الوسم: القرار

السلام عليكم ورحمه الله

اليوم عندي مشكله بس ماتخصني تخص اختي

اختي اكبر عنيه وجامعيه مشكلتها انها ماتقدر تتخذ قرار

وبالاخص قرار الزواج … تقدم الها اكثر من واحد ودوم ترفض

بحجة انه مايناسبها او ماينفع لها او تقول يمكن يخطبني احسن عنه

لا مواصفه مش حلوه لا بعدني مب مستعده ودوم جيه وبعدهم يتقدمون الها

حاليا متقدمين الها 2 الاول مواصفاته حلوه بس مامرتاحه من جهته الثاني الله اعلم

للحين يسألون عنه ولما تفكر او نسألها تقول مدري

ولما نطمنها ونقول اناشاء الله يكون هو الاختيار الصح بيسعدج والولد مامنه شين

تترد ابى حل كلمناها وامايه رمستها بس ماشي فايده ماتعرف تتخذ قرار

بغيت الحل وتسلمون خواتي ادريبكم ماتقصرون …

خليها اتصلي الاتخارة .. وأمج بعد تستخير .. وإن شاء الله الله بييسر لها

قوليلها .. إنه الله يوم يريد يستوي نصيب ويهني الطرفين في بعض .. ومافي إنسان كامل .. يعني لا اتدقق على عيوب

بسيطه .. ماتأثر في حياتها .. اطنشها .. وبس

إن شاء الله البنات بيفيدونج أكثر عني

^^^^^^^^^^^

^^^^^^^^^^^

^^^^^^^^^^^

الاستخارة في البداية

وخليها تدخل دورات في اتخاذ القرار

وااااااااااايد ناس اعرفهم دخلوا هالدورات واستفادوا في حياتهم

يمكن البنت صدق مب مستعده او ماتفكر بشكل جد بالزواج
انا جذي اذا خطبني حد اتردد مليوووووووون مره
بس في اموري الثانيه اقدر اتخذ قراراتي بكل سهوله

سلمتوااا خواتي ع الاراء وبغيت اراء الباجيات
وعن سالفة مب مستعده هي تبى تعرس بس مب عارفة تحدد موقفها

يمكن هي تتمنى الزواج من شخص معين في بالها و مب قادره طبعا تتكلم او تسوي شي

و يمكن البنت تخاف تتخذ قرار مثل هذا بهالسهوله لان ها مصيرها و هاي حياتها…

الله كريم ^^

الله يفرج همها يارب

ياليت تفيدني خواتي
قررت اسوي تلقيح استطناعي
عند الدكتور فقيه في دبي الجميرا
شو رايكن
وكم نسبه نجاح العمليه بعد التوكل ع الله

وادعو لي ان سويتها تنجح
استغفر الله الذي لا اله الا هو الحي القيوم واتوب اليه
لا حول ولا قوة الا بالله العلي العظيم

الله يرزقج ويرزق كل محررررووومه يارب

الله يرزقج بالذريه الصالحه ..والله يعطيج ع قد نيتج

استخيري وان شاء الله الله بييسرلج أمرج

والله يرزقج ان شاء الله بالذريه الصالحه المعافاه

صلي استخاره وتوكلي على الله
والله يرزقج الذريه الصالحه

الله يرزقج بالذريه الصالحه ..

ان شاء الله ربي يوفقج ان شاء الله

وتفرحين وتبشرينا في القريب

بخصوص النسبة طبياً تعتبر أقل من الأنانبيب & التلقيح الصناعي

بس لمن تكون مشكلة بسيطة في الحرمة والرجل سليم يسون هـ الطريقة

وفي ناس وايد نجحت وياهم من المرة الأولى

عسى ربي يفرح قلبج اللهم آمين

السلام عليكم خواتي أمس سرت عند دكتور وليد جيكلي على الرحم وقالي مافي حمل تم الاسقاط كامل وانه مافي سبب للاسقاط لصارلي غير وجه نظره كثره الطيحه وعدم الحركه والخوف والقلق ونصحني اني أسويها في رمضان بما أنه موعد عيادتهم من 9 فليل لين 4 الفجر وقالي في رمضان شهر بركه ومافي زحمه وشغلنا كله بليل مابنفطرج ولا شئ فكري وخبريني بعد الدوره لبتيني شو رايكم طبعا أنا أكيد بستخير يوم بطهر بس مادري محتاره وخايفه من التجربه استغفر الله واحيانا أقول يمكن صدق وانا صايمه وشهر الخير انشالله ربي بيرحمني ويستجيب لدعائي وأحيانا أقول خلها عقب العيد افضل أكون ريحت وتقربت اكثر من ربي في رمضان وسكنت نفسي من القلق والخوف لفيني وقلت بعد امتسح واغير الحرمه لتحيمني وبعدين بطاقه ثقه هذه آخر محاوله هذه السنه لانه مثل مب أنتو عارفين لج ثلاث محاولات في السنه شوروا عليه والله مب عارفه افكر وانا موضوع اطفال الانابيب محد يعرف عنه لا من أهلي ولا من أهل ريلي يعني بكتمان تام بس الدكتور يحليله يوم شافني فهالحاله قتله عطني ابر تثبيت من البدايه وحبوب اسبرين واي شئ يخلي البيبي مايطيح اذا صار حمل قالي لانتي تبغينه انا بسويه عشان ترتاحين بس مابغي اشوف الخوف لفيج عشان بأذن الله تنجح العمليه وقالي ماتمين طايحه اذا سويتيها غير 3 او 4 ايام بس عقب مارسي حياتج بشكل طبيعي مع بعض الحيطه على قولته شو رايكم .

الله يرزقج ذريه صالحه

سبحان الله وبحمده

مادري ليش خواتي احس انه عندي الاجسام المضاده ليش الحمل مايثبت من أعرف النتيجه

اللهم فرح قلبي و انس وحدتي و نفس كربتي و فرج همي و ازل ضيقتي و عوض صبري و قر عيني بطفلا صالحا معافا ليس في خلقه زيادة او نقصان
اللهم اميين

امين

ربي يفرح قلبك ويفرج كربك ان شاء الله عليكي بالدعاء والقران فيه شفاء للناس جميعا

والله ما أعرف شو أقول لج

بس نصيحتي ما تطلعين من بيتج وتكبرين الموضوع

والريال يبا يحصل الدقة عشان يغلط

وعاد تودرينه يمكن يتحراج بتخبرين هلج عن السالفة فيتغدى بج قبل لا تتعشين به ويخبر هله

وبجيه بتكبر السالفة

بس لو انتي عارفة إنه ريلج ما يطلع الرمسة.. بتكونين متطمنة أكثر

كثري من الاستغفار هالوقت

ورمسيه إنج بتروحين بيت هلج عسبت الحلفة

بس لا تفرطين في ريلج

وعقب اختاري وقت مناسب وتناقشي معاه عن أمور ولدج

والله يديم المحبة بينكم يا رب

انا اشوف مواجهة المشاكل احسن من التهرب منها و روحتج لبيت اهلج ما بتغير شيء
لازم تقعدين مع ريلج وتتفاهمين معاه ولا حاولي تغيرين من اسلوبج وتخففين من عصبيتج احسن

أختـــــي فلوووونه مشكوره الغلا بس أعرف ريلي ما بيخبر أهله اني زعلانه ،،، ومره ثانيه مشكوره حبيبتي

كلي دلع // أنا روحي ما أدري شو صاير بي كله اتنرفز بس أبد ما أعصب عليه ،،، مشكوره فديتج

حبوووبه لا اتكبرين الموضووع .. يعني هو امخبرنج انه يوم يعصب ما يعرف حد .. خلاص لا اتعصبين فيه يووم بتشوفين انه بدا يعصب اسكتي عنه وخليه ..

توج تمدحينه فلا اتخلين اشياااء صغيره اتخرب عليج .

وبعدين عن دلع ولدج .. اختي هذا يااهل توه صغير شو دلوع وما دلووع !!!!!!!! خلي ابوه يدلعه مافيها شي ..
والله ما عرفنا لكن .. يااا يكفخ عيالكم ويظربونهم ظرب اليهد وما يعيبكم .. ويااا يكونون حنونين عليهم ويدلعونهم وما يعيبكم !!

احمدي ربج اختي غيرج .. ينظربن هن وعيالهن ومب امحصلين هالمحبه ..

.

حبيبتي محد كامل في هلدنيا ……

هونيها وتهون وانتي امسكي اعصابج دام ريلج عندج

انا يوم في بوظبي ارتاح اكثر اهني كله حارق اعصابي وياج

المفروض مايقولج هالكلام المفروض يكون مشتاق لج
طول الاسبوع هو بعيد ويوم يرجع يعصب ويقولج راحته في بعدج
والحين عطيتيه مجال يرتاح منج وانتي فبيت اهلج
عزيزتي عوديه مايرتاح الا في قربج

سمعتو بالقرار اليديد من اليوم الفجر فالشارجه وضواحيها ومادري يمكن فالامارات الثانيه

صلاة الفجر بتكون بس اذان واقامه وماراح ااتكون جهريه كله عسب الكفار حسبي الله عليهم استغفر الله الذي لااله الا هو الحي القيوم واتوب اليه….

الله المستعان حسافه عليج يابلادي

شو هالقرار وين الأوقاف عن هالقرار ……

حسبي الله ونعم الوكيل ……

شوووووووووو هااااااااااااا لا حول ولا قوة الا بالله العلي العظيم

معقوله!

حسبي الله ونعم الوكيل للأسف دولتنا تحسب حساب حق الكفار بس حق شعبها المسلم ودينها للأسف حسافه والله

لا اختيه

اذا ما نزلزا الخبر في تايرايد

اكيد بتكون اشاعة

هلا خواتي

انا اعرف ان برنامج "القرار" على الـmbc ينحط يوم السبت ، بس بغيت اعرف متى تكون الاعادة؟؟؟

ومشكورات

اعتقد يعيدونه اليوم اللي بعده العصر

حبووبه لاا تتسرعين في اتخااذ اي قراار هذي عشرة عمر …يمكن ازمه و تعدي اصبري عليه

و الأفضل انج تقعدين معااه و تتناقشين معااه في الموضوع … و يمكن حيااتكم استوت روتين ملل بالنسبه له

فحاااااولي انج تغيرين من هاا الروتين

اصبري حبووووووبه ان شااء الله بي يوم و بتفرج

اقري البقرة وصلي القيام بنية هداية زوجج والله يهدي

الله يعينج على هاي العيشه ..
بس اتقربي من ربج اكثر في صلاه قيام الليل
وعسى الله يهديه

اتكلم معاه بكل صراحة و هدوء و شوفي شو هيقول و خذو القرار بهدوء

و ابعدواشو عن بعض يعني سيري عند اهلج شوي 10 ايام و ردي و شوفي شو هصير

و ان شاء الله خير

السلام عليكم

خواتى مثل الكل ما عرف عن القرار اليديد بان عيالنا لازم ايداومون الين 21/6

والقرار هذا ياى من الوزاره مش من المنطقه التعليميه

لازم الجميع يتحد ونشتكى سواء بالأتصال الى الوزاره

او من خلال البث المباشر على الاذاعه
لانه صدق حرام

اليهال مخلصين منهج ومخلصين حفل تكريم الاوائل لنهايه هذى السنه فشوووووووووووو
الداعى للحضور والدوام فى عز الحر
يعنى ما فى سبب مقنع لهذا القرار

ولما اتصلنا على المدرسه اتصوروا شووووووووووووووو
يقول المدرسين

ايقولوا نحن مخلصين المنهج بس شووو انسوى هذا القرار الى وصل

يعنى حتى المدرسين مقهووووووووووووووووورين من هالقرار

الحين كل ام لازم تشارك ولو باتصال الى الوزاره فقط لنعلمهم باننا غير راضين عن قرارهم
عساهم بس يحسووووووووووووون

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ

عزيزتي

طنشي الوزارة وشوبيسون بسقطون اليهال؟لاااا

والابنقصون درجاتهم

بس عادالجوحار ويسيرون ع الفاضي والله انا من ثاني اسبوع من شهرخمسة ماطرشتهم

وحتى امتحانات الابتدائية من صف اول لي الثالث ترا مب محسوبة ولاطرشت عيالي

حبيبتي طنشيهم وخلي عيالج بالبيت
وايد مدارس والله بعدهم مداومين مع انه ماشي شئ ولايدرسووووون

وصدقيني حتىالمدرسات والمدرسين يتمنون محد يسيرالمدرسة
عاد انا ووايد امهات مطنشين
الحين محد يسيرالمدرسة الا الامتحانات

الوزارة اصلا يوم بتسال ليش محد مداوم ابسط اجابةالاهالي ماطرشواالعيال شوبيسون؟

فنصيحتي لاتطرشين حد

انا ويا الاخت بس بعد لازم كل الاهل يطرشون رسايل وصدقوني يوم بيشوفون الرسايل بيغيرون رايهمم

وانا معاك يا أختي …

يا ليت و الله … بس عاد انا مب ام… انا مدرسة رياض اطفال … و امخلصين منهج … و الأهالي
كل يوم محتشرين علينا …
طنشناهم صراحة و سوينا اليوم حفلة حق اليهال و عطيناهم الهدايا .. و قلنا حق الاهالي ترانا امخلصين
و جان تبون اتيبون عيالكم المدرسة حياهم (اونه عاد) .. و مناك محد ياي…

بس شو سوينا … ما عطيناهم شهادات عسب ماحد يقول انه نحن نهينا الدوام….

تخيلوا انه انا الموجهه حظرتلي يوم الاحد… مافي إلا كم من واحد… و المنهج امخلص…
لا و ناوية اتيي شكلها حق بعض المدرسات.. تستهبل…

لا حول ولا قوة الا بالله ..

كل يوم طلعو لنا قرار ..

احيد ايامنا كنا نخلص شهر خمسه ونداوم شهر تسعه … احينا حتى اليهال يداومون ليه نهاية ستة .. ويداومون شهر ثمانية .. وين عايشييييييين ؟؟؟!!

مساكين هاليهال بيكرهون المدرسة ..

الله يستر يوم بيكبر ولدي كيف بيصير الدوام …

الصراحة المفروض أولياء الأمور يعترضون وما يرضون بهالقرارات ..

معظم المدارس طنشو القرار وغيبوا عيالهم

اصلا ما يقدرن يداومون في هالحر بعدين ليش يداومون دام انهم مخلصين المنهج

جزيتي الجنة على الطرح

يزاج الله كل خير اختيه

جزاكم الله خير

يزاج الله الف خير عالموضوع المهم …

اللهم احسن خاتمتنا … وثبتنا عند السؤال …

جزاك الله خيرا

——————————————————————————–
طرق نشر ثقافة القرار في البيوت

1/ الخوف من الله تعالى والتذكير بما أعده الله لمن أطاعه واتبع أمره ، والتذكير والترهيب بما توعده الله لمن عصاه وخالف أمره .

2/ عن طريق التوعية في المدارس والجامعات بأهمية قرار المرأة في بيتها ، والسلبيات المترتبة على خروجها من المنزل .

3/ من خلال العودة إلى القرآن لأنه نقطة البداية التي ينبغي أن نبدأ بها ليتم التغيير الداخلي المنشود ، وذلك بتدبر آياته والعمل به ، ومن ذلك قوله تعالى :" وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى " سورة الأحزاب33 ، ومن هذه الآية نعرض سير أمهات المؤمنين والصحابيات في استجابتهن لأمر الله لهن بالقرار في البيوت ، وتطبيق ذلك عملياً ، وأيضاً ذكر قصص من أمهات السلف الصالح.

4/ بإقامة المحاضرات والندوات واللقاءات مع العلماء وطلبة العلم والدعاة في المساجد ، ودور التحفيظ والأماكن العامة لبيان هذا الأمر وأهميته وأثره على الأسرة .

5/ طباعة الكتب والمطويات التي تتحدث عن مدى تأثر المرأة والأبناء والبنات والأسرة عموماً ، بخروج المرأة للعمل وترك بيتها .

6/ قيام أئمة المساجد بالحديث عن هذا الموضوع ، وتنبه عموم المصلين لهذا الأمر عن طريق خطبة الجمعة .

7/ عن طريق الإذاعة والفضائيات الهادفة ، وذكر الإحصائيات في هذا المجال .

8/ بالمقالات التي تكتب في الصحف والمجلات .

9/ يجب توعية المجتمع والتركيز على أن العلم والتعليم خاصة بالنسبة للمرأة يفترض أن يكون للرقي بمستوى المرأة العلمي والثقافي ، وقبل ذلك الديني ، ورفع الجهل عنها وإعدادها لتكون أما صالحة قادرة على إنشاء جيل يتحمل مسؤولية النهوض بأمته .

.. هذا والله أعلم وصلى الله وسلم على نبينا محمد وعلى آله وصحبه أجمعين ..

يزاج الله الف خير الغالية