الوسم: الفيليه

خواتي مين تساعدني اريد وصفات لطبخ سمك السلمون فيليه
اللي تعرف ما تبخل علي
ويجزاكم الخير

صبــــــاحكن / مســـــاءكن ورد

وانا ف الدوام اتصلتبي اربيعتي توها معرسه يعني ماصارلها شهرين تقريبا وحليلها ماتعرف تطبخ واايد والغميضه ساكنه بروحهاف كل يومين تتصل وتقولي ابا اسوي الاكله لفلانيه علميني واحاول اسهل عليها عشان ماتحرق البيت

ف يوم الاربعاء كانت تبى تسوي غدى حق ريلها وماتعرف اساسا ف علمتها على هالبرياني وماشاء الله عليها ضبطته وريلها عيبه الغدى ..

المقادير :

عيش ( نغسله ونخليه ف الماي على جنب )
سمك فيليه ( موجود ف الجمعيات ف كرتون يكون فيه مال 8 حبات تقريبا بحجم نص الكف )
كركم او صبيغه اللي تلون العيش نص خاشوقه
ملح خاشوقتين حق العيش
زيت 4 خواشيق حق الفيليه وخاشوقتين حق العيش

الطريقة :

اول شي نطلع الفيليه من الكرتون ونحطه ف صينية الفرن ونصب عليه 4 خواشيق زيت وندخله الفرن طبعا يباله مال نص ساعه بس بين كل عشر دقايق نفتح الفرن ونشوف لين احس انه خلاص استوى لونه مايل للبني اييب سكين او شوكه واغرزها ف الفيليه عشان اتاكد انه خلاص ناضي … ملاحظه ( مب لازم نتريا الفيليه لين يروح منها الثلج وبعدين نحطها ف الفرن لا عادي احطها واهي مثلجه )

ثاني شي نسوي عيش مشخول عادي نضيف الملح والكركم قبل لا يفور الماي ونخلي العيش يستوي اصفر نفس اللي ف الصورة وبعدين نشخل العيش ونحطه ف الجدر وعليه خاشوقتين زيت

طبعا للزينه وعشان اضيف نكهة ابهارات خفيفه ويكون الطعم اروع ااخذ بصله وفلفل رومي اخضر وطماطه واقطعه كله شرايح خفيفه واحمسه ع الزيت واحط شوية ملح وبزار لازم ما اخليه يذبل واايد

وهااي صورة برياني الفيليه اللي انا سويته ف البيت

عاد السموحه منكم الصوره مادري بلاهاا واايد صغرتها بس بعدها عوده

صحتين وعااافيه

تسلم الأيادي

تسلم ايدج حبيبتي وبالعافيه عليكم

عقبال مااطبق وصفاتي

تسلمين

تسلمين يعطيج العافيه

ربي يسلمكن

أسماك الباسا

أرجو انتباه الجميع
الموضوع جدي

خلي بالك من الفيليه اللي ملأ الأسواق وبأثمان زهيدة
عافانا الله وإياكم

ظهر مؤخرا في الأسواق بشكل ملحوظ اسماك الباسا الفيلية وحاولنا ان نلقى الضوء عليها وما هي هذه الأسماك وما نوعيتها وكيف تتغذى
إنها لا شك قصه كفاح لمزارعي هذه الأسماك وكللت بالنجاح على الرغم من تحفظي على أكل هذه الأسماك ولكن لابد أن نعترف بنجاح الفيتناميين في اقتحام السواق بهذه الأسماك التي نافست جميع أنواع الأسماك
ما سر هذه الأسماك

سمك إلباسا

يكمن السر في نجاح الفيتناميين في تصدير هذه الأسماك الى إصرارهم على فعل شيء
احضر الفيتناميين خبراء فرنسيين أقاموا لهم أقفاص سمكية بسيطة ووضعوا بها اسماك إلباسا
وتم تغذيتها على كل شيء (نعم كل شيء)
بواقي الأرز الزائد
بواقي أكل البيت الزائد
حتى الفضلات والحيوانات الميتة (وهذا ما يقززنا منها)

وتم إنتاج الأسماك
وعمل المزارعين وفتحت الأسواق
وبدأت حالة من الازدهار

ولكن في النهاية زاد الإنتاج وفاض فبدأت مشكلة المنتج ذو الكمية الكبيرة
وبدأت حالة الركود

فكر المزارعين وبدؤوا في فكرة تعبئة وتغليف الأسماك

قطعوا الرأس
ونزعوا الجلد والأحشاء ودرجوا الأسماك على حسب لون اللحم
هذي اللي تباع على إنها فيليه هامور

غزوا بها أنحاء العالم

ونجحوا في هذه الخطوةولن يقفوا عندها

هذه الأسماك منتشرة بكثرة فى السوق المصري والسعودي وتباع فى كبرى السوبر ماركت،

على فكرة سعر سمك الفيليه هذا في أسواق يباع بـ 10 ريال
على فكره هذه الأسماك منتشرة عندنا وتباع في المطاعم على انه فيليه هامور و يا غافلين لكم الله

منقول

استغفر الله

يزاج الله خير

تسلمين حبوبه

يزاج الله خير

ضني بعد موجوده عندنا فالجمعيات

احنا ناخذ السمك الفيليه من كــارفور .. ومااعرف اذا هو نفس هالنوع ولا غير

بس صراحه سهـــل فالطبخ وااااااايد يختصر الوقت … وطعمه حلو

احطه فالفرن بس ربع ســاعه ويكون جـــاهز