أنا أول مرة أنزل موضوع في هالقسم
يا ريت ألقى رد من كل الحلوات
وسالفتي إني اعاني من كلف في ويهي من سنة تقريبا
وقبل كانت بشرتي صااافيه وبيضاء والحمد لله
بس من ركبت اللولب الهرموني صار لي جيه
هل حد منكم صار معه نفس الشي ؟؟
وهل اللولب هو سبب الكلف ؟؟
وشو الحل في نظركم ؟؟ مع العلم اني اسوي علاج في مركز متخصص .. خف الكلف بس ما راح كله
بليز ساعدوني ترى وااايد نفسيتي داون من هالشي
بس ما اعرف عن اللولب
ليش تركبين لولب …..استخدمي اللصقات وايد أسهل ….شوفي بالصيدليه
عزيزتي أشكرك على المشاركة
بالنسبة للصقة فيه فتوى تحرم استعمالها .. ابحثي في النت وبتحصليها
وسبب التحريم إن اللصقة تخيها أكثر من يوم .. يعني لماتغسلي من الجنابة
ما يلمس الماي المكان اللي تحت اللصقة وبالتالي فالغسل غير كامل والطهارة لم تكتمل
هاذي تناسب الأجانب عزيزتي ..
لانة يغير الهرمونات