الوسم: الكهرباء

مرحبا خواتي إن شاء الله في هالفصل القادم بيكون عندنا مشاركة كبيرة وعلى مستوى لحملة ترشيد المياء والكهرباء فإلي حابه تساعدني بفكرة وتدلني على مواقع تفيد وتساهم في صنع المطويات أو كتابة مسرحية أو …..إلخ
لا تقصر والله لا يحرمنا من إبداعاتكم ..
أنا اترياكم لا تنسون الأفكار الإبداعية
ولكم جزيل الشكر…

شو الأشياء المطلوبة ولأي مرحلة ومتى موعد المسابقة وهل هناك شروط

عزيزتي كل فكرة جديده تسهم في استهلاك الماء والكهرباء وتوعية الناس مقبوله والمده من هالكورس إلين تقريبا شهرين

المرحله إعدادي

السلام عليكم..

انا بسافر اوروبا ان شالله وبيلس في فندق لمدة اسبوع.. وعندي ولد عمره سنه ونصف وجبته الاساسيه عيش ورورب…
مايحب لا السيريلاك ولا الاشياء الجاهزه..

ابا اعرف كيف ممكن اطبخله العيش في الفندق؟ هل في جدر خاص بالعيش يشتغل على الكهرباء بس يكون صغير؟ مابا اشل شي عوود وثقيل

أو مثلا فرن كهربائي صغير؟ ووين ممكن احصل هالاشياء..

بشل ويايه بعد اللي يسوي البيض المطبوخ.. حجمه صغير ووزنه خفيف .. شو ممكن اشل بعد؟

لاني ابا اخذ راحتي في اختيار المطاعم يوم بناكل مابا اتم ادور مطعم فيه عيش بس عشان خاطر الامير الصغير

ممكن تاخذين معاج .. المشكله ما اعرف كيف اوضحه لج .. يكون مثل مربع صغيريشتغل بالكهرباء وتحطين فوقه جدر ولا اي شي عشان تسخنينه وحرارتخ الصراحه اوك على حجمه ..

يوم اروح السعوديه اجوفه في الغرف واهنيه بتحصلينه في الجمعيات الكبيره

مشكوره جني اتخيلت اللي تقصدينه.. شكلي بسير ادوره اليوم في الكارفور

واذا حد يعرف شي خاص لاكل اليهال وخصوصا العيش ما يبخل علينا

حبوبه سيري كارفور بتلقين من كل الاشكال والاحجام

تروحين وتردين بالسـلآمه

في جدر كهربا للعيش ماركة تيفال .. واايد زين .. خاص بالعيش والاكل اللي ينطبخ بالبخار بعد ..

الغالية جدر الكهرباء الصغير موجود في الجميعة او كارفور
الجدر حلو تتقدرين اتسوين اللي تبين فيها يعني اذ بغيت خضار على البخار يستوى وبعد العيش وبعد ممكن اتفورين بيض فيها وممن اتسوين شوربة فيها يعني هو اللي ينفعج

اتروحون واتردون بالسلامه

خواتي العزيزات ما اعرف اذا كان القسم المناسب لطرح المشكلة اللي أعاني منها هي طبعا علي فترات أني اكهرب اللي حولي اذا سلمت علي حد نتكهرب واذا سرت الجمعية ما اقدر ادز العربانة تكهربني ما اعرف شو السالفة

اللي عندها فكرة لا تبخل علي *

اشتري الاسواره

Trion Z

وبتروح عنج الكهرباا

اذا ماعرفتي شو هاي سوي كوبي للاسم في قوقل

هلا ختيه يمكن الشحنات عندج وايــد شي طبيعي حبووبه انا يوم انام ايدي تتكهرب رووحها مدري من شوه

:S اول مره اسمع عن هالشي

فيج طاقة زايده *.*

مادري والله حبوبه انا نسيت كيف اتكهرب مع حد << الحمدلله

جربي الاسواره اللي قالت عنها الاخت نادره

يبيعونها فالصيدليات الكبيرة امم هنيه فالعين على 169 الاسوااااره الوحده اونه لانه فيها مغناطيس و و و

المهم جربيها

وان شاء الله تخوز عنج الكهربااا

ماعندي فكرة حبوبة
الله يشفيك
للرفع

انا بعد يصادفني هالشي !!

والله يا ختي ما عندي اي فكره .. اصلاً اول مره اسمع عن هالشي .. ان شاء الله البنات بيردن عليج ..

هههههههههه ان شاء الله البنات يفيدونج

اذا عرفتي خبريني لاني ناوية اسوي ليزر حق جسمي كله بس يوم سمعت عن هالتقنية غيرت رأي

مرحبا اختي انا جربت هده التقنية
عندي تقريبا شهرين لان عندي شعر اشقر لا يتجاوب مع الليزر و الحمد لله راضية بالنتيجة
و هي تقضي عل الشعر نهائيا من اول جلسة
و هده طريقة عملها بالتفصيل
إزالة الشعر بالكهرباء

[IMG]إزالة الشعر بالكهرباء[/IMG]

1) تخترقوإبرة خط الشعر
2) يمرر تيارالكهرباء للجريب
3) ينزلق الشعر بسهولة من قناة الشعر

مع العلم ان هده الطريقة ليس حديثة بل قديمة

على استعمال مسبر اشبه بالابره يدخله الاخصائى فى جريب الشعره بعد التاكد من ان المسبر قد غرس جيدا فى فتحة جريب

الشعره ثم يمرر فيها تيار كهربائى ضعيف وذلك للسماح للكهرباء بالوصول الى الجريب وان استعمال هذه الطريقه يسبب

احتراق وتدمير جزور الشعره فيدمر الجريب ممايسبب عدم نمو الشعره مره اخرى وبعباره اخرى ان استعمال الكهربائ تزيل الشعر الى الابد

وهذه الطريقه هى نعمه وخاصه للنساء اللواتى يعانين من كثافه الشعر وعلى الرغم من ان هذه الطريقه تؤدى الى ازاله الشعر

الى الابد فقد سجلت هذه الطريقة أفضل النتائج الإجمالية لنزع الشعر الا ان لها سلبيات فهى تاخذ وقتا طويلا حسب

كثافة الشعر الغير مرغوب فيه بحيث على الخبيرة تدمير كل شعرة على حدى ويمكن ان تسبب ظهزر الندوب والحفر

وتترك علامات خلفها وتتطلب ايضا اخصائيه متمرسه

بكم اختي اتسوينه بروح اسوي ويهي وافتك
وجزاج الله الف خير على ذكر الموضوع

بنات نحن عندنا جوولة عالغاز .. عادي نفس كل البيوت .. وامس نقع ..
وصار لما نشغل العين النار تولع لين سقف المطبخ ..
وبياخذونه يصلحونه وقالوا لنا يباله اسبوع على الاقل ..

قررنا نشتري تشوولة على الكهرباء .. بس مانعرف شو احسن نوع ..
لان الكهرباء ما يسخن بسرعه ولا يطبخ زين ..
فاللي عندها وتستخدمه بليــز تقول اي ماركة …
بنات انا ما اقصد فرن .. اقصد تشوولة بوعيون اللي نطبخ عليها مع فرن .. يعني نفس اللي على الغاز بس هاي بالكهرباء

حبةبة الخلل موب من الغاز

الخلل من الجدار مالكم ..

الظاهر فيه زيت ع الطوفة ..

حاولوا تضبطون المطبخ واتيبووون صباغ يعدل الجدار

وان شاء الله ما بيصير الا الخير

ماشي زيت … المطبخ كله جدرانة سيراميك .. ودوم نغسله بالليفه .. مادري جان زيت عالق في الشفاطه؟؟
بنظف اليوم وبنشوف .. بس الغاز شلوه بيردونه بعد اسبوع .. واليوم فطرنا سمبوسه من المطعم ما طبخنا شي هههههههههههههههه

السلام عليكم ورحمه الله وبركاته
اختصاراً خواتي تجهز بيتي اليديد وما اعرف شو نوع الطباخ اللي اخذه غاز والا كهرباء ؟؟؟ واذا في ماركه معينه تنصحوني بها وشكراً

مبروك البيت اليديد ماادري انا استعمل الغاز ما ادرى عن الكهرباء ان شاء الله البنات يفيدونج

احس الاغلبية غاااز

مبروووك
بيت عامر إن شاء الله
عن نفسي افضل الغاز حجم كبير عسب يسعفني في طبخ الصواني الكبيره واللحم أو شوي الدياي ‏
وإذا عن الكيك والبسكوتات والحلويات بشكل عام استخدم فرن كهربا صغير يساعد الكيك يطلع كله نفس اللون
الغاز الحجم الكبير خذيناه من جمعه الماجد ‏ اسمه جليم جاز باشعال ذاتي ونظام حمايه للاطفال ‏
والفرن الصغير بتحصلينه في محلات الايرانيه إللي يبيعون اغراض البيت والمطبخ وسمعت مره اشتريه فيه مروحه يساعد على توزيع الحراره بشكل متساوي

موفقه

للرفــــــــــــع

أستغفر الله وأتوب إليه

للرفع

مشكورات خواتي ما قصرتن

السلام عليكم ورحمة الله وبركاته
خواتي لو سمحت بغيت اعرف كم معاشات بنات ثانويه لي يشتغلن في كهرباء في العين ضروري ضروري

ليش محد يرد عليه بنات ضروري

الغاليات فديتكن أقدر ادفع فاتورة الكهربا عن طريق الانترنت
انا في عيمان..
لو اقدر حد يعرف الموقع ؟؟
الي تساعدني يزاها الله خير

ما عرف

مشكورة على الرد … للحين ما نزلت هالخدمة في موقعهم

خواتى الكريمات فاتورة الكهرباء اليوم واصلة لى البيت ب1195 وانا مطلقة وعندى عيال وبيت ….راجعتهم وقالو لى هذا بعد التخفيض الى تعرف حد يشتغل فى الكهرباء فى الشارجة تخبرنى اباهم ينزلون لى السعر الى 500 درهم عندى ديون ومتأزمة …ورافعة قضية على طليقى فى المحكمة علشان النفقة لانه ماينفق على ولده …..الى تقدر تساعدنى تخبرنى ولها دعوة بظهر الغيب

سبحان الله وبحمده سبحان الله العظيم

للرفع

للرفع

للرفع

للرفع

الله يكون في عوووووووونج

الله يجزيكي الخير

واياك .. بارك الله فيج

الله يفرج همها يارب صراحه البنات ماقصرن بردودهن المفروض الواحد ياخذ لخوه المسلم 99 عذر فان لم يبلغ فنه هو المعيب الله يهدى الجميع ويفرج هم كل مهموم

يزاج الله خير حبيبتي وما قصرتي

وللاسف هذا حال معظم الناس .. الاتهام بدول دليل
وكل واحد راح يتحاسب عن كل كلمة قالها

والله يالغلا

من كثر ما نقرا مواضيع اللي يشحتن من عير حاية

ما قمنا نعرف الصادق من الكاذب

اتمنى انها تسامحنا اذا غلطنا عليها وجذبناها

لان فعلا ما قمنا نعرف الصادق من الكاذب

الله يفرجها عليهم ويسخر لهم من يساعدهم

هلا اختي
صح يالغاليه
بس المفروض الواحد ما يقط كلام وهو مب متأكد منه
على الاقل كلمة طيبة .. حتى لو ما بساهم
المشكلة إنهم يجرحون الواحد .. الله يعينهم بس
يزاج الله خير