خواتي العزيزات ….. بصراحه ترددت وايد في كتابة الموضوع لأنه شخصي بس قلت ان شاء الله انه في حد بتستفيد وبتتعلم من تجربتي …..
صار لي سنه من عرست ….. بعد زواجي بشهرين اكتشفت انه عندي اورام ليفيه … وهذي الاورام تصيب تقريبا 30٪ تقريبا من الحريم او حتى البنات في حد يحس بألمهن بس مب كل حد …. اللي يدل على وجودهن النزيف او غزارة الدوره …. قبل العرس ما كنت افتكر في ألم الدوره كنت اظن انه هذا ألم طبيعي بس كل مره يزيد النزيف عندي عن المره اللي تسبقها ( أي فترة الدوره ) بس بعد الزواج زاد الألم لدرجه اني ما عدت استحمل ….. بعد الكشف قالولي عندي 3 أورام وأحجامهن معقوله وانهم بيسولي منظار وما يحتاج الامر أكثر من جي …. بس في احتمال انهن يرجعن مره ثانيه … لانه الحمال يمنع ظهورهن ….. أهلي وأهل زوجي رفضوا اني اتعالج في البلاد … فسرت ألمانيا بعد التشخيص بشهرين …. تضاعف حجمهن وقالت لي الدكتور انها بتسويلي منظار وإذا ما نفع بسويلي جراحه في نفس الوقت … وافقنا على العمليه ….. خلال العمليه صار في خطأ وسببت لي الدكتور ثقب في الامعاء …. وصار لي ثقب ثاني …. وهلم جر في الاخطاء اللي تبعت أخطاء هذي المجرمه ….. تنقلت من مستشفى لآخر وكان مجموعهن 3 مستشفيات …. 9 عمليات جراحيه …. فتح البطن بالكامل ….. وقالت لي إذا حملتي لازم تربين بقيصريه …. في البدايه ما عرفت شو معنى هالكلام بس لما راجعت في بلادي قالت لي الدكتوره انه المجرمه ثقبت عندي الرحم …. 60 يوم وانا سطيحة الفراش …. ولا تنسون اني عروس ….. بس الحمدلله ريلي ما فارقني ولا يوم إلا اللهم يوم كنت في غرف الانعاش …. الله يجزيه خير ….. لما حاول اخويه يشتكي عليها في السفاره قالوله انها وقعت على عمرها ( أنا ) أوراق انه إذا صارلها شي هي تتحمل النتيجه …. في اي عمليه يسويها لانسان يوقع هالاوراق بس هذا مب معناته انه يستغل …… انا الحمدلله باديه اتشافى من اللي صارلي رغم انه مأثر فينا نفسيا انا وزوجي هالشي لكن الحمدلله على كل شي …..
المجرمه لين اليوم ما اعترفت بالخطاء رغم انه كل الدكاتره يقولون انه منها هذا الشي والغريب في الامر اني لما كنت في المستشفى هي حضرت للعين علشان تسوي عمليه حق وحده من البلاد …..
خواتي افحصوا على عمراكم واللي لا سمح الله تعرف عن وحده فيها هالشي قوليلها انه إذا حجم الورم كان اكبر عن 2سم خليها تسوي جراحه لانه اخطار المنظار كبيره وأغلب الدكاتره قالوا هالشي ….
السموحه على الاطاله …..
ورددي هذا الكلمات : بسم الله ارقيك من كل شيء يؤديك كم شر كل نفس او عين حاسد بسم الله ارقيك
ونشكر لج نصيحتج…
الحمدلله على سلامتج .. ماتشوفين الشر .. الله يفرحج ويرزقج الذرية الصالحة
مشكورة انج كتبتي تجربتج …
غنـــاتي
umsa3ed
مشكورات خواتي على المرور وجزاكن الله خير
المشاركة الأصلية كتبت بواسطة غـزولهـُ 
