولدي وأرجع العيادة ، وصلت لين الباب ومسكته عدل عشان ما أطيح ع الأرض ، وعقب وصلت لين داخل وزقرت ع الإخت ( يزاها اللخ خير كانت يالسة وساعدتني ) يلستني ع الكرسي وقتها حسيت بهبوط فظيع ، وكنت أبغي أطيح ، قلتلهم ما أقدر أيلس أبغي أرقد ، والممرضة ترجع راسي ع وراء ، وعقب دخلوني ورقدت ع السرير ، وبدت حالة التشنج الله لا يراويكم ولا يبليكم ، أحس أصابعي صابهن مثل الشلل ، الحمدلله على الصحة ، وجسمي يرجف من لساني لين ريولي ، وويهي قالت الدكتورة صار أصفر ، وقامت الدكتورة تصفعني وترش علي الماي ، ومرة تسقيني ، ما قصروا ، وريلي يتصل وردت عليه الدكتورة ، طبعا هو زاغ وصعد ويوم شافني اتصل بالاسعاف ، والدكتورة تقوله ما في داعي بتصير أحسن ، هي خافت ، وأنا أرتجف وأصيح وزغت على إيدي ، وتخيلت إني أتم ع الحال تحكم في أطرافي ، والله كانت ليلة صعبة وعيالي حليلهم زاغوا ، طلبلي ريلي عصير وحليب وشربته ، وكان ريلي معصب ليش ما عندهم حتى كرسي متحرك أيلس عليه ،وقامت الدكتورة تقولي ها نقص كالسيوم وطبعا خبرتها عقب إني كنت صايمة وما فطرت عدل ، وقالتلي ليش ما قلتيلي ، أنا طبعا ما حطيت في بالي إن هذا كله بيصيرلي ، وعقب راح التشنج ورد ويهي طبيعي ، بس تم الألم في ريولي ، وطلعت عقبها ، وحليلهن الحريم أخرت دورهن ، وعطلتهن ، إن كانت وحدة منهن تقرأ الحين كلامي فتسمحلي ، وبالنسبة للحرمة اللي ساعدتني أقولها يزاج الله كل خير ، والمهم عقب روحنا البيت وتم راسي يعورني لين الحين ، اسمحولي طولت بس بغيت أخبركن تجربتي

الحمدلله على سلامتج عزيزتي وان شاء الله طهور وأجر وعافية

المفروض أنج خبرتي الدكتورة بصيامج بس سبحان الله قدر الله وما شاء فعل

المهم الحين أنج بخير وربي يتمم لج على خير يا رب في كل خطوة تسعين فيها

ويخليج لـ عيالج وريلج ولا يحرمج منهم

وشالت عندها شعرها بالليزر هل استفادت ولا لا

ومن اللي جرب مركز كوسميرزج
اللي جربت
تقولنا اي وحدة احسن

المشاركة الأصلية كتبت بواسطة نسيم العين

مرحبا يا بنات العين
ابي اسالكن منو منكم جربت تتعالج في العيادة الحديثة اللي دكتورتها منى يوسف المواطنة والحين تغير اسم العيادة الى بيوتي كير اعتقد بس هو عدال الديوان الجديم

وشالت عندها شعرها بالليزر هل استفادت ولا لا

ومن اللي جرب مركز كوسميرزج
اللي جربت
تقولنا اي وحدة احسن

هلا أختي أنا جربت ليزر عند د. منى يوسف هي شغلها وايد أوكي عشان تستفيدين من ا لليزر بتقولج سوي فحص للهرمونات وبتعطيج ورقة تروحين للمستشفى الجيمي أو عيادة الجاهلي وطبعاً لازم تتعالجين من الهرمونات وبعدين اتسوين ليزر لأنه إذا عندج هرمونات ما تستفيدين من الليزر

وبالنسبه لكوسمسيرج انا سويت عندهم تنظيف بشره وماجربت الليزر … سويت الحين سوفت لايت عند مركز اسثتيك في الجيمي فالعين واشوفه زين …

وبالتوفيق الغاليه

و لا تحاتين طبيعي بيكون الحجم صغير و ما يبين اذا كان طفل واحد فكيف اذا توم الله يبارك اكيد بتكون احجامهم اصغر بعد

انتي تريا مثل ماقالت لج الدكتورة و هيه اكيد لو شافت شي مب اوكي بتخبرج

الله يرزقج بالحمل السليم المعافى و تربين بالسلامة

وتفرحين بشوفتهم ياااا رب

((تحصنت بذي العزه واعتصمت برب الملكوت وتوكلت على الحي الذي لا يموت اللهم اصرف عنا هذا الوباء وقنا شر الداء ونجنا من الطعن والطاعون والبلاء بلطفك يالطيف انك على كل شي قدير))

انشر يحفظك الله

ياشر الصبح عندي موعد لعند الدكتورة زينب شنار و يوم أخذت الموعد نسيت أسأل عن مكان العيادة

يا ريت يلي تعرف تخبرني

و مشكورات

المشاركة الأصلية كتبت بواسطة aliaaaa

عليكم السلام اختي …
همم اتعرفين جامعه دبي ((البولي تكنك سابقا)) نفس المكان ..

مشكورة أختي

لكن للأسف ما فهمت قصدك

اسم الشارع تعرفيه؟

سويت بحث فقوقل توقعت كالعاده احصل اول المواضيع من منتدى سيدات الامارات عن الشي اللي ادور عليه

لكن هالمرة ماحصلت هههههه فا بضطر انزل انا موضوع وانتظر الردود منكم

بغيت اعرف اذا في حد جرب العياده النفسيه او تعرف وحده تشتغل او واحد

اي شي يخص الدكتور النفسي او العياده النفسيه

وكيف اسعارهم <<<احس كل جلسه 2024 درهم

وشو النتايج للي جربت

اتمنى محد يبخل علينا بتجاربه او معلومات يعرفها

ماسرت والله مع انه خاطري

بس يقولون واحد ف العين عراقي بس ماسرت للحين>>احيانا اسثتي

شحالكم خواتي

بغيت اسالكم عن العياده النسائيه في مركز القصيص علاجهم زين او لا

يعني عندهم كل الاجهزه والتحاليل اللي عند المستشفيات او لا

وشو رايكم فالدكتوره

لان انا مش من دبي والمركز بعيد عني اذا علاجهم مب اوكي ما بتعب عمري وبسير

انا من فتره سرتلهم عطوني موعد بعد شهر كنت اترياه وسبحان الله ماقدر اسير واتصلت عطوني موعد ثاني بعد شهر …. المواعيد زحمه عندهم

المهم خواتي طولت عليكم بس اللي مجربه علاجهم تخبرني