الوسم: الغربه

محتارة بين الوطن والاهل والغربه

هلا بنات وحريم شخباركم انا من فترة اريد انزل مشكلتي بس كل مرة اتردد
بس خلاص ما قادره اريد حل وقلت ماشي غيركم بيساعدنيخليجية

قصتي طويله بس بختصرهاخليجية

متقدمين لي شابين وانا محتاره امبينهمخليجية >>ليش ؟؟

الاول
من الاهل ..بس هو في دوله خليجيه ( سعودي ) اخلاق ما شا الله عليه و جامعي وموظف ووظيفه زينه بالنسبة للمكان الي هو فيه
ونحن من يوم صغار كنه وايد زيارات معاهم ويعني بينه حب كان عن طريق خواته ..الحين المشكله وين ؟

مشكله لازم اروح اسكن في السعودية
هو ساكن في منطقه بعيده عن اهله عشان شغله منطقه شوي نائيه
والاهم انه اهله سمعتهم ابد مب زينه يعني خوانه مال سجون وابوه وامه وخواته مال مشاكل ( الله يستر عليهم يا رب )
اهلي رافضين الفكرة بس قالو نحن ما نريد نغصب على شي وهذا قرارج

الثاني :
ولد ييرانه ما كنت اعرف عنه شي بس صليت الاستخاره وكل الامور الي استفسرت عنها طلعن اوكي
بالنسبة لصلاته وسفرات وعلاقته مع اهله وهالامور كلها اوكي
واهله سمعتهم الحمدلله وايد زينه

المشكله :
ما املكله اي مشاعر حب يعني عادي
والاهم الاهم انه في عرق ( بس من صوب امه )
بس اهلي مب من النوع الي يميزون عادي

هاي مشكلتي بالضبط ؟

الحين مب عارفه اخاف اقبل الاول واروح حسب قلبي واظلم نفسي وما اقدر اتحمل العيشة اهناك لان ظروفهم واحوالهم المادية غير عن احوالنه
ما اريد اخلي بلادي واهلي ..واظلم عيالي مستقبلا
اقول كيف بربي فيهم حب الوطن وانا ما اعرف شي كيف بعلمهم عونك يا وطن >> متفيجه صح
يمكن تضحكون بس انا اقيسها من هالناحيه ..بس اقول وين بلاقي في هالزمن واحد مثله ومثل اخلاقه ويحبني وشاريني

والثاني بعد زين بس بعد اخاف اظلم عيالي >> انتو فاهمين علي ما اريد حد يطلع اسمر وحد ابيض باجر يتعقدون
اخاف يكون هذا مظهره خارجيا انه زين وبعدين اتوهق ويطلع يعرف بنات وهالسوالف >> وحده متعقده من شبابنه

اعرف بتقولون لي صلي الاستخاره ..اريدكم لو كنتو مكاني شو بتختارون وشو الافضل ؟

اختي
ما خاب من استخار

بس تراج تقولين الأول اهله اصحاب مشاكل

من غير الغربه

يعني مشاكل + غربه؟؟؟؟؟؟؟

فكري فيها

و انتي طلبتي راي كل وحده فينا و تحط نفسها مكانج

لو انا برفظ

الاثنين

لا تتغربين الغربه مره هذا ردي الوحيد و الله يوفقج و ييسر اامورج

خليجية المشاركة الأصلية كتبت بواسطة نــــوره خليجية
اختي
ما خاب من استخار

بس تراج تقولين الأول اهله اصحاب مشاكل

من غير الغربه

يعني مشاكل + غربه؟؟؟؟؟؟؟

فكري فيها

و انتي طلبتي راي كل وحده فينا و تحط نفسها مكانج

لو انا برفظ

الاثنين

مشكورة الغلا على مرورج

خليجية المشاركة الأصلية كتبت بواسطة abrar خليجية
لا تتغربين الغربه مره هذا ردي الوحيد و الله يوفقج و ييسر اامورج

مشكورة فديتج..احيانا اقول كلنه دول خليج والامور بسيطه واحيانا اقول لا صعبه

خليج في بلادج احسن لج

استخيري وان شاء الله الله ييسر أمورج

طلبتكم سااااعدوني وانا في الغربه

مررررررررررررررحبات بنات زايد
يعلني ما اخلا منكم ومن مساعدتكم
عزيزاتي انا في الغربه
مسافر مع ريلي تركيا لمهمه لمده سنه
وعندي ولي بيروح كي جي 2 وبرجع على حزت المدارس
وما اعرف كيف اسجل ولدي
بغيت اسجله في اي بي سي بس قالو تكتفو
وين احسن مدرسه اقدر احجزله مكان لين ارجع
ويكون عندهم شاغر
طلبتكم لا تردوني
والله يوفق الي ترد عليه وبدعيلها
لاني راسي يعورني
كل يوم ادور ومحتاره وين اسجله
خليجية

…………………………..وينكم

سامحيني ما عندي خلفية

ان شاء الله البنات ما بيقصرن

خليجية المشاركة الأصلية كتبت بواسطة دوده ومحوشه خليجية
سامحيني ما عندي خلفية

ان شاء الله البنات ما بيقصرن

مشكووووووووووووره على مرورج عزيزتي

حاولي ادوريله من الحين وسيري المدرسة وخبريهم يمكن ياخذون اوراقه من الحين وبعدين احتياط اتركي شهادة ميلادة وكرت التطعيم وصور من جواز سفرة وخليهم عند حد من الاهل عشان يحاولون اسجلونه بدالج اقل شيء تكونين ضامنه ما يروح عليه الشاغر
وبالتوفيق ان شاء الله

للرفع

الشويفات ممتازين يا اختي انصحج فيها

انا والغربه

بسم الله الرحمن الرحيم

مرحبا شحالكن عساكن بخير وعافيه

انا حابه اليوم استطلع على رايكن بوضوع يخصني انا وعيالي

ريلي الله يحفظه لي يا ربي صارله مسافر تقريبا اسبوعين وطبعا السفره لشغل ومطوله لين شهر ديسمبر باذن الله المهم طبعا انا بس يخلصون العيال -ولدين في الابتدائي – الله يسلمهم ويخليهم لي قولن اميــــــــــن على طول طايريله وبنيلس عنده – هو في بلد اوربي بعيد شوي-
المهم بنقظي الاجازه الصيفيه عنده بس هو شار علي بشور وانا وايد متردده لين الحين…….
قالي يردون العيال للمدارس ونتي تمي اهنيه عندي بنرد ارباعه يوم يخلص …..
والعيال ما عليهم شر عند يدتهم وعمامهم وخوالهم عندهم وما بيقصرهم شي .. والمدرسه يعرفون هم نظامها.. والسياره بتوديهم وبتيبهم.. ومن هذا الكلام.
انا قلبي ما مطاوعني اودره اروحه في بلاد الغربه … وبعد مب هاين علي اعيالي يتمون ارواحهم صح الاهل كلهم عندهم بس بصراحه انا عيالي معوتنهم على نظام معين خاصه انا نحن ساكنين في بيت اروحنا واناما عندي غيرهم فانا شاده حيلي وايد معاهم ….اخاف يتغير النظام عليهم ويتخربطون..
وبيني وبين نفسي اقول فرصه خلني اشوفهم كيف بيعتمدون على اعمارهم…
محتاره .. وبغيت اعرف ارائكن يالامهات ؟ شو الايجابي والسلبي في هذي الخطوه الي بقدم عليها ؟

ولا تحرمني من ردودكن…..

الغااااااااااليه يلج بيطول وايد اهناك يعني بعد شعر 12 بيرد مررررررره ثاانيه ولا بسس

اذا ما بيرد مره ثاانيه ايلسي عننننننننننننده وخلي عياالج عند اهلهم واذا على النظااااااااام دامنهم متعوديين عليه ترااهم كا بيطلعون منه وانتي ان شاء الله كم شهر وبتردييلهم …..وريلج اولى الغاليه دامنه محتاااي لج في بلاد الغربه

واذا مطوليين واايد مال سنه سنتين حولي عياالج بمداارس عربيه عندهم

وشكرا

في هالزمن كل واحد يقول يالله نفسي

حتى لو اعمامهم وخوالهم ما بيدارونهم شراتج في امور هم ما بينتبهون لها لكن انتي كأم بتنتبهين لكل شي

وغير هذا صعب ع العيال فراق الام والابو

والغربة صعبة

ولالازم النظام بيتخربط وبتتبهدلين الين ما يتعودون ع نظامج مرة ثانية

هذا اذا ما تمردوا على النظام

من رايي

تاخذينهم معاج ويكملون دراستهم هناك

منها يكونون جدام عينج ومنها يكتسبون لغة

تأكدوا من هالسالفة في الوزارة والمنطقة

وموفقة

مشكوره – عاليه الغاليه – وبنت UAE –

لا لين شهر 12 وبيرد خلاص يعني في نص السنه… عسبت شي مب عارفه اقرر ….

أنا راي من راي الأخت عالية الغالية

ودي معاج عيالج
ورتبي أمورهم الدراسية مع المنطقة ألا أربع شهور بتمون هناك

اختي

صلي استخاره واستخيري ربج ادرى بالغيب

انا اشوف انج تستخيرين والله بيسهل عليج ان شاءالله..

اتوقع انج بتيلسين 5 شهور تقريبا مع ريلج ف لوتكلمينه وتناقشون موضوع اليهال وشوبيصير فيهم وتقررون ع هالاساس علشان بس مايكون قرارج بروحج وقلبج يعورج ع عيالج.. اكيد ريلج ماقالج الا علشان محتاي وجودج معاه..

واذا متعودين ع يدتهم وعمامهم وخوالهم والخدامه بتكون معاهم ان شاءالله امورهم بتكون طيبه..

الله يسهل عليكم اموركم ان شاءالله خليجية

الغربه

هلا خواتي في وااايد بنات بعد زواجهم يطرون يسافروون مع ازواجهم للاقامه برع لضروف الزوج مرات يكون يدرس برع ومرات يتشغل و دول مش عربيه ولا اسلاميه مثل فرنسا و لندن الي خاضت هتجربه تخبرني كيف كانت تقضي و قتها و ما كانت تحس بضيجه مع انهم يتمون شهووووووووووووووووووووووور برع لبلادخليجية ابا نصايح

انا وايد عاااااااااااااانيت من الغربة ,,,

وما ارتحت الا بعد ما اقنعت ريلي بالاستقرار بالامارات …

هلا اختي تحملي الغربه هب سهله

الله يعيينج يا اختي ويسهل عليج

حاولي تتعرفين على عرب هناك..

حاولي تشغلين وقتج بمواهبج..وتسلي فيهم..

ما جربت و ما اعتقد اني بجربه.

شكرا ع الردود منو جربت تعيش في فرنسا و كيف قضت وقتها شهووووور هناك

بتتعودين….
اشغلي وقتج, حاولي تنمين من عمرج.. أنا كمّلت 4 سنين في اوروبا..
حاولي تتأقلمين و بتستانسين

الغاليات ممكن نصيحه لاختكن الي فالغربه

السلام عليكم ورحمة الله وبركاته
الغاليات انا محتاجه مشورتكن الغاليه , انا ادرس مع زوجي فبريطانيا وعندي ولد الله يحفظه عمره سنه و5 شهور اهو متعلق فيني وااااااااااااااااااااااااااااااااايد حتى كلمة وااااااااااااايد شويه , ادري طولت عليكم , انا الحين امتحاناتي جربت وزوجي نفس الشي وماعندي حد يقعد معاه او حتى يمسكه الين ما اخلص وارجع (ثمن الغربه الغالي) علشان جي سجلته بحظانه ودخلته يومين , الحظانه حلوه وتعاملهم معاه واايد حلو حتى لما امر عليه علشان اخذه البيت يعطونج تقرير شو كل وكم مره غيرو له البامبرز(ونتو بكرامه) وكيف كان واذا نام او لا يعني كل شي , المشكله ان ولدي الحين راااااااااااااااااافض انه يروح دايما لما اخليه يقعد اصيح والله قلبي اعورني عليه , بس الله يحفظه ذكي اتعلم منهم كمن كلمه وحفظ منهم رقصات الاطفال

ادري اني طولت عليكم وصدعتكم بس والله انا ابيه احب الحضانه ابيه يستانس

الغاليات ممكن نصيحه لاختكن الي فالغربه

عساني ما انحرم منكن يااااااااااااااااااااااااااااااااااااارب

الله يحفظ لكن عيالكن وكونون صاااااااالحين يارب

يالله ولا حده ردت علي
ولا حتى سلام

الله كريم عالعموم مشكورن عالتجاهل

حبيبتي اذا هوه نفس ما قلتي يعطونج تقرير و تعاملهم وايد حلو شي اكيد انه بيتأقلم معاهم ما عليج هاي فتره بس بيتم يصيح يوم تخلينه … قوي قلبج شوي و بيمشي الموضوع لا تشيلين هم … و بعدين اكيد الي في الحضانه بياخذن بالهن منه و اذا صاح ولا حتى فحم من الصايح .. خليه برايه هم بيعرفون كيف يتعاملون معاه .. بس انتي قوي قلبج .. أدري انها صعبه بس لمصلحتج على الاقل الفتره الي بتروحين تدرسين فيها بيكون في ايدي امينه .. و الله يوفقج في دراستج خليجية

الله يكون في عونج

بس كل اليهال جي فالبدايه يصيحون بس مع الوقت يتعودون

مشكوره حياتي ام حمدان عالرد الله يخليلج حمدان يارب …والله قلبي اعورني لما يصيح امد ايداته لي وقولي شليني ماما شليني والله اموووووووت لما يسوي هالحركه

الغاليه miss.88 تسلمين عالرد حياتي

الله يكون في عونج وتنجحون بدراستكم
هي فترة وبتعدي
خاصة انك قلتي انك ما عندك حد يهتم فيه وانتي بتدرسي
انتي مضطرة .. وانشاء الله شوي شوي بيتعود …
موفقة^^

مشكوره حبيبتي حلم صيفي والله يسمع منج يارب

حجابي في الغربه

السلام عليكم خواتي
انا مقيمه في فرنسا ومحجبه الحمد لله
اليوم كنت بشتري بخضار من السوق وكان جنب مني وحده فرنسيه تشتري من نفس البائعه
شافتني محجبه سالتني من وين اصلك ورديت عليها
وحكتلي انتي هيك تخرجي دايما بالحجابخليجية
حكتلها ايوا
حكت ابداا ما تخرجي من غيره قلتلها ايواخليجية
حكت طيب ليش ؟؟
قلتها لانه ……
ما خلتني اكمل وحكت لانه عاده وانتي متعوده هيك
حكتلها لا مو عاده لانه ديني هيك الرب بقول هيك مو انا
المهم هي ما عجبها وشكلها عنصريه والنار موولعه بعيونها
حكتلي على كل حال انتي كتير حلوه خليجية
حكتلها شكرا كلك ذوق ومشيت

ما بعرف هل هيك كان لازم اتصرف معها او كيف
لاني روحت البيت والله مقهووره
والمشكله انا ما متخصصه بالدعوه لحتى افهما واقلها وارد عليها
وياريت تساعدوني اذا مريت بهيك مواقف شو اقول وشو اتصرف
لانه كثييير تمر علي ها المواقف هون
والله يجزيكم كل الخير
وربنا يثبتنا ع الحق يارب

اكييييد في شي اسمو فضوووول باذن الله فضولها يخليها توصل لطريق الحق

لا عادي ما فيها شيء لو وحدة تسالج ليش لابسة حجاب ابتسمي في ويهها قوليلها مسلمة وديننا امر بهذا وحرام عندنا وبس لا تعورين راسج حبوبة ناس مثل هذيل ما يفهمون

تصرف صحيح اللله يوفقج ويثبتج
ويهدي بج

مشكوراات خواتي الله يجزيكم الخير

فيه كذا رد ممكن تردينه ع الناس ..
ممكن تقولين للفضوليين انه المرأه المسلمه مثل الجوهره الماسه اذا كانت مكشوفه جدام الناس من كثر ما يشوفونهااا يشبعون منها لكن يوم تكون محطوطه في مخزن انه الناس تيهااا فضول عشان تشوفهااا وانااا هذا حجابي ان كنت مكشوفه الناس شبعانه من الشوف لكن بما اني انا ساتره جمال فهي اييها الفضول ع جمال المرأه العفيفه المسلمه..
الرد الثاني..
سألي الفضولي لو كان عندك علبة شوكلاته وكان فيهااا كذا حبه مكشوفه والباقي مسكرات بالاكياس شو ممكن تاخذ اكيد بقولج المسكره فقولي لهم هكذا هي المرأه المسلمه بحجابهااا تكون هي الافضل عن المكشوفه..

الغربه علمتني مالم تعلمني اياوه امي

السلام عليكم ورحمه الله وبركاته

شخباركم بنات

انا عندي شي مضايقني وابي منكم المشوره الله لا يراويكم مكروه يارب

انا صارلي بالغربه سنتين تقريبا
بس احس كل يوم انصدم من الي حولي
اقول يمكن قبل كنت مغمضه عن عيوبهم يوم بعدت انصدمت حيل
اانا ماراح اقول اني طيبه ولافيه احسن مني لاني مو انا الي اقيم نفسي واكيد ان كلي عيووب
بس انا قلت اقول الي بخاطري لان احس مرره متضايقه

زي ماقلتلكم لي سنتين تقريبا لحظت شي مرره ضايقني
اول شي اببد من صديقاتي
كثير منهم تغيرو وخاصه المقربين مني
كنت اقطع عمري علشانهم بس وقت الحاجه ما اشوفهم حولي الا من رحم ربي بس هذا الشي مايضايقني مره
ثاني شي اهل زوجي حكايتهم حكايه
طبعا زوجي هو الكبير امه مو عجوز مررره يعني كبيره بس ماوصلت مرحله العجز طيبه وعلى نياته بس عنده بنت مدري وش تبي من عجزت افهمه كنت مرره اتضايق والحين طنشت الامر عشان ابي اعيش
الحين اكيد تقلون وين مشكلتك اذا هذي مايهمك وهذا مطنشه
مشكلتي اهلي
خواتي
محد يسال عن الا وقت الحاجه يعني اذا احتاجو شي بس كنت اول اعطيهم اعذار مايقدرون مكالمه غاليه بس من يوم تحتاج شي من تتصل باستمرار لين يوصل الغرض عنده وخلاص بعده ما اشوف احد حتى بالمسن ما اشوفهم دايم اشوف بس اختي اصغر مني بس دايم ماله خلقي وعن الظليمه احينا تسولف معي
والله مو امدح نفسي بس كل الي حولي لاحظ هذي الصفه فيني اقطع نفسي واحينا احرم نفسي عشان اسعد خواتي
بس انقهر وخاصه من اختي الي اصغر من مقدر افسر تصرفاته احينا احس شايفه نفسه علي
مدري وش افسره صراحه
دايم باي نقاش تتريق علي وتتمسخر واخر مره هذي الي احسه مررره جلست ابكي طول الليل ولا قدرت انام
كانت ليله العيد وارسلت لامي وابوي مسج يعني اني فقدتهم بالعيد جت تكلمت معاي بالماسنجر بكل وقاحه وتجلس تهزا فيني انتي صيحتي ابوي وضيقتي صدر امي وطبعا جلست تهزا فيني انا ضاق صدري ولا رديت عليه اخر شي كتبت لاعمرك تتعودين له
جيت انا قلت الرسايل كانت عاديه وكنت اعايدهم فيه وصح هي كانت تحزن شوي بس ماكان قصدي والله بس انا بينت شعوري لهم قالت انا ماقريت الرسايل بس يقلون ابوي جلس يصيح طبعا انا تضايقت بقوته وقلتله ليش تتوقعين انا مرسله عشان اضيق صدورهم وربي لو ادري ما ارسلت شي
جلست ترادد فيني قلتله كل شي يجي باسلوب اي واحد يتقبله بس انتي جيتيني بهاواش
وانا مو قصدي
قالت طيب يرضيك تجلس امي طول اليوم ماتنام انا والله جلست ابكي احس انقهرت من اسلوبه ومن نفسي
قلت طيب تتوقعين انه انا ادري هالشي يبي يصير وارسله قالت مدري عنك قلت الا يمكن انا ابي كذا قالت اجل ابشري تحقق امنيتك
انا ماهمني الا ليش اسلوبه معي كذا حتى هذي مو اول مره بس هذي قهرتن مررره
وربي جلست اصيح وما قدرت انام
اخر شي قلتله الله يسامحك
والمشكله انا دايم الي ارجع بس وربي اعلم بنيتي اخر شي هذي اختي بس احس فيه كبر واحيانا احس قلب حجر ومدري كيف طريقه تفكيره مدري وش افسر تصرفاته ولادري كيف اتعامل معه
والمشكله انا دايم استصغرله وبعدين اتحسف احس تحس ان هذا الشي واجب
مدري وشلون اصف الي بخاطري
اصعب شي انك تعطين بلاحدود تلقين بالنهايه جحود
وربي انا ابي هذا كله لله بس احس شي يضايقني
مدري العيب من او من الي حولي
واحيانا اقول استغفال وكثيرررر اشياء تدور براسي
اسفه على الاطاله وركاكه الاسلوب
بس مدري كيف وشلون اكتب

الله يسعدكم ياارب

طيب 14مشاهد

دعوه ولو جبر خاطر

ادعي إن الله يهديهم ويرزقج على قد نيتج… يمكن لأنج بعيدة عنهم صرت حساسة شوي … فعلا الغربة وااايد صعبة الله يردج لأهلج سالمة إن شاء الله

تسلمين حبيبتي
الله يحفظك ويغفرلك يارب

اختي لا تضايقين ولا تزعلين
التمسي لكل من ابتعد عنك العذر.. ولا تقطعين احد
وكوني انتي المبادرة و اكسبي الاجر خليجية

والله يحفظك في غربتك و يردك سالمة لاهلاك

تسلمين حبيبتي
الله يغفرلك ووبوفقك

عزيزتي أنا مب فاهمة موقف أختج بس أعتقد خانها التعبير …
لأنه شي طبيعي إنه الأم و الأب يحنون للبعيد و طبعا في كل مناسبة بيتذكرون البعيد و إذا نزلت دموعهم فهذا شي طبيعي …
يعني أنا أم و ولدي متغرب طبيعي لما أسوي أكلة يحبها أو أروح مكان متعودة إنه يكون فيه وياي أو لما أشتري شي لاخوانه و أتمنى إني أشتريله مثلهم و و و و طبيعي تنزل دموعي و أدعي له بالخير …
بس الغالية طبيعي بعد خواتج انشغلن بأمور حياتهن فاعذريهن …
و حاولي تشغلين نفسج بأشياء ثانية مثل هواياتج أو الاهتمام ببيتج أو أي شيتشوفينه يناسبج …
(( نحن نستطيع أن نحمل أوطاننا في داخلنا حيث كنا .. فاخلقي حولك وطنا تحبينه حيث كنت ))
أعانك الله و وفقك …

احتفالنا بيوم الاتحاد بالغربه ومن مطبخي

السلام عليكم حبيباتي

عساكن بألف خير

كل عام وشيوخنا وشعبنا ودولتنا بألف خير

المهم حبيباتي

طبعا اليوم احتفالنا بيوم الاتحاد بالمستشفى. ورتبنا المكان وركبنا الإعلام وسوينا الطاولات

للعلم هال منطقه اللي انا فيها ما فيه عرب غيرنا وريال ورحمته من دبي. وعياله كويتية.

وطبعنا لو آخر إلدنيا بنحت فل بهالمناسبه وكلنا خليفه

طبعا سويت آكلات بسيطه والريال وحرمته من دبي طبخوا شئ.

عاد اسمحولي صورت فال كاميرا الترتيبات وبحاول انزلها.

الحين بنزل لكم صوره اكل الدار اللي انا سويته. طبعا السامان موجوده عندي ويايبنتها من البلاد. قوم الدهن والماي ورد وغيره.

واللي سويته.

عرسيه بدهن الدار والدياي

بلاليط بالزغفران والماي ورد والهيل

فطائر زعتر
فطائر جبن والحبه السوده

وكاسترد بماي الورد والزعفران والهيل

وبسوسه بدون شيره. بالسكر الناعم أخف

خليجية

وتم بحمد الله.

واحتفلنا ويا النيرسات والبرفسوره والدكاتره.

تحياتي لليميع. وأي سؤال انا حاضر

بالتوفيق اختي بارك الله لكي

تسلمين حبيبتي على المرور الطيب

ان شاء الله كل سنة وكل عام الفرحة دوم فبلادنا

اللهم أمين. ويسلمو حبيبتي على المرور الطيب

ماشاء الله علييج أختي .. الله يدوم افراحنا ان شاء الله

ما شا الله !

الله يفرّحكم وين ما تكونون الغالية خليجية

مبادرة حلوة منج والله في بلاد الغربة ..

بحركتج البسيطة هذي كنتي أفضل سفيرة لبلادنا خليجية

عطيتي الاجانب انطباع حلو عن العرب
اننا دايما متكاتفين وين ما نكون ..

الله يحشم غربتكم ويردكم بالسلامة قريبا ياااااارب !