الوسم: الفقري

السلام عليكم خواتي

فديتكم ياريت اتدلوني على دكتور عظاااااام شاطر ويفهم .. امي تعاني من ظهرها وايد ومحد عطاها حل مفيد .. حد يقول بداية دسك وحد يقول شد في العضلات .. ولا تنفع معاها ادوية ولا شي .. حتى لما سافرت مصر ماقالوا لها شي مفيد والدكاتره متعاييزين يعيدون الاشعه يشوفون اشعتها الجديمه ويقولون نفس الكلام

وهي تحس انه نحن مقصرين مب مهتمين ندور لها مكان وانا ماعرف وين ممكن اوديها

لو حد يعرف منكم دكتور عظام شاطر سواء في بوظبي او دبي ويعرف يعالج بدون عمليات يعني مثل علاج طبيعي وهالسوالف

في انتظاركم

يمدحون مستشفى زايد العسكري في ابوظبي

والله يشفيها

اختي انا انصحج بالدكتور مروان الخازن في مستشفى الامارات الدولي – دبي
عندج الدكتور عبدالكريم مسادي او الدكتور طارق في مستشفى الجراحه العصبيه والعمود الفقري
و دكتور طرابيشي فالامريكي

وما تشوف شر

ما شاء الله
الدكتور أحمد السبع
تبغين رقمه راسليني ع الخاص

ألف سلامة على الوالدة ….. في دكتور في أبوظبي في الخالدية جنب بناية باتشي تقريبا اسمه ماهر أيوب شاطر و فهمان

لكل من يعاني من الآم العمود الفقري والرقبه والحوض 000 وصفة طبيعيه

أقدم لكم وصفه طبيعيه تفيد بإذن الله في علاج وتخفيف

1- آلآم الرقبه التي سببها إحتكاك الفقرات

2- فقرات العمود الفقري واللي سببها ضغط الفقرات وليس الإنزلاق الغضروفي ولو أن الإنزلاق لا يمنع من إستعمالها

3- آلام أسفل الظهر

4- آلام الحوض

5- آلام مفاصل القدمين مع الحوض

الوصفه ببساطة يمكن أن تساعد المصابين بهشاشة العظام على العلاج وتخفيف آلام العظام 0

يتم غلي مقدار ربع لتر من الماء توضع ملعقة من الحلبة مع بقدونس ربع حزمة تقريباً في الماء وهو يغلي أترك الماء يغلي لمدة دقيقة تقريبا بعد وضع الحلبه والبقدونس بعدها طفي النار وغطيها بغطاء وأتركها مدة نص ساعة تقريباً

تحصل الماء بعدها لونه أصفر صفي الماء من بقايا الحلبه والبقدونس في كاسه وأكمل بقية الكوب بالحليب – حاول يكون نصف الكاسه ماء الحلبه والبقدونس والنصف الثاني حليب – يفضل يكون حليب نوق أو أي حليب طبيعي وإذا ما وجدت يوجد في السوبر ماركت حليب مراعي إسمه فيتال لون العلبه بنفسجي فاتح ميزته أن الكالسيوم فيه ( 310 ملج ) أي ثلاثة أضعاف أنواع الحليب الأخرى

طبعاً طعم الخليط مرررر

وعلشان يكون مقبول الأفضل أن يتم شرب الوصفه مع التمر سكري أو أي نوع آخر

من المهم جداً للحصول على فيتامين ( د ) أن يتعرض الشخص مدة نصف ساعة تقريباً للشمس وخاصه في فترة الصباح لأن الكالسيوم الموجود في الحليب لابد له من وجود فيتامين ( د ) لتكون العظام – نصيحة لكل شخص أن يتعرض للشمس يومياً

من المهم الإستمرا في تناول الوصفه مدة إسبوعين إلى ثلاثة أسابيع يومياً حسب الحاجه حتى يتم الشفاء بإذن الله

بعد هذه الوصفة لن تحتاجوا لمسكنات لآلآم العظام إن شاء الله .

أسأل الله العظيم أن يشفي جميع مرضى المسلمين

م ن ق و ل

من جرّب يخبرنا

دعواتكم ولوالدتي بالشفاء التام من مرضها……
محبتكن رسالة

جزاج الله خير

وبعد الماغنيسيوم ضروري مع الكالسيوم وفيتامين د
وموجود في التفاح والمكسرات والتمر
في كبسولات اوستيكير كل هذي العناصر فيها

السلام عليكم و رحمة الله و بركاته

مرحبا خواتي ياريت اذا تعرفون دكتور شاطر في ابوظبي للتهاب المفاصل او دكتور العمود الفقري

تخبروني يجزاكم الله كل خير

مشكورات

وعليكم السلام ورحمة الله وبركاته

ماعرف الغالية
ان شاء الله بنات بوظبي بخبرونج

موفقة

فيه فرق يا اختي انتي تبين لالتهاب المفاصل ولا للعمود الفقري اللي هو العظام ؟؟؟ يعني لو عندج حد يعاني من المفاصل والروماتيزم فيه دكتورة كنت اتعالج عندها قبل اسمها نهلة في لايف لاين — وفي دبي دكتور وايد زين اسمه حنفي سلامة في المستشفى السعودي الالماني اما اذا تبين حق العظام سامحيني ما اعرف اعرف دكاترة المفاصل لاني اتعالج عندهم والله يعافينا

سيرى النور اليديد هناك دكاتره اوك حق العمود الفقرى انا كنت اسير عند انطوان سلوم بس اخر مره سرتله قال انا احينه جراح يعنى فقط حق العمليات

للرفع ,,,

والحمدلله على كل شي..

لازم تتعلج طبيعي ما تصبرون عليها لانها في تنموا…

للرفع

الله يشفي الجميع با رب

الله يشفيها اختى ان شاءالله فديتها

سيرى الدكتور كريم فى الزهراء روعه فى العظام والعمود الفقرى معظم اهلى سوو عنه عمليات ناجحه

اسمه كريم عطاره ,,,,,,,,,,,,,,والله يوفقج بتلاقينه فى زهراء دبى او الشارجه

رفففففففففففففففففففففففففففففففع

الله يعافيج الغاليه

للرفع

انا جربت المركز الكندي اللي فدبي وما استفدت تعب وخسر عالفاضي اذا كنتي من بو ظبي انصحج بالدكتور الشيشاني علاجه بنفس الطريقه بس سمعت انه وايد ناس استفادو ماشاالله وعندج مركز كي كي تي للعمود الفقري ممتازين وانصحج يوميا تدهنين ظهرج بزيت السمسم والزيتون وليمون وزنجبيل هاي وصفة طبيب انجليزي ممتازه وحاسبي لا تشلين اي شي ولا تسوين حركه غلط اتحملي على عمرج عسب مايزيد العوق والحجامه تريج بعد واذا تقدرين تسيرين المانيا في معالج الماني يشفيج من جلستين حرمه اعرفها ماشالله شفت على ايده ويييونه الناس من العالم كله وعلاجه كاروبراكتيك بس بروفيشنال مب مثا الغش اللي عندنا والله يشفينا ويشفيج ويشفي مرضى المسلمين

ان شاء الله حد يفيدج حبوبة
للرفع

الله يشفي كل مريض

السلام عليكم بنات
غثيتكم باسالتي مالي غيركم اساله
ولدي الله يحفظه عمره 3شهور وأريد اختنه اليوم أمس وديته دكتورة فبرجيل عنده تحسس وطفح فاخر الظهر واحمرار وهو عنده شعر كثيف فالظهر اخره يعني المؤخّرة من فوق الغريبة قالت لريلي سووله أشعه يمكن عموده الفقري فيه شي بياثر عليه بعدين انا رفضت ما اقتنعت انه الشعر له علاقة بالعمود الفقري فدلوني خايفة وايد علا ولدي

اختي احسلج وديه عن دكتور عشان تطمنين
الله يطمن قلبج أن شاء الله

بشوف بوديه بس منو ولدها عادي ظهره فيه شعر عادي

ذكرتيني فيني اول مااربيت ماخليت شيء ماقلته
بنتي فيها شعر وايد وبطنها مربع كان صدق جي
بس بعد كم شهر شعر طاح كله روحه و بطن اتعدل
صبري عليه بعد بيبي بس ماانصحج فبرجيل من اللي
اسمعه ممم وديه عن دكتور جلديه احسن

اختي اسألي الدكاترة هالاسئلة احسن
وكل طفل يختلف عن الثاني
وانشالله ما عليه شر
بالنسبة للشعر كل العيال يطلع لهم شعر بس اذا انتي تشوفينه وايد فالافضل تسيرين الدكتور وتسألينه والله يطمن قلبج عليه

انا بنتي كانت شعرانيه اول ماطاحت الحين لها 6 اشهر الحمد لله وااايد خفن اغلبه طاح

الله يشافي يارب ومايشوف شر وان شاء الله يلي تعرف ما تقصر

هلا غناتى لا تخفين فديتج بنت يارنى نفس حالت ولدج سفروها براء امس كانت عمليتها

روحى حق الدكتور زيد الدوري في بوظبي فالمستشفي التشخيصي واااايد زين ياغناتى واي شي انا تحت امرج فديتج

الله يشفيه ان شالله

وتشوووفينه عوووود ومتخرج ومعرس وعنده عيال

شر ماييج حبوبة مشكووووووورة

اسم العيادة غناتي؟

ما تقصرين حبوبة ما تقصرين

وين ساروا؟ المانيا او وين؟

اعتقد 20% نســبة بسيطه … ويمكن يتعدل ببعض التمارين والعلاج الطبيعي ..

اختي الكــبيرة سوولها عملية قبل كم ســنة .. يستوي 10 سـنوات ووايد تلعوزت .. ولين الحين تعبانه من العمليه .. بس عندها كان الانحراف واضــح …

ما اعرف شوو اقوولج … راجــعي دكــتور ثاني وثالث وشووفي شوو يقولووون لج

السلام عليكم
شحالكم خواتي ، كنت أبا أسألكم عن دكتور شاطر في عملية الديسك للعمود الفقري في بوظبي لان ريلي وايد تعبان والدكاترة قرروله عملية ، وشو أحسن مستشفى خاص ولا حكومي
واللي تعرف مكان للعلاج الطبيعي اللي يشتغل فيه ريال مب حرمة ،تكون شاكرة
في ناس يقولون مستشفى المفرق أوكي واذا أوكي منو الدكتور و انتوا شو رايكم

بنات عمتي ام ريلي طلع عندها غضروفين فالعمود الفقري اخر فقرتين ولازم تسوي عملية عشان تشيلهم فا اريد مستشفى اوكيه يسوي العملية او حد سواها ويخبرنا وبعد العملية ما تعب بلييييييييييييز

السلام عليكم ورحمه الله وبركاته…اختي الفاضله انا سويت هالعمليه والحمد الله نجحت وكانت من اصعب العمليات في السنوات الي طافت كنت واصله لمرحه اني ماكنت اقدر امشي والحمد الله احين انا بخير …انا سويت العمليه في مستشفى راشد عند دكتور عراقي اسمه حسن حبيب بس هو احين طلع وفتح له عياده خاصه في دبي اسمها عياده الدكتور حسن حبيب انصحج فيه وان شاء الله الله يشفيها.

اختي انا الوالدة كان عندها مشاكل كثيرة في العمود الفقري من ضمنها الغضاريف وسارت مستشفى زايد العسكري وحولوها الى مستشفى في دبي متخصص فقط للعمود الفقري واعتقد اسمه مستشفى العمود الفقري والاعصاب, وسوت العملية والحمدلله الحين هي بخير.

مشكووووووووووووووووووورات على المروور

اتمنى تنصحوني و تفيدوني يالغاليات انا اعاني من ويع في اخر فقرة فالعامود الفقري على مااظن يسمونه العصعص اتويع بالحيل مرات اصيح من الويع وانا متينة مرات من الويع مااقدر ايلس عالارض شو الحل احد يعرف عيادة خاصة في مثل هالامور ساعدوني الله يخليكم

الله يعينج ويعافيج يمكن من الوزن عسب جي يجيسج العوار

انصـــــــــحج بحميه غذائيه

وشكلج بعدج الصغيره

ولحقه ع الالم سوي ريجيم
ونزلي من وزنج

سلامي

الله يعينج حبيبتي بس دام عندج وزن زاااايد معناته من الوزن ,,, حاولي تمشين ,,

حبيبتي انا اعاني نفس المشكلة ..وبديت بالعلاج الطبيعي ..

عليك بالعلاج الطبيعي حبيبتي + الحجامة ولكي طريقة شيكي على الخاص بطرش لك الطريقة اذا ترومين تداومين عليها