خواتي ابغي مساعدتكن
انا حامل في الشهر الثاني .. وولدي عاداني بزجامه والحين ما عارفه شوه اسوي بعمري
من امس الكحة ذابحتني وحلجي يعورني ومن اكح صدري يشب عليه
اليوم خذت عسل وكركم واحسه ما فادني بعدها الكحة وويع الصدر وعوار في الحلج
واخاف اسير العيادة يعطوني ادوية وتضرني مع انهم يقولون في ادوية خفيفه للحامل بس انا حتى الادول ما احب اخذه واخاف من اي شي من الادوية
ابغي اشياء طبيعية ويزاها الله خير اللي بتساعدني
والله يشفي كل مريضه ويكرم كل محرومه ويخفف عن كل حامل يا رب
والسموحه
بتلقين في الصيدليه شراب العكبر للكحه انا استخدمته يوم مرضت تقريبا من اسبوعين وااااااااايد مريح و عادي للحامل….
وعشان تفتكين من الزجام فنجان ليمون معصور مع ملعة عسل …..
او تسخنين عصير البرتقال و تشربينه دافي ( اذا فيج حمى وايد مفيد )
و بعد اشتريت عكبر من عند محلات العسل و اخذ ملعقه يوميا افتكيت من الكحه …
30جرام من العكبر مع كيلو عسل و تاخذين ملعقه في اليوم و ممكن ملعقتين
ربي يعافيج
أجر و عافيه,,, اذا ما فيج حراره لا تخافيه اللي في بيتنا كلهم ياهم ها الزجام و البلاعيم يومين ثلاث و راح الحمدلله,,, الغاليه اشربي اشياء دافيه بس مش أعشاب,, البسي ثياب دافيه و دلاغ على طول و ان شاء الله بيروح,, ما في دوا أصلاً,,, هذا رشح عادي,, تغرغري بماي و ملح أو مغلي اللومي اليابس مع الملح
على فكره حلو نك نيمج
