السلام عليكم
انا ميته قهر واحس انه مالي حظ بالدراسه
انا خريجة 2024 مادرست يعني بسبب ظروف بمكان حكومي
مع انه نسبتي 75
بس يلست ارتاح بالبيت سنه وعقب قالوا لي الاحقيه للجدد
المهم قلت اوكل امري لله واسجل بجامعه خاصه وانا ضعيفه وايد
بالانجليزي ومالي خاطر اتعلم هاللغه واضيع سنين فوق مب هي ضايعه
قلت بدرس قانون لانه عربي ولاني حبيته وحسيت انه من ميولي
لاني احب سوالف القانون والدراسه فيه ودش خاطري
المشكله اني من بوظبي وماعندنا غير جامعه العين للعلوم والتكنولوجيا
وكنت من الفصل الاول وانا ابغي ادرس وحاولت بس كان مخلص التسجيل
قلت الهم ابغي بالفصل الثاني اسجل قالوا لي اخر شهر 12
وانا اعتمدت على كلامهم وعطيتهم رقمي واسمي بس ياليت قالوا لي
المهم دقيت الهم من اسبوع الاستعلامات مايردون عليه وعقب موت ردوا
يوم الخميس لاني كنت بتأكد وبسألهم متى التسجيل للفصل الثاني
قالت لي انه على حظي غيروا القرار وانه بدأ التسجيل من اسبوعين وانه خلص
وماشيء مكان لتخصص القانون انا مت قهر كفايه يالسه بالبيت سنتين ضايعه عليه
واللحين بعد بيضيعون علي كورس والله خاطري ادرس هالكورس مليت من الفراغ
والبيت احس بنفجر وعادي تيني جلطه من الضيق
قلت ليش ماقلتوا لي قالت ليش مادقيتي قلت حرقت تلفونكم بس انتوا ماتردون
قالت خلاص الكمبيوتر مايدخل اسامي وامتلىء بالبنات
ابغي اسأل في امل اني ادرس يعني لو وحده توقف هالكورس ويحطون اسمي بدالها
يعني اروح عندهم واحاول هالاسبوع انا قلت بروح
بس خايفه مايوافقون واحس ببتيني كآآآبه ابغي ادرس وانشغل وماتم فاضيه
المهم في جامعه خاصه في بوظبي تدرس القانون بالعربي غير جامعه العين
لانه اهلي مابيخلوني اروح مثلا الشارقه وادرس هناك لازم ببوظبي
وابغي حل شو اسوي عشان ادرس قانون هالفصل واي بنت بجامعه العين
تقولي شوسويت وكيف قدرت تسجل هالكورس او لو بتوقف تخليني مكانها
وجامعه العين للعلوم بفرع العين خلص التسجيل للكورس الثاني ولابعده لانه الي ببوظبي خلص ؟؟؟
والي مسجله وبتأجل دراستها على السنه الياايه تقولي عشان ايي مكانها
لاني مليت واحس انه عمري يمشي وانا يالسه شوالحل برايكم ؟
المشاركة الأصلية كتبت بواسطة ومضه 
