الوسم: الليه

صدى الاصاله, الليه الكبيره للاعراس,,!!

السلام عليكم ورحمه الله وبركاته….

شحآآلــكم شخباااركم يااااحــــلويـــــ،ن..؟؟

بغيت اعرف حد سوى كوش في الليه الكبيره للاعراس
او صدى الاصاله…

وشو رايكم فيهن؟؟؟

واتمنى تردون علي او ترفعون الموضوع والي ماتعرف تدعيلي الله يسهل عرسي ويتمملي ع خير

هيه اختي انا حميتي سووت عند الليله الكبيره وانا بعد بسوي عندهم وقالت ان تعاملهم حلو ويوم يوعدوون مايخلفون

ويسوون كل اللي تطلبينه .. وع فكره كان عرس حميتي في دبي .. يعني ساروا الها لين دبي والله وتقولي تموا عندها

لين اساعه 6 الصبح عسب التصوير خخخخ .. يعني ع حسب كلامها انهم راقيين ف التعامل عسب جي انا ان شاءالله

بسوي عندهم .. ^^ وربي يتمم لج على خير

للرفع

خليجية

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّم آمين

فساااااتين

https://forum.uaewomen.net/showthread.php?t=431096

https://forum.uaewomen.net/showthread.php?t=501402

آب آب ..

حبوبة ممكن اعرف مكانهم وين في بوظبي ؟

وين مكانهم ها المحلين ؟؟؟ وياريت لو حد يعطينا معلومات اكثر عنهم

للرفع

انا ما انصحج بالليله الكبيره سويت عندهم وامحق ما سوولي تندمت والله
خذنا عندهم اكبر البوم فالمحل وكررولي الصور ونصهن مب معدلات فوتوشوب ومب بس جيه صوريه مع خواتي حطوهن ف سي دي وقالوا والله نسحبلج الصوره ب 25 تخيلي !!!!!! عيل لييش دفعنا 8650 على البوم فيه صور مب مرتبات ماااااااااال اول قوم مقص وجيه وكمن صوره مكبرينها فالالبوم وفيديو سي دي !!!!!!!!!!
يلييت لوو بس جيه
يوم كنت عالكوشه فظووووحنا يوم يفرون عليا فلووس اين يتراكظن يلقطن المصريات احس الفلبينيات ارقى فالتصوير
شوو ها مووول مب شي والحركات الي قالتلي اسويهن ابدن مب شي مادري كيف صورت
والله لوو يردبي الزمن ب 500 ماباهم

الغاليه نصيحتي لج سوي شي بسييط جدا وانا انصحج بالاطلال
استديو راقي وحركات يديده وستايل
وبالتوفيق

الليه يسعدها ويرزقها اللي بتساعدني

السلام عليكم ورحمة الله وبركاته
شخباركم بنات ؟؟

حبايبي بغيت اسالكم واتمنى اتفيدوني ……

انا موقفه الحمل من 3 سنوات وعندي بنوته وحده فديتها …وقفت عسب لين بنتي تكبر ولين تستقر امورنا والحمدلله نحن حاليا مستقرين ولله الحمد…الحين افكر بالحمل وتقريب من 4 او 5 شهور وانا خلاص شاله الموانع كلها وقلت لكم طريقة المنع كانت منع طبييييييييييييييييييعي بدون حبوب وبدون اي شي الحمدلله تعالى…

الحين اللي ابغي اعرفه كل وحده تخبرني جم الفرق في اعمار عيالها يعني بين الاول والثاني جم سنه؟؟
وشو نوع الموانع اللي استخدمتوها؟؟

في حد مثلي منع 3 سنوات وطبيعي ؟؟؟ وجم شهر اترييتوا لين صار الحمل الثاني من بعد ازالة الموانع ؟؟
هل زرتوا دكتوره ؟؟
خذيتوا حبوب تنشيط وغيره؟؟
شزو الفحوصات اللي يسوونها للتاكد من سلامة كل شي ؟؟

اممممممم متى زرتوا الطبيب قبل الدوره ول بعدها ول في ايام الدوره عادي؟؟

اتمنى احد يجاوبني ولكم الاجر يالغاليات

آخر حمل لي كان من ست سنين يعني بنتي عندها خمس سنوات وللآن ما حملت ولا عمري منعت الحمل لكن هذا الحاصل الله المستعان ومافي أي سبب
الحمد لله علي كل حال

الله يرزقج بالذريه الصالحه.

الله يرزقني ويرزق كل بنت تتمنى الحمل باذن الله تعالى

الله يحقق لج كل إللي تتمنينه

يالغالية لاتخافي اقل شي بدك فترة ستة شهور بعد ترك الموانع لو كان المانع طبيعي ان شاء الله ربي يكرمك بذرية الصالحة

اختى اذا انتى تبين تحملين روحى للدكتورة نسائية تكشف عليج وتفحص هورمونات وغيره من الفحوصات الضرورية وتكتبلج فيتامينات وان شاء الله خير