الوفية ,, انا احس ان المشاركة فيها دافع كبيييييير للرشاقة ,, انا وريلي واختي كل يوم نقول باجر باجر .. طبعا انا اقلهم وزنا اختي وزنها في التسعين وريلي بعد وزنه في التسعين بس تدرين الريال ما يبين عليه خاصة انه طويل تبارك الرحمن 184 يعني مول موب مبين عليه
المهم انا بديت من 3 ايام وهم من دروا بي لحقوني على طول ,, ريلي بدا نفس اليوم ويايه واختي ثاني يوم ,, اليوم هو اليوم الرابع بس عندنا تارجت وكل واحد مننا مخطط
ريلي واختي طموحهم يوصلون 75 على اعتبار هم في التسعينات
انا طموحي 55-58 لان وزني يوم بديت 71
طبعا انا ما انصحج بالفايتوشيب مع اني كنت استعمله العام الماضي ومع ان عندي علبتين منه موب مفتوحات للحين بس الصراحة كرهت استعمله ,, دوخة ولوعة جبد وما اييني رقاد لأنه يسبب ارق
وطلبت حبوب سيبتورم من البنت والحمد لله انها ما طرشتها لي
اصلا خلاص استحتالة اعتمد على حبوب
شو رايج نتشارك انا وانتي في الريجيم مع بعض وتكتبين يومياتج ويايه ؟؟؟ ردي علي
ريجيمي معتمد على قطع النشويات في اول اسبوعين بشكل كامل وبعدين ادخالها تدريجيا في الاكل
ممنوع الحلاوة والجوكليت ابدا ابدا ويوم يكون في خاطري اخذ تمر
ممنوع السكر في الشاي ,, وانا اشرب شاي اخضر واضيف له نص قفشة سكر الريجيم ,,
القهوة اشرب قهوة الدار الللي هي قهوتنا العربية
ووايد آكل سلطات ,, يعني غداي سلطة ,, مرة فتوش بدون خبز ومرة سلطة عربية بالجبن واليوم اخذت سلطة الكاسدياز مال تشيليز مع الدجاج
طبعا البروتين موب ممنوع بس بكميات خفيفة ,, الحين ابا استمر ع الالياف لين ما يتنظف جسمي من السموم وعقب برجع للاكل تدريجيا ,, بس اشوف الخمسينات بعيني ,, يا رب اشوفهن