كل يوم طبعا اقول بصور لكم شي واتعايز
واليوم شو ياني وصورت ماعرف خخخخخخ
قررنا انا وريلي نروح نتعشى في البر >>> صج متفيجين في هالمطر
عاد هو من كم يوم خاطره في الجاينيز جان اسويه
يلا همتكم قلم وورقه
والتطبيق باجر هههه
المقادير :
عيش ابيض طابخته قبل ومجهزته
بصل – مشروم – بطاطا – ذرة ( انتي حطي انواع الخضروات اللي تحبينها )
وربيان مفور من قبل في ملح وليمون
وبيض اومليت تقطعينه مربعات
الان الطريقه : >>> شو عندها منال العالم
تحمرين البصل في الزيت وتحطين عليه مكعب ماجي كما في الصورة
لاتضحكون على الجدر سبق وقلنا لكم طلعه مفاجئة يعني بسرعه بسرعه ههههه
احينه نضيف الربيان ونخليه ياخذ من ريحة البصل وطعمه
ضفنا البطاطا وقلبناااهااا
ضفنا الخضروات الباقيه وقلبناااهااا >>> جنها استوت قصة لوووول
ضيفي لهم 3 ملاعق طعام صويا صوص
هني عقب ماقلبنااا كل شي مع الصويا صوص
نضيف العيش ونقلب تقليب عدل مدل
اخر شي ضفنا البيض وقلبناه شوي عسب مايتفتت
وعليكم بستين الف عافيه
مطرح مايسري يمري
عاد لاتنسون تدعون لي وانتو تاكلووون
سلالالالالالالالالام
والاهم من يد نبوعه
الله يعطيج العافيه بجربه يوم من الايام وبخبرج كيف كانت التجربه
لا لا لا لا لا لا لا لا لالا لا لالا لا لا لا لا لا لا لا لا ي دواااااام وهو يموت بالجاينيز رايس لا لا لا لا لا لا لا لا لا لا لالا لا لالا لا لا لا لا لا لا لا لا لايوم بيرجع البيت فالج طيب لا لا لا لا لا لا لا لا لا لا لا لالا لا لالا
واسعدني مروركم
