الوسم: القنبلة

السلام عليكم ورحمة الله وبركاته000
كيفكم بنات هذه أول مشاركة فعليه لي في هذا المنتدى ففكرت أيش أقدم هديه لبنات ألمنتدى ومالقيت الا هذا القناع اللي ميزني بين صديقاتي وأهلي الكل من يوم يشوفني أول سوأل يسالنيه أيه استخدم لوجهي عشان يكون كذا مليان مع أن جسمي رشيق كيف حققت هذي المعادلة لاني بعد الرجيم وجهي نحف وفكرت في شي يملي وجهي وقدرت اني أوصل للمعادلة الصعبه والحمد لله وهي وجه مليان مع رشاقه وهذا القناع يابنات والله يخلي وجهك مليان ونضر ومورد مع بياض بدون مبالغه ومن أول أستخدام ويخليك ي نانسي كأنك حاقنه كولجين وراح أخليكم مع مقادير قناعي لاني باين طولت عليكم ومقاديره هي ملعقه حلبه مطحونه +ملعقه ترمس مطحون +ملعقه خميره فوريه+ثلاث ملاعق لبن زبادي تخلط وتوضع على الخدود لمدة ساعتين او ساعه ونصف المهم يكون القناع رخوا وكثيف ومتماسك ولاكن ليس قاسي لكي يسهل فرده على الوجه ويستفيد منه الوجه وكل ماكررتيه في اليوم يملي وجهك اكثر انا أعمله مرتين ورى بعض عشان أحب الوجه المليان واعمله قبل كل مناسبه أو عند الخروج جربوه واللي عندها أي استفسار أنا تحت امركم حبايبي واللي تستفيد لاتنسى تدعيلي أن الله ييسر أمري ويرزقني بالزوج الصالح ويوفقني وقلولنا رأيكم في القناع حبايبي للاستفادة وشكرا 00

تقصدين الترمس الحب الابيض:22 (4): يخل

الويه مليان كيف يعني مغزز:22 (12):

حبيبتي ام مهيره الترمس يبيض ويصفي والحلبه والخميره تملي وتورد الوجه واللبن للتبيض ويعطي نضاره للوجه جربيه وأعطيني رايك قلبي 00

تسلم يمينج الغلا

تسلمين على الموضوع
راح احاول اجربه
بس المشكلة انه ياخذ وقت طويل
نجرب و نشوف

خليجيه بالعكس ماياخذ وقت طويل حطيه على وجهك وانتي قاعده على الكمبيوتر وترآه يستاهل التجربه لانه يخليك أحلى من القمر بشويه (شايفه نفسي صح) امزح بس والله نتيجته رووووعه

شو المقصود بالترمس مافهمت هذا المدور الأصفر اللي يبيعونه بدرهم في جيس صغير ؟!!!!

تسلمين الغالية