الوسم: الليـسن

مرحبـآني بنـآت . . شحآلكن . . ؟

كل عام و انتن بخيـر مقدمـآ و يآ عسآه ينعـآد علينـآ و عليكن

حبيبـآتي . . اليوم كـآن عنديه ترآي ( بآركنج و ريوس )

أول مره . . و قآلولي أول شي لآزم أعدي الباركنج عقب بكمل الريوسْ . .

للأسف دعمت الرصيف و مآ نجحت !

وآيد مضآيقة فوق مآ تتصورن لأنـي محتآيه الليسن في أسرع وقت مُمكن !

علمـآ بأني خذت 3 حصص ( لآ يذكرون ) عند وحدة بس همهآ البيزآت

و مآ علمتني عدل . .

آمـآيه قالت عـآدي لأني يُعتبر انا مآ تدربت عدل !

شو رآيكن . . ؟

شو تنصحني . . ؟

و منو عآنت شرآتيَ . . ؟

أحس و الله مُعاناه لأن المدربة اللي خذت عندها 3 حصص كرهتني في شي اسمه سوآقه

و كمآ اتوقعت . . رسبت !

محتـآيه حد يوآسيني و يقولي تجربته

اختي انزين جربي مدرسة ثانية انا استوى فيني اول ما بديت وكرهت السواقة

عقب تدربت عند وحدة وايد زينة

عادي اختي ترسبي إذا اول مره
لا تزعلين إن شاء الله تنجحين
إذا إلي تدربج ما تعلمج زين أنصج غيريها

إن شـآء الله بجرب مدرسة ثـآنيه و ببدأ بعد العيـد . .

و نجحتي . . ؟

=( لأني بسير الجـآمعة فـ مآعندي فرصة إلا الحينه عسب جي ضآيق صدري !

إن شـآء الله بتدرب عند غيرهـآ . .

الله يسمع منج !

ينقل للقسم المناسب

عادي حبيبتي لا تتضايقين واذا ما حصلتيه الحينه وانتي ف الجامعه تقدرين تحولين اوراقج عندهم وتكملين وياهم يعطونج حصص ف البريك وفالجامعه تحصلينه اسرع من المعهد نفسه ^^ ..

انا ما رسبت ف الباركنق عقب 10 حصص المدربه بروحها سجلت حق امتحان الباركنق وكانت اوكيه فـ نجحت الحمدلله وعقب 6 حصص قدمت ع امتحان التجريبي ورسبت اول مره الفلبينيه نجحت وحده من بلادها ولازم كانت ترسب وحده ،، ع فكره انا انصدمت ف نظامهم عندهم معيار للناجحين يعني عدد وقدره ف اليوم ينجحون بس والباقي يرسبونهم وها سمعته بنفسي من الموظفات ف المعهد اللي تدربت فيه خخخخ شكلهم ما كانوا منتبهين انه متدربين يالسين وياهم ،، قدمت عقب 4 حصص مره ثانيه ونجحت وعقب 10 حصص قدمت ع الاشارات ونجحت وعقب 10 حصص الفاينل ونجحت من اول تراي الحمدلله ^^ ..

فديتج عادي هم اكثر شي يرسبون فيه الفاينل من اللي شفته ف المعهد يعني مرات يكون ظلم للمتدرب ،، بس اذا ف البدايه .. يعني اغلب الغلط يكون من المتدرب لانه توه يديد ،، خاصه انج دعمتي الرصيف يعني لازم يرسبونج ع هالشي ما يستوي يتغاضون عن هالغلط ومن ناحيه التدريب احسن انج تغيرين المدربه وتخلينها اتدربج ع الباركنق مره ثانيه انا احيد مدربتي علمتني اني اعد وانا اغير من ريوس للدرايف هههه ف كنت اطبق اللي تقوله وانا ابركن الموتر .. امم نصيحتي لج ،، حاولي انج تركزين وانتي تسوقين ولا يكون همج بس انج تحصلين الليسن لانج الحينه لو ما تعلمتي صح ما بتتعلمين عقب خذي راحتج ف السواقه واي شي تتعلمينه حطيه ف بالج وطبقيه ولا تحاتين الجامعه لو ما خذتيه قبل الجامعه يوم بتسيرين الجامعه بتحصلين عندهم قسم السواقه ويعطونج حصص ف البريك وتحصلينه ف مده قصيره مثل ما قلت .. الله يوفقج

مآقدر أفيدج غلآتي ..
لأني مآفهم فأمور السوآقه ,, خآطري آخذ الليسن بس أخآآف خوف مب طبيعي من السيآآره

وانا سمعت نفس الشي بعد اذا طورتي ما سقتي بتنسين السواقه ..

اول شي مبروك
الحمد لله عسلامتكم
الغاليه عادي مايفرق حجم السياره
لو تاخذين سياره من البيت
بس تمشين فيها في الفريج تدربين عليها
والله يحفظج وديري بالج

اول شي غلايه ما يخصه لو ماسقتي فتره انج بتنسين بالعكس احس شي عادي دام انج تقولين انج متمكنه من السواقه

وماتفرق السياره الكبيره عن الصغيره لازم تعودين عمرج من الحين عالفورويل وسواقة الفورويل احس احلى واسهل من الصوالين

والنقاط السوده بيشلونها لج بعد سنه كامله من تاريخ الحادث الي سويته

والله يوفقج

مبرووووووووك ع اليسن

اممممممم ما ظني بس يمكن اولها اشويه تحسين بشويه صعوووبه وعقب الامور طيبه

انا ما اسوق دووم يعني في الشهر مره ولا مرتين وعاااااااااااااادي

لا تخافين خيتووووووو

شوفي عن تجربه السيايير الفورويل سواقتهم اسهل من الصالون
وانا جربت هالشي .. حتى اخوي كان يقولي هالرمسه
بس يمكن اهلج ماخذين فكره ان الفورويل سواقتها اصعب وما بتقدرين عليها شرات ما امي كانت تقول حق خواتي
بس انا كسرت القاعده هههه واسوق فورويل احسن بوااايد ع الصالون .. هاللي اشوفه طبعا ^^
واذا ع السواقه احس عادي انا اول فتره ماكنت اسوق وايد الا مره يمكن كل شهر وحتى مب مشاوير طويله وبعد سافرت وما نسيت السواقه
واذا ع النقاط عادي ما تاثر سنه وبيخوزونهم عنج

السواقه شي عادي

و ليش تنسين ..!!

طبعا ما راح تنسين ..

لا تخافين