اليوم نقاشنا حول الاجهزة الحديثة للبشرة
رجاء لا ترمسون عن الكريمات / لا ترمسون عن التقشير الكيميائي بالكريمات
نقاشنا فقط عن الاجهزة و تجاربكم وياها
مثلا : تقشير الكرستال – التقشير الالماسي- الديرمابن – الديرمارولر – الليزر الكربوني سبكترا- فراكشنل ليزر او أي جهاز يديد تعرفونه ………..الخ
هاي كلها اجهزة
كل وحدة ترمسنا عن تجربتها بجهاز معين عالج لها البقع او المسامات او الكلف او حفر
و سعره و شو نتيجته و كم جلسة كملتوا عليه ؟
انا جربت تقشير الكرستال و الالماسي ——–> هم بديل للفيشل فقط لا يهش ولا ينش وما جفت ان يعطوني نتيجة حلوة في التخفيف من البقع او المسامات بس عطاني نضارة خفيفة و لمعة ف الويه و كملت عليهم تقريبا 6 جلسات ( و بديل حلو للحوامل لان ما يضر الجنين ابدا ) الجلسة ب 300 درهم كان عليه عرض و في عيادات ع 500 درهم
جربت الديرمابن ———–> جربت 4 جلسات و حسيت في تحسن في المسامات صغروا عندي اما البقع شرات ما هي ( بديل حلو للحوامل لانه ما يضر ) – اول شي ينحط مخدر ع البشرة و عقب يمرر الجهاز ع البشرة و بعد الانتهاء تحط لج الممرضة سيروم ع البشرة عسب يغذيها.
انا قلت بكمل عليه حاليا لاني حامل و وقفت كريماتي الخاصة بالتقشير لانها مضرة ، باكج 4 جلسات ب 1200 درهم عرض
ربيعتي جربت السبكترا ليزر الكربوني ———-> جربت جلستين وما في اي نتيجة تذكر ابدا و الجلسة ب 500 – 600 درهم
يمكن المفروض تكمل كورس جلسات ما ادري 
جربتنا و كملت اربع جلسات أو خمس جلسات
الجلسة ما اتذكر على جم بس سويتها
في عيادة في أبوظبي ،،، ما بين ال 400/600 درهم
اجوف تجارب وااايد تشترينه و تستخدمينه 5 دقايق كل يوم اذا في تجاعيد او 3 دقايق للصفاء
انا ناويه اخذه و اخبركم النتيجه ومحصل براءه اختراع من المانيا لان تهز البشره وااايد وتساعد على زياده الكولجين و توصل 70 % من الالكريم للبشرة
انا الصراحه ما جربت ولا واحد ف ماعرف الحين طالعه اشياء وايد بس الواحد ما يعرف شنو يختار او اللي بينفع صج
… انا اول مرة اشارك في المنتدى .. وان شاء الله على طول ..
المشاركة الأصلية كتبت بواسطة أم محـمـد 
