الوسم: الفيلية

كيفكن خواتييي ..عساكن بخير … وعساكن اشتقتن لي لول

اليوم يايبتلكم غدانا اللذيذ … وان شاء الله يعيبكم

وهو عبارة عن

سمج فيلية مع الفيتوشيني ومقبلات خفيفة

يالله بسم الله ببدا بالسمج ..

المقادير ..

– سمج فيلية (جاهز)
– بهارات ( ماماتي حطت بزار السمج وملح وكركم ويمكن خل ..بتاكد منها عقب.. وانا زدت عليه زعتر بري وقت الشوي)

الطريقة ..

قلت لماماتي تبهرهم قبلها بيوم عشان السمج يتشرب الخلطة ..

(نسيت اصور السمج .. ولما بديت شوي اتذكرت اني ماصورته لكم )

شويتها عالشواية … وكنت ارش عليه الزعتر البري .. ولما اجلبه ارش عليه بعد عشان يعطي نكهة ايطالية .. خاصه اني مسوية وياه الفيتوشيني

لاحظوا الزعتر اللي عالسمج … وعلى فكرة مافيه ريحة السمج المعروفه
واروحوا من الدخان الظاهر خخخخ

هني بدا السمج يستوي .. ويتغير لونه ويصير بهاللون الحلووو… والزعتر واضح عليه

وفي صحن التقديم ..

الطبق الثاني هو الفوتوشيني بالمشروم وشوية دياي للنكهة (خواتي ماياكلن سمج)

ماصورت الطريقة لانه وايد طرق مصورة موجوده في النت

المقادير :
– كيسة الفوتوشيني (وهي مثل الاسباجيتي بس عريضة .. للي مايعرف)
– كريمة لايت جاهزة ..
– جبن البيتزا
– دياي مفور ومقطع شرايح متينه ( اذا تبين بالدياي )
– مشروم (حسب الرغبة)
– وبقدونس للزينة (احب الاكل فيه لون)
– ومكعبات ماجي

والطريقة سهله جدا …

– فوري المعكرونة ..
– وتكونين مفورة الدياي ومقطعتنها .. وممكن تقطعينها في الوقت اللي المعكرونه تستوي
– ومن تستوي المعكرونة .. تشخلينها وتحطينها على يمب وعقبها تسوين النقطة اللي تحت لول
– تحطين الدياي + المشروم في اليدر وتحركين لين ماتحسين اللون بدا يتغير .. ومايحتاي زيت
– اتضيفين الكريمة .. وتحركين .. وعقبها مكعبات الماجي والملج والفلفل الاسود او الابيض..وتحركين
– اتضيفين المعكرونة وتحركين وبسرعة تسوي .. مجرد تختلط المقادير ..
– وترشينها بالجبن … والبقدونس
– وتحطينه في صحن التقديم .. واذا برد الفيتوشيني يصير ثجيل مب حلوو ..
– يعني تكونين مجهزة كل شي وعقبها حطي المعكرونة والجبن والبقدونس..

والحين خلنا نسير للمقبلات

فتووش

صالونة خضار ماماتي مسويتنها

عشقي الخضار المشكلة

المشروم المشوي بالزيت الزيتون والليمون

وبعد مابديت اكل اتذكرت وقلت لازم اصور لحبايبي وتساهل عيونهم

وهاي صور ارض جو لصحني … اقربوا حياكم … ونصيحة لاتاكلون شي اذا بتسون هالاكلة

اتمنى انه غدانا عيبكم … ولاتنسون اختكم من دعواتكم اللي عودتوني عليها

وادعولي انه الله يرزقني بالوظيفة المحترمة الزينة

وشاكره لكم مقدما تشريفكم وتنويركم لموضوعي

المشاركة الأصلية كتبت بواسطة أحلى_اماراتية

يم يم الله انا اول وحده وايييييييييييد حلو الطبق وربي يوفقج وتتوظفين

وانا اقوووول من وين ظهر هالنوووور في الموضوع اثاري من احلى اماراتية

نورتي الموضوع خيتووو … واسعدتيني بكلامج الحلووو