الوسم: المجروح

راح ابتدي بموضوعي مباشرة الصراحة آنه انصدمت صدمه ما توقعتها يمكن كان الغلط فيني لأني وايد اثق في الناس وخصوصاً الجراب مني …
نبذة عن أبطال الصدمة:
زوجي + صديقتي (تشتغل معاه في العمل)

كنت مع صديقاتي رايحين رحلة إلى السعودية بالسيارة لمدة يوم وعلى فكرة آنه من البحرين يعني ساعة ولا ساعتين آنه في السعودية واحنا مع مجموعة في الباص فكانت صديقتي اللي اعتبرها مو بس أخت كل شي في حياتي كنت كلش عادية وفرحانه ورايحه اتسوق في البداية كنت جالسة يمها في الباص وعلى فكرة الباص كله حريم فوحنا على الجسر اسمع مسجات كثيرة تجيها وهي متزوجه فقلت يمكن زوجها اجوف لا المسجات اكثرت فمجرد فضول وسألتها من المتفرغ لج واطرش لج مسجات هاذي فسكتت وما قالت شي …. وطنشت الموضوع….. واحنا في الدرب يات عيني على التليفون واهي اتمسج له طلع اسم زوجي فقلت يمكن في بينها امور العمل …. فسكت وما توقعت وأجوف مره ثانية الأسم يعني رد عليها بس ما قريت شنو مضمون الكلام … فسكت بعد وماقلت شي لين اجوف اكثرت وجفت وايد اسم زوجي في تليفونها لين ما قريت المضمون وكانت الصدمة كبيرة علي مو قادرة اصدقها من قلب قريت من بين الكلام وكان وايد في كلمات بس هاي سبحان الله قريتها عدل (((وحشتيني))) ما صدقت ابداً مستحيل صديقتي وزوجي وعلى فكرة آنه يزعم ماخذه زوجي عقب علاقة حب دامة اكثر من سنتين …. المهم كنا نازلين مجمع وكان الوقت عقب عشرة بليل فقلت لها ابغي اروح أصلي لأني وايد تعبانه ونفسيتي اتعبت حزتها ورحت صليت ودعيت ربي من قلب لين صحت وما سكت وسألتني اشفيج اشصار مرة وحدة فقلت لها احس ان زوجي اخوني فنكرت وقالت معقولة لا لا لاتخلين الشيطان اقص عليج… وماقلت لها شي لين وصلت البحرين واخذني زوجي واحنا في السيارة جافني وايد مضايقة قالي اشفيج قلت له ما فيني شي لين صحت فقلت له ما ودك تقول لي شي او انك خاش عني شي قال لا ابداً ما في شي ….. احترت اشلون افتح الموضوع بس جبت له اسمها فقال اشفيها قلت له المسجات…….. سكت وماقال شي ….. جنه ماي بارد انصب عليه … والصراحة ما نكر بس قال احبها….. فقلت له اشلون تحبها واهي متزوجه وعندها اربع اطفال كيف كيف…. قال ما دري شي صار ….
بس والله العظيم لين الحين موقادرة اعيش ما ادري شنو اسوي كلمت البنت ونصحتها وهي كانت خايفة اني اخرب بيتها بس قلت لها لا دام ان بيتي ما اخترب وربي ستر ما احب اخرب بيت احد ثاني وانتي اللي سويتي موب شوي….
وكل هاي من بعدج عن رب العالمين…. فقلت لها ربي كريم عفو يحب العفو فكيف بني آدم ما يعفو… ووكلت أمري لرب العالمين…… والحمدالله على كل حال
بس اللحين آنه في خوف وقلق طول اليوم وأهو في العمل احاتي وايد وحياتي موب مستقرة مثل قبل ومو مرتاحه احس دوم خايفة وفي قلق انصحوني الله اخليكم
وناطره منكم الرد

صدق ماشي ذمة ولاضمير ..
الطرفين غلطانين … وزين انج واجهتيهم ..

والله يهديهم …

ثاني شي ألجأي الى رب العالمين … وادعي و صلي … والله يكون في عونج …

وهذيك هدديها اذا سوت هالشي مره ثانيه بتخبري ريلها

منقووووول….

$$….اسيــــرة الحـــــــــــب….$$

يكفي جـرحت آمالـي وسـرقت عقلي وبالـي

كلمات يصعب قولها أحياناً ولكنها دواااااء المجروح ..

سلمت على النقل الراائع

ودمتي لنا بود واحتراام..