الوسم: الغدة

شحالكم يا امهات وشحال عيالكم ان شاء الله كلكم بخير وسهاله
مثل ماقريتوا في العنوان ولدي عمرة سنة يعاني من الغدة الليمفاوية هذا على حسب كلام دكتور عبدالله سمرين اللي على البحيرة المهم هي مكانها تحت اذنة ومستوية مثل التيلة …. قاللي اذا تمت وارمة اكثر عن شهر باخذ عينة … وعقب 3 ايام من هالكلام راجعتة لانة كان عندة موعد تطعيم فقال ما اقدر اطعمة لين تخوز الغدة وقال ترييوا عليها اذا ماخازت عب اسبوعين عطوة هالمضاد "الكلام اختلف"… يليت لو تفيدوني اذا عندكم علم بهالموضوع او تفيدوني بدكتور زين ممكن اعرضه عليه
بانتظار ردودكم

ربي يشافي ويعافي جميع اطفال المسلمين..

امين يارب

السلام عليكم و رحمة الله و بركاته
ضروري خواتي اريد استشاري الغدة الدرقية في مستشفى خاص في ابوظبي
الي تتعالج في مستشفى خاص عند استشاري غدد الصماء ارجو اتساعدني
بس اريده شاطر عن تجربه
انا انتظر خواتي ضروري
اريد اسم الاستشاري او استشارية
و اسم المستشفى الخاص الي ايداوم فيه

احسن دكتور مر عليه هو الاستشاري الدكتور علي باقر في مستشفى إمبيريال كوليدج في بوظبي والكل يشهد له حتى مواعيد بالعصب تلقين أنصحج فيه بقوة

موفقه الغاليه.. اختج @مبدعه@

مستشفى خليفه فيه عندهم استشاري اجنبي وااايد زين

للرفع

مشكورين خواتي على المرور و الرد يعطيكم الف عافية
خواتي حد فيكم جرب يتعالج عند استشاري الغده الدرقية في مستشفى النور او مركز طبي الجديد في ابوظبي
ارجو الرد خواتي للضرورة

صح كلام الاخت وبعده على طول الدكتور مجيد في مستشفى الخليج التخصصي

انا بعد الولادة الثانية صار عندي زيادة بالافرازات الغدة واخد دوا نيومركزول بس متخوفة يعني هل تشوهه الجنين وهالامور؟؟
انا حامل والافرازات عندي انضبطت بس مب كلها يعني خفت بس بعدني اخذ جرعة عالية من العلاج وحملت ومتخوفة؟؟
وهل يصير هالزيادة ينجلب خمول فافرازات الغدة؟؟؟

افيدوووني يزاكم الله خير

للرفع

حبيبتي لا تخافين ولا شيء ربي يرزقك الذرية الصالحة انا صار معي نفس الشيء بس استمري على الادوية وبعد ما تولدين راح ترجع طبيعية وربي يييسر امورك ويرزق كل محرومة

مشكورة الغلا طمنتيني الله يطمن بالج

مرحبا اشحالج…

أنا قبل ما احمل كنت اخذ نيومركزول بس من حملت دكتورة غيرت لي دواء لانه مب زين حامل تاخذ هالادوية….

سيري عند دكتورة ووخلها تغير لج الدواء احسن….

بنات من عندها خمول الغدة الدرقية وحملت او تعرف حد فيه وحملت ارجوكم ساعدوني وشو العلاج

ااااااااااااااااااااااااب

حبيبتي انا عندي خمول فالغده وحملت ولله الحمد
والعلاج هو الثايروكسين وكل مازادت شهور الحمل لازم يزيدون لج الجرعه لازم تراجعين عن طبيب غدد

بس يابنات الدكتورة قالت ماله علاج الا تاكلي السمك من منكم تعالجت بدون ادوية

بنات بلييييز اللي عندها خبرة تفيدنا الله يغفر لها لانه انا بعد عندي الغدة بس الدكتور قالي ما اخذ عليها دوااااء بس اكل سمك و اي شئ فيه يووود …..

في وحدة عندها الغدة و حملت بدون علاج و الا لازم اسير اخذ دوااء و اراااجع عسب احمل ….

دعواااتكم الله يخليييكم و يرزق كل محرووم

انا استوالي خمول في الغده في الحمل واكتشفوا في الشهر الرابع تقريبا واعطوني الثايروكسن انتي حبيبتي حامل ولا تبين تعالجين قبل الحمل؟

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

مساكم خير خواتي وجمعه طيبه ومقبولة الدعاء ان شاء الله
انا خامل بالاسبوع ال12 وبفضل ربي بس عملت تحليل الغده طلع فيها نشاط بس الدكتور ماعطاني علاج يقول للشعر ال5 وانا قرأت ان النشاط لاسمح الله يأثر عالجنين ومن وقتها تالفه اعصابي ياربت اللي عندها علم بهالشي تفيدني جزاكم الله خير

السلام عليكم

بغيتكم في مشورة
وحدة من قرايبي العزيزات طلع فيها مشاكل في الغدة و هذا أثر على الحمل
بخبركم قصتها :هي تزوجت و الحين صار لها سنة و استغربت لما سقطت أول مرة بعد 4 شهور حمل
و للحين ما حملت و لما راحت تشيك قالولها انها عندها نقص في اليود و انها عند الغدة و عندها وايد اجسام مضادة و هذا الشي راح يمنع الحمل ة إذا حملت راح تسقط

الحين هي وايد زعلانة و تبى تعرف حد صار لها نفس الشي و تعالجت و قدرت تحمل؟ ووين راحت و شوو سوت ؟

افيدونا

ما في اي رد يعني على الأقل نصيحة لأي دكتور تسير

خل تسير مركز الكونسيف ف الشارجة
اسم الدكتور بنكاج
اعرف وااايد ناس ذموة ويقولون اونه يخلط الانساب وما عرف شو كله كلام فاصي
بما انه هي بتعالج بس بادويه خل تسير وبيسويلها تحاليل وان شاء الله خير

حبيبتي انا للي اعرفه انها لازم تتعالج قبل من الغدة وتسير عند طبيب مختص في دكتور في مستشفى النور في بوظبي وااايد يمدحونه بس ما اذكر اسمه احين هو عراقي بس وااايد ممتاز …ويارب يشفيها ويريح قلبها وتحمل عاجلا غير اجل

أختي انا بعد مريضه الغدة الدرقية اتعالج عند دكتور بلال شماع مستشفى الامريكي
بعد انا صار لي سنتني ما حملت لكن الحمدلله عندي عيال
ربي يرزقنا بالحمل عاجل غير آجل

الله يرزقها الحمل القريب يارب

السلام عليكم ورحمة الله وبركاته

بنتي عندها نشاط فالغده الدرقيه .. ورحنا للدكتور في مستشفى خليفه وعطانا دوا علبتين

بس قال ممكن يكون لهم مضاعفات على الجلد .. ويسبب التهاب الكبد .. وحمى ..

يعني ممكن نعالج شي ونهد شي ثاني الله يستر بس .. ولو انه قال حتى الدوا اللي عطيتكم مب علاجي

فقط لتخفيف الاعراض .. ومب شرط انه جسمها يتقبل الدوا يعني ممكن مايضهر مفعوله الا على كم سنه …

ويمكن ماينفعها ..

انا قلت للدكتور اني اشوف الجراحه افضل من كل هذا .. استئصال الغدة الدرقيه

بس قال انه العمليه مب بسيطه انها صعبة

وانا اعطي بنتي هالدوا كل يوم 3 مرات واحد منهم مرتين = حبتين والثاني 3 حبات

واعطيها وانا خايفه عليها

اللي سوت عملية استئصال الغدة الدرقية او تعرف اي احد سواها ونجحت او لا

وهل اللي سواها تأثر صوته ؟؟ هل العمليه صعبه كم وقتها ؟ وهل في اعراض بعد العمليه حتى لو نجحت ؟

واللي تعرف اي دكتور ماهر ومتخصص في استئصال الغدة الدرقية تعطيني اسمه و وين القاه

وجزاكم الله خير ..

^_^

سلامتها وما عليهااا شر ان شاء الله

انصحج تودينهااا عند الدكتور موفق يحيى في مستشفى النور الجديمه في بوظبي خل يكشف عليهااا وااايد ممتاز وهو يعالج اختي كم سنه مع انهااا راحت لكذا دكتور وما منهم فايده

يعطيج الف عافيه اختي كشيخه عالرد بس اختج كان عندها الغدة الدرقيه ؟ التها بجراحه ولا شلون ؟

لا ما شلتهااا بس عندهااا كسل …. وما خلت دكتور ما سارت له وحتى هي تراجع عنده تروح لدكاتره ثانين ورحه يقولهاااا ادري انج تلفلين بس بتردين حقي وماشاء الله عليهاااا من متى وهي عنده الحين طبعا تتعالج بالحبوب بس احسن

تخيلي ودينهااا مستشفى بدون ما اذكر اسمه عطاها دواء بالغلط لو شفتي حالتهااا ولا المستشفى الثانيه قال لها ماشي علاج انتي بتوقف عندج الغدة وبتموتين ؟؟؟؟؟

استغفر الله الموت بيد الله … مع انه دكتور معروف

وسوي بحث في قوقل عن القسط الهندي ترى يعدل الهرمونات والغدد ^^

اختي العملية عادية انا شاله نصف الغدة وتميت تقريبا حوالي قريب 3 ساعات في العملية وما اثرت على صوتي بس هذا الكلام من 5 سنوات توكلي على الله وصلي استخاره

يعطيكم العافيه عالردود

ونحنا ننتظر موعدها الجاي ونشوف كلام الدكتور وان شاء الله يقرر لها عمليه وتطلع منها بالسلامه

عسى الله يشفيها ويعافيها …

السلام عليكم
من شهر تقريبا عرفت ان عندي خمول في الغدة الدرقية وعطاني الدكتور euthyrox 50mcg اللحين انا حامل مب عارفه شو اسوي
هل استمر فدوا والا اوقفه
يوم اسوي تحاليل الغدة اكون صايمة ولا وهل اخذ الدواء ولا
بنات راك انصحون وين ارجع للغدد والحمل

تابعي مع دكتورة الحمل وهي بتحولج على دكتور الغدد ولازم اتابعين اول باول وماتهملين دواج

المفروض تسألين دكتورة عن هذا الشي حبوبه هنيه ماحد بيفيدج بخصوص هذا الشي ..هذا الاشياء ينسأل عنها دكتور متخصص مب إي أحد
وسوء خمول او فرط نشاط الغده يأثر عل الياهل ترى والحمل اذا مانخذ العلاج فلازم ترجعين من أول الحمل مع دكتور

يتمم لج عل خير ان شاءالله

الله يتمم لج عل خير ان شاءالله

لازم تستمرين عليها
لانها ضرورية وايد عشان الجنين
بس لازم تراجعين الدكتورة لان احتمال يزيدون الجرعة

انا ااخذ ٥٠ بس وقت الحمل يزيدون ل ٧٥

الله يسهل عليييج

مشكورات حبيباتي ع ردودكم
بس وين اراجع اي دكتورة مو عارفة

انا فيني خمول في الغده بس مب حامل بس اللي اعرفه انه الوحده ماتودر هالدواء طول العمر فما بالج باللي حامل واظن والله اعلم لازم تاكلينه
وانا سالت الدكتور قلت له لو حملت عادي مايظر قالي فاول الشهور يمكن مايضر بس عقب يوم يكبر الياهل ويزيد الوزن يحتاي وكل هذا
الدكتور بيقولج يوم اتشوفينه والفحص الدم انا اسويه كل شهرين تقريبا وما اكون صايمه

نصيحه مني اختي لاتهملين نفسج ولازم تسالين الدكاتر فكل شي وتقولين حق دكتورة الحمل شو يقولج دكتور الغده عشان يكون عندها علم بحالتج وتعرف تهتم فالبيبي الله يحفظه ويثبته لج يارب

انا عندي الغدة فيها خمول يعني ما تشتغل واخذ علاج لها وابغي حد يساعدني في رجيم ينزل الوزن بسرعة

فديتج حبيبتي لازم اتسيرين عند دكتورة وخبيرة التغذية عسب يفيدونج اكثر
للرفع

الغده يرادلها علاج حبيبتي مو نظام غذائي ولا رجيم

عالجيها اول عسى الله يرفع عنج وعنا وعن المسلمين يارب وبعدها بنظام صحي بتنزلين

بنات انا انا عندي قصر في الغدة الدرقية واتعالج الحين من 9 شهور والحمد لله انتضمت الحين بس الدكتور قالي لازم بعدج تكلين لحبوب واخر مرة رحت له كانت عندة دكتورة قالتي احتمال اكل لحبوب طوووول عمري وسويت اشعه تلفزيونية حق الغدة وكانت زينه بس فيها تخرمات وقالتلي الدكتورة الا في الاشعه لازم تاكلي لحبوب بعدج ..واتصلت لدكتور من جم يوم وقلتله اني مضايجة من موضوع اكل لحبوب طوووووول عمري قالي لا بس بالكثير سنتين وطمني قالي كل شي عندي تمام
..
بس الا مضايجني الحين ان عرسي جريب سوال بس هل توثر قصر الغدة على الحمل والجنيين علما بان الدورة عندي منتضمة وكل شي عندي زين وبعد طمني الدكتور الاستشاري بس دايما اوسوس لاني اموت على اليهال وخايفة الله يخليكم قولوا اذا تعرفوا اي شي وثانيا ابيكم تدعولي من قلبكم …الله يرزقكم الجنة وما قرب اليها من عمل ..

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

مشكووورة اختي dooobaعلى مرووج وعلى هالدعاء الرائع الله يرزقج الجنة وما قرب اليها من عمل ويغفر لج ولي والديج ويرزقج حسن الخاتمة وانشالله تكوني من عتقاء هذا الشهر ..امييين

ما فيها شي
انا عندي قصور في الغده وآخذ الحبة من 11 سنه وبكمل 12 سنه واتزوجت وعندي بنت وولد والحمد لله كل شي اوكي اهم شي لااااااااااااااااااااااااا تودرين الدوا مهما صار وكل شهر سوي تحليل الغده عشان يعرف الدكتور يزيد الجرعه ولا يخليها مثل ماهي يعني مثلا انا كنت آخذ 50 مل وعقب زادلي اياها الدكتور ل 100 مل وعقب نزلها لي 50 مل
بس صدق هي طووووووووووووووووووووووووووووووووول العمر مالها عملية ولا علاج اعشاب ولا شي
لازم حبوب طول العمر هالعلاج الوحيدوالله يشفيج ويشفيني بس اهم شي تاخذينها عالريق قبل الفطور بساعه احسن عشان تعطي مفعول
انا عشان ما انساها احطيها عالتسريحه في غرفة النوم اول ما انش امشط شعري اشوفها جدامي وآخذها قبل حتى ما اغسل ويهي
الحمد لله هذا ابتلاء وتكفير ذنوب طول عمري

مشكووووووووووووووووووووووووورة اختي ميثاء الله يجزيج خير ويرزقج من حيث لاتحتسبين والله طمنتيني الله يريح بالج

بس اختي ميثاء سوال في احتمال اترك لحبوب بعد سنتين والا خلاص طوال العمر..

سبحان الله وبحمده سبحان الله العظيم