شحالكن ..عساكن ابخير …
هالكلام اوجهه لوحده غاليه فقلبي وانا تعبانه والسبه اني ربي اختارهااا..
هيه من سنه متوفيه تقربلي بتكمل سنتين وانا وايد احبها وماتخوز عن بالي
والله ماعرف شو اكتب ولا شوه اقول …
غيابڪ يوم يا الغاليـﮯ دهر غيابڪ يدعيـﮯ الخاطر كسيــر
ياليت الميت يسمعنا جان ارتحنا شوي…
فديتج تولهت عليج وعلا شوفج احبج والله احبج ربي يرحمج
انتي دوم في بالي ماتخوزين ولا بتخوزين لانج غاليه وانا دوم
يوم اشوف اختج تخنقني العبره حتا يوم اشوف امج وحتا يوم اسير بيتكم اترياج بس تدخلين وتسلمين
احس اني فحلم
وكل يوم اتراويلي يعلني افداج …انا الحين عندي ولد وكمل سنه واربع اشهور…دوم اتمنى انج تكونين حيه
يا الغأأأليه والله ربي يعلم بحالي لوني اضحك وارمس مع الناس لاكن فداخلي شي ثاني يارب بس تصبرني ع
فــــراقج …والله اني تعبانه من روحتي عن الدنيا فوادي يعورني تمنيت اني اكون بدالج لو الانسان عادي يحل مكان الانسان انا بحل بدالج ودي ازور قبرج احب
ترابج ودي اسمع صوتج ودي اشوف ضحكتج الحلوه
اللي ماتفارق شفاتج ودي اشوف اعيونج بسم الله عليج غناتي فخاطري اقولج شي بيني وبينج بس
مااقول غير ربي يصبرني ع فراقج ويفرج همي …
والحمدالله على كل حال …
والسموحه منكن حبيت اطلع اللي بخاطري
وربي يصبرج ويمسح ع قلبج
هااذي سنه الحيااة وهم الساابقون ونحن اللاحقون ويالله حسن الخاتمه
الله يصبر قلبج فديتج
