الوسم: اللمبي

.

السّلام عليكم ،

حبايبي انا الدورة نادراً ماتنزل عليه عادي تمر شهور وشهور ولاتنزل معنه قبل كانت عادي ،

بس الحينه من 3 سنوات تقريبا مب منتظمة بالمرة ،

والحال مستمرة ،

ومع العلم اني اسير افحص وجي لكن يوم يكشفون عليه مايحصلون شي يكون السبب لاسمح الله
اللهم يوصفولي فيتامينات حديد ومن هالقبيل

بس الحين انا خايفة هالشي ياثر علي بالمستقبل لما اتزوج -بعدني مب معرسة-

يعني فكرة اني ماراح اقدر اييب عيال -الله لاقال- بسبب عدم انتظام الدورة؟

<< من الحين احاتي عيالي

وابا منكم نصايح ولو تعرفون اكلات او وصفات طبيعية او عشبية مجربة تنظمها

بكون شاكرة لكم

وعليكم السلام ورحمة الله وبركاته

عااادي أختي .. لا تحاتين دام إن الدكاترة طمنوج
أعرف وحدة ما يتها الدورة إلا قبل لا تعرس بكم شهر ..
والحمدلله الله سبحانه وتعالى رزقها

أنت بس لا تحاتين وأكثري من الاستغفار والدعاء إن الله يرزقج الزوج الصالح والذرية الطيبة الصالحة

والله يوفقج .. وايسر أمورج

مشكورة اختي الله يطمن قلبج

up up

أختي الله يشفيج

وان شاء الله تنتظم دورتج

يمكن مشكلتج في الدم يعني نقص أو شي

بس من المفروض تعرفين السبب الرئيسي تكيسات لا سمح الله أو غيره

لأن لابد تنتظم الدورة

وما أنصحج بخلطات منا والدرب

بس خذي العسل وايد زين بشكل يومي على الريج هذا مفيد

أما خلطات وجذي ما أنصحج وخذي سمسم بشكل يومي ملعقة في اليوم

ان شاء الله بتنتظم بس في حالة راجعتي وعرفتي المشكلة لابد تعالجينها ما تهملين عمرج

لأن نزول الدورة ضروري لأن احنا ما ندرك المشاكل الثانية الي ممكن تتسبب في عدم نزولها

أحياناً الرحم ما ينمو بالشكل الطبيعي ولا وظايفه وهاي لحالة مشكلة

فـ من الأفضل تراجعين

انا بعد كنت نفس الشي سرت المستشفى و عطوني دفيستون و جلوكوفاج و قالولي عندج تكيس عشان جي اخذ الدفستون عشره ايام مرتين في اليوم وبعده بيومين او ثلاث تنزل الدوره و جلوكوفاج بشكل يومي ثلاث مرات عشان تنشط المبايض و هذا حالي من سنه و بدون الدفستون الدوره ماتنزل مادري ليش

الله يشفيج يارب ،، ويرزقج الذريه الصالحه المعافاه

السلام عليكن ورحمة الله
حريم من اسمي انا مطلقة لي 6 سنين من طلاقي تييني اوقات شوي و بتجنن من ال………. عن جد والله ما ارقد في الليل من التعب ومن الحاجة لذاك الشيء والله يا خواتي ما قصدي اني اتكلم عن شيء عيب والله العظيم من التعب حطيت الموضوع و والله العظيم اني ابكي وانا اكتبه لاني منهارة
الحين افكر اسوي عملية استئصال الجهاز كله عسب ما احس بشيء ارتاح لاني مطلقة وثلاثينية ومن بيطل في ويهي و فعلا ايون خطاب وراحوا لدرجة ربيعاتي يقولون انتي فيج شيء بسبب انه عندي عيال
سؤالي وين ممكن اسوي العملية في اي دولة وسؤال موجوده في الامارات ولو فيه وين
ارجوكم لا تحذفون موضوعي وخذوه بجدية

أختي الله يكون في عونج ويصبرج ولج الأجر على صبرج
بخصوص العمليه اللي تطرينها طبعا هالشي مافي منه في الدولة
يمكن تايلند مشهورة بهالسوالف والله اعلم لكن تأكدي هالشي اللي تبين تسوينه مب الحل بل بالعكس يمكن يضرج وساعتها بتندمين
الحل اللجوء لله سبحانه وتعالى قوي ايمانج وصلتج بربج ودينج
يوم تبين هالشي قومي توضي وافتحي القران وصلي ركعتين او صلي الوتر وادعي
وادعي وكثري من الاستغفار خلي لسانج يتعود على الذكر استغفري لين ماترقدين

ويارب يارب يارب الله يفرج همج وضيقتج
نصيحه
لا تسمحين للشيطان يوسوسلج لانج انتي في ضيقه ممكن تضعفين وتكونين ضحية ابليس والعياذ بالله
توكلي على ربج
وخلي ايمانج بالله قوي

ما عرف شو اقول لك غير الصبر والصيام والصلاة والدعاء والله يفرج عنك
اتنازلي عن اي شروط واتزوجي

أختي شي طبيعي تحسين هلشي بعدك شابة ومثل ماقالت الأخت ام زايد يمكن تندمين ما حد يعلم الغيب غير الله ممكن في يوم وليلة الله يرزقك بإبن الحلال ..صديقتي تطلقت عمرها ٢٧ سنة وكانت معقدة من الرجال وعندها أولاد رفضت الزواج فترة تريد تربي أولادها وعانت من ضغط الأهل وتدخل إخوانها بحياتها صبرت الله رزقها زوج صالح عقبال عندك يارب ماشاء الله تقول مسح لي حزن قلبي وهي سعيدة جدا ..
لاتقنطي من رحمة الله أختي وطلعي مع صديقات واشغلي نفسك بالعبادة والاولاد والمشاوير ..
اعملي بحث بالنت ترى في انواع اكل تزيد من الوضع سوي حمية ورياضة وتوكلي على الله

عليج بالصيام والصلاة وعلى فكرة هالعملية ماتغير من الرغبة اختي بتم موجوده وبعد اخذي شور بماي بارد وشغلي عمرج وتفكيرج

وعليكم السلام والرحمة

لا عملية ولابطبخ… تعترضين على خلقة الله والفطرة اللي اودعها فيج ؟؟؟؟

تخيلي عاد لو سويتي العملية وعقب تقدم لج خطيب وسامة واصل ودين واخلاق ومال؟؟!!! شو بيكون حالج وقتها؟؟!!! ( بتصيرين عبرة للي يعترض على قدرة الله)

اختي حبيبتي اني انثى وبعدج صغيرة

مطلقات امهات عيال عرسن في الاربعين (ثنتين من الاهل) وحدة منهن مزوجة عيالها الكبار!! وخذت واحد قد عيالها ويابت بعد منه عيال منهم توأم بعد ماشاء الله

دعاء واحد مسكي عليه وايد بيريحج وخاصة كل ماحسيتي برغبة

" اللهم اغنني بحلالك عن حرامك وبفضلك عمّن سواك "

" اللهم اغنني بحلالك عن حرامك وبفضلك عمّن سواك "

" اللهم اغنني بحلالك عن حرامك وبفضلك عمّن سواك "

كل واحد ونيته انا بسويه لوجه الله ونزلت الموضوع ابى اجر من رب العالمين
اشجع ع كفالة اليتيم ولي اجر فالاخره واسمحولي …

سبحان الله ،،
الله يجزيهم خير يارب ويباركلهم في رزقهم
تسلمين فديتج عالنصحيه ،،
والله يوفقج ويسهل امورج يارب ،،

سبحان الله ويزاج الله الف خير

سبحاان الله
يزاج الله كل خير

الله يعينا على فعل الخير بكل انواعه ياااارب

^^
هذا الشي افكر أسويها يوم أتوظف
لأنهم مسؤولين منا نحن
لأن رسول وصانا فيهم
ونحن عايلتهم ^^
أنا خاطري ازورهم
شكلي بقنع ربيعاتي ونروح نزورهم ^^ ونلعب وياهم هههه
حتى ساعات أحن ع أمي اقولها هاتي واحد بيتنا تقول ما يستوي
هذا يسمونه رزق وحظ ^^
كل واحد يحصل ع قد نيته

هي بصراحة فكرة حلوة وشيء طيب انه الوحدة تكفل يتيم ويصير ولدها ودي أزورهم بس للأسف ما اعرف مراكز للأيتام في العين الي تعرف تخبرني وأكون شاكرة لها

السلام عليكم
انا متابعه قديمه للمنتدى ..
بس ما احب اشارك وايد ..
الي خلاني افتح موضوع واكتـــب ..
ابغي افضفض عن معاناتي مع نفسي اولا واخيرا …
بكمل 27 سنه طبعا بدون زواج اشتغل الحمدلله في مكان حريم …
انا انسانه حساسه وعاطفيه وهذا الشي من وانا صغيره ممكن اتحكم بنفسي من ناحية الاحساس لكن بالنسبه للعاطفه ما اقدر …خاصه اني خياله واعيش نفسي في عالم الاحلام وهذا الشي الي متعبني …
وانا مراهقه ما كنت اعرف شي انا لين الثانويه العامه كنت اشوف نفسي طفله البنات في عمر 18 سنه يتزوجن وانا كنت اخاف من شي اسمه زواج ..ولا جربت احب شخص لكن ما انكر انه انعجب في شخص من ناحية اخلاقه وشخصيته …كان عمري 15 سنه يوم صدفه سافرنا عائلتين مع بعض وانعجبت في ولدهم كان اكبر عني بسنتين ويتيم الاب ..ما ابا اذكر مواصفاته والاسباب الي خلتني انعجب فيه هذا شي طبيعي في البشر ناس ترتاح لهم وناس لا ..المهم بالنسبه لي كانت اول مره احس انه ممكن احب شخص ..تمنيته ما اقول لا ..وكنت اقول لو تقدم لي بعد كم سنه هذا الشخص وشخص ثاني من القرايبه (كنت حاسه انه بيخطبني هذا القريب لانه السالفه من الصغر فلانه لفلان ) كنت اقول بوافق ع ذاك ولا بوافق على القريب ..الدنيا كتبت لنا ما نلتقي ..اكثر من 10 سنوات ..واسمع اخباره من بعيد ..يوم يمرض ويوم يسافر …وما انكر اني تغيرت وايد ومشاعري بعد ..القريب خطبني وتعلقت سنتين اترياه وصارت مشاكل عائليه وماصار نصيب وعرس ..تعبت نفسيا لاني برمجت عقلي وقلبي ع ساس انه قريبي خلاص ممكن يكون زوجي ..لكن ماصار شي وتعبت نفسيا لين نسيته والحمدلله ..قلت خيره يمكن الله بيجمعني مع هذاك الشخص لاني انخطبت بعدين كذا مره ( رمسه بس وترشيح ) قلت يمكن الله رايد لي اصبر خاصه انه ولد الناس مسافر يكمل دراسته ..السنه الي توظفت انا فيها بدا يدرس قلت في نفسي خيره …فعلا من توظفت محد خطبني …ع فكره ماكنت اترياه لاني كذا مره يرمسون عني يبون يخطبوني بس مايستوي نصيب مع عشانه هو او اني اترياااااه لا والله ..
امس بس سمعت خبر نزل عليه مثل الماي البارد وقتها انا الي ويهي يبين عليه مابين عليه شي ..
فلان خطبو له ..!! فلان الي كنت ادعي من زمان انه ربي يجمعني معاه بالحلال ..وفلان الي كل ما كنت اسمع عنه شي مب زين استوى له اتضايق وقلبي يقبضني ..كل الي سويته اني رحت وقفلت ع نفسي وصحت ع حظي …مب اول مره انصدم عاطفيا ..سبحان الله ربي له حكمه بكل شي …
الي تقول كل شي قسمه ونصيب …
ونعم بالله محد يقدر يعترض وانا واثقه بأنه خير لي خاصه انه في اماره ثانيه بعيده وانا تعودت ع دبي وشغلي وهلي وعالمي ..
ما ادري تواسوني او تسكتون عني او تدعون لي ..ما اعتبرها مصيبه …اعتبرها حلم طويل وقمت منه …
وقررت في داخلي قبل لا اسمع هذا الخبر ..اني اعيش بدايه يديده مع الله صح انا كنت لكن اللحين ماابا اتعب نفسي واظلمها ابا اعيش بكرامه ماابا اعلق قلبي بإنسان …
وابا اعيش بدايه يديده مع دوامي وبيتنا واهلي وهواياتي ابا اطلع وادرس قرآن واسوي شي يديد في حياه ولا اقعد افكر في الزواج ..كنت مرتاحه قبل واايد كنت افضفض واشكي لربي كل يوم وابا منكم بس تدعون لي ربي يهديني وايسر لي كل عمل صالح ..
والسموحه ..

الله يهديج وييسر امورج يارب

حببتي مثل ما قلتي الدنيا قسمة ونصيب حاولي دائما تذكري نفسك انه ما ازعل ولا اشيل بخاطري هالانسان مب من نصيبي يمكن ما يكون فيه الخير لك ان ربي صرفه

والا ما بيجيك نصيبك اكثري من الاستغفار واشغلي نفسك وطوري من نفسك استغلي فرصه انك عازبه للحين

والله احنا المتزوجات نتمى لو يرد الزمان للوراء كان سوينا مئة شغله الاطفال والزواج كل ملحقة عليه اهتمي بنفسك والا ما يجيك يوم وتدخلين عالم الحياه الزوجية ^_^

ربي يسهل امرك ويكتب لك كل خير

اختي الدنيا نصيب وكل واحد مكتوب رزقه وهو في بطن امه و 27 سنة بعدج صغيرة مب وايد كبيرة وفي هالزمن نظرة الناس لغير متزوجة مو مثل اول
كنت مثلج معجبة بشخص من العائلة عشان اخلاقه وابدا مالمحت او خبرت حد كنت في صلاتي ادعي لو فيه خير لي ربي يرزقني اياه زوج، ومرت الايام وخطبني شخص ثاني، وانا مخطوبة الشخص اللي كنت معجبة فيه يسأل عني هل لو خطبني بوافق عليه ولا لا
جان يخبرونه اني انخطبت خلاص، وقتها عرفت ان محد بياخذ الا نصيبه والحمدلله زوجي مرتاحة معاه ومن المواصفات اللي تعيبني في الرياييل بشكل عام

لا تفكرين ولا تحاتين اذا ربج سخر للطير رزقه مابينساج

بعدج صغيرة حبيبتي ولازم تعرفين انه كلشي فهالدنيا قسمة ونصيب وإرادة رب العالمين فوق كلشي…

حاولي انج تغيرين من روتين حياتج سوي اي شي تحبينه وصدقيني نفسيتج وايد بتتغير ..

ربي يحفظج ….

‎موفقه ان شاء الله

" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "

من توكل على الله فهو حسبه …

وكلي أمرج لله وكوني واثقه انه سبحانه بيختارلج الأفضل ف حياتج ..

ربي يوفقج ويعوضج عوض خير …

السلام عليكم ورحمة الله وبركاته ،،،
انا مطلقة مرتين وصار لي 3 سنوات مطلقة وبدون اطفال ونفسيتي تعبت واااايد في الفترة الاخيرة حتى ان الدورة بدأت تتأخر ويمكن تنقطع قبل لااتزوج وايب عيال وصل عمري 43 سنة واللي متقدملي عمره 63 سنة ومتزوج وعنده عيال كبار بس ما يبغي يخبر زوجته الاولى بالزواج وانا متردده وايد اخاف ارفضه وتروح الفرصة الاخيرة وفي نفس الوقت اشوف نفسي صغيره على هالزوج انا شكلي اصغر من سني وحلوة بشهادة الناس وجامعية وموظفة وعندي راتبي بس اريد استقر ابا زوج واطفال ماعرف افكر اخاف يتزوجني فترة واهله وزوجته يعرفون عقب يطلقني مثل طليقي السابق ماريد اكرر نفس التجربة انا نفسيتي وايد تعبت من زواجي السابق كان ريلي ماخذني بدون علم زوجته واول ماعرفت تعبت وتمارضت وطلقني عشانها لاني ماعندي عيال وهي رابطنه بالعيال الحين يعني العيال هم اللي يربطون الريال .
ماعرف شو اسوي هو قال بيفتح لي بيت وبيصرف لانه مركزه مرموق بس انا مب قاصرتني فلوس انا ابا زوج حنون وطيب وما يتخلى عني في اسوأ الظروف .
ارجوكم شورور علي شو اسوي اوافق عليه والا ارفضة وانتظر نصيبي ماعرف اذا بي والا خلاص راحت علي

والله ما عرف شو اقولج حبوبة بس لو يخبر زوجته من بداية احسن عسب بعدين ما يستوي مشاكل ومن ناحية العمر احس عادي ما فيها شيء بس انتي صلي استخارة وفكري عدل

صـلي استخاره فديت روحج واللي فيه خير ربج بيكتبه

صليت استخارة كم مرة بس ماعرف شو اسوي محتارة وااايد .

كنت اتمنى ايني واحد ارمل او مطلق وعنده عيال وعمره قريب من عمري ونتزوج ونعلن زواجنا ومستعده اربي عياله لاني احب العيال واايد ، هل ياترى اذا رفضته بيني احد ثاني والا خلاص بيقولون كبيرة وما تنفع شورو علي .

دامج مصلية استخارة ومترددة ارفضيه احسن لان محد بيعاني كثرج لان لو خذيته بتستوي مشاكل كبيرة لو زوجته دريت وعياله اكيد ما بيسكتون خليج جيه احسن شو دراج يمكن نصيبج بي مرة ثانية لا تستعيلين ع رزقج ولا تحاتين كل شيء مكتوب عند ربج

حبايبي انا تاريخ 21 12 كانت اخر دورة ومن ثاني يوم اخذيت كلوميد وحبيبة ما شرفت حتى اليوم وانا حللت في البيت يوم السبت طلع سالب وقبل الشهر الماضي ماخذة اب منشطة فوق 25 ابرة وتاخرت اربع ايام وان اخذ دواء الغدة تقريبا من 4 اشهر وان اعرف انة الكلوميد منظم لاني في كل مرة تتاخر 3 ايام

للرفع

وينكم

طبيعي يستوي تاخير كم يوم بدون حمل الدكتوره قالت لي مره لين 10 ايام التاخير طبيعي ويا الكلوميد

ان شاء الله نسمع اخبار ع هالشهررر… كل المحرومات الله يرزقهم … والله يرزقني قولوا آمين

للرفع

نصائح مهمه
نصائح للمطلقات والارامل والمتاخرات فى الزواج

السلام عليكم ورحمة الله وبركاته

الوصية الاولى

" لا تجعلي همومك سببا في فقد انوثتك ورقتك "

واجعلي كل يوم جديد مختلفا عن يوم امس يوم امس ذهب بما فيه وما يحويه فلماذا تحملين معك ذكرياته الى اليوم؟

اليوم يوم جديد ويحتاج الى تفاؤل جديد السنا نقول في صباح كل يوم بعد صلاة الفجر

" اللهم انا نسالك خير هذا اليوم فتحه ونصره وبركته وهدايته " تاملي الحديث اليس فيه تفاؤل . بلى.

فاحرصن عليه وفيه خير عظيم ولا تراكمن الهموم بعضها فوق بعض فتحزن وتهلكن اوليس الرسول

صلى الله عليه وسلم كان يسيتعيذ بالله من الهم والحز الم ينقل عنه صلى الله عليه وسلم

انه كان يقول " اللهم اني اعوذ بك من الهم والحزن والعجز والكسل"؟

ان الحزن يجعل الوجه شاحبا والحديث ليس واثقا بل مرتبكا ويجر الى العجز والكسل فكيف بانثى فيها تلك الصفات؟

عليك الا تنسي ان جمالك في انوثتك ورقتك فاطردي اسباب فنائها وتتبعي اسباب بقائها.

الوصية الثانية

" ليس بيسير ان تغيري العسير "

ليس بيسير ان تغيري قناعات اب متشدد وام متشرط فعليك بالصبر والمحاولة واللين وان طال معه الزمن

لكن النتيجة حتما مرضية الا ترين ان قطرات الماء الضعيفة تحتاج الى شهور كي تقصم حجرا نصفين؟

وهل قلوب ابائنا احجار ثقيلة صماء ام انها قلوب من لحم ودم جعل الله فيها الرحمة بل الثانية .

لو كان بدل القطرات سيل عارم ما فلق الحجر وكذلك قولك وخطابك لوالديك لا يجب ان يكون قاسيا عارما،

واجعليه لينا طيبا مقنعا كي يكسب القلوب ويقنع العقول

الوصية الثالثة

"اؤطري نفسك على الحق اطرا "

ان كنت مخطئة في بعض قناعاتك فاجعلي الحكم بينك وبين قناعاتك " كلام الله عز وجل وسنة نبيه عليه الصلاة والسلام"

فالاعتراف بالحق فضيلة وغنيمة والبعد عنه والمراوغة نقمة وذميمة فلا يغلبنك الشيطان بهواك.

وفقكن الله واسعدكن جميعا
واخيرا ربي ارزق اخي الزوجة الصالحة .. وكل من قال امين ….

شكرا ع النصايح ام راشد يزاج الله خير

الله يبارك فيج وشكرا لمرورج ..

جزاك الله خيرا أختنا العزيزة أم راشد

شكرا عزيزتي… جميييل

شكرا لج اختي

وعليكم السلام و الرحمة

ازيد وصيتين على وصاياج أم راشد

الالحاح في الدعاء " اللهم اغنني بحلالك عن حرامك و بفضلك عمن سواك"

قراءة سورة البقرة و يس يومياً و الله ييسر أمور كل وحدة تبا الستر و الزواج بإذن الله

السلام عليكم
شخباركم؟
بنات انا قبل سنه تقريبا حطيت لولب يعني شهر 1 سنه 2024
والحمد لله ما اشتكيت من اي شي
وشهر 12 نزلت علي الدورة تاريخ 25/12/2017
والحين نوصل للمشكله
شهر واحد ما شرفت الحبيبه
نزلت تاريخ 2/2/2017
وتاريخ 4/2/ 2024 يعني ثالث يوم من الدورة نزل علي شي غليض يعني ما اعرف كيف اوصفه هو قطعة لحمة ولا دم مجمد ما اعرف شو اقولكم
انا خفت اكون حامل وعقيت
المهم تميت زايغه بس في نفس الوقت ما احب اسير المستشفى وانا فيني الدورة قلت بترياها تخلص وبسير
الحبيبه لين يومكم هذا ما خلصت يعني نحن اليوم تاريخ 17/02/2017
البارحه سرت المستشفى وشليت اللولب من الزياااغ
وقلتلها الموضوع قالت لازم تحليل دم
سوولي تحليل دم وقالت بنرد عليج باجر الصبح
وتوني مبنده عن الدكتورة قالتلي طلع سالب يعني ما في حمل بس بنسبة قليله لازم اتين مرة ثانيه عشان نتأكد زياده
قالت يمكن عشان انتي مركبه لولب يصير حمل خارج الرحم تعالي عشان نتأكد من هالشي
ما اعرف بنات حسيت انهم بس يبون فلوس يعني هي قالتلي اذا طلع سالب خلاص انسي الموضوع واذا طلع موجب لازم اتين عشان نعطيج علاج
يعني معقوله تحليل الدم ما طلع واضح وانا اللي اعرفه ان الدم اوضح من البول
ما اعرف بشوووووووووو تنصحووووني بنات
انا اللي فهمته من كلام الدكتورة ان هي متأكده ان الرحم فاضي ما في شي
بس تقول يمكن صاير حمل خارج الرحم
اسير عندها واسوي تحليل مرة ثانيه ولا اسير عياده ثانيه؟؟؟؟؟؟؟؟؟
ولا انسى الموضوع مدام انها قالتلي طلع سالب؟؟؟؟؟؟؟؟

اختي غيري عن المستشفى و روحي عند عيادة خاصه و موثوق فيها عشان اجيّك لج احسن …

لاتعتمدين ع دكتورة وحده دوريلج دكتورة شاطرة وسيرلها لاتهملين عمرج

^^

سيري عند دكتوره ثانيه ..
و ان شاء الله ما فيج الا العافيه ..

مكشوووووووورين حبيباتي والله يريحكم دنيا وآخرة
بس الدكتورة اللي سرتلها يمدحونها وهي في مستشفى خاص
والله وايد افكر
نفسي منسده عن كل شي
باخذ برايكم وبسير عند دكتورة ثانيه

اعتقد انو اذا حمل وبعد كل ها المده من نزوله ما راح يبين بتحليل الدم هو راح خلاص
حبيبتى سيرى دكتوره شاطره وواثقه فيها
الله ييسر دربك

لا اله الا انت سبحانك اني كنت من الظالمين

والله ما يخصه ..
ياختي حتى لو كلامج واسلوبج واخلاقج ذهب والكل يشهد عليج بس سبحان انا اتكلم عن وضعي محد من هذيل الي مدحوني رشحوني لشخص ومره صارت واكتشفت انه الريال معرس وعنده عيال ومن بعدها انا فاقده امل انه في الحريم .، املي بالله والحمدلله

وعن الدين ..
منوه اللحين ادور حق اخوها او ولد عمها او خالها او اي شخص يقرب لها عن وحده عندها الدين اول شي يفكرون فيه شكلها .، جسمها ،،، طولها خلونا نكون واقعييين كلهم يسالون عن هل الامور ومحد يسال اذا البنت زينه وتصلي وبعد العرس يطلع كل شي تنصدمين بالاخلاق ..
واعرف بنات عرسن بدون اخلاق ماكملو شهرين وانفصلو ومشاكل في المحاكم وبنات متحملات مسؤليه عايلتها واهلها واخواتها واخوانها بس مالها نصيب

صحيح

الحين اكثر همهم المظاهر ، ما يفكرون فأخلاق البنت

والله اغلبنا جميلات و نعرف نكشخ و نلبس لكن كشختنا تكون بوسط بنات الاهل و الصديقات

مب نطلعها لكل من هب و دب فالاسواق و المولات وووالخ

و الزواج عموماَ نصيب ، و اذا الله كتب لها نصيبها محد بيمنعه

وعليكم السلام
ميانة بوظبي كلامج جميل الوحدة تحسن معاملتها مع الكل مب بس عشان تتزوج.. هذا دينها
رب العالمين قال إنك على خلق عظيم يقصد به الرسول عليه الصلاة والسلام
وايد من اهلي يبون يعرسون صح الجمال مهم بس الوسط او تكون مقبولة
مستحيل ادور امهات كشش والكراع برع العباة تراوي السترتش مالها حق الخلق
يبون وحدة هادية مب راعية مشاكل تكون زوجة صالحة
وبالنسبة للمكياج والتعديل يكون لزوجها وبين الحريم مب حق الرياييل
وبالنسبة اذا الريال متزوج مايعيبه
ليش كثير من المغربيات والسوريات يتزوجن المتزوج لانهن يبن الستر ويستقرن وتكون عندهن اسرة ويهتمن في الزوج " وأنا ماتكلم عن المتعمدات انهن يتزوجن حق الجنسية "
الصراحة اللي معترضة على الزواج من ريال صالح ومتزوج تكون معترضة على حكم رب السماوات والارض
عادي الوحدة تتزوج متزوج ويكون إلها سكنها الخاص وحياتها تعيشها طبيعي مب لازم تسكنين مع العديلة او تروحين لها او تستقبلينها او حتى تشوفينها من الأساس
والله يرزق كل بنت وحرمة صالحة بالزوج الصالح

عزيزتي رفض البنات للمتزوج مب معناته انه هي معترضه ع حكم الله لا فديتج من الي نشوفه ونسمعه في حقوق تضيع ..

هلا الغاليات
أنا موعد دورتي كان المفروض 6_2 بس أتأخرت عني
وانا معرسة فبداية السنه وسويت فحص الحمل المنزلي قبل موعد الدورة ونفس يوم االدورة بس ظهرلي سالب…..
ومن بعدها ما جيكت..وعزكن الله عندي افرازات بيضا بزيااادة والم فبطني شرات الم الدورة من بعد ما طاف موعدها بس مب مستمر.واحيانا كلما آكل شي أحس بلوعة بس بسيييييييييطة..
ممممممممم وشو بعد ..
هيه صح تذكرت.وساعات تكون عندي نغزات صوب المبيض اليمين وويع بالظهر
هل ممكن يكون حمل ولا لا…؟
ترا بو الشباب حاشرني ..كل يوم يقولي أبا داداه

ان شالله حامل انا مستوية لي شرات اعراضج بس باقي ع دورتي يومين يارب ماجوف رقعت ويهها

ان شاالله تكونيين حامل وتفرحين ريلج…

بعدج عروس ما شاء الله

ان شاء الله ربي يحقق اللي فبالج و يرزقج الذرية الصاالحهـ

ان شاالله تكونيين حامل وتفرحين ريلج…

يااااااااااااااااااااااارب حامل